Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

“పవన్ కళ్యాణ్ కి నాలుగవ భార్య అయ్యే అవకాశం వస్తే ఏం చేస్తారు.?” నెటిజన్ కామెంట్ కి అషు ఆన్సర్ ఏంటంటే.?

by Mohana Priya March 2, 2021

written by Mohana Priya

పవర్ స్టార్ పవన్ కళ్యాణ్ క్రేజ్ గురించి ప్రత్యేకంగా చెప్పాల్సిన అవసరం లేదు. సినిమాల్లో మాత్రమే కాకుండా వ్యక్తిగత జీవితంలో తను చేసే ఎన్నో మంచి పనులకి ఎంతో మంది అభిమానులను సంపాదించుకున్నారు పవన్ కళ్యాణ్. మన సెలబ్రిటీల్లో కూడా ఎంతో మంది పవన్ కళ్యాణ్ అభిమానులు ఉన్నారు. అందులో ఒకరు నితిన్. నితిన్ తనకి పవన్ కల్యాణ్ అంటే ఇష్టం అని ఎన్నోసార్లు చెప్పారు. నితిన్ మాత్రమే కాకుండా మన ఇండస్ట్రీలో పవన్ కళ్యాణ్ అభిమానులు ఇంకా చాలా మంది ఉన్నారు.

Ashu Reddy Commnents on Pawan kalian 4<sup>th</sup> marriage

బిగ్ బాస్ తెలుగు మూడో సీజన్ లో కంటెస్టెంట్ గా వచ్చిన అషు రెడ్డి కూడా పవన్ కళ్యాణ్ కి చాలా పెద్ద అభిమాని. అయితే ఇటీవల అషు రెడ్డి పవన్ కళ్యాణ్ ని కలిశారు. ఈ విషయాన్ని సోషల్ మీడియాలో పోస్ట్ చేశారు అషు. “నా దేవుడిని మళ్ళీ కలిశాను. ఆయనకి నేను గుర్తున్నాను, అలాగే టాటూ కూడా గుర్తుంది అని చెప్పారు. రెండు గంటల పాటు మాట్లాడారు. నేను వెళ్తున్నప్పుడు నాకు ఒక నోట్ కూడా ఇచ్చినందుకు నాకు చాలా ఆనందంగా ఉంది.

డైరెక్టర్ క్రిష్ గారికి చాలా థ్యాంక్స్” అని క్యాప్షన్ లో రాశారు అషు రెడ్డి. అలాగే పవన్ కళ్యాణ్ తనకు ఇచ్చిన నోట్ ని కూడా షేర్ చేశారు. ఈ పోస్ట్ కి ఒక నెటిజన్ “ఒక వేళ పవన్ కళ్యాణ్ కి నాలుగవ భార్య అయ్యే అవకాశం వస్తే మీరు అంగీకరిస్తారా?” అని కామెంట్ చేశారు. అందుకు అషు రెడ్డి ఎస్ (YES) అని రిప్లై ఇచ్చారు.

March 2, 2021

ఏంటి “జిమ్మీ నీషం” బ్రో…”మయాంక్” మావ ను అంత మాట అనేసావ్?…అంటూ ట్రెండ్ అవుతున్న 10 ట్రోల్ల్స్.!

by Mohana Priya March 1, 2021

written by Mohana Priya

ప్రపంచంలో అన్నిటికంటే క్రేజ్ ఎక్కువగా ఉండేది ఒకటి క్రికెట్ కి ఇంకొకటి సినిమాలకి. ఈ రెండిట్లో దేనికి ఎక్కువ క్రేజ్ అంటే చెప్పడం కష్టమే. క్రికెటర్లకి కూడా సినిమావాళ్ళకి ఉన్నంత ఫాలోయింగ్ ఉంటుంది. అదే మామూలుగా అయినా సరే సోషల్ మీడియాలో అయినా సరే. అందుకే ఎంతోమంది ప్లేయర్లు సోషల్ మీడియాలో కూడా యాక్టివ్ గా ఉంటారు. ప్రస్తుతం ఉన్న టీమిండియా యువ క్రికెటర్లలో ఒకరైన మయాంక్ అగర్వాల్ కి కూడా సోషల్ మీడియాలో బాగానే ఉంది.

మయాంక్ అగర్వాల్ మార్చి 1వ తేదీన సోషల్ మీడియాలో ఒక ఫోటో పోస్ట్ చేశారు. అందులో మయాంక్ అగర్వాల్ వర్కౌట్ చేస్తున్నారు. క్యాప్షన్ లో ఏదైనా మీ ప్రయత్నం మీద ఆధారపడి ఉంటుంది. మీరు రోజు ప్రయత్నిస్తేనే మీలో మార్పు మొదలవుతుంది అని అర్థం వచ్చేలాగా రాశారు. అయితే ఈ పోస్ట్ కి న్యూజిలాండ్ క్రికెటర్ జిమ్మీ నీషమ్ “కంగ్రాచ్యులేషన్స్! అమ్మాయా? అబ్బాయా?” అని రిప్లై ఇచ్చారు.

రిప్లై వింతగా ఉందనే విషయం ఈపాటికే మీలో చాలా మందికి అర్థమైపోయి ఉంటుంది. ఇలాంటి ఏ విషయం అయినా కూడా సోషల్ మీడియా ఫోకస్ లో పడకుండా ఉండదు. ఇంక అందులోనూ సోషల్ మీడియాలో జరిగిన విషయం అయితే ఖచ్చితంగా అది వైరల్ అవ్వాల్సిందే. అలా మయాంక్ అగర్వాల్ పెట్టిన పోస్ట్ కి జిమ్మీ నీషమ్ ఇచ్చిన రిప్లై ప్రస్తుతం వైరల్ అవుతోంది. దీనిపై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#2#3#4#5#6

#7#8#9

#10

March 1, 2021

Human angle

నాకు అప్పుడు 19 సంవత్సరాలు…పెళ్లి ఇష్టం లేదు..! వద్దని చెప్పాను..కానీ.?

by Mohana Priya March 1, 2021

written by Mohana Priya

ఒక ప్రశ్నకి ప్రపంచం మొత్తంలో ఎక్కడినుంచైనా సమాధానం దొరికే చోటు కోరా. ఇందులో ఎంతో మంది ఎన్నో రకాల ప్రశ్నలు పోస్ట్ చేస్తే, దానికి ఎంతో మంది తాము ఏం అనుకుంటున్నాం అనేది వ్యక్తపరుస్తారు. అలా కొంతకాలం క్రితం ఒకరు “మీ పార్టనర్ పై మీకు ఉన్న ఆకర్షణ మీలో ఏ విధంగా మార్పుని తెచ్చింది?” అనే ప్రశ్నని కోరా లో పోస్ట్ చేశారు. అందుకు శ్వేత గార్గ్ ఈ విధంగా సమాధానం ఇచ్చారు.

“మాది లవ్ మ్యారేజ్ కాదు. భారతీయ సంప్రదాయం ప్రకారం జరిగిన అరేంజ్డ్ మ్యారేజ్. నాకు అప్పుడు 19 సంవత్సరాలు. నాకు యాక్టర్ అవ్వాలనే కల ఉండేది. అంత తొందరగా పెళ్లి చేసుకోవాలనే ఆలోచన నాకు లేదు. అందుకే వద్దని చెప్పాను. జూన్ 2013 లో మా అమ్మకి క్యాన్సర్ ఉందని తెలిసింది. మా అమ్మ నేను తనని ఎంత తొందరగా వీలైతే అంత తొందరగా పెళ్లి చేసుకోవాలని అనుకున్నారు.

నా భర్తకి నాకు పది సంవత్సరాల ఏజ్ డిఫరెన్స్ ఉండడం నాకు అంత బాగా అనిపించలేదు. ఏమవుతుందో? ఎలా ఉంటుందో? అతను నాకంటే చాలా పెద్దవాడు. నేను అసలు ఎలా అడ్జస్ట్ అవుతానో? ఇలాంటి చాలా ప్రశ్నలు నా మెదడులో ఉన్నాయి. నాకు ఇంక వేరే ఆప్షన్ లేదు. డిసెంబర్ 2013 లో మేం పెళ్లి చేసుకున్నాం. అలా మా ఇద్దరి జర్నీ మొదలైంది.

పెళ్లవ్వక ముందు నేను ఇంట్రవర్ట్ ని. నా యాక్టింగ్ మోడలింగ్ అనే డ్రీమ్స్ వల్ల ఇంట్లో గొడవలు అవడంతో నేను మా తల్లిదండ్రులతో అలాగే బ్రదర్ తో మాట్లాడే దాన్ని కాదు. కానీ నా పెళ్లి అయిన నెల తర్వాత వాళ్లు బాగా గుర్తు వచ్చే వాళ్ళు. అప్పుడే నాకు కుటుంబం ఎంత ముఖ్యమో అనే విషయం అర్థం అయ్యింది. ప్రతి సండే నా భర్త నన్ను నా కుటుంబం దగ్గరికి తీసుకెళ్లే వాళ్ళు. నా తల్లిదండ్రులను కూడా తన తల్లిదండ్రులలానే ట్రీట్ చేసేవారు.

నన్ను ఎప్పుడూ ఇంటి పనులు చేయమని బలవంతం చేయలేదు. రోజులు గడిచేకొద్దీ నేను ఇంకా మంచి వ్యక్తిని అవుతున్నాను. నా భర్తని ఇష్టపడటం మొదలు పెట్టాను. కానీ నా కెరీర్ విషయంలో మాత్రం హ్యాపీగా లేను. నాకు ఏదో ఒకటి సాధించాలి అని ఉండేది. ఇప్పుడైతే నా కలలు మారాయి. సివిల్ సర్వీసెస్ లో జాయిన్ అవ్వాలి అని ఉండేది. నాకు నా భర్త పూర్తి సపోర్ట్ ఇచ్చారు. 2014 సెప్టెంబర్ లో నాకు అబ్బాయి పుట్టాడు.

నాకు ఎప్పుడూ యాక్టర్ అవ్వాలని కల ఉండేది అందుకే లుక్స్ విషయంలో నేను చాలా జాగ్రత్తగా ఉండేదాన్ని. కానీ ప్రెగ్నెన్సీ తర్వాత నాకు పింపుల్స్ వచ్చాయి. స్ట్రెచ్ మార్క్స్ వచ్చాయి. జుట్టు రాలిపోవడం మొదలైంది. అప్పుడు కూడా నా భర్త నాతో మామూలుగానే ప్రవర్తించేవారు. లుక్స్ గురించి అంత పట్టించుకోవద్దు అని చెప్పేవారు. సంతోషంగా ఉండమని అనేవారు.

ఇప్పుడు నాకు నా భర్త ఇంకా నా కొడుకు జీవితం అయ్యారు. నేను నా భర్తని ఎంతో గౌరవిస్తాను. మేమిద్దరం మా కుటుంబానికి ఒక ఐడియల్ కపుల్. ఒక్కొక్కసారి మనకు ఏది మంచిదో మనకి తెలియదు. కానీ మన తల్లిదండ్రులకు తెలుసు. ఇవాళ నా భర్తని నాకు లైఫ్ పార్టనర్ గా ఎంచుకున్నందుకు నా తల్లిదండ్రులకు నేను థాంక్స్ చెప్తున్నాను. నన్ను హ్యాండిల్ చేయగలిగే వ్యక్తి నా భర్త మాత్రమే” అని చెప్పారు.

image credits: quora/shweta-garg

March 1, 2021

Filmy Adda Viral

“మొఖానికి ఎంత మసి ఉంటే అంత ఎలివేషన్” అంటూ… “సలార్” కొత్త పోస్టర్ పై ట్రెండ్ అవుతున్న 15 ట్రోల్ల్స్…!

by Mohana Priya March 1, 2021

written by Mohana Priya

2020 సరిలేరు నీకెవ్వరు, అల వైకుంఠపురంలో సినిమాలతో మొదలయ్యింది. రెండు సినిమాలు బ్లాక్ బస్టర్ అవ్వడంతో 2020 కి గుడ్ స్టార్ట్ వచ్చింది. తర్వాత వచ్చిన భీష్మ కూడా సూపర్ హిట్ అయ్యింది. కానీ మార్చి నుంచి ఒక్క సినిమా కూడా థియేటర్లో విడుదల అవ్వలేదు. అందుకు కారణం ఏంటో మనందరికీ తెలుసు. 2020 చివరి నుండి మళ్లీ మెల్లగా సినిమాలు విడుదలవడం మొదలయ్యింది. ఇంక 2021 క్రాక్, మాస్టర్, రెడ్, అల్లుడు అదుర్స్ సినిమాలతో మొదలయ్యింది.

వీటిలో అల్లుడు అదుర్స్ తప్ప మిగిలిన సినిమాలు అన్ని మంచి టాక్ సాధించాయి. పెద్ద సినిమాల షూటింగ్స్ కూడా మళ్లీ మొదలయ్యాయి. 2021 సంవత్సరం ఇటీవలే మొదలైనా కూడా, 2022 లో విడుదలయ్యే సినిమాల గురించి కూడా ఇప్పుడే అనౌన్స్ చేస్తున్నారు. అందులో లో మొదటిది సూపర్ స్టార్ మహేష్ బాబు సర్కారు వారి పాట కాగా, తర్వాత పవర్ స్టార్ పవన్ కళ్యాణ్, డైరెక్టర్ క్రిష్ కాంబినేషన్ లో రూపొందుతున్న సినిమా కూడా ఉంది.

అలాగే యంగ్ రెబెల్ స్టార్ ప్రభాస్ బాలీవుడ్ దర్శకుడు ఓం రౌత్ కాంబినేషన్ లో రాబోతున్న ఆదిపురుష్ కూడా 2022 లో విడుదల అవ్వనున్నట్టు అంతకుముందే ప్రకటించారు. ఇప్పుడు ఈ జాబితాలోకి ప్రభాస్ ప్రశాంత్ నీల్ కాంబినేషన్ లో రూపొందుతున్న సలార్ సినిమా కూడా చేరింది. సలార్ 2022 లో ఏప్రిల్ 14 వ తేదీన ప్రేక్షకుల ముందుకు రాబోతున్నట్లు ఫిబ్రవరి 28వ తేదీన సినిమా టీం సోషల్ మీడియాలో ప్రకటించింది.

అయితే, రిలీజ్ డేట్ అనౌన్స్మెంట్ కి విడుదల చేసిన స్టిల్ చూస్తూ ఉంటే ఈ సినిమా బొగ్గు గనుల బ్యాక్ డ్రాప్ తో నడుస్తుంది ఏమో అనే ఆలోచన ఒకటి ప్రేక్షకులలో మొదలయ్యింది. ఈ సినిమా గురించి ఇంకా కొన్ని వివరాలు తెలియాలంటే టీజర్ లేదా ట్రైలర్ విడుదల అయ్యేంతవరకు ఆగాల్సిందే. సలార్ లో శృతిహాసన్ హీరోయిన్ గా నటిస్తున్నారు. సలార్ రిలీజ్ డేట్ అనౌన్స్మెంట్ పోస్టర్ పై సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#2#3#4#5#6#7

#9#10#11#12#13#14

#15

March 1, 2021

Off Beat

హైదరాబాద్ మెట్రోలో మనకు వినిపించే గొంతు ఎవరిదో తెలుసా.?

by Mohana Priya March 1, 2021

written by Mohana Priya

ఆర్టిసి బస్ సర్వీసెస్ కి కొంచెం శ్రమ తగ్గించడానికి మెట్రో సర్వీసెస్ వచ్చాయి. మెట్రో వచ్చిన తర్వాత ప్రయాణాలు ఎంత సులభం అయ్యాయో మనందరికీ తెలుసు. మెట్రోలో కూడా పైన చెప్పిన పొద్దున, సాయంత్రం సమయానికి ఎక్కువ మంది జనాలు ఉంటారు. కానీ ట్రాఫిక్ ఉండదు కాబట్టి ప్రయాణికులు వాళ్ల స్టాప్ కి తొందరగా రీచ్ అవుతారు.

స్టాప్ వచ్చేముందు మనకి ఒక రికార్డెడ్ అనౌన్స్మెంట్ వినిపిస్తుంది. ఆ అనౌన్స్మెంట్ తెలుగు, హిందీ, ఇంగ్లీష్ భాషల్లో వినిపిస్తుంది. దీనివల్ల ఏ భాష వాళ్ళు అయినా కూడా సులభంగా అర్థం చేసుకోవచ్చు. అయితే మనం వాడుక భాషలో ప్రదేశాల పేర్లు ప్రనౌన్స్ చేసే తీరుకి, మెట్రో అనౌన్స్మెంట్ లో ప్రనౌన్స్ చేసే తీరుకి కొంచెం తేడా ఉంటుంది.

చాలా మందికి అసలు “మెట్రోలో వినిపించే ఆ గొంతు ఎవరిదో?” అనే ఒక ప్రశ్న వచ్చి ఉండొచ్చు. మెట్రోలో జాతీయ భాష హిందీలో అనౌన్స్మెంట్ వినిపించే గొంతు పేరు రిని సిమోన్ ఖన్నా. రిని సిమోన్ ఖన్నా ఒక ప్రముఖ న్యూస్ రీడర్, ఇంకా జర్నలిస్ట్. తనకి పదమూడేళ్లు ఉన్నప్పటినుంచి హోస్టింగ్ చేయడం, ఆల్ ఇండియా రేడియో ఇంటర్వ్యూలు చేయడం మొదలుపెట్టారు రిని సిమోన్ ఖన్నా.

తర్వాత ఢిల్లీ దూరదర్శన్ లో నేషనల్ న్యూస్ యాంకర్ గా కూడా చేశారు. ఎన్నో అడ్వర్టైజ్మెంట్స్ కి, డాక్యుమెంటరీ లకి, ఫీచర్ ఫిలిమ్స్ కి కూడా వాయిస్ ఓవర్ ఇచ్చారు. అలాగే ఎన్నో జాతీయ అంతర్జాతీయ కాన్ఫరెన్స్ లకి, కల్చరల్ షోస్, సెమినార్స్ కి కూడా యాంకరింగ్ చేశారు. మేల్ వాయిస్ ఆర్టిస్ట్ షమ్మీ నారంగ్ తో పాటు ఢిల్లీ మెట్రోలో, అలాగే హైదరాబాద్ మెట్రో లో రిని సిమోన్ ఖన్నా గొంతు వినిపిస్తుంది.

March 1, 2021

Filmy Adda Viral

“సాయి పల్లవి ఖాతాలో ఇంకొక 100M పాట లోడింగ్ అనుకుంటా.?” సారంగ దరియా పాటపై ట్రెండ్ అవుతున్న 23 మీమ్స్.!

by Mohana Priya February 28, 2021

written by Mohana Priya

ఒక సినిమా హిట్ అవ్వాలంటే సినిమాలో అన్ని ఎలిమెంట్స్ కరెక్ట్ గా ఉండాలి. కథ, పర్ఫామెన్స్, ఫైట్స్, డైలాగ్స్ తో పాటు ఒక సినిమాకి మ్యూజిక్ కూడా ఎంతో ఇంపార్టెంట్. ఏదైనా ఒక సినిమా హిట్ అయిన తర్వాత మహా అయితే కొన్ని సంవత్సరాలు మాత్రమే ఈ సినిమాని గుర్తుంచుకుంటారు. తర్వాత ఎప్పుడైనా సందర్భం వచ్చినప్పుడు ఆ సినిమా గురించి మాట్లాడతారు. కానీ ఆ సినిమాలో పాటలు మాత్రం ఎన్ని సంవత్సరాలు అయినా సరే వినిపిస్తూనే ఉంటాయి.

ఇప్పటికి కూడా ఎప్పుడో 30, 40 సంవత్సరాల క్రితం విడుదలైన సినిమాలలోని పాటలు మనం రెగ్యులర్ గా ఏదో ఒక షోలో వింటూనే ఉంటాం. అలా విన్న తర్వాత పాట ఏ సినిమాలోది అని యూట్యూబ్ లోకి వెళ్లి సర్చ్ చేసే వాళ్ళు మనలో చాలా మంది ఉంటారు. అందుకే సినిమాకి పాటలు అంత ముఖ్యం. ఇంకా పాటల పిక్చరైజేషన్, కొరియోగ్రఫీ కూడా పాట హిట్ అవ్వడానికి ఇంకొక ప్లస్ అవుతాయి. ఎన్నో సినిమాల్లో ఇలా ట్యూన్, పిక్చరైజేషన్, కొరియోగ్రఫీ అన్నీ బాగున్న పాటలు ఉంటాయి. అంతకు ముందు అంటే యూట్యూబ్ అంత పాపులర్ కాదు కాబట్టి ఆ పాటల రీచ్ ఎక్కువగా ఉండేది కాదు.

కానీ ఇప్పుడు యూట్యూబ్ ఉపయోగించే వారి సంఖ్య ఎక్కువగానే ఉంది కాబట్టి ఏదైనా ఒక ప్రాంతీయ భాషకు సంబంధించిన పాటలు కేవలం ఒక్క రీజియన్ కి మాత్రమే కాకుండా వేరే ప్రాంతాలకు కూడా రీచ్ అవుతున్నాయి. మన ఇండస్ట్రీలో కూడా ఎన్నో పాటలను ఈ ప్రపంచంలో ఉన్న ఎంతో మంది చూశారు. దానివల్ల యూట్యూబ్ లో ఆ పాటకి ఎన్నో మిలియన్ల వ్యూస్ వచ్చాయి.

అందులో మొదటగా చెప్పుకోవాల్సింది ఫిదా సినిమాలో వచ్చిండే పాట, ఈ పాటకి 100 మిలియన్లకు పైగా వ్యూస్ వచ్చాయి. ఎంసీఏ సినిమా లోని ఏవండోయ్ నాని గారు పాటకి కూడా 100 మిలియన్ వ్యూస్ వచ్చాయి. ఇంక రౌడీ బేబీ పాటకైతే ఏకంగా బిలియన్ వ్యూస్ వచ్చాయి. ఇవి మాత్రమే కాకుండా బుట్ట బొమ్మ, రాములో రాముల ఇంకా ఎన్నో పాటలకి వ్యూస్ 100 మిలియన్ దాటాయి.

మొదట చెప్పిన మూడు పాటల్లో ఉన్న ఒక కామన్ పాయింట్ ఈపాటికే మీలో చాలా మందికి అర్థమైపోయి ఉంటుంది. తనే సాయి పల్లవి. సాయి పల్లవి డాన్స్ కి ప్రపంచవ్యాప్తంగా ఎంతో మంది ఫ్యాన్స్ ఉన్నారు. అయితే, ఇప్పుడు నాగచైతన్య, సాయిపల్లవి నటించిన లవ్ స్టోరీ సినిమాలోని సారంగ దరియా పాట లిరికల్ వీడియో ఫిబ్రవరి 28వ తేదీన విడుదల అయ్యింది. ఈ సినిమాకి పవన్ సిహెచ్ సంగీతం అందించారు. పవన్ అంతకుముందు బిగిల్ ఇంకా దిల్ బేచారా సినిమాలకి రెహమాన్ తో పని చేశారు.

సారంగ దరియా పాటని మంగ్లీ పాడారు. ఈ పాటకి శేఖర్ మాస్టర్ కొరియోగ్రఫీ చేశారు. పాట చాలా క్యాచీగా ఉండటంతో, ట్యూన్ ఇంకా లిరికల్ వీడియోలో కనిపించిన స్టెప్స్ ప్రేక్షకులని ఆకర్షించాయి. అందుకే విడుదలైన కొంచంసేపటికే ఈ పాట ట్రెండింగ్ కి వచ్చేసింది. సారంగ దరియా పాట చూసిన తర్వాత ఈ పాటతో మళ్లీ యూట్యూబ్ రికార్డ్స్ బ్రేక్ అవ్వడం ఖాయం అంటూ సోషల్ మీడియాలో ట్రెండ్ అవుతున్న కొన్ని మీమ్స్ ఇవే.

#10

#11

#12

#13

#14

#15

#16

#17

#18

#19

#20

#21

#22

#23

February 28, 2021

Off Beat

“ఓయో” కి ఇంత క్రేజ్ రావడానికి కారణం ఇదా.! ఓయో మార్కెటింగ్ వెనకాల ఉన్న కథ ఏంటంటే.!

by Mohana Priya February 28, 2021

written by Mohana Priya

కొన్ని పనులు చిన్నవైనా కూడా ఎక్కువ టైం కేటాయించాల్సి వస్తుంది. అందులో ఒకటి టికెట్ బుకింగ్. ఇప్పుడు అంటే ఆన్లైన్ లో బుక్ చేసే సౌకర్యం వచ్చింది కాబట్టి చాలా వరకు సమయం ఆదా అవుతుంది. కానీ కొన్ని సంవత్సరాల క్రితం టికెట్ బుక్ చేసుకోవాలి అంటే ఒక మనిషి కచ్చితంగా ఆ ప్రదేశానికి వెళ్లి బుక్ చేసుకోవాల్సిందే. అది టికెట్ బుకింగ్ అయినా కావచ్చు లేదా ఇంకేదైనా కావచ్చు.

అంతకుముందు కూడా ఆన్లైన్ బుకింగ్ సౌకర్యం ఉండేది. కానీ ఇప్పుడు ఉపయోగించిన అంత బాగా అప్పుడు ఉపయోగించేవారు కాదు. ఇలా ఆన్లైన్ బుకింగ్ ఎక్కువగా ఉపయోగించే వాటిలో హోటల్ రూమ్స్ ఒకటి. ఈ ఆన్ లైన్ హోటల్ రూమ్ బుకింగ్ సౌకర్యాన్ని మరింత సులభం చేసింది ఓయో.

ఓయో వచ్చిన తర్వాత హోటల్ బుకింగ్ చాలా ఈజీ అయ్యింది. అందుకే ఓయో అప్లికేషన్ చాలా ఎక్కువ మంది వాడుతారు. ఓయో సంస్థ కూడా ప్రజలను ఆకర్షించడానికి అన్ని విధాలుగా ప్రయత్నిస్తున్నారు. అందులో చాలా వరకు సక్సెస్ కూడా అవుతున్నారు. అలా ఓయో సంస్థ ఉపయోగించే స్ట్రాటజీలు ఏంటో ఇప్పుడు చూద్దాం.

# ఓయో ని రితేష్ అగర్వాల్ స్థాపించారు. ఓయో దాదాపు 300 సిటీలలో అందుబాటులో ఉంది.

# ఓయో స్ట్రాటజీ లో ఆన్లైన్ మార్కెటింగ్ మాత్రమే కాకుండా, ఎక్స్టర్నల్ మార్కెటింగ్ మీద కూడా బాగా దృష్టి పెట్టారు.

# హోటల్ బేస్ ప్రైస్ కంటే తక్కువ ధరకి రూమ్ లని అందిస్తూ ప్రజలని ఎట్రాక్ట్ చేసుకోవడం ఓయో స్ట్రాటజీ లలో ఒకటి.

# హోటల్ ని బట్టి, అందులో ఉండే సౌకర్యాలను బట్టి, ప్రదేశాన్ని బట్టి రూమ్ ధర 999 నుంచి 4 వేల రూపాయల వరకు ఉంటుంది.

oyo cup branding promotion

# ఓయో సోషల్ మీడియాలో కూడా యాక్టివ్ గా ప్రచారం చేస్తూ, ఎన్నో క్యాంపెయిన్ లను నిర్వహిస్తోంది.

# తమ కస్టమర్లకు సేవలను అందించడానికి ఓయో సంస్థ యో హెల్ప్ ని రూపొందించింది.

# ఓయో ఎయిర్టెల్ తో సహా జో రూమ్స్, థామస్ కుక్ లాంటి వివిధ సంస్థలతో టై అప్ అయ్యింది.

# ఓయో సంస్థ ఒక్క భారతదేశంలో మాత్రమే కాకుండా నేపాల్, యూఏఈ, మలేషియా లాంటి వివిధ దేశాలలో తమ సేవలను అందిస్తున్నారు.

February 28, 2021

News

బావిలోంచి అరుపులు వినిపిస్తున్నాయని వెళ్లారు…లోపల ఓ యువతి, యువకుడు.! అసలేమైంది.?

by Mohana Priya February 27, 2021

written by Mohana Priya

కొన్ని సంవత్సరాల క్రితం వెలుగులోకి వచ్చిన ఒక ట్రెండ్ సెల్ఫీ. ఈ సెల్ఫీ ట్రెండ్ మెల్లగా స్టార్ట్ అయ్యి ప్రపంచం మొత్తం పాకింది. ఒక పాయింట్ తర్వాత మామూలుగా సెల్ఫీ తీసుకోవడం కామన్ అయిపోయి డిఫరెంట్ గా సెల్ఫీ తీసుకోవడానికి ప్రయత్నించడం మొదలు పెట్టారు. దాని కోసం డిఫరెంట్ పోజ్ లలో, డిఫరెంట్ లొకేషన్లలో సెల్ఫీలు తీసుకుంటున్నారు.

అందులో కొన్ని రిస్కీగా ఉండడం వల్ల సమస్యలు ఎదురవుతూ ఉంటాయి. ఇటీవల ఇలాంటి ఒక సంఘటన జరిగింది. వివరాల్లోకి వెళితే. మధ్యప్రదేశ్ రాష్ట్రంలోని రత్లాం జిల్లా సుఖేడా గ్రామానికి చెందిన ఒక యువతి ఒక బావి దగ్గర సెల్ఫీ దిగుదామని అనుకుంది. ఆ బావి లోతు 85 అడుగులు. బావి దగ్గర సెల్ఫీ దిగే క్రమంలో బావిలో పడిపోయింది.

అదే దారిలో ఉన్న ఒక యువకుడు బావి నుండి వినిపిస్తున్న అరుపులు విని బావి దగ్గరికి వెళ్లి చూశాడు. ఆ బావిలో ఉన్న యువతిని కాపాడటానికి తాను కూడా బావిలోకి దూకాడు. ఆ యువతిని కాపాడాడు కానీ బావిలో నుంచి తిరిగి బయటికి వచ్చే దారి లేదు. దాంతో ఆ యువకుడు ఇంకా యువతి కాపాడమని గట్టిగా అరవడం మొదలు పెట్టారు.

అటుగా వెళుతున్న కొంత మంది స్థానికులు వారి అరుపులు విని వారిద్దరూ ఆత్మహత్యాయత్నానికి పాల్పడ్డారేమోనని భావించారు. దాంతో ఈ విషయం గురించి స్థానిక పోలీసులకు సమాచారాన్ని అందించారు. పోలీసులు అక్కడికి దగ్గరికి వచ్చి స్థానికుల సహాయంతో వారిద్దరినీ బయటికి తీశారు. అసలు ఏం జరిగింది అని పోలీసులు అడగగా ఆ యువకుడు జరిగిన విషయం చెప్పాడు. పోలీసులు ఆ యువతిని మందలించి పంపించారు.

February 27, 2021

Filmy Adda

ఫామిలీ బాక్గ్రౌండ్ తో ఎంట్రీ ఇచ్చి…సక్సెస్ అవ్వలేకపోయిన 9 మంది తెలుగు హీరోలు.!

by Mohana Priya February 27, 2021

written by Mohana Priya

సినిమా బ్యాక్ గ్రౌండ్ తో వచ్చినంత మాత్రాన అలా వచ్చిన ప్రతి యాక్టర్ సక్సెస్ అవ్వాలి అని రూలేమీ లేదు. అలా కొంత మంది నటులు బ్యాక్ గ్రౌండ్ తో వచ్చినా కూడా ఇండస్ట్రీలో ఆశించిన ఫలితాలను అందుకోలేకపోయారు. వాళ్ళెవరో ఇప్పుడు చూద్దాం.

#1 దాసరి అరుణ్ కుమార్

దర్శకరత్న దాసరి నారాయణరావు గారి కొడుకైన దాసరి అరుణ్ కుమార్ గ్రీకు వీరుడు, ఇంకా ఎన్నో సినిమాల్లో నటించారు. వాటిలో కొన్ని రిజిస్టర్ అవ్వగా ఇంకొన్ని విజయం సాధించలేదు. అల్లు శిరీష్ హీరోగా నటించిన ఒక్క క్షణం సినిమాలో విలన్ పాత్ర పోషించారు అరుణ్ కుమార్. ఆ తర్వాత శైలజా రెడ్డి అల్లుడు సినిమాలో కూడా ఒక ముఖ్య పాత్రలో కనిపించారు.

#2 ఆర్యన్ రాజేష్

దర్శకులు ఇవివి సత్యనారాయణ గారి కొడుకైన ఆర్యన్ రాజేష్ హాయ్, లీలామహల్ సెంటర్, సొంతం, ఆడంతే అదో టైపు, అనుమానాస్పదం, ఎవడి గోల వాడిదే, నిరీక్షణ, నువ్వంటే నాకిష్టం తో పాటు ఇంకా కొన్ని సినిమాల్లో నటించారు. వాటిలో సొంతం, ఎవడి గోల వాడిదే సినిమాలు విజయం సాధించాయి. 2019 లో విడుదలైన వినయ విధేయ రామ సినిమాలో రామ్ చరణ్ అన్నగా కనిపించారు ఆర్యన్ రాజేష్.

#3 గౌతమ్

బ్రహ్మానందం గారి కొడుకైన గౌతమ్ పల్లకిలో పెళ్లికూతురు, వారెవా, బసంతి లాంటి సినిమాల్లో నటించారు. 2018 లో విడుదలైన మను సినిమాలో నటించారు గౌతమ్.

#4 రమేష్ బాబు

సూపర్ స్టార్ కృష్ణ గారి కొడుకైన రమేష్ బాబు కొన్ని సినిమాల్లో హీరోగా నటించారు. తర్వాత నటన నుంచి దూరమయ్యారు. మహేష్ బాబు హీరోగా సురేందర్ రెడ్డి దర్శకత్వంలో వచ్చిన అతిథి సినిమాకి నిర్మాతగా వ్యవహరించారు రమేష్ బాబు.

#5 విక్రమ్

ఎమ్మెస్ నారాయణ గారి కొడుకైన విక్రమ్ కొడుకు సినిమాతో హీరోగా అడుగుపెట్టారు. తర్వాత కూడా కొన్ని సినిమాల్లో నటించారు విక్రమ్.

#6 అక్కినేని అఖిల్

అఖిల్, సిసింద్రీ సినిమాలో చైల్డ్ ఆర్టిస్ట్ గా నటించారు. తర్వాత మనం సినిమాలో స్పెషల్ అప్పియరెన్స్ ఇచ్చారు. అఖిల్ సినిమాతో హీరోగా ఇండస్ట్రీలోకి అడుగు పెట్టారు. అది ఆశించిన ఫలితాన్ని ఇవ్వలేదు. తర్వాత హలో, మిస్టర్ మజ్ను సినిమాల్లో నటించారు. అఖిల్ తర్వాత సినిమా మోస్ట్ ఎలిజిబుల్ బ్యాచిలర్ టీజర్ ఇటీవల విడుదలైంది. అలాగే సురేందర్ రెడ్డి దర్శకత్వంలో కూడా ఒక సినిమా చేస్తున్నట్టు ప్రకటించారు.

#7 తారకరత్న

ఒకటో నెంబర్ కుర్రాడు, యువరత్న, తర్వాత కొన్ని సినిమాల్లో హీరోగా నటించిన తారకరత్న అమరావతి సినిమాతో విలన్ గా కూడా నటించారు. ఆ తర్వాత మనమంతా సినిమాలో ఒక ముఖ్య పాత్రలో కనిపించారు. నారా రోహిత్ హీరోగా వచ్చిన రాజా చెయ్యివేస్తే సినిమాలో కూడా నెగిటివ్ షేడ్స్ ఉన్న పాత్ర పోషించారు తారకరత్న. తారకరత్న నటించిన S5 సినిమా టీజర్ ఇటీవల విడుదలైంది.

#8 సుశాంత్

కాళిదాసు సినిమాతో ఇండస్ట్రీలోకి అడుగుపెట్టిన సుశాంత్ తర్వాత కరెంట్, ఆటాడుకుందాం రా, ఇంకా కొన్ని సినిమాల్లో హీరోగా నటించారు. రాహుల్ రవీంద్రన్ దర్శకత్వంలో వచ్చిన చిలసౌ సినిమాతో విజయాన్ని అందుకున్నారు. తర్వాత అలా వైకుంఠపురంలో సినిమాలో ఒక ముఖ్య పాత్రలో కనిపించారు. ప్రస్తుతం సుశాంత్ ఇచ్చట వాహనములు నిలుపరాదు అనే సినిమాలో హీరోగా నటిస్తున్నారు.

#9 అల్లు శిరీష్

గౌరవం సినిమాతో హీరోగా అడుగు పెట్టిన అల్లు శిరీష్ తర్వాత కొత్త జంట, శ్రీరస్తు శుభమస్తు, ఒక్క క్షణం సినిమాల్లో నటించారు. అలాగే ఒక మలయాళం సినిమాలో కూడా నటించారు. అల్లు శిరీష్ చివరిగా 2019 లో వచ్చిన ఏబిసిడి సినిమాలో కనిపించారు.

February 27, 2021

Viral

“ఆస్తి పత్రాలు పట్టుకెళ్ళాలి అనుకుంటా.!” అంటూ పెట్రోల్ రేట్ 100 అవ్వడం పై సోషల్ మీడియాలో ట్రెండ్ అవుతున్న 10 ట్రోల్స్.!

by Mohana Priya February 27, 2021

written by Mohana Priya

ప్రస్తుతం భారతదేశంలో చర్చలో ఉన్న విషయాల్లో ఒకటి పెట్రోల్ ధరలు. మెల్లగా పెట్రోల్ ధరలు, డీజిల్ ధరలు పెరుగుతూ వచ్చాయి. ఇప్పటికే కొన్ని ప్రాంతాల్లో పెట్రోల్ ధర 100 దాటింది. ఇటీవల భోపాల్ లో ప్రీమియం పెట్రోల్ ధర ₹100 దాటడంతో ఒక వ్యక్తి పెట్రోల్ బంక్ దగ్గర ఒక చేత్తో బ్యాట్, మరొక చేత్తో హెల్మెట్ పట్టుకుని నిలబడ్డాడు. ఆ ఫోటో పెట్రోల్ ధర సెంచరీ కొట్టింది అని సంకేతం ఇస్తున్నట్లుగా ఉంది. ప్రస్తుతం అది సోషల్ మీడియాలో వైరల్ అవుతోంది.

ఇది మాత్రమే కాదు పెట్రోల్ ధరలకు సంబంధించిన ప్రతి విషయం ప్రస్తుతం సోషల్ మీడియాలో సరదాగా, సీరియస్ గా వైరల్ అవుతున్నాయి. కరోనా తర్వాత పెట్రోల్, డీజిల్ ధరలపై ఉన్న టాక్స్ పెరిగింది. ఏప్రిల్ 1, 2020 అంటే లాక్ డౌన్ మొదట్లో ఉన్నప్పుడు పెట్రోల్ ధర పై 37.8 రూపాయలు, డీజిల్ ధర పై 28 రూపాయల టాక్స్ ఉండేది. ఫిబ్రవరి 1, 2021 కి వచ్చేసరికి పెట్రోల్ పై టాక్స్ 52.9, డీజిల్ పై టాక్స్ 43.1 రూపాయలకి పెరిగింది.

ప్రతి ప్రాంతానికి ఈ పెట్రోల్, డీజిల్ ధరలు వేరేగా ఉంటాయి. ఆ రాష్ట్ర గవర్నమెంట్ విధించే వాట్ వల్ల ధరలు మారుతాయి. అయితే, ఈ పెరుగుతున్న పెట్రోల్, డీజిల్ ధరల మీద సోషల్ మీడియాలో ఎన్నో మీమ్స్, ట్రోల్స్ వస్తున్నాయి. అందులో కొన్ని ఇవే.

#2#3#4#5#6#7#8#9#10

February 27, 2021

Newer Posts

Older Posts