Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

Sports Adda

క్రికెట్ గ్రౌండ్ లో అలా 2-3 పిచ్ లు ఎందుకు ఉంటాయో తెలుసా.? ఒకటి పాడైతే ఇంకోదానికోసం మాత్రమే అనుకుంటే పొరపాటే.!

by Mohana Priya March 12, 2021

written by Mohana Priya

మనకి క్రికెట్ అనేది ఒక ఆట కాదు. ఒక ఎమోషన్. ప్రపంచంలో క్రికెట్ కి ఎంత మంది అభిమానులు ఉన్నారో ప్రత్యేకంగా చెప్పాల్సిన అవసరం లేదు. ఎప్పుడైనా ఒక మ్యాచ్ ఉంటే ఆ మ్యాచ్ మొదలయ్యే ఒకరోజు ముందు నుంచే క్రికెట్ అభిమానుల్లో ఎక్సైట్మెంట్ ఉంటుంది. అయితే మీరు ఎప్పుడైనా ఒకటి గమనించారా?

సాధారణంగా క్రికెట్ గ్రౌండ్ మీద ఒకటి కంటే ఎక్కువ పిచ్ లు ఉంటాయి. కానీ మ్యాచ్ మాత్రం సింగిల్ పిచ్ మీద ఆడతారు. ఎందుకో తెలుసా? అలా ఒక స్టేడియం లో ఒకటి కంటే ఎక్కువ పిచ్ లు ఉండడానికి కారణం ఏంటంటే. ఒక్కొక్క పిచ్ ఒక్కొక్క పరిమాణంతో రూపొందిస్తారు.

ప్రతి పిచ్ కి వేరే వేరే స్టాండర్డ్స్ ఉంటాయి. ఒక్కొక్క పిచ్ ఒక్కొక్క దానికి ఉపయోగిస్తారు. అంటే ఒక పిచ్ నెట్ ప్రాక్టీస్ కి, ఒక పిచ్ డొమెస్టిక్ క్రికెట్ కి, ఇంకొక పిచ్ ఇంటర్నేషనల్ క్రికెట్ కి అలా అన్నమాట. ఒకటి పర్టికులర్ పిచ్ లో ఒక మ్యాచ్ మాత్రమే ఆడడానికి వీలుగా ఉండే స్టాండర్డ్స్ తో పిచ్ రూపొందిస్తారు.

ఒక పిచ్ స్టాండర్డ్ కి ఒక రకమైన మ్యాచ్ మాత్రమే ఆడడానికి సౌకర్యంగా ఉంటుంది. ఇలా మల్టిపుల్ పిచెస్ ఉండడానికి ఇంకొక కారణం కూడా చెప్తారు. అదేంటంటే. మ్యాచ్ ఆడటానికి ఒక ఫ్రెష్ పిచ్ కావాలి. ఒక పిచ్ రికవర్ అయ్యి మళ్ళీ మామూలు కండిషన్ కి రావడానికి చాలా టైం పడుతుంది. అందుకే ఒక స్టేడియంలో ఒకటి కంటే ఎక్కువ పిచ్ లు ఉంటాయి.

March 12, 2021

Human angle

2013 లో తల్లి చనిపోవడంతో ఆ యువతికి పెళ్లి చేయాలనుకున్నారు…ఇంట్లోనుండి వెళ్లిపోయిన 7 ఏళ్ల తర్వాత.?

by Mohana Priya March 12, 2021

written by Mohana Priya

మనందరికీ జీవితంలో ఏదో ఒకటి చేయాలి అని కల ఉంటుంది. ఎన్నో చేయాలి ఎన్నో సాధించాలని అనుకుంటాం. కానీ అందుకు మనం చేసే ప్రయత్నం ద్వారానే మనకు విజయం వస్తుంది. ఒక్కొక్కసారి మన చుట్టూ ఉన్న వాళ్ళందరూ మనకు వ్యతిరేకంగా ఉండొచ్చు. మనకి ఎవరి సపోర్ట్ లేకపోవచ్చు. కానీ అలాంటి సమయంలో కూడా మనం అనుకున్న దాని కోసం కష్టపడి సాధించామంటే అక్కడే చాలా వరకు మనం గెలిచినట్టే.

ఒక వ్యక్తి అలాగే ఎందరితోనో పోరాడి తను అనుకున్నది సాధించారు. వివరాల్లోకి వెళితే. సంజు రాణి వర్మ మీరట్ కి చెందిన వారు. 2013లో సంజు తల్లి చనిపోయారు. అప్పుడు కుటుంబ సభ్యులు సంజుని కాలేజ్ వదిలేసి పెళ్ళి చేసుకోమని చెప్పారు. అప్పుడు సంజు గ్రాడ్యుయేషన్ పూర్తి చేసి మీరట్ లోని ఆర్జీ డిగ్రీ కాలేజ్ లో పోస్ట్ గ్రాడ్యుయేషన్ చదువుతున్నారు.

ఆ టైంలో పెళ్లి చేసుకోమని ఒత్తిడి రావడంతో సంజు తన కుటుంబం తన ఆశయం రెండిట్లో ఏదో ఒకదాన్ని ఎంచుకోవాల్సిన పరిస్థితి వచ్చింది. అప్పుడు సంజు ఇంటి నుంచి వెళ్లిపోయారు. తన చదువు కూడా మధ్యలో ఆగిపోయింది. సంజు దగ్గర డబ్బులు లేవు. ఒక రూమ్ రెంట్ కి తీసుకొని పిల్లలకు ట్యూషన్ చెప్పడం మొదలుపెట్టారు. అలాగే సంజు కి ప్రైవేట్ స్కూల్స్ లో పార్ట్ టైం టీచింగ్ ఉద్యోగాలు కూడా వచ్చాయి.

కానీ ఎన్ని అడ్డంకులు ఎదురైనా సంజు తన ఆశయాన్ని వదలకుండా 2018 లో యూపిపిఎస్సి ఎగ్జామ్స్ క్లియర్ చేశారు. కమర్షియల్ టాక్స్ ఆఫీసర్ గా ఉద్యోగంలో చేరారు సంజు. 2020లో ఒక ఇంటర్వ్యూలో తనకి సివిల్స్ ఎగ్జామ్స్ పాస్ అయ్యి డిస్ట్రిక్ట్ మెజిస్ట్రేట్ అవ్వాలి అని ఉంది అని చెప్పారు సంజు.

సంజు మాట్లాడుతూ “మా అమ్మ మరణించిన తర్వాత మా కుటుంబం వాళ్ళు పెళ్లి చేసుకోమని ఒత్తిడి చేయడం మొదలుపెట్టారు. నేను నా పాయింట్ వివరించటానికి ప్రయత్నించాను కానీ వాళ్ళు వినలేదు. అప్పుడు నేను ఇంక వాళ్ల కోణంలో నుంచి విషయాలను చూడడం ఆపేసి, నా జీవితం నేను బతకాలి అని నిర్ణయించుకున్నాను.

నా జీవితంలో నేను బతకడం మొదలు పెట్టినందుకు నా కుటుంబం నా మీద కొంచెం కోపంగా ఉంది. కానీ ఆఫీసర్ హోదాలో ఉన్న నన్ను అందరూ గౌరవిస్తుంటే చూసి వాళ్లు కూడా ఆనందంగా ఫీల్ అవుతారు అని నాకు తెలుసు. నాకు నా బాధ్యత గురించి పూర్తిగా తెలుసు. నా కుటుంబానికి నేను అన్నివిధాలా సపోర్ట్ చేయాలి అనుకుంటున్నాను. కానీ కూతుర్లని చదువు ఆపించేసి పెళ్లి చేయమని ఈ సమాజం చేసే ఒత్తిడి అనేది నాకు అర్థం కాదు.” అని అన్నారు.

March 12, 2021

ఇంతకుముందు చూసుంటే నవ్వొచ్చేది ఏమో? కానీ ఇప్పుడు కన్నీళ్లొస్తున్నాయి.!

by Mohana Priya March 12, 2021

written by Mohana Priya

గాన గంధర్వుడు ఎస్.పి. బాలసుబ్రమణ్యం గారు ఇంకా మన మధ్య లేరు అనే విషయం ఇప్పటికి కూడా చాలా మంది జీర్ణించుకోలేకపోతున్నారు. బాలు గారు జూన్ 4 న , 1946 లో జన్మించారు. గాయకుడిగా మాత్రమే కాకుండా డబ్బింగ్ ఆర్టిస్ట్ గా, నటుడిగా కూడా ఎంతో పేరు సంపాదించారు బాలు గారు. సినీ సంగీతం లో ఆయన కృషి ని ప్రశంసిస్తూ జాతీయ ప్రభుత్వం 2001 లో పద్మశ్రీ ని, 2011 లో పద్మ భూషణ్ ని ప్రకటించింది. బాలు గారు ఆరు సార్లు జాతీయ స్థాయి లో ఉత్తమ గాయకుడిగా అవార్డు ను అందుకున్నారు.

ఇవే కాకుండా 53 సంవత్సరాల సినీ ప్రస్థానం లో ఇంక ఎన్నో అవార్డులను, అలాగే ఎంతో మంది అభిమానులను సంపాదించారు. అలాగే పాడుతా తీయగా వంటి కార్యాక్రమాల ద్వారా ఎంతో మంది యంగ్ టాలెంట్స్ ని ప్రోత్సహించారు. పాడుతా తీయగా ఆఫ్ స్క్రీన్ లో అంటే బిహైండ్ ద సీన్స్ జరిగేవి (బ్లూపర్స్) షో యాజమాన్యం యూట్యూబ్ లో పెడతారు. ఈ వీడియోలు చూస్తే బాలు గారు ఎంతో సరదా మనిషి అని అనిపిస్తుంది.

ఒక వీడియోలో పార్టిస్పెంట్ లాగా వెళ్లి కొంచెం టెన్షన్ తో పాట పాడి, జడ్జిమెంట్ చెప్పమని అడిగి, అవతల వైపు వ్యక్తి కొంచెం గుటకలు ఎక్కువ అయ్యాయి, మీరు కొంచెం నీళ్లు తాగితే బాగుండేది అని చెప్పడంతో బాలు గారు ఇప్పుడు నేను ఈ రౌండ్ లో ఉంటానా? అని అడుగుతారు. అప్పుడు ఆ వ్యక్తి వేరే పార్టిస్పెంట్స్ పర్ఫార్మెన్స్ మీద ఆధారపడి ఉంటుంది అని చెప్పడంతో బాలుగారు ఏడుపు నటిస్తారు.

అప్పుడు అక్కడ కూర్చుని ఉన్న కంటెస్టెంట్స్ వచ్చి బాలు గారిని ఓదారుస్తారు. ఇదంతా సరదాగానే జరిగింది. ఒకప్పుడు ఇవన్నీ చూస్తే మనకి కూడా సరదాగా అనిపించేది. కానీ ఇప్పుడు మాత్రం బాలు గారు మన మధ్య లేరు అన్న విషయం మళ్ళీ గుర్తొస్తుంది. ఇది ఒక్కటే కాదు పాత పాట ఏది విన్నా కూడా బాలు గారు కచ్చితంగా గుర్తొస్తారు.

ఎందుకంటే కొన్ని దశాబ్దాల వరకు దాదాపు ప్రతి సినిమాలో బాలు గారి పాటలు ఉండేవి. అప్పుడు అన్నిచోట్ల బాలు గారి పాటలే వినిపించేవి. ఇప్పుడు కూడా, ఇప్పుడే కాదు భవిష్యత్తులో కూడా ఆయన పాటలు ప్రతిచోటా వినిపిస్తాయి. కానీ అంతకు ముందు ” బాలు గారు చాలా బాగా పాడుతారు” అని అనుకునే వాళ్ళం. ఇప్పుడు “బాలు గారు చాలా బాగా వాడేవారు” అని అనుకుంటాం. ఆయన స్థానాన్ని ఎవరు భర్తీ చేయలేరు.

watch video :

March 12, 2021

Filmy Adda

అందుకే సుధీర్ కి ఫాన్స్ ఎక్కువ అనుకుంటా.? శ్రీమంతం చేయించుకుంటాడు…బకరా అవుతాడు.!

by Mohana Priya March 12, 2021

written by Mohana Priya

జబర్దస్త్ షో తో పాపులర్ అయిన వ్యక్తులు చాలామందే ఉన్నారు .అందులో సుడిగాలి సుధీర్ ముందు వరసలో ఉంటారు. రష్మీ ,సుడిగాలి సుధీర్ కలిసి చేసే ఫన్ కి చాలామంది అభిమానులు ఉన్నారు. జబర్దస్త్ కాకుండా ఇంకా చాలా షోస్ చేసి మెప్పించారు సుడిగాలి సుధీర్. సుడిగాలి సుధీర్ జబర్దస్త్ కు రాకముందు డబ్బులు సంపాదించడానికి మ్యాజిక్ లు చేసేవారు.మొదటగా మ్యాజిక్ ను తన మావయ్య దగ్గర నేర్చుకున్నారు సుధీర్.

కాగా 5 వ తరగతిలో తాను చేసిన మ్యాజిక్ కు మొదట సంపాదన వచ్చింది సుధీర్ కు. ఒక స్క్రిప్ట్ నిమిత్తం వేణు ద్వారా సుధీర్, కార్తీక్ రెడ్డి అనే దర్శకుడి దగ్గరకి వెళ్ళాడు ఆ నేపథ్యంలో సుధీర్ కు మొదటిసారిగా సినిమాలో నటించే అవకాశం వచ్చింది .ఆ చిత్రమే “అడ్డా “.ఈ చిత్రంతో సుధీర్ కు నటుడిగా మంచి గుర్తింపు వచ్చింది.రేస్ గుర్రం ,టైగర్ ,సుప్రీమ్ ,సర్ధార్ గబ్బర్ సింగ్ లాంటి పలు చిత్రాలలో నటించారు సుడిగాలి సుధీర్.

ప్రస్తుతం సుడిగాలి సుధీర్ జబర్దస్త్ కమెడియన్ గా మాత్రమే కాకుండా, యాంకర్ గా, అలాగే యాక్టర్ గా కూడా దూసుకెళ్తున్నారు. అయితే మనం టీవీలో చూసే చాలా షోస్ లో సుధీర్ పై కొంచెం అందరూ సెటైర్లు వేస్తూ ఉంటారు. ప్రతి షోలో సుధీర్ పై ఎక్కువగా కామెంట్స్ చేస్తూ ఉంటారు. కొన్నిసార్లు ఆ కామెంట్స్ చూసే ప్రేక్షకులకే ఇబ్బందిగా అనిపిస్తాయి. “ఏంటి సుధీర్ పై ఇలా కామెంట్స్ చేస్తున్నారు?” అని అనిపిస్తుంది.

ముఖ్యంగా జబర్దస్త్, ఢీ లాంటి షోస్ లో సుధీర్ ని ఒక ప్లే బాయ్ లాగా చూపిస్తారు. ఇటీవల ఒక ఎపిసోడ్ లో సుధీర్ కి శ్రీమంతం చేసినట్లు చూపించారు. మామూలుగా ఒక స్థాయికి వచ్చిన తర్వాత అన్ని పాత్రల్లోనూ నటించడం అంటే అందరూ అంత ప్రిఫర్ చేయరు. కానీ సుధీర్ మాత్రం పాత్రని కేవలం పాత్ర లాగానే కన్సిడర్ చేస్తారు.

ఎంతో కష్టపడి ఇంత మంచి స్థాయికి ఎదిగారు సుధీర్. అయినా కూడా కామెడీని కేవలం కామెడీ లాగా మాత్రమే చూస్తారు. నిజ జీవితం లో సుధీర్ కి ఎంత మంచి వ్యక్తో అందరికీ తెలుసు. ఆన్ స్క్రీన్ అయితే మాత్రం స్కిట్ ఏదైనా పాత్ర ఏదైనా ఎప్పుడూ తన హండ్రెడ్ పర్సెంట్ ఇస్తారు సుధీర్. అందుకే ఎంతో మంది అభిమానులను సంపాదించుకున్నారు.

March 12, 2021

Filmy Adda

ఇదేందయ్యా ఇది … “బాస్” మాస్ ఎంట్రీ BGM ని … ఇలా మెలోడీ సాంగ్ లో కాపీ కొట్టేశారు.?

by Mohana Priya March 12, 2021

written by Mohana Priya

సాధారణంగా మన ఆలోచనలలాంటివే ఇంకొకరికి వస్తూ ఉండటం చూస్తూనే ఉంటాం. దానికి కొంత మంది కాపీ అని పేరు పెడితే, కొంత మంది ఇన్స్పిరేషన్ అంటారు. ఇలాంటివి సినిమాల్లో ఎక్కువగా జరుగుతూ ఉంటాయి. ఒక సినిమా కథని పోలిన కథతో మరొక సినిమా రావడం, కాస్ట్యూమ్స్ ఒకేలా ఉండడం, ఇలాంటివన్నీ అవుతూనే ఉంటాయి.

ఇంకా కొన్ని సందర్భాల్లో పాటలు ఒకే లాగా ఉండటం కూడా జరుగుతూ ఉంటాయి. అయితే, అలా ఒక సినిమాలో ఒక పాటకి వాడిన ట్యూన్ ఇంకొక సినిమాలో ఉన్న బ్యాక్ గ్రౌండ్ స్కోర్ ట్యూన్ కి దగ్గరగా ఉంది. వివరాల్లోకి వెళితే. బ్రూస్ లీ సినిమాలో మెగాస్టార్ చిరంజీవి ఎంట్రీ కి వచ్చిన బ్యాక్ గ్రౌండ్ స్కోర్ ఎవరూ మర్చిపోలేరు. అంత పవర్ ఫుల్ గా ఉంటుంది ఆ మ్యూజిక్.

అయితే అదే మ్యూజిక్ కొంచెం మార్పుతో పునీత్ రాజ్ కుమార్ హీరోగా నటించిన కన్నడ సినిమా చక్రవ్యూహ లో ఒక పాటలో వినిపిస్తుంది. మొత్తం కాకపోయినా సడన్ గా మనకు వినంగానే బ్రూస్ లీ సినిమా మ్యూజిక్ గుర్తొస్తుంది. అయితే ఇక్కడ గమనించాల్సిన విషయం ఏమిటంటే ఈ రెండు సినిమాలకు మ్యూజిక్ డైరెక్టర్ తమన్.

ఇంకొక విషయం ఏంటంటే చక్రవ్యూహ సినిమా 2016 లో వచ్చింది. బ్రూస్ లీ సినిమా 2015 లో వచ్చింది. కాబట్టి వాళ్ళ ట్యూన్స్ వాళ్లు వేరే సినిమాలకు ఉపయోగించుకోవడం జరుగుతూనే ఉంటుంది. ఒక తమన్ మాత్రమే కాదు ఇలాగే ఎ.ఆర్.రెహమాన్, హ్యారిస్ జయరాజ్, దేవి శ్రీ ప్రసాద్ ఇంకా ఎంతో మంది సంగీత దర్శకులు తాము కంపోజ్ చేసిన ట్యూన్స్ వారి వేరొక సినిమాల్లో బ్యాక్ గ్రౌండ్ స్కోర్ లాగానో, లేదా ఇంకొక పాట లాగానో ఉపయోగించారు.

March 12, 2021

Filmy Adda

మనం బుల్లితెరపై రోజూ చూసే ఈ 12 మంది యాంకర్ల వయసు ఎంతో తెలుసా.?

by Mohana Priya March 11, 2021

written by Mohana Priya

తెలుగు లో ఎన్ని సీరియల్స్ వచ్చినా గానీ ప్రోగ్రామ్స్ కి ఉండే క్రేజే వేరు. అందరూ టీవీలో వచ్చే అన్ని సీరియల్స్ చూడకపోవచ్చు. కానీ ప్రోగ్రామ్స్ మాత్రం చిన్న వాళ్ళ నుండి పెద్దవాళ్ళ వరకు దాదాపు అన్ని వయసుల వాళ్ళు చూస్తారు.

రోజు మొత్తం వచ్చే సీరియల్స్ నుండి డైవర్ట్ చేయడానికి ప్రతి ఛానల్ వాళ్ళు వివిధ రకాల కంటెంట్ తో ప్రోగ్రామ్ లను రూపొందిస్తున్నారు. వరుసగా వచ్చే టీవీ సీరియల్స్ మధ్యలో బ్రేక్ టైం లాగా మధ్యాహ్నం ఒక షో, రాత్రి ఒక టీవీ షో అనే పాటర్న్ లో ఈ ప్రోగ్రామ్స్ వస్తూ ఉంటాయి. ఒక టీవీ షో ని తన భుజాలపై నడిపించే వ్యక్తి యాంకర్.

ఒక యాంకర్ అవ్వాలి అంటే స్క్రీన్ ప్రెజెన్స్ తో పాటు స్పాంటేనిటీ, సెన్సాఫ్ హ్యూమర్, సెలబ్రిటీల ని రిసీవ్ చేసుకునే విధానం, షో లో వచ్చే కంటెస్టెంట్స్ తో మాట్లాడే విధానం కూడా తెలిసి ఉండాలి. అలా ఎంతో కష్టపడి మన యాంకర్లు మనల్ని ఎంటర్టైన్ చేస్తారు. అలా మన టీవీ ఇండస్ట్రీలో ఉన్న పాపులర్ యాంకర్స్ వయసు ఎంతో ఇప్పుడు చూద్దాం.

#1 సుమ కనకాల – 45 సంవత్సరాలు

#2 అనసూయ భరద్వాజ్ – 35 సంవత్సరాలు

#3 ప్రదీప్ మాచిరాజు – 34 సంవత్సరాలు

#4 రష్మీ గౌతమ్ – 32 సంవత్సరాలు

#5 రవి – 30 సంవత్సరాలు

#6 వర్షిణి – 26 సంవత్సరాలు

#7 శ్రీ ముఖి – 27 సంవత్సరాలు

#8 ఝాన్సీ – 50 సంవత్సరాలు

#9 శ్యామల – 31 సంవత్సరాలు

#10 విష్ణు ప్రియ – 33 సంవత్సరాలు

#11 ఉదయభాను – 47 సంవత్సరాలు

#12 లాస్య – 31 సంవత్సరాలు

March 11, 2021

Filmy Adda Viral

రియల్ లైఫ్ పుట్టుమచ్చని రీల్ లైఫ్ లో దిష్టి చుక్క చేసేశారు కదా.?

by Mohana Priya March 11, 2021

written by Mohana Priya

సాధారణంగా బయోపిక్ అంటే అందరికీ తెలిసే ఉంటుంది. ఒక మనిషి జీవితంలో జరిగిన ఘటనల ఆధారంగా బయోపిక్ తీస్తారు. అందులో కొన్ని సినిమాటిక్ లిబర్టీతో మారిస్తే కొన్ని మాత్రం నిజజీవితంలో ఎలా జరిగాయో అలాగే చూపిస్తారు. గత కొన్ని సంవత్సరాలుగా బయోపిక్ ట్రెండ్ నడుస్తోంది. చాలా మంది సినిమా రంగానికి చెందిన ప్రముఖుల తో పాటు, ఇతర రంగానికి చెందిన ప్రముఖుల జీవితాలను కూడా బయోపిక్ రూపంలో మనకి ప్రెజెంట్ చేస్తున్నారు.

ఈ సినిమాల ద్వారా వారు బయట ఎప్పుడు మాట్లాడని ఎన్నో విషయాలు మనకు తెలుస్తున్నాయి. ఒక్క లాంగ్వేజ్ లో మాత్రమే కాకుండా దాదాపు ప్రతి భాషలో బయోపిక్స్ వస్తున్నాయి. బయోపిక్ అంటే వారి జీవితంలో జరిగిన సంఘటనలు మాత్రమే కాకుండా వారు చూడడానికి ఎలా ఉంటారో, సినిమాలో ఆ పాత్రలో నటించే నటులు కూడా అలాగే ఉండేలాగా చూసుకుంటారు. వారి ఎలా నడుస్తారు, ఎలా మాట్లాడుతారు, హెయిర్ స్టైల్ ఎలా ఉంటుంది, ఇవన్నీ కూడా సినిమాలో మ్యాచ్ అయ్యేలా చూసుకుంటారు.

కానీ కొన్నిసార్లు అవి నిజ జీవితంలో ఉన్న వ్యక్తి ఫీచర్స్ కి మ్యాచ్ అవ్వవు. ఇటీవల ఇలాంటి ఒక పాయింట్ ప్రస్తుతం సోషల్ మీడియాలో వైరల్ అవుతోంది. ప్రముఖ బ్యాడ్మింటన్ క్రీడాకారిణి సైనా నెహ్వాల్ జీవితం ఆధారంగా రూపొందిన సినిమా సైనా. ఈ సినిమాలో పరిణీతి చోప్రా టైటిల్ రోల్ పోషిస్తున్నారు. సైనా సినిమాకి స్టాన్లీ కా డబ్బా వంటి ఎన్నో హిట్ చిత్రాలకు దర్శకత్వం వహించిన అమోల్ గుప్తే దర్శకత్వం వహిస్తున్నారు.

సైనా పాత్ర కోసం పరిణీతి చోప్రా చాలా ట్రైనింగ్ తీసుకున్నారు. సైనా నెహ్వాల్ మాటతీరు, వాకింగ్ స్టైల్ గమనించడంతో పాటు, ముఖ్యంగా బ్యాడ్మింటన్ కూడా నేర్చుకున్నారు. అయితే సైనా నెహ్వాల్ కి ఎడమ వైపు చెంపపై ఒక పుట్టుమచ్చ ఉంటుంది. సైనా పాత్ర పోషిస్తున్న పరిణీతికి కూడా అలాగే ఎడమ వైపు చెంప పైన పుట్టుమచ్చ పెట్టారు.

కానీ సైనా నెహ్వాల్ పుట్టుమచ్చతో పోల్చిచూస్తే పరిణీతి చోప్రా పుట్టుమచ్చ కొంచెం పెద్దగా అనిపించింది. ఈ విషయం గురించి సోషల్ మీడియాలో మాట్లాడుతూ ,”ఆ పుట్టుమచ్చ పాత సినిమాల్లో విలన్ కి ఉన్నట్టుగా ఉంది” అని అంటున్నారు. దీనిపై సోషల్ మీడియాలో మీమ్స్ కూడా వస్తున్నాయి.

March 11, 2021

Off Beat

సాధారణ రైలు పట్టాలపై ఉన్నట్టు…”మెట్రో ట్రాక్” పై కంకర రాళ్లు ఎందుకు ఉండవో తెలుసా.?

by Mohana Priya March 10, 2021

written by Mohana Priya

జనాలు ఎక్కువ బస్సు ప్రయాణాల కంటే ట్రైన్ ప్రయాణం ఎక్కువ ఇష్టపడతారు. ఎందుకంటే ఆ ట్రైన్ వెళ్ళేటప్పుడు చుట్టూ ఉన్న పరిసరాలు ఎంతో ప్రశాంతతను ఇస్తాయి. జన సందోహం ఉన్న ప్రదేశాలలో ట్రైన్ వెళ్లదు కాబట్టి వాతావరణం కూడా ఆహ్లాదంగా అనిపిస్తుంది. అలా మనం మనం ట్రైన్ ఎక్కినప్పుడు మన చుట్టూ ఉన్న పరిసరాలను చూస్తూ ట్రైన్ ని ఎక్కువ గమనించము. మన బెర్త్ తప్ప మిగిలినవి మనం పట్టించుకోము.

అయితే మీరు ఎప్పుడైనా ఒక విషయం గమనించారా? అదేంటంటే. సాధారణంగా రైల్వే ట్రాక్ మీద రాళ్ళు ఉంటాయి. కానీ మళ్ళీ మెట్రో రైల్వే ట్రాక్ మీద రాళ్ళు ఉండవు. దానికి కారణం ఏమిటో ఇప్పుడు తెలుసుకుందాం. రైల్వే ట్రాక్ మీద అలా రాళ్ళు ఉండడాన్ని ట్రాక్ బ్యాలస్ట్ అంటారు. రైల్వే ట్రాక్ కింద పర్పెండిక్యులర్ గా ఒక బ్లాక్ లాంటిది పెడతారు.

Also read: రైల్వే ట్రాక్స్ కింద‌, చుట్టూ కంక‌ర రాళ్ల‌ను ఎందుకు పోస్తారో తెలుసా..? వెనకున్న కారణం ఇదే.!

వాటిని రైల్వే స్లీపర్స్ అంటారు. రైల్వే ట్రాక్స్ మధ్య గ్యాప్ కరెక్ట్ గా ఉండేలా, అలాగే ట్రాక్ ఎప్పుడు నిటారుగా ఉండేలా ఉండడానికి ఈ రైల్వే స్లీపర్స్ సహాయపడతాయి. రైల్వే స్లీపర్స్ ని రైల్ రోడ్ టై లేదా క్రాస్ టై అని అంటారు. అంతకుముందు రైల్వే స్లీపర్స్ ని చెక్కతో తయారు చేసే వాళ్ళు. ఇప్పుడు కాంక్రీట్ తో కూడా చేస్తున్నారు.

ఈ రైల్వే స్లీపర్స్, లోడ్ ఈవెన్ గా డిస్ట్రిబ్యూట్ అవ్వడానికి అంటే రైల్వే స్లీపర్స్ ఉన్నంత ఎత్తువరకు ట్రాక్ మొత్తం సమానంగా ఉండడానికి ట్రాక్ బ్యాలస్ట్ ఉపయోగిస్తారు. ఈ ట్రాక్ బ్యాలస్ట్ కేవలం షార్ప్ గా ఉన్న రాళ్లతో మాత్రమే తయారు చేస్తారు. ఎందుకంటే ఒకవేళ ట్రాక్ బ్యాలస్ట్ లో ఉపయోగించిన మెటీరియల్ స్మూత్ గా ఉంటే ట్రైన్ వెళ్ళేటప్పుడు ఇబ్బంది అవుతుంది.

దాంతో రైల్వే ట్రాక్ కి సపోర్ట్ ఉండదు. అందుకే ట్రాక్ బ్యాలస్ట్ లో షార్ప్ గా ఉన్న రాళ్ళని మాత్రమే వాడతారు. అంతే కాకుండా ట్రాక్ బ్యాలస్ట్ ఉండడం వల్ల రైల్వే ట్రాక్ మీద ఎటువంటి మొక్కలు పెరగవు. ఒకవేళ మొక్కలు పెరిగితే ట్రైన్ వెళ్తున్న చోట ఉండే నేల బలహీనమవుతుంది.

ఇంక మెట్రో స్టేషన్లలో ట్రాక్ బ్యాలస్ట్ ఉండకపోవడం అనే విషయానికి వస్తే, మెట్రో స్టేషన్లలో ట్రాక్ నిర్మించిన విధానం కొంచెం వేరేగా ఉంటుంది. వీల్ లోడ్ తట్టుకునే విధంగా ట్రాక్స్ రూపొందించారు. అంతే కాకుండా మెట్రో స్టేషన్లలో ట్రాక్స్ కి, జనాలకి మధ్య అంత ఎక్కువ దూరం ఉండదు కాబట్టి ఒకవేళ బ్యాలస్ట్ ఉంటే రాళ్లు ఎగిరి జనాలకి తగిలే ప్రమాదం ఉంది.

ఇంకొక కారణం ఏంటంటే, మెట్రో స్టేషన్లు క్లోజ్డ్ ఏరియాలో ఉండడం వల్ల స్టేషన్ల లోపల నడిచే ట్రైన్లు లిమిటెడ్ స్పీడ్ తో నడుస్తాయి. అందువల్ల ఇంపాక్ట్ లోడ్ కూడా తక్కువగా ఉంటుంది. అందుకే మెట్రో స్టేషన్లలో రైల్వే ట్రాక్ మీద ట్రాక్ బ్యాలస్ట్ ఉండదు.

March 10, 2021

Sports Adda Viral

ఇండియా లెజెండ్స్ vs ఇంగ్లాండ్ లెజెండ్స్ మ్యాచ్ పై ట్రెండ్ అవుతున్న 12 మీమ్స్.! ఇర్ఫాన్ పఠాన్ బ్యాటింగ్ హైలైట్.!

by Mohana Priya March 10, 2021

written by Mohana Priya

ఇంగ్లాండ్ జట్టుకి, భారత జట్టుకి జరిగిన రోడ్ సేఫ్టీ వరల్డ్ సిరీస్ మ్యాచ్ లో ఇంగ్లాండ్ టీం ఇండియాని 6 పరుగుల తేడాతో ఓడించింది. టాస్ గెలిచిన భారత జట్టు మొదట ఫీల్డింగ్ ఎంచుకుంది. కెవిన్ పీటర్సన్ 37 బంతుల్లో 75 పరుగుల స్కోర్ చేసి హైయెస్ట్ స్కోరర్ గా నిలిచారు. ఫిల్ మస్టర్డ్, కెవిన్ పీటర్సన్ కలిసి మొదటి వికెట్ కి, 45 పరుగులు జోడించారు.

మూడు ఫోర్ల తర్వాత 15 బంతుల వద్ద ఉన్నప్పుడు ఫిల్ మస్టర్డ్ నిష్క్రమించారు. తర్వాత వచ్చిన డారెన్ మ్యాడీ డెవిల్ రెండవ వికెట్ కి 8 ఓవర్లలో 82 పరుగులు స్కోర్ జోడించారు. మ్యాచ్ ముగిసే సమయానికి ఇంగ్లాండ్ 20 ఓవర్లలో 188/7 పరుగుల స్కోర్ చేసింది. జట్టు స్కోర్ ఆరు పరుగుల వద్ద ఉన్నప్పుడు మూడవ బాల్ కి వీరేంద్ర సెహ్వాగ్ నిష్క్రమించారు.

తర్వాత ఆ స్థానంలోకి మహమ్మద్ కైఫ్ వచ్చారు. తర్వాత వచ్చిన సచిన్ టెండూల్కర్ 9 బంతుల్లో 9 పరుగుల స్కోర్ చేశారు. ఇర్ఫాన్ పఠాన్ భారత జట్టు స్కోర్ 7 దగ్గర ఉన్నప్పుడు ఫీల్డ్ లోకి ఎంటర్ అయ్యారు. 61 పరుగుల స్కోర్ తో అజయుడు గా నిలిచారు ఇర్ఫాన్ పఠాన్. అప్పటికీ టీం ఇండియా 20 ఓవర్లలో 182/7 పరుగుల స్కోర్ చేసింది. ఈ మ్యాచ్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#3#4#5#6#7#8#9#10#11

#12

March 10, 2021

Sports Adda Viral

అప్పుడు మొదలైందా బుమ్రా లవ్ స్టోరీ..? వైరల్ అవుతున్న ట్వీట్.!

by Mohana Priya March 9, 2021

written by Mohana Priya

ప్రస్తుతం ఎక్కడ చూసినా ఒక టాపిక్ మాత్రం ట్రెండింగ్ లో ఉంది. అదే క్రికెటర్ జస్ప్రీత్ బుమ్రా పెళ్లి టాపిక్. జస్ప్రీత్ బూమ్రా మార్చి నెలలో పెళ్లి చేసుకోబోతున్నారు. ఇందుకోసం బూమ్రా మ్యాచ్ నుండి తప్పుకున్నారు. ప్రస్తుతం పెళ్లి ఏర్పాట్లలో పాల్గొంటున్నారు. అయితే, బుమ్రా పెళ్లి చేసుకునే అమ్మాయి ఎవరు అని చాలా రోజుల పాటు సోషల్ మీడియాలో డిస్కషన్ జరిగింది.

కొంత మంది ఏమో బుమ్రా పెళ్లి చేసుకునేది సినిమాకి సంబంధించిన వాళ్ళని అని అంటే, మరి కొంతమంది ఏమో కాదు అని అన్నారు. అయితే ఇప్పుడు మాత్రం బుమ్రా పెళ్లి చేసుకునే అమ్మాయి పేరు సంజన గణేశన్ అనే వార్త సోషల్ మీడియాలో వినిపిస్తోంది. సంజన స్టార్ స్పోర్ట్స్ ఇండియాలో టీవీ ప్రెజెంటర్ గా చేస్తారు. అలాగే మిస్ ఇండియా లో కూడా పాల్గొన్నారు.

సంజన సోషల్ మీడియాలో కూడా చాలా యాక్టివ్ గా ఉంటారు. తన వర్క్ లైఫ్ కి సంబంధించిన విషయాలతో పాటు పర్సనల్ లైఫ్ కి సంబంధించిన విషయాలు కూడా పోస్ట్ చేస్తూ ఉంటారు. బూమ్రా, సంజన ఈ మార్చ్ 14వ తేదీన గోవాలో పెళ్లి చేసుకోబోతున్నారు అని ప్రచారం జరుగుతోంది.

ఏదేమైనా సరే ఈ విషయంపై ఈ ఇద్దరూ స్పందించలేదు. కానీ సంజన అంతకుముందు బూమ్రా గురించి ట్విట్టర్ లో వచ్చిన ట్వీట్స్ కి ఇచ్చిన రిప్లైస్ ప్రస్తుతం సోషల్ మీడియాలో వైరల్ అవుతున్నాయి. అందులో ఒకటి “మీ సండే జస్ప్రీత్ బుమ్రా కంటే బాగుందా?” అని ఈఎస్పిఎన్ (ESPN) క్రిక్ ఇన్ఫో వాళ్ళు ట్వీట్ చేయగా,

అందుకు సంజన “జస్ ప్రీత్ బుమ్రా ఆన్ ఫీల్డ్ మూడ్, నా రోజు మూడ్ స్వింగ్స్ ఒకే లాగా ఉంటాయి”. అని రిప్లై ఇచ్చారు. అంతే కాకుండా జస్ప్రీత్ బుమ్రా ఫస్ట్ క్లాస్ 50 చేసినప్పుడు, క్రికెట్ డాట్ కామ్ వాళ్ళు ఈ విషయాన్ని అప్డేట్ చేస్తూ చేసిన ట్వీట్ కి ఒక ఎమోజీతో సమాధానమిచ్చారు సంజన. ప్రస్తుతం ఈ ట్వీట్స్ సోషల్ మీడియాలో వైరల్ అవుతున్నాయి.

March 9, 2021

Newer Posts

Older Posts