Mohana Priya

గత కొన్ని సంవత్సరాల నుండి భారతీయ సినిమా ఇండస్ట్రీలో టాప్ దర్శకుల జాబితాలో వినిపిస్తున్న పేరు ప్రశాంత్ నీల్. ఒక్క సినిమాతో భారతదేశం అంతటా చాలా మంచి పేరు సంపాదించుకున్నారు ప్రశాంత్ నీల్. ఇప్పుడు ప్రశాంత్ నీల్ దర్శకత్వం వహించే నెక్స్ట్ సినిమాలపై ఆసక్తి నెలకొంది.

ఆ సినిమాలకు సంబంధించి వార్తలు కూడా బయటికి వచ్చాయి. ప్రశాంత్ నీల్ ప్రభాస్ తో హీరోగా సలార్ సినిమాకి దర్శకత్వం వహిస్తున్నారు. ఆ తర్వాత జూనియర్ ఎన్టీఆర్ తో ఒక సినిమా ఉంటుంది అని ప్రకటించారు. ఆ సినిమా తర్వాత రామ్ చరణ్ తో కూడా ఒక సినిమా ఉండే అవకాశాలు ఉన్నాయి అని వార్తలు వస్తున్నాయి.

దాంతో ప్రశాంత్ నీల్ మీద ఎన్నో నెగటివ్ కామెంట్స్ కూడా వస్తున్నాయి. అందుకు కారణం మొదటి రెండు సినిమాలు కన్నడ హీరోలతో చేసి, పేరు వచ్చిన తర్వాత తెలుగు ఇండస్ట్రీలో ఉన్న పెద్ద స్టార్ హీరోలతో వరుసగా కొన్ని పెద్ద సినిమాలకు దర్శకత్వం వహిస్తున్నారు. దాంతో ప్రశాంత్ నీల్ మీద కన్నడ ఇండస్ట్రీ ప్రేక్షకుల నుండి నెగిటివ్ కామెంట్స్ వస్తున్నాయి. ఇదే విషయాన్ని కోరాలో అడిగినప్పుడు ఒక వ్యక్తి స్పందించి ఈ విధంగా చెప్పారు. కేజీఎఫ్ డైరెక్టర్ ప్రశాంత్ నీల్ కేజీఎఫ్ – 2 తర్వాత టాలీవుడ్ లోకి వెళ్ళడానికి కారణం ఏంటి అనే ప్రశ్నకి మూవీ బఫ్ 139 అనే ఒక కోరా యూజర్ ఈ విధంగా సమాధానం చెప్పారు.

#1 డబ్బు

తెలుగు ఇండస్ట్రీలో చాలా పెద్ద నిర్మాణ సంస్థలు ఉన్నాయి. కన్నడ ఇండస్ట్రీ కంటే తెలుగు ఇండస్ట్రీ చాలా పెద్దది.

#2 నటులకి స్టార్‌డమ్

కన్నడ ఇండస్ట్రీలో ఒక డైరెక్టర్ కథని తయారు చేసి, ప్రొడ్యూసర్ లేదా నటులని కలిసి కథ వినిపించే సినిమా తీస్తారు. అంటే ఇక్కడ డైరెక్టర్ ముఖ్య పాత్ర పోషిస్తారు. తను ఒక సినిమా చేయాలి అనుకుంటే తానే వెళ్లి ప్రొడ్యూసర్ కి, నటులకి కథ చెప్పాలి. కానీ తెలుగు ఇండస్ట్రీలో ఒక డైరెక్టర్ కి హిట్ రాగానే ప్రొడ్యూసర్, హీరోలు డైరెక్టర్ ని వెతుక్కుంటూ వెళ్లి సినిమాలు తీస్తారు.

#3 సినిమాకి ఎక్కువ సమయం తీసుకోకపోవడం

తెలుగు ఇండస్ట్రీలో హీరోలు కొరటాల శివ, త్రివిక్రమ్ వంటి దర్శకులతో కమర్షియల్ సినిమాలు చేసినా కూడా సుకుమార్, రాజమౌళి వంటి దర్శకులతో ప్రయోగాత్మక సినిమాలు చేస్తారు. అందుకు కారణం హీరో కమర్షియల్ సక్సెస్ సాధించడం మాత్రమే కాకుండా మంచి నటుడిగా కూడా పేరు తెచ్చుకోవాలి. అందుకోసమే అటు కమర్షియల్ చిత్రాల్లో ఇటు ప్రయోగాత్మక సినిమాల్లో కూడా నటిస్తూ ఉంటారు.

ప్రశాంత్ నీల్ విషయానికి వస్తే ప్రశాంత్ నీల్ దర్శకత్వం వహించిన సినిమాలు కేవలం కమర్షియల్ గా మాత్రమే ఉండవు. హీరోని చాలా కొత్తగా చూపిస్తారు. అంతేకాకుండా ప్రశాంత్ నీల్ ఒకేసారి ఒకటి కంటే ఎక్కువ సినిమాలని సైన్ చేస్తారు. ఒకే సినిమాపై ఎక్కువ సమయం తీసుకోరు. రాజమౌళి, సుకుమార్ వంటి దర్శకులు ఒక సినిమాపై చాలా సంవత్సరాలు పని చేస్తారు. అందుకే ప్రశాంత్ నీల్ తో పని చేయడానికి చాలా మంది నటులు కూడా ఆసక్తి చూపిస్తున్నారు.

#4 ప్రశాంత్ నీల్ కన్నడ ఇండస్ట్రీకి అవసరమా?

ప్రశాంత్ నీల్ కన్నడ ఇండస్ట్రీకి అవసరమా అనే ప్రశ్నకు కూడా సమాధానం చెప్పారు. ఈ ప్రశ్నకి సమాధానం చెప్పు ఈ విధంగా అన్నారు. “ప్రశాంత్ నీల్ కన్నడ ఇండస్ట్రీ కి అవసరమే. కన్నడ ఇండస్ట్రీ మార్కెట్ దేశవ్యాప్తంగా విస్తరించడానికి ప్రశాంత్ నీల్ ఒక బ్రాండ్ గా నిలిచారు. ఒక గ్యాంగ్‌స్టర్ డ్రామాని తెరపై చాలా బాగా, రియలిస్టిక్‌గా చూపించడం ప్రశాంత్ నీల్ స్పెషాలిటీ.” అని రాశారు.

sourced from : Quora (Moviebuff139)

ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది.

సినిమాలో ఇద్దరికీ సమానమైన పాత్రలు ఉంటాయి. ఈ సినిమాలో ఈ ఇద్దరు హీరోలకి మాత్రమే కాకుండా ముఖ్య పాత్రల్లో నటించిన నటీనటులకు కూడా మంచి పేరు వచ్చింది. వారిలో మల్లి పాత్ర పోషించిన అమ్మాయి ఒకరు. అసలు సినిమాలో కథ మొదలవడానికి ముఖ్యకారణం మల్లి పాత్ర. సినిమా మొత్తం తన మీదే నడుస్తుంది.  ఆ పాపని మళ్ళీ తీసుకుని రావడం కోసం కొమరం భీమ్ రావడంతోనే సినిమా మొదలవుతుంది. ఈ నేపథ్యంలోనే సినిమాలో కథలు చాలా ట్విస్ట్‌లు చోటుచేసుకుంటాయి. ఆ పాత్ర పోషించిన అమ్మాయి పేరు ట్వింకిల్ శర్మ. ట్వింకిల్ శర్మ అంతకు ముందు డాన్స్ ఇండియా డాన్స్ అనే కాంపిటీషన్ లో పాల్గొంది.

image source: Facebook (Twinkle Sharma Little Star)

ఆ తర్వాత ఇండియాస్ బెస్ట్ డ్రమెబాజ్ లో టాప్ 8 కంటెస్టెంట్స్ లో ఒకరిగా నిలిచింది. హిందీ జీ ఛానల్ లో ప్రసారమైన చాలా ఈవెంట్స్ లో పాల్గొంది. ఇది మాత్రమే కాకుండా ఇంకా ఎన్నో టీవీ షోస్ లో ట్వింకిల్ పాల్గొంది. ఇవన్నీ మాత్రమే కాకుండా ఫ్లిప్‌కార్ట్ ప్రకటనలలో కూడా నటించింది. ఇప్పుడు ఆర్ఆర్ఆర్ తో తెలుగు ఇండస్ట్రీకి కూడా పరిచయం అయ్యింది. ట్వింకిల్ శర్మ సోషల్ మీడియాలో చాలా యాక్టివ్‌గా ఉంటుంది. సినిమా విడుదలైన తర్వాత రాజమౌళికి, అలాగే తన పాత్రకి ఇంత మంచి స్పందన వచ్చినందుకు ప్రేక్షకులకి థాంక్స్ చెప్పింది.

Twinkle Sharma Flipkart Ad:

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. సినిమా విడుదల చాలా సార్లు వాయిదా పడింది. తర్వాత సినిమా మార్చ్ లో విడుదల అయ్యింది. సినిమా విడుదలకు ముందే పాటలు విడుదల చేశారు. ఈ పాటలు చాలా ఫేమస్ అయ్యాయి. ఒక రకంగా చెప్పాలంటే ఈ సినిమా మీద ఆసక్తిని ఇంకా పెంచాయి. దాంతో ఈ సినిమా ఎప్పుడెప్పుడు విడుదల అవుతుందా అని ప్రేక్షకులు ఇంకా ఆసక్తిగా ఎదురు చూశారు. ఈ సినిమాలోని దోస్తీ వీడియో సాంగ్ ఇవాళ విడుదల అయ్యింది. ఈ పాట లిరికల్ వీడియో సినిమా విడుదల అవ్వకముందే విడుదల అయ్యింది.

ఈ పాటని ఆ వీడియోలో హేమచంద్ర పాడారు. కానీ సినిమాలో మాత్రం వేరే గాయకుడు గొంతు వినిపించింది. సినిమాలో ఈ పాటని కాలభైరవ పాడారు. సినిమా విడుదల అవ్వకముందే పాట చాలా ఫేమస్ అయింది. దాంతో సినిమాలో వేరే గొంతు విన్నప్పుడు ప్రేక్షకులకి కొంచెం కొత్తగా అనిపించింది. మిగిలిన భాషల్లో మాత్రమే లిరికల్ వీడియోలో కనిపించిన గాయకులు పాడిన పాటే ఉంది. తెలుగులో మాత్రం మారింది. మరి ఇలా మార్చడానికి వెనుక కారణం ఏంటో సినిమా బృందానికి మాత్రమే తెలియాలి. ఇంక సినిమా విషయానికి వస్తే ఈ సినిమా తెలుగు, తమిళ్, మలయాళం, కన్నడ భాషలో వర్షన్స్ జీ 5 లో విడుదల అయ్యాయి. హిందీ వర్షన్ నెట్‌ఫ్లిక్స్‌లో విడుదల అవుతుంది. ఈ విషయంపై అధికార ప్రకటన ఇంకా రావాల్సి ఉంది.

కొన్ని సందర్భాల్లో ఒక మనిషికి, మరొక మనిషికి ఎక్కడో ఒకచోట సిమిలారిటీస్ ఉంటాయి. పుట్టిన తేదీ కలవడం, లేదా పుట్టిన ఊరు ఒకటే అవ్వడం అలా అన్నమాట.

ఇలా మన సినిమా ఇండస్ట్రీలో కూడా ఒక ఇద్దరికి కో – ఇన్సిడెంటల్ గా కొన్ని విషయాలు కలిశాయి. మన ఇండస్ట్రీలో స్టార్ హీరోలలో ఒకరు జూనియర్ ఎన్టీఆర్.

అలాగే సినిమాకి, సినిమాకి సంబంధం లేకుండా ప్రతి సినిమాకి డిఫరెంట్ కాన్సెప్ట్ తో మనల్ని అలరిస్తున్నారు మంచు మనోజ్. ఎన్టీఆర్ ఇంకా మంచు మనోజ్ మంచి స్నేహితులు అనే విషయం అందరికి తెలిసిందే. వీరిద్దరికీ కో ఇన్సిడెంటల్ గా కొన్ని విషయాలు కలుస్తాయి. జూనియర్ ఎన్టీఆర్ 1983 మే 20వ తేదీన పుట్టారు. మంచు మనోజ్ పుట్టిన తేదీ మే 20, 1983.

జూనియర్ ఎన్టీఆర్ మొదటిసారిగా 1991 లో వచ్చిన బ్రహ్మర్షి విశ్వామిత్ర సినిమాలో చైల్డ్ ఆర్టిస్ట్ గా కనిపించారు. ఆ తర్వాత 1996 లో గుణశేఖర్ దర్శకత్వంలో వచ్చిన బాల రామాయణం సినిమాలో రాముడిగా నటించారు జూనియర్ ఎన్టీఆర్. మంచు మనోజ్ 1993 లో వచ్చిన మేజర్ చంద్రకాంత్ సినిమాలో చైల్డ్ ఆర్టిస్ట్ గా నటించారు.

తర్వాత చైల్డ్ ఆర్టిస్ట్ గా కొన్ని సినిమాల్లో నటించారు మంచు మనోజ్. జూనియర్ ఎన్టీఆర్ మొదటి చిత్రం అయిన బ్రహ్మర్షి విశ్వామిత్ర లోనూ, మంచు మనోజ్ మొదటి చిత్రం అయిన మేజర్ చంద్రకాంత్ లోనూ నందమూరి తారక రామారావు గారు ప్రధాన పాత్ర పోషించారు.

జూనియర్ ఎన్టీఆర్ తండ్రి హరికృష్ణ గారు ఎన్నో సినిమాల్లో నటించారు. అలాగే మాజీ ఎంపీ కూడా. మంచు మనోజ్ తండ్రి మోహన్ బాబు గారు కూడా ఎన్నో సినిమాల్లో నటించడంతో పాటు ఎంపీగా కూడా ఉన్నారు. జూనియర్ ఎన్టీఆర్ కి 2011 లో మే నెలలో లక్ష్మీ ప్రణతి తో వివాహం జరిగింది. మంచు మనోజ్ కి 2015లో మే నెలలో వివాహం జరిగింది. మంచు మనోజ్ భార్య పేరు ప్రణతి.