ఈ సంవత్సరం ఆచార్య సినిమాతో ప్రేక్షకుల ముందుకు వచ్చారు కొరటాల శివ. ఈ సినిమా అనుకున్న ఫలితం సాధించలేదు. దాంతో కొరటాల శివ కొంత సమయం తీసుకొని లేట్ అయిన పర్వాలేదు మంచి కథతో ప్రేక్షకుల ముందుకు వద్దాం అని అనుకుంటున్నారు. అందుకే ఎన్టీఆర్ తో చేయబోయే సినిమాపై ప్రత్యేక శ్రద్ధ వహిస్తున్నారు.
ఇప్పటికే ఈ సినిమాలో ఎన్టీఆర్ చెప్పిన ఒక డైలాగ్ విడుదల అయ్యింది. సినిమా ఒక యాక్షన్ ఎంటర్టైనర్ అని ముందే చెప్పారు. ఈ సినిమా కోసం ఎన్టీఆర్ కూడా చాలా కష్టపడుతున్నారు. బరువు తగ్గడంతో పాటు సినిమాకి సంబంధించి చాలా విషయాలపై శ్రద్ధ వహిస్తున్నారు అని తెలుస్తోంది.
అయితే ఇన్ని జరుగుతున్నా కూడా ఈ సినిమాలో హీరోయిన్ విషయంపై మాత్రం ఇంకా క్లారిటీ రాలేదు. ముందు ఈ సినిమాలో జాన్వీ కపూర్ హీరోయిన్ గా నటిస్తున్నారు అని అన్నారు. కానీ తర్వాత జాన్వీ కపూర్ ఈ సినిమాలో హీరోయిన్ గా చెయ్యట్లేదు అని అన్నారు. అసలు అందరి కంటే ముందు ఆలియా భట్ పేరు వచ్చింది. ఆలియా భట్ ప్రస్తుతం గర్భవతిగా ఉన్నారు. దాంతో సినిమాలు ఏమి చేయట్లేదు. ఆ తర్వాత జాన్వీ కపూర్ పేరు వచ్చింది.
ఆ తర్వాత మృణాల్ ఠాకూర్ అని కూడా అన్నారు. అంతే కాకుండా అనన్య పాండే కూడా ఈ సినిమాలో హీరోయిన్ గా నటిస్తున్నారు అని అన్నారు. కానీ అవన్నీ కేవలం వార్తలు మాత్రమే. ఇప్పుడు ఇలాంటి వార్త ఒకటి మళ్లీ బయటికి వచ్చింది. అదేంటంటే మరొక టాప్ హీరోయిన్ ఈ సినిమా తిరస్కరించారు అనే వార్త వస్తోంది. గత కొద్ది సంవత్సరాల నుండి వరుస తెలుగు సినిమాలతో ఎంతో పేరు తెచ్చుకున్న కీర్తి సురేష్ ఈ సినిమా తిరస్కరించారు అనే వార్తలు వినిపిస్తున్నాయి.
కీర్తి సురేష్ ప్రస్తుతం తెలుగులో మాత్రమే కాకుండా తమిళంలో కూడా సినిమాల్లో నటిస్తున్నారు. ఇప్పుడు నానితో దసరా సినిమాలో నటిస్తున్నారు. అంతే కాకుండా మరికొన్ని సినిమాల్లో కూడా కీర్తి సురేష్ నటిస్తున్నారు. అయితే ఈ వార్తలో ఎంతవరకు నిజం ఉంది అనే విషయం మాత్రం తెలీదు. ప్రస్తుతం అయితే సినిమా బృందం షూటింగ్ పనుల్లో బిజీగా ఉంది. సినిమా హీరోయిన్ పై ఇంకా కొంత కాలంలో క్లారిటీ వస్తుంది.
