Harika

మెగాస్టార్ చిరంజీవి కొడుకుగా సినిమా ఇండస్ట్రీలోకి అడుగు పెట్టి, ఇప్పుడు గ్లోబల్ స్టార్ స్థాయికి ఎదిగారు రామ్ చరణ్. రామ్ చరణ్ ప్రస్తుతం వరుస సినిమాలతో బిజీగా ఉన్నారు. ఇప్పుడు రామ్ చరణ్, శంకర్ దర్శకత్వంలో వస్తున్న గేమ్ ఛేంజర్ సినిమాలో నటిస్తున్నారు. కియారా అద్వానీ హీరోయిన్ గా ఈ సినిమాలో నటిస్తున్నారు. వీళ్ళిద్దరూ గతంలో వినయ విధాయ రామ సినిమాలో నటించారు. దిల్ రాజు ఈ సినిమాని నిర్మిస్తున్నారు. తమన్ ఈ సినిమాకి సంగీత దర్శకత్వం వహిస్తున్నారు. మార్చ్ లో రామ్ చరణ్ పుట్టినరోజు సందర్భంగా ఈ సినిమాలోని జరగండి పాట విడుదల చేశారు. ఈ పాటకి మంచి రెస్పాన్స్ వచ్చింది.

ప్రస్తుతం ఈ సినిమా షూటింగ్ జరుగుతోంది. ఈ సినిమా తర్వాత రామ్ చరణ్, బుచ్చి బాబు సానా దర్శకత్వంలో వస్తున్న సినిమాలో నటిస్తారు. అయితే, చిరంజీవి ఇటీవల పద్మవిభూషణ్ అవార్డు అందుకున్నారు. ఇందుకోసం చిరంజీవితో పాటు, కుటుంబం అంతా కూడా వెళ్లారు. రామ్ చరణ్, ఉపాసన కూడా వెళ్లారు. ఈ వీడియో సోషల్ మీడియాలో ప్రత్యక్షం అయ్యింది. ఇందులో రామ్ చరణ్ ఫోన్ వాల్ పేపర్ కూడా కనిపించింది. సాధారణంగా రామ్ చరణ్ ఫోన్ వాల్ పేపర్ అంటే, తన ఫోటో కానీ, ఉపాసన ఫోటో కానీ, కూతురి ఫోటో కానీ, లేదా తన తల్లిదండ్రుల ఫోటో కానీ ఉంటుంది అని అనుకుంటారు.

కానీ వీళ్ళందరూ ఫోటో కాకుండా రామ్ చరణ్ మరొక ఫోటోని తన వాల్ పేపర్ గా పెట్టుకున్నారు. రామ్ చరణ్ ఆంజనేయ స్వామి ఫోటోని తన ఫోన్ వాల్ పేపర్ గా పెట్టుకున్నారు. చిరంజీవి ఆంజనేయ స్వామి భక్తులు అనే సంగతి తెలిసిందే. రామ్ చరణ్ కూడా ఆంజనేయ స్వామిని పూజిస్తారు. అందుకనే రామ్ చరణ్ తన ఫోన్ వాల్ పేపర్ గా ఆంజనేయ స్వామి ఫోటోని పెట్టుకున్నారు. ఈ విషయాన్ని సోషల్ మీడియాలో ఒక నెటిజన్ గమనించి షేర్ చేశారు.

తమిళ ఇండస్ట్రీలో హీరో అయినా కూడా, తెలుగులో గుర్తింపు సంపాదించుకున్న నటుడు సూర్య. తెలుగులో ఉన్న హీరోలకి సమానంగా సూర్యకి కూడా గుర్తింపు ఉంటుంది. సూర్య సినిమా విడుదలవుతోంది అంటే, ఒక తెలుగు సినిమా విడుదల అయినప్పుడు ఎంత సందడి ఉంటుందో, సూర్య సినిమా విడుదల అయినప్పుడు కూడా అంతే సందడి ఉంటుంది. తెలుగులో అసలు తమిళ హీరోలకి క్రేజ్ రావడం మొదలు అయ్యింది కూడా సూర్యతోనే. అంతకుముందు రజనీకాంత్, కమల్ హాసన్ సంగతి వేరే. వాళ్లని ఎప్పుడూ తెలుగు సినిమా మన నటులు అన్నట్టే అనుకుంటుంది.

కానీ సూర్య నటించిన గజిని సినిమా తర్వాత సూర్య తెలుగు వాళ్ళకి బాగా దగ్గర అయ్యారు. ఆ తర్వాత ఇంకా చాలా మంది హీరోలు కూడా సూర్యలాగానే తెలుగు ప్రేక్షకులకి చేరువయ్యారు. కానీ సూర్య అంటే మాత్రం తెలుగు ప్రేక్షకులకు ఎప్పుడు ప్రత్యేకమైన అభిమానం ఉంటుంది. సూర్య ప్రముఖ నటి జ్యోతికని పెళ్లి చేసుకున్న సంగతి తెలిసిందే. వీళ్ళిద్దరికీ ఇద్దరు పిల్లలు కూడా ఉన్నారు. కొంత కాలం క్రితం సూర్య కూతురు దియా పదవ తరగతి మార్కు షీట్ సోషల్ మీడియాలో ప్రత్యక్షం అయ్యింది. అందులో దియాకి 97% మార్కులు వచ్చాయి. ఇప్పుడు దియా ముంబైలో చదువుకుంటోంది. దియా ఇంటర్ ఫలితాలు విడుదల అయ్యాయి. ఇందులో దియా కి 96% మార్కులు వచ్చినట్టు తెలుస్తోంది.

మార్కుల పరంగా చూస్తే, తమిళ్ లో 96 మార్కులు, ఇంగ్లీష్ లో 97, అకౌంట్స్ లో 94, ఫిజిక్స్ లో 99, కెమిస్ట్రీలో 98, కంప్యూటర్ సైన్స్ లో 97 మార్కులు సాధించింది. మొత్తంగా చూస్తే 600 మార్కులకి 581 మార్కులు సాధించి 96.83 శాతం ఉత్తీర్ణతతో పాస్ అయ్యింది. సూర్య పిల్లలు లైమ్ లైట్ కి దూరంగానే ఉంటారు. ఒక సందర్భంలో సూర్య తన పిల్లలతో కలిసి బయటికి వచ్చినప్పుడు, అక్కడ ఉన్న కెమెరా వాళ్లు సూర్య పిల్లలని కూడా ఫోటో తీయడానికి ప్రయత్నిస్తుంటే, సూర్య తన పిల్లలని ఫోటో తీయొద్దు అని చెప్పారు. సోషల్ మీడియాలో అప్పుడప్పుడు తన పిల్లలతో కలిసి ఉన్న ఫోటోలు షేర్ చేస్తూ ఉంటారు. అంతే తప్ప ప్రత్యేకంగా సూర్య పిల్లలు బయటికి రారు.

ఏ సినిమా లో అయినా ఒక హీరోకి ఎలివేషన్ పడితే ఆ సీన్ రేంజ్ మారిపోతుంది. ఒక్క సీన్ తో సినిమా మొత్తం మారిపోయిన సందర్భాలు కూడా ఉన్నాయి. హీరోలకు సీన్ లో ఎలివేషన్ పడితే థియేటర్ లో ఈలలు, గోలలతో నిండిపోతుంది.

ముఖ్యం గా స్టార్ హీరోలకు ఎలివేషన్స్ పక్కాగా ఉండేలా చూసుకుంటారు మేకర్స్. హీరో ఒక డైలాగ్ చెప్పి.. స్లో మోషన్ లో ఆలా వెళ్తూ ఉంటే మనం ఆ సీన్స్ కి కనెక్ట్ అయిపోతాం. కానీ కొన్ని సార్లు ఈ ఎలివేషన్స్ లో హీరోయిజం మిస్ అయ్యి.. ఆ సీన్స్ తేలిపోతాయి. ఇప్పుడు అలా లాజిక్ కి దూరం గా ఉన్న సీన్స్ ఏవో ఇప్పుడు చూద్దాం..

#1 ప్రాణానికి ప్రాణం 

బాలకృష్ణ, రజని జంటగా నటించిన ప్రాణానికి ప్రాణం చిత్రం లో.. బాలయ్య ఒక సీన్ లో జైలు లో ఉన్నప్పుడు హీరోయిన్ కి తాళి కడతాడు. దీంతో ఆ తాళి జైలు ఊచకి ఉండిపోతుంది. అప్పుడు బాలయ్య ఆ ఊచలు విరిచేసి తాళిని తీసి ఆమెకి ఇస్తాడు. ఈ సీన్ చాలా కృతకంగా ఉంటుంది.

#2 ఇంద్ర

చిరంజీవి హీరోగా నటించిన ఇంద్ర చిత్రం లో ఒక సన్నివేశంలో చిరు మేనకోడలిని విలన్స్ ట్రైన్ లో తీసుకెళ్తుండగా.. చిరు అది హెలీకాఫ్టర్లో నుంచి చూస్తాడు. అసలు అంత హైట్ నుంచి ట్రైన్ లో వాళ్ళు ఎలా కనిపించారు అన్నది ప్రశ్న.

#3 మాస్

కింగ్ నాగార్జున హీరోగా నటించిన మాస్ చిత్రం లో నాగ్ ఒక ఫైట్ కి ముందు కాలితో దుమ్ముని లేపుతాడు.

#4 ఒకే ఒక్కడు

యాక్షన్ కింగ్ అర్జున్ హీరోగా నటించిన ఒకే ఒక్కడు చిత్రం లో అతడు ఒక జర్నలిస్ట్. కానీ ఆ తర్వాత ఒక్క రోజు ముఖ్యమంత్రిగా ఉండే ఛాన్స్ దక్కుతుంది. కానీ అది నిజ జీవితం లో సాధ్యమయ్యే పని కాదు.

#5 అల్లుడా మజాకా

చిరంజీవి హీరోగా నటించిన అల్లుడా మజాకా చిత్రం లో ఒక ఫైట్ సీన్ లో వారిద్దరి ఫైట్ అస్సలు నాచురల్ గా అనిపించదు.

#6 జులాయి

జులాయి మూవీ లో మంత్రి అయిన కోట శ్రీనివాసరావు చనిపోయినా పోలీస్ లు కూడా టీవీ లో చూసి తెలుసుకుంటారు.

#7 అత్తారింటికి దారేది

అత్తారింటికి దారేది చిత్రం క్లైమాక్స్ లో పవన్ రైల్వే స్టేషన్ మొత్తాన్ని కొంటాడు. కానీ అది నిజ జీవితం లో జరిగే విషయం కాదు.

#8 వినయ విధేయ రామ

ఈ చిత్రం లో భారీగా ట్రోల్స్ ఎదుర్కొన్న సీన్ వినయ విధేయ రామ లోది. ఇందులో రామ్ చరణ్ తన అన్నయ్యల కోసం ట్రైన్ పైన ఎక్కి బీహార్ వెళ్తాడు.

#9 ఆగడు

ఆగడు మూవీ లో మహేష్ ఒక సీన్ లో రన్నింగ్ ట్రైన్ బోగీల మధ్య లో నుంచి జంప్ చేస్తాడు.

#10 బాహుబలి

బాహుబలి చిత్రం లో యుద్ధం సమయం లో తాటి చెట్లను వంచి కోటలోకి ప్రవేశించే సీన్. ఇది రియాలిటీ కి చాలా దూరంగా ఉంటుంది.

#11 లైగర్

లైగర్ చిత్రం లో హీరో విజయ్ దేవరకొండ రింగ్ లో ఫైట్ చెయ్యడం మానేసి.. ఎక్కడో ఒక ప్లేస్ లో ఫైట్ చేస్తాడు. ఆ వీడియో లైవ్ స్ట్రీమ్ చెయ్యగా అది చూసి హీరో ని విన్నర్ గా ప్రకటిస్తారు మ్యాచ్ నిర్వాహకులు.

#12 రేసు గుర్రం

రేసు గుర్రం చిత్రం లో అల్లు అర్జున్ తన పగ తీర్చుకోడానికి ఒక్క రోజు పోలీస్ గా ఛార్జ్ తీసుకుంటాడు.

#13 బంగారం

బంగారం మూవీ క్లైమాక్స్ లో పవన్ ని విలన్స్ భూమి లో పాతేస్తారు. కానీ పవన్ భూమిని చీల్చుకొని బయటకి వస్తాడు.

#14 హృదయ కాలేయం

సంపూర్ణేష్ బాబు హీరోగా వచ్చిన హృదయ కాలేయం చిత్రం లో అన్ని సీన్స్ రియాలిటీ కి దూరంగా ఉంటాయి.

#15 ఛత్రపతి

ఈ మూవీ లో హీరో ఇంట్రో సీన్ లో ప్రభాస్ షార్క్ తో ఫైట్ చేస్తాడు. అది అసలు సాధ్యమే కాని పని.

#16 పల్నాటి బ్రహ్మ నాయుడు

ఈ చిత్రం లో బాలయ్య తొడకొడితే ట్రైన్ వెనక్కి వెళ్లడం అనేది ఎప్పటికి ప్రేక్షకులు మర్చిపోలేని సీన్.

జాక్వెలిన్ ఫెర్నాండేజ్‌తో పేపర్ బాయ్, అరి దర్శకుడు

సున్నితమైన ఎమోషన్స్‌ను ఎంతో అద్భుతంగా పేపర్ బాయ్ సినిమాలో చూపించి మెప్పించాడు దర్శకుడు జయ శంకర్. ఇక రెండో ప్రయత్నంగా అరి అంటూ అరిషడ్వర్గాల మీద చిత్రాన్ని తీశాడు. ఇప్పటికే ఈ మూవీ అందరిలోనూ ఆసక్తిని క్రియేట్ చేసింది. పలువురు సెలెబ్రిటీలు సినిమాను చూసి మెచ్చుకున్నారు కూడా. ఇక త్వరలోనే ఈ సినిమా ప్రేక్షకుల ముందుకు రాబోతోంది.

అయితే ఈ క్రమంలో దర్శకుడు జయ శంకర్ కొత్త సినిమా మీద రూమర్లు వస్తున్నాయి. ఆల్రెడీ ఈయన ఓ లేడీ ఓరియెంటెడ్ సబ్జెక్ట్ మీద ఫోకస్ పెట్టినట్టుగా, ఆ కథకు నయనతార ఓకే చెప్పినట్టుగా ఆ మధ్య రూమర్లు వచ్చాయి. అయితే ఇప్పుడు ఈ ప్రాజెక్ట్ మీద కొత్త రూమర్ వినిపిస్తోంది. జయశంకర్ అనుకుంటున్న ఈ లేడీ ఓరియెంటెడ్ సబ్జెక్ట్‌కు సౌత్, నార్త్‌లో మంచి క్రేజ్ ఉన్న నటిని తీసుకున్నారని సమాచారం.

శ్రీలంక భామ జాక్వెలిన్ ఫెర్నాండేజ్‌తో జయ శంకర్ తన లేడీ ఓరియెంటెడ్ సబ్జెక్ట్‌ను చేస్తున్నాడని తెలుస్తోంది. పాన్ ఇండియాగా ఈ ప్రాజెక్ట్ ఉంటుందని తెలుస్తోంది. మరి ఈ ప్రాజెక్ట్ మీద అధికారిక ప్రకటన ఎప్పుడు వస్తుందో చూడాలి. ఇక జయశంకర్ తీసిన అరి చిత్రం ఈ ఎన్నికల హడావిడి అయిపోయిన తరువాత థియేటర్లోకి రానుంది. జూన్‌లో ఈ సినిమాను విడుదల చేసేందుకు దర్శక నిర్మాతలు సన్నాహాలు చేస్తున్నారు.

శిరిన్ శ్రీరామ్ కేఫ్ బ్యానర్‌పై అనురూప్ రెడ్డి, దేవా మలిశెట్టి, సారిక, మానస ప్రధాన పాత్రల్లో నటించిన చిత్రం ‘ప్రేమించొద్దు’. శిరిన్ శ్రీరామ్ దర్శక నిర్మాణంలో సినిమా రూపొందుతోంది. బ‌స్తీ నేపథ్యంలో సాగే యూత్‌ఫుల్ ప్రేమ కథాంశమిది. ఈ సినిమా సెన్సార్ కార్యక్రమాలను పూర్తి చేసుకుంది. పాన్ ఇండియా చిత్రంగా 5 భాషల్లో నిర్మించారు. ఈ చిత్రం తెలుగు వెర్షన్ ని జూన్ 7న విడుదల చేస్తున్నారు మేకర్స్. ఈ సందర్భంగా..

చిత్ర దర్శక నిర్మాత శిరిన్ శ్రీరామ్ మాట్లాడుతూ ‘‘యువతలో చాలా మంది నిజమైన ప్రేమకు, ఆకర్షణకు తేడా తెలియకుండా తప్పటడుగులు వేస్తున్నారు. ఇది వారి జీవితాలపై తీవ్ర ప్రభావాన్ని చూపుతోందనే కోణం లో ‘ప్రేమించొద్దు’ అనే శీర్షిక తో ఈ సినిమాను తెరకెక్కించాం. ఇది పాన్ ఇండియాలో రిలీజ్ అవుతోన్న వాస్తవ సంఘటనల ఆధారంగా తీసిన చిత్రం. అందరికీ కనెక్ట్ అయ్యే కథాంశంతో వస్తోన్న సినిమా కావటంతో సినిమాను జూన్ 7న విడుదల చేయటానికి సన్నాహాలు చేస్తున్నాం. అలాగే తెలుగు లో విడుదల చేసిన తర్వాత, త్వరలో త‌మిళ‌, క‌న్న‌డ‌, మ‌ల‌యాళ‌, హిందీ భాష‌ల్లో రిలీజ్ చేయ‌టానికి కూడా ప్లాన్ చేస్తున్నాం’’ అన్నారు.

నటీనటులు:

అనురూప్ రెడ్డి, దేవా మలిశెట్టి, సారిక, మానస, యశ్వంత్ పెండ్యాల, సంతోషి తాళ్ల, సోనాలి గర్జె, లహరి జులురి, శ్రద్ధా సాయి, వల్లీ శ్రీగాయత్రి, లక్ష్మీకాంత్ దేవ్ తదితరులు

సాంకేతిక వర్గం:

రచన, ఎడిటింగ్, నిర్మాత, దర్శత్వం – శిరిన్ శ్రీరామ్, మ్యూజిక్ ప్రోగ్రామింగ్ – జునైద్ కుమార్, బ్యాగ్రౌండ్ స్కోర్ – కమ్రాన్, సాంగ్స్ కంపోజింగ్ – చైతన్య స్రవంతి, సినిమాటోగ్రఫీ అండ్ కలర్ – హర్ష కొడాలి, స్క్రీన్ ప్లే – షిరిన్ శ్రీరామ్, రాహుల్ రాజ్ వనం, అసోసియేట్ డైరెక్టర్ – సోనాలి గర్జె, పబ్లిసిటీ డిజైన్ – అజయ్(ఏజే ఆర్ట్స్), వి.ఎఫ్.ఎక్స్- వి.అంబికా విజయ్, లొకేషన్ సౌండ్ – మహేష్ పాశం, డబ్బింగ్ ఇంజనీర్ – అనూప్ చౌదరి, సూపర్‌వైజింగ్ ప్రొడ్యూస‌ర్‌: నిఖిలేష్ తొగ‌రి, పి.ఆర్.ఒ – చంద్ర వట్టికూటి, మోహన్ తుమ్మల.

హీరోలు అన్న తర్వాత పోటీ ఉంటుంది. ఒకే ఇండస్ట్రీలో ఉంటారు కాబట్టి సినిమాలు వస్తున్నాయి అంటే ఎవరి హీరో సినిమాలకు ఎక్కువ కలెక్షన్స్ వస్తాయి అనే చర్చలు జరుగుతాయి. అందుకే ఫ్యాన్ వార్స్ కూడా జరుగుతాయి. సోషల్ మీడియాలో, “మా హీరో గొప్ప” అంటే, “మా హీరో గొప్ప” అంటూ తిట్టుకుంటూ ఉంటారు. కానీ మరొక పక్క హీరోలు అందరూ కూడా బాగానే ఉంటారు. వాళ్ళందరి మధ్య ఆరోగ్యకరమైన కాంపిటీషన్ మాత్రమే ఉంటుంది. సినిమాలు అయిపోతే సాధారణమైన జీవితంలో వాళ్ళందరూ బాగానే ఉంటారు. ఒకరి పుట్టినరోజులకి ఒకరు విషెస్ చెప్పుకుంటూ ఉంటారు. ఫంక్షన్స్ లో కలుస్తూ ఉంటారు. అయితే ఇప్పుడు ఒక విషయం మీద జూనియర్ ఎన్టీఆర్, మహేష్ బాబు, అల్లు అర్జున్ మీద కామెంట్స్ వస్తున్నాయి.

వాళ్ళ ముగ్గురు ప్రస్తుతం ఎవరి పనుల్లో వాళ్ళు ఉన్నారు. అయినా కూడా వాళ్ల మీద కామెంట్స్ వస్తున్నాయి. అందుకు కారణం వాళ్లు రాజకీయాల్లో జోక్యం చేసుకోకపోవడం. పవన్ కళ్యాణ్ పిఠాపురం నుండి ఎన్నికల్లో పోటీ చేస్తున్న సంగతి తెలిసిందే. అయితే, ఇందుకు సోషల్ మీడియా ద్వారా చాలా మంది నటులు పవన్ కళ్యాణ్ కి మద్దతు ఇస్తూ కామెంట్స్ చేశారు. నాని, రాజ్ తరుణ్, చిరంజీవి, రామ్ చరణ్ కూడా జనసేన పార్టీకి ఓటు వేయండి అంటూ పోస్ట్ లు షేర్ చేశారు. కానీ జూనియర్ ఎన్టీఆర్, మహేష్ బాబు, అల్లు అర్జున్ మాత్రం ఈ విషయం మీద కామెంట్స్ చేయలేదు. మహేష్ బాబు, అల్లు అర్జున్ మామూలుగా రాజకీయాలకు దూరంగా ఉంటారు. చాలా సార్లు మహేష్ బాబు తనకి రాజకీయాలు అంటే అసలు ఆసక్తి లేదు అని, దాని గురించి తను మాట్లాడదలచుకోవట్లేదు అని చెప్పారు.

వందేళ్లు వచ్చినా కూడా తను సినిమాలు మాత్రమే చేస్తాను అని అన్నారు. రాజకీయ నాయకులు తనకి స్నేహితులుగా ఉన్నా కూడా వారి పుట్టినరోజుకి విష్ చేస్తూ సోషల్ మీడియాలో ఏదైనా పోస్ట్ షేర్ చేస్తారు కానీ, రాజకీయాలకి సంబంధం ఉన్న విషయం మీద కామెంట్స్ మాత్రం చేయలేదు. అల్లు అర్జున్ కూడా ఇంతే. జూనియర్ ఎన్టీఆర్ విషయానికి వస్తే, రాజకీయాలు ఉన్న కుటుంబానికి చెందినవారు. అయినా కూడా గత కొంత కాలం నుండి జూనియర్ ఎన్టీఆర్ రాజకీయాలకు దూరంగా ఉంటున్నారు. దాంతో వీళ్ళ ముగ్గురు ఈ విషయం మీద స్పందించలేదు.

అల్లు అర్జున్ ఆర్య 20 సంవత్సరాలు పూర్తి చేసుకున్న సెలబ్రేషన్స్ పనిలో ఉన్నారు. ఇప్పుడు పుష్ప 2 షూటింగ్ చేస్తున్నారు. జూనియర్ ఎన్టీఆర్ దేవర సినిమా షూటింగ్ పనిలో ఉన్నారు. మహేష్ బాబు రాజమౌళి సినిమా కోసం ట్రైనింగ్ తీసుకుంటున్నారు. ఇలా వీళ్లంతా ఎవరి పనుల్లో వాళ్ళు ఉన్నారు. వీళ్ళ ముగ్గురికి పవన్ కళ్యాణ్ తో మంచి స్నేహం ఉంది. అయినా కూడా వీళ్లు రాజకీయాలకి దూరంగా ఉంటున్నారు. అయినా కూడా, స్నేహం కారణంగా ఏదైనా ఒక పోస్ట్ పవన్ కళ్యాణ్ కి మద్దతుగా వేస్తే బాగుంటుంది అని చాలా మంది అభిప్రాయపడుతూ కామెంట్స్ చేశారు.

ALSO READ : “విలాసవంతమైన బంగ్లా” నుండి… “కోట్ల ఖరీదైన కార్” వరకు.. పవర్ స్టార్ “పవన్ కళ్యాణ్” దగ్గర ఉన్న 10 ఖరీదైన వస్తువులు..!

నందమూరి నటసింహం బాలకృష్ణ గురించి ప్రత్యేక పరిచయం అవసరం లేదు. ఆయనకు ఉన్న ఫ్యాన్ ఫాలోయింగ్ గురించి అందరికి తెలిసిందే. ఆయనను అభిమానులు బాలయ్య అని ప్రేమగా పిలుచుకుంటారు. ప్రస్తుతం బాలకృష్ణ వరుసగా సినిమాలలో నటిస్తున్నాడు.

ఓటీటీ లో హోస్ట్ గా బిజీగా ఉన్నారు. తెలుగు ఓటీటీ అయిన ‘ఆహా’లో ప్రసారం అవుతున్న ‘అన్ స్టాపెబుల్ విత్ ఎన్ బీకే’ టాక్ షోతో అందరిని అలరించారు. ఆ షోలో ఆయన మాట్లాడే విధానానికి, వచ్చిన గెస్ట్ లతో వ్యవహరించిన తీరుకి ఆడియెన్స్ ఫిదా అయ్యారు. ఈ విషయాలను పక్కన పెడితే, బాలకృష్ణ తన భార్య వసుంధర దేవి గురించి ‘అన్ స్టాపెబుల్’ టాక్ షోలో ప్రస్తావించారు. అంతేకాకుండా బాలయ్య తన భార్యకు అందరి ముందు ఐ లవ్ యూ చెప్పారు. ఈ క్రమంలోనే బాలయ్య భార్య ఎవరని, ఆమెకు ఉన్న ఆస్తి గురించి వార్తలు వినిపిస్తున్నాయి.మరి ఆమె గురించి ఇప్పుడు చూద్దాం..

ఎన్టీ రామారావు వారసుడిగా ఇండస్ట్రీలో అడుగుపెట్టిన బాలక్రిష్ణ విజయవంతంగా తన కెరీర్ లో రాణిస్తూ, టాప్ 4 హీరోలలో ఒకరిగా టాలీవుడ్ లో కొనసాగుతున్నారు. ఆయన ప్రస్తుతం చేతి నిండా సినిమాలతో చాలా బిజీగా ఉన్నాడు. బాలక్రిష్ణ 1982 లో వసుంధర దేవిని పెళ్లి చేసుకున్నారు. ఆమె ఎవరో కాదు. శ్రీరామదాసు మోటార్ కంపెనీ అధిపతి అయిన దేవరపల్లి సూర్యారావు కుమార్తనే. వందల కోట్ల ఆస్తులకు వారసురాలైన వసుంధర దేవి గ్రాడ్యుయేషన్ పోర్టయి చేశాకనే బాలక్రిష్ణను పెళ్లి చేసుకుంది.

ఆ తరువాత బాలక్రిష్ణ సినిమాలతో చాలా బిజీగా ఉండడంతో, ఫ్యామిలీ వ్యవహారాలన్నిటినీ కూడా వసుంధర దేవినే చూసుకుంటూ వస్తుంది.ఇక బాలకృష్ణ,వసుంధర దంపతులకు ముగ్గురు పిల్లలు. వారు కూతుర్లు బ్రాహ్మణి, తేజస్వి, కుమారుడు మోక్షజ్ఞ. పెద్ద కూతురు బ్రాహ్మణిని నారా చంద్రబాబు నాయుడు కుమారుడు లోకేశ్ కు ఇచ్చి వివాహం చేశారు. రెండవ కూతురు తేజస్వినికి గీతం సంస్థలకు చెందినటువంటి శ్రీ భరత్ తో పెళ్లి చేశాడు. ఇక బాలయ్య కుమారుడు మోక్షజ్ఞ త్వరలో టాలీవుడ్ లో హీరోగా అడుగు పెట్టబోతున్నాడని వార్తలొస్తున్నాయి.అది అఫీషియల్ గా అయితే కన్ఫర్మేషన్ రాలేదు.

ALSO READ : “నీకు ఇంగ్లిష్ రాదు కదా..? ఉద్యోగం ఎలా చేస్తావు..?” అనే IPS ప్రశ్నకు… ఈ వ్యక్తి చెప్పిన సమాధానం చూస్తే షాక్ అవ్వాల్సిందే..!

వరుస సినిమాలు చేస్తూ, ఇప్పుడు బ్రేక్ ఇచ్చి, ఎన్నికల సమయం దగ్గర పడుతూ ఉండడంతో, ప్రచార కార్యక్రమాల్లో పాల్గొంటున్నారు పవర్ స్టార్ పవన్ కళ్యాణ్. పవన్ కళ్యాణ్ ఇప్పుడు 3 సినిమాల్లో నటిస్తున్నారు.

అందులో మొదటిది, క్రిష్ జాగర్లమూడి దర్శకత్వంలో వస్తున్న హరిహర వీరమల్లు సినిమా. ఎప్పుడో స్టార్ట్ అయిన ఈ సినిమా, భారీ ఫైట్స్ తో రూపొందుతోంది. నిజజీవితంలో జరిగిన సంఘటనల ఆధారంగా ఈ సినిమా రూపొందుతోంది. నిధి అగర్వాల్ ఈ సినిమాలో హీరోయిన్ గా నటిస్తున్నారు. ఈ సినిమా కోసం పవన్ కళ్యాణ్ మార్షల్ ఆర్ట్స్ శిక్షణ కూడా పొందారు.

హరీష్ శంకర్ దర్శకత్వంలో వస్తున్న ఉస్తాద్ భగత్ సింగ్ సినిమా కూడా షూటింగ్ దశలో ఉంది. ఇవి మాత్రమే కాకుండా, సుజిత్ దర్శకత్వంలో ఓజీ సినిమాలో నటిస్తున్నారు. ఈ సినిమా రెండు భాగాలుగా విడుదల అవుతుంది. పవన్ కళ్యాణ్ గురించి అభిమానులకి చాలా విషయాలు తెలుసు. పవన్ కళ్యాణ్ కి ఇష్టమైన ఆహారం ఏంటో తెలుసా. ఇవి చాలానే ఉన్నాయి. ముఖ్యంగా పవన్ కళ్యాణ్ కి హైదరాబాద్ బిర్యానీ అంటే చాలా ఇష్టం. పవన్ కళ్యాణ్ కి సీ ఫుడ్ అంటే కూడా చాలా ఇష్టం.

అందులోనూ ముఖ్యంగా, నెల్లూరు చేపల పులుసు అంటే పవన్ కళ్యాణ్ కి ఇష్టం. అంతే కాకుండా నాటుకోడి చికెన్, పులిహోర కూడా పవన్ కళ్యాణ్ ఇష్టంగా తింటారు. ఒక సమయంలో పవన్ కళ్యాణ్ గురించి, త్రివిక్రమ్ శ్రీనివాస్ భార్య మాట్లాడుతూ, పవన్ కళ్యాణ్, త్రివిక్రమ్ చాలా విషయాల గురించి చర్చించుకుంటూ ఉంటారు అని, ఎవరికీ పుస్తకాలు ఇవ్వని త్రివిక్రమ్ శ్రీనివాస్, పవన్ కళ్యాణ్ కి మాత్రమే తన పుస్తకాలు ఇస్తారు అని చెప్పారు. అంతే కాకుండా పవన్ కళ్యాణ్ కి ఇష్టమైన ఆహారాల గురించి కూడా చెప్పారు.

పవన్ కళ్యాణ్ కి వెజిటేరియన్ ఆహారాలు కూడా చాలా ఇష్టం అని చెప్పారు. ఉప్మాతో పాటు, రవ్వ లడ్డు లాంటి స్వీట్స్ కూడా పవన్ కళ్యాణ్ కి ఇష్టం అని, వారి ఇంట్లో పవన్ కళ్యాణ్ కి ఏది కావాలి అంటే అది తినే స్వేచ్ఛ ఉంటుంది అని ,మొహమాట పడరు అని చెప్పారు. పవన్ కళ్యాణ్ కి హైదరాబాద్ బిర్యానీ అంటే ఇష్టం అనే విషయాన్ని రామ్ చరణ్ ఒక ఇంటర్వ్యూలో తెలిపారు. కానీ సినిమాలు చేస్తున్నప్పుడు మాత్రం పవన్ కళ్యాణ్ ఆహార విషయంలో జాగ్రత్తగా ఉంటారు.

బ్రో సినిమా చేస్తున్న సమయంలో కేవలం శాఖాహారం మాత్రమే తీసుకున్నారు. కేవలం పాలు, కూరగాయలు మాత్రమే పవన్ కళ్యాణ్ తీసుకున్నారు. ఈ విషయాన్ని దర్శకుడు సముద్రఖని ఒక ఇంటర్వ్యూలో చెప్పారు. అంతే కాకుండా అంతకుముందు సెకండ్ ఇన్నింగ్స్ స్టార్ట్ చేసేటప్పుడు వకీల్ సాబ్ సినిమా సమయంలో కూడా ఒక ప్రత్యేకమైన డైట్ తీసుకున్నారు. అలా సినిమాల విషయంలో మాత్రం జాగ్రత్తగా ఉంటారు. ఆ సినిమా చేస్తున్నప్పుడు ఆ పాత్రకి ఎలాంటి ఆహారం అవసరమో అలా మాత్రమే తింటారు. పాత్ర ప్రాముఖ్యతను బట్టి కూడా పవన్ కళ్యాణ్ ఆహారాన్ని తీసుకుంటారు.

ALSO READ : గవర్నమెంట్ జాబ్స్ ఉన్న 5 మంది భారత క్రికెటర్స్…ఎవరెవరు ఏ హోదాలో అంటే.?