Mohana Priya

రౌడీ అన్న పదం వింటే అంతకుముందు రౌడీలే గుర్తొచ్చే వాళ్ళు. గత మూడు సంవత్సరాల నుండి రౌడీ అన్న పేరు వింటే ఒక వ్యక్తి గుర్తొస్తాడు. మీకు కూడా గుర్తొచ్చే ఉంటాడు. అవును అతనే. సరే మీకోసం అసలు పేరు కూడా ఒకసారి చెప్పేసుకుందాం. విజయ్ దేవరకొండ. చాలామంది బాలీవుడ్ తారలు కూడా తమకు విజయ్ అంటే చాలా ఇష్టం అని చాలాసార్లు చెప్పారు.

అలా దేశవ్యాప్తంగా విజయ్ దేవరకొండ కు క్రేజ్ తీసుకొచ్చిన సినిమా అర్జున్ రెడ్డి. అప్పటివరకు ఒకలాగా నడిచిన తెలుగు సినిమాల్లో అర్జున్ రెడ్డి లాంటి బోల్డ్ సినిమాకి దర్శకత్వం వహించి సాహసం చేశారు సందీప్ రెడ్డి వంగా. అలాంటి సాహసాన్ని విజయవంతం చేయడంలో ముఖ్య పాత్ర పోషించాడు విజయ్ దేవరకొండ.

బహుశా రెండు తెలుగు రాష్ట్రాలు మినహా మిగిలిన అందరికీ విజయ్ దేవరకొండ అర్జున్ రెడ్డి ద్వారా పాపులర్ అయి ఉండొచ్చు. కానీ తెలుగు ప్రజలకు అతనిలో ఉన్న నటనా ప్రతిభ ఎవడే సుబ్రహ్మణ్యం సినిమా నుంచి తెలుసు. ఎవడే సుబ్రహ్మణ్యం ద్వారా మంచి నటుడనిపించుకున్నాడు. అర్జున్ రెడ్డి ద్వారా స్టార్ అయ్యాడు విజయ్.

ప్రతి సినిమాకి తన పాపులారిటీ తో పాటు పారితోషకం కూడా పెరిగింది. పెళ్లిచూపులు నుండి ఇప్పటివరకు అంచెలంచెలుగా పైకి ఎదిగిన విజయ్ పారితోషకం ఎంతో ఇప్పుడు చూద్దాం.

#1 పెళ్లి చూపులు – 5 లక్షలు

విజయ్ సోలో హీరోగా నటించిన మొదటి సినిమా పెళ్లిచూపులు. ముందు బడ్జెట్ అసలు సరిపోలేదు అని దాంతో విజయ్ దేవరకొండ బంధువైన యష్ రంగినేని నిర్మాణంలో కొంత పాత్ర పోషించారు అని ఇప్పటికే చాలా ఇంటర్వ్యూల్లో తెలిపారు. ఆ సినిమాకి విజయ్ అందుకున్న పారితోషకం ఐదు లక్షలు.

#2 ద్వారక – 20 లక్షలు

పెళ్లి చూపులు సినిమా విజయ్ కి గుర్తింపు తీసుకొచ్చింది. తర్వాత ద్వారకా లాంటి కమర్షియల్ సినిమా చేశాడు. దర్శకుడు సినిమా నెరేట్ చేసినప్పుడు ఒకలాగా ఉంది అని తర్వాత షూటింగ్ జరిగేటప్పుడు సినిమా ఇంకొక లాగ వచ్చింది అని. షూటింగ్ సమయంలోనే ఫలితం అర్థమైపోయింది అని కానీ సినిమా ఒప్పుకోవడం తన నిర్ణయమే అని కాబట్టి రిగ్రెట్ చేయడం లేదు విజయ్ ఒక ఇంటర్వ్యూలో చెప్పాడు.

#3 అర్జున్ రెడ్డి – 5 లక్షలు

ఈ సినిమా పెళ్లిచూపులు తర్వాత మొదలైంది. కానీ షూటింగ్ సమయంలో ఎన్నో ఇబ్బందులు వచ్చాయి. దర్శకుడు సందీప్ రెడ్డి వంగా మాట్లాడిన టెడ్ టాక్స్ యూట్యూబ్ లో ఉంది. ఆ వీడియో ఒకసారి చూస్తే ఎన్ని కష్టాలతో ఈ సినిమా బయటికి వచ్చిందో మీకే అర్థమవుతుంది.

#4 గీత గోవిందం – 5 లక్షలు

పెళ్లిచూపులు తర్వాత విజయ్ సైన్ చేసిన సినిమా గీత గోవిందం. అప్పటికి అర్జున్ రెడ్డి విడుదల కాలేదు. దాంతో ఐదు లక్షలు పారితోషకం తీసుకున్నాడు విజయ్. ఈ సినిమా ద్వారా విజయ్ తన మొట్టమొదటి కమర్షియల్ మూవీ సక్సెస్ అందుకున్నాడు.

#5 నోటా – 3 కోట్లు

తమిళ్ లో రూపొంది తెలుగులోకి అనువాదం అయిన ఈ సినిమా ప్రేక్షకులను అంతగా మెప్పించలేకపోయింది.

#6 టాక్సీ వాలా – 5 కోట్లు

అనుకున్నంతగా కాకపోయినా ఒక మోస్తరుగా ఆడిన ఈ సినిమా యావరేజ్ గా నిలిచింది.

#7 డియర్ కామ్రేడ్ – 10 కోట్లు

తెలుగులో రూపొంది తమిళ, కన్నడ, మలయాళ, భాషల్లో కూడా విడుదలైన ఈ సినిమా థియేటర్లలో సరిగ్గా ఆడలేదు. కానీ ఎంతోమంది ప్రశంసించారు. దాంతో డియర్ కామ్రేడ్ అండర్ రేటెడ్ సినిమాల జాబితాలో చేరింది.

#8 వరల్డ్ ఫేమస్ లవర్ – 10 కోట్లు

నిజం చెప్పాలంటే కొంతమంది దర్శకులు అర్జున్ రెడ్డి లో విజయ్ దేవరకొండ కోపంగా నటించిన పర్ఫామెన్స్ చూసి కథ రాసారేమో అనిపిస్తుంది. డియర్ కామ్రేడ్ లో కొంచెం అర్జున్ రెడ్డి ఛాయలు ఉంటాయి. అరవడం, రఫ్ గా మాట్లాడడం. అలాంటివి. కానీ సినిమా కథ భిన్నంగానే ఉంది.

కానీ వరల్డ్ ఫేమస్ లవర్ సినిమా చూస్తే అర్జున్ రెడ్డి సినిమాకి సీక్వెల్ ఏమో అనిపిస్తుంది. సినిమానే కాదు పోస్టర్లు కూడా కొన్ని అలానే అనిపించాయి. ఇప్పటికైనా దర్శకులు అర్థం చేసుకోవాల్సిన విషయం ఏంటి అంటే అర్జున్ రెడ్డి సినిమా విజయ్ దేవరకొండకు క్రేజ్ తీసుకొచ్చి ఉండొచ్చు. కానీ జనాలు విజయ్ ని అభిమానించేది అర్జున్ రెడ్డి సినిమా చేసినందుకు కాదు ఆ సినిమాలో అంత బాగా నటించినందుకు.

అర్జున్ రెడ్డి లాంటి కోపం మీద కంట్రోల్ లేని వ్యక్తిగా విజయ్ ఎంత బాగా నటించాడో. గీత గోవిందం సినిమాలో అమాయకుడైన విజయ్ గోవిందం పాత్రలో కూడా అంతే బాగా నటించాడు. మళ్లీ మళ్లీ ఇది రాని రోజు లాంటి క్లాసిక్ తీసిన క్రాంతి మాధవ్ నుండి ఇలాంటి సినిమా వస్తుందని బహుశా ఎవరూ అనుకోలేదు. ఏదేమైనా విజయ్ మాత్రం తనకు ఇచ్చిన ప్రతి పాత్రకి వంద శాతం న్యాయం చేస్తాడు.

#9లైగర్ – 12 కోట్లు

ఈ సినిమా మీద ప్రేక్షకులందరికీ భారీగా అంచనాలు ఉన్నాయి. విజయ్ కూడా ఈ సినిమా కోసం అంతే ఎక్కువగా కష్టపడుతున్నాడు. పోయిన చోటే తిరిగి తెచ్చుకోవాలి అని అంటారు. నాలుగు భాషల్లో విడుదలైన వరల్డ్ ఫేమస్ లవర్ ఏ ఒక్క భాషలో కూడా ఆశించిన ఫలితాన్ని ఇవ్వలేదు. ఇప్పుడు లైగర్ పాన్ ఇండియా చిత్రంగా విడుదలవుతోంది. కాబట్టి ఈ సినిమాతో ఒక్క తెలుగులోనే కాకుండా మిగిలిన భాషల్లో కూడా విజయ్ మంచి గుర్తింపు తెచ్చుకోవాలి అని ఆశిద్దాం.

నందమూరి బాలకృష్ణకి టర్నింగ్ పాయింట్ లాంటి సినిమాల్లో ఒకటి సమరసింహా రెడ్డి. ఈ సినిమా అప్పట్లో ఒక పెద్ద సెన్సేషన్ క్రియేట్ చేసింది. తెలుగు సినిమా మార్కెట్ ని ఇంకా పెంచిన సినిమా ఇది. బాలకృష్ణ కి కూడా హీరోగా మరొక మెట్టు ఎక్కించింది ఈ సినిమా. ఈ సినిమాకి బి.గోపాల్ దర్శకత్వం వహించారు.

ఈ సినిమాలో అంజలా జవేరి, సిమ్రాన్ హీరోయిన్లుగా నటించారు. మణిశర్మ సంగీత దర్శకత్వం అందించారు. పాటలు కూడా సూపర్ హిట్ అయ్యాయి. ఈ సినిమాకి ప్రముఖ రైటర్ విజయేంద్రప్రసాద్ కథను అందించారు. విజయేంద్ర ప్రసాద్, బి. గోపాల్ కి మధ్య చాలా మంచి అనుబంధం ఉంది. కానీ ఒక సమయంలో బి.గోపాల్ కి విజయేంద్ర ప్రసాద్ ఎన్ని కథలు చెప్పినా నచ్చేవి కావట.

దాంతో విజయేంద్ర ప్రసాద్ కి చిరాకు వచ్చి బి. గోపాల్ కి కథలు చెప్పడం మానేశారు. బి.గోపాల్ దగ్గర పనిచేసే తోట రామకృష్ణ ఒక అసిస్టెంట్ వెళ్లి విజయేంద్ర ప్రసాద్ ని రిక్వెస్ట్ చేశారు. దాంతో విజయేంద్ర ప్రసాద్ మళ్లీ బి.గోపాల్ దగ్గరికి వచ్చి, “నేను ఎన్ని కథలు చెప్పినా మీకు నచ్చడం లేదు. మీకు అసలు ఎలాంటి ఐడియా ఉంది? మనసులో ఎలాంటి కథ కావాలి అని మీరు అనుకుంటున్నారు? మీకు నచ్చిన ఏదైనా ఒక మంచి సినిమా చెప్పండి” అని అడిగారట. అందుకు బి.గోపాల్ “గుండమ్మ కథ, దుష్మన్ సినిమాలు కలిపితే ఎలా ఉంటుందో అలాంటి కథ కావాలి” అని అడిగారట.

అంటే ఒక ఫ్యామిలీ డ్రామాకి యాక్షన్ కూడా యాడ్ చేస్తే ఎలా ఉంటుందో అలాంటి సినిమా చేయాలని బి.గోపాల్ కి కోరిక. దాంతో విజయేంద్ర ప్రసాద్ వారం రోజుల్లో సమరసింహారెడ్డి కథని తయారుచేసుకొని వచ్చారు. ఆ కథను విన్న బి.గోపాల్ చాలా ఆనందంగా ఫీల్ అయ్యి ఈ సినిమాని బాలకృష్ణతో చేయాలి అని నిర్ణయించుకున్నారు. వెంటనే చెన్నైలో ఉన్న బాలకృష్ణ దగ్గరికి వెళ్లి ఈ కథని చెప్పి ఓకే చేయించారు. తర్వాత సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు.

సినిమా హీరోలు చాలా మంది సినిమాల్లోకి రాకముందు ఒకలాగా, వచ్చిన తర్వాత ఒకలాగా ఉంటారు. అంటే, అంతకు ముందు లావుగా ఉండడం, సినిమాల్లోకి రావడానికి సన్నబడడం, ఇంకా నటనకు సంబంధించిన విషయాలు నేర్చుకోవడం, డాన్స్, ఫైట్స్ లాంటివి నేర్చుకోవడం చేస్తుంటారు.

కొంత మంది ఈ విషయాలన్నిటినీ చిన్నప్పటి నుంచే నేర్చుకుంటే, కొంత మంది మాత్రం సినిమాల్లోకి వచ్చే ముందు వీటిపై అవగాహన పెంచుకుంటారు.

అలా సినిమా ఇండస్ట్రీకి చెందిన కుటుంబం నుండి వచ్చిన కొంత మంది హీరోలు కూడా ఇండస్ట్రీలోకి వచ్చేముందు నటనకు సంబంధించిన విషయాలను తెలుసుకొని మేకోవర్ అయ్యారు. ఈ పైన ఫోటోలో ఉన్న వ్యక్తిని గమనించారా? ఇతను కూడా ఇటీవల ఒక సూపర్ హిట్ సినిమాతో ఇండస్ట్రీలో అడుగు పెట్టారు. ఆ హీరో రెండవ సినిమా కూడా ఇటీవల విడుదల అయ్యింది. ఈ పాటికే మీలో చాలా మందికి అతనెవరో తెలిసిపోయి ఉంటుంది. ఈ ఫోటోలో ఉన్నది ఉప్పెన సినిమాతో తెలుగు ఇండస్ట్రీలో హీరోగా అడుగుపెట్టిన పంజా వైష్ణవ్ తేజ్.

ఇది కొన్ని సంవత్సరాల క్రితం మెగా ఫ్యామిలీకి సంబంధించిన ఒక ఫంక్షన్ లో తీసిన ఫోటో. ఈ ఫోటో ప్రస్తుతం సోషల్ మీడియాలో వైరల్ అవుతోంది. అయితే, వైష్ణవ్ తేజ్ తన చిన్నతనంలోనే శంకర్ దాదా ఎంబీబీఎస్ సినిమాలో ఒక పాత్రలో నటించిన సంగతి మనందరికీ తెలిసిందే. తర్వాత వైష్ణవ్ హీరో అవ్వాలి అనుకోలేదు. కానీ ఇంట్లో వాళ్ళు ప్రోత్సహించడంతో వైష్ణవ్ ఉప్పెన సినిమాతో ఇండస్ట్రీలోకి అడుగు పెట్టారు. అయితే, ఉప్పెన సినిమా 2020 మొదట్లోనే విడుదలవ్వాల్సి ఉంది. కానీ కరోనా కారణంగా వాయిదా పడింది. మధ్యలో సినిమా డిజిటల్ రిలీజ్ అవుతుంది అనే వార్తలు కూడా వచ్చాయి.

Uppena Movie Posters

ఎన్నో ఓటీటీ సంస్థలు సినిమా విడుదలకి పెద్ద మొత్తం ఇవ్వడానికి సిద్దపడ్డాయి. కానీ ఉప్పెన సినిమా బృందం మాత్రం ఆ అవకాశాలని తిరస్కరించింది. ఈ సినిమా కేవలం థియేటర్లలో విడుదల అవ్వాలి అని సినిమా బృందం గట్టిగా నిర్ణయించుకుంది. అనుకున్నట్టుగానే ఉప్పెన సినిమా థియేటర్లలో విడుదల అయ్యి సంచలన విజయం సాధించింది. మొదటి సినిమా అయినా కూడా హీరో హీరోయిన్లు చాలా బాగా చేశారు అని ఎంతోమంది మెచ్చుకున్నారు. హీరో హీరోయిన్లు, విజయ్ సేతుపతితో పాటు సినిమా బృందం మొత్తానికి చాలా మంచి పేరు వచ్చింది.వైష్ణవ్ ఇటీవల కొండ పొలం సినిమాతో ప్రేక్షకుల ముందుకు వచ్చారు. ఈ సినిమాకి క్రిష్ జాగర్లమూడి దర్శకత్వం వహించారు.

విజయ్ దేవరకొండ హీరోగా పూరి జగన్నాధ్ దర్శకత్వంలో వస్తున్న సినిమా లైగర్. ఈ సినిమా విజయ్ దేవరకొండ మొదటి పాన్ ఇండియన్ సినిమా. అంతకుముందు విజయ్ దేవరకొండ హీరోగా నటించిన డియర్ కామ్రేడ్, అలాగే వరల్డ్ ఫేమస్ లవర్ సినిమాలు తెలుగుతో పాటు తమిళం, మలయాళం, కన్నడ భాషల్లో కూడా విడుదల అయ్యాయి. కానీ ఈ సినిమా మాత్రం పూర్తి స్థాయి పాన్ ఇండియన్ సినిమా గా రూపొందుతోంది.

ఈ సినిమాతో అనన్య పాండే హీరోయిన్ గా తెలుగు ఇండస్ట్రీకి పరిచయం అవుతున్నారు. పూరి కనెక్ట్స్ బ్యానర్ పై పూరి జగన్నాధ్, చార్మి, ధర్మ ప్రొడక్షన్స్ బ్యానర్ పై బాలీవుడ్ నిర్మాత కరణ్ జోహార్ ఈ సినిమాని నిర్మిస్తున్నారు.

అయితే విజయ్ దేవరకొండ కాఫీ విత్ కరణ్ ప్రోగ్రాంలో పాల్గొంటున్నారు. ఈ ప్రోగ్రాంకి విజయ్ దేవరకొండతో పాటు రష్మిక కూడా వస్తున్నారు అనే వార్తలు వచ్చాయి. కానీ తర్వాత విజయ్ దేవరకొండతో పాటు రష్మిక ఈ ప్రోగ్రాంలో పాల్గొనడం లేదు అని అన్నారు. ఆ తర్వాత లైగర్ సినిమా ప్రమోషన్స్ లో భాగంగా అనన్య పాండే, విజయ్ దేవరకొండ కలిసి కాఫీ విత్ కరణ్ షోకి వెళ్లొచ్చు అని అన్నారు. కానీ అనన్య పాండే కూడా విజయ్ దేవరకొండ తో కలిసి వెళ్ళలేదు.

విజయ్ దేవరకొండ కాఫీ విత్ కరణ్ ప్రోగ్రాంలో సైన్ చేసిన కప్ ఒకటి సోషల్ మీడియాలో వైరల్ అవుతోంది. అందులో కేవలం విజయ్ దేవరకొండ సైన్ ఉన్న కప్ మాత్రమే కనిపిస్తోంది. దాంతో కేవలం విజయ్ దేవరకొండ మాత్రమే ఈ ప్రోగ్రాంకి వెళ్లి ఉండొచ్చు అని అంటున్నారు. అయితే ప్రస్తుతం విజయ్ దేవరకొండ శివ నిర్వాణ దర్శకత్వంలో వస్తున్న ఖుషి సినిమా షూటింగ్ లో బిజీగా ఉన్నారు. ఈ సినిమాలో సమంత హీరోయిన్ గా నటిస్తున్నారు.

చాలా మంది ఆడవాళ్లకి తల్లి అవ్వడం అనేది ఒక అద్భుతమైన అనుభూతిని ఇస్తుంది. చాలామంది ఆడవాళ్ళు కూడా తమ జీవితంలో ఏదైనా గుర్తుండిపోయే క్షణాలు ఏవి అంటే వాటిలో తల్లి అవ్వడం అని ఖచ్చితంగా చెప్తారు. హీరోయిన్లు కూడా ఈ విషయంలో మినహాయింపు ఏమీ కాదు.

చాలా మంది హీరోయిన్లు కూడా పిల్లల్ని కన్నారు. కొంత మంది సహజంగా పిల్లల్ని కన్నారు. కానీ వీరిలో కొంత మంది హీరోయిన్లు మాత్రం సరోగసీ పద్ధతి ద్వారా పిల్లల్ని కన్నారు. అలా సరోగసీ ద్వారా పిల్లల్ని కన్న నటులు ఎవరో ఇప్పుడు చూద్దాం.

#1 లక్ష్మీ మంచు

లక్ష్మీ మంచు సరోగసీ పద్ధతి ద్వారా ఒక పాపకు జన్మనిచ్చారు.

#2 ప్రీతి జింటా

ప్రీతి జింటా కూడా సోషల్ మీడియా ద్వారా సరోగసీ ద్వారా వారికి పిల్లలు కలిగినట్టు ప్రకటించారు.

#3 అమీర్ ఖాన్

అమీర్ ఖాన్, కిరణ్ రావు దంపతులు కూడా సరోగసీ పద్ధతిని ఆశ్రయించారు.

#4 ప్రియాంక చోప్రా

ప్రియాంక చోప్రా కూడా సరోగసీ ద్వారా వారికి ఒక పాప పుట్టినట్టు చెప్పారు.

#5 షారుక్ ఖాన్

షారుక్ ఖాన్, గౌరీ దంపతులు కూడా వారి మూడవ సంతానం కోసం సరోగసీ పద్ధతిని ఆశ్రయించారు.

#6 శిల్పా శెట్టి

శిల్పా శెట్టి దంపతులు కూడా సరోగసీ ద్వారా వారికి ఒక పాప పుట్టినట్టు ప్రకటించారు.

#7 సన్నీ లియోన్

సన్నీలియోన్ దంపతులు కూడా సరోగసీ ద్వారా బిడ్డకు జన్మనిచ్చారు.

#8 ఏక్తాకపూర్

బాలీవుడ్ టాప్ ప్రొడ్యూసర్ ఏక్తా కపూర్ కూడా సరోగసీ పద్ధతిని ఆశ్రయించారు.

#9 కరణ్ జోహార్

బాలీవుడ్ డైరెక్టర్, ప్రొడ్యూసర్ కరణ్ జోహార్ కూడా సరోగసీ పద్ధతిని ఎంచుకున్నారు.

#10 తుషార్ కపూర్

ప్రముఖ నటుడు తుషార్ కపూర్ అప్పుడు కూడా సరోగసి పద్ధతితో ఒక బాబుకి సింగిల్ పేరెంట్ గా ఉన్నారు.

వీరే కాకుండా ఇంకా చాలా మంది నటులు సరోగసీ పద్ధతి ద్వారా తల్లిదండ్రులు అయ్యారు.