Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

పాగల్ ఫస్ట్ లుక్ విడుదల

by Mohana Priya February 2, 2021

written by Mohana Priya

విశ్వక్ సేన్ హీరోగా రూపొందుతున్న పాగల్ సినిమా ఫస్ట్ లుక్ ఇవాళ విడుదలైంది. ఈ సినిమాకి నరేష్ కుప్పిలి దర్శకత్వం వహిస్తున్నారు. శ్రీ వెంకటేశ్వర క్రియేషన్స్ బ్యానర్ పై, దిల్ రాజు తో కలిసి లక్కీ మీడియా అసోసియేషన్ ద్వారా బెక్కెం వేణుగోపాల్ ఈ సినిమాని నిర్మిస్తున్నారు.

ఈ సినిమాకి రథన్ సంగీత దర్శకత్వం వహిస్తున్నారు. ఎస్. మణికందన్ సినిమాటోగ్రఫీ అందిస్తున్నారు. 2020 లో విశ్వక్ సేన్ హీరోగా నటించిన హిట్ సినిమా ప్రేక్షకులను ఆకట్టుకుని హిట్ టాక్ సొంతం చేసుకుంది. ఇప్పుడు ఈ సంవత్సరం పాగల్ సినిమాతో మన ముందుకు రాబోతున్నారు. ఈ సినిమా ఏప్రిల్ 30 వ తేదీన థియేటర్లలోకి రానుంది.

February 2, 2021

నాపై ఎటువంటి వారెంట్ జారీ చేయలేదు – డైరెక్టర్ శంకర్

by Mohana Priya February 2, 2021

written by Mohana Priya

తమిళ్ డైరెక్టర్ శంకర్ పై నాన్ బెయిలబుల్ వారెంట్ జారీ చేసింది ఫిబ్రవరి 1వ తేదీన ఒక వార్త బయటకు వచ్చింది. 2010 లో సూపర్ స్టార్ రజినీకాంత్ గారు హీరోగా నటించిన రోబో సినిమా కథ, తన కథ నుండి కాపీ చేశారు అని అరుర్ అనే ఒక రచయిత శంకర్ మీద కంప్లైంట్ ఫైల్ చేశారు.

ఈ విషయానికి సంబంధించిన విచారణలకి కోర్టు ఆదేశాల తరువాత కూడా హాజరు కాలేదు అనే కారణంగా శంకర్ పై నాన్ బెయిలబుల్ వారెంట్ జారీ చేశారు అని ఆ వార్త సారాంశం. ఈ విషయంపై డైరెక్టర్ శంకర్ స్పందిస్తూ ఒక ప్రెస్ నోట్ విడుదల చేశారు. అందులో, తాను ఇలాంటి వార్త చూసి షాక్ కు గురయ్యానని,

తనపై ఎటువంటి వారెంట్ జారీ అవ్వలేదు అని, రిఫరెన్స్ లో ఏ వారెంట్ అయితే తన పేరుమీద కనిపిస్తుందో, అది ఆన్లైన్ కోర్టు రిపోర్టింగ్ వల్ల జరిగింది అని, అది సరి చేస్తున్నారు అని పేర్కొన్నారు. అంతేకాకుండా ఇటువంటి పుకారు ఇంకా స్ప్రెడ్ అవ్వకుండా ఉండడానికి ఈ ప్రెస్ నోట్ ని మీడియాకి పంపాలని శంకర్ కోరారు.

February 2, 2021

News

సోషల్ మీడియాలో స్నేహం పేరుతో దొంగతనం

by Mohana Priya February 2, 2021

written by Mohana Priya

ఇటీవల ముంబైలో జరిగిన ఒక సంఘటన చర్చలకు దారి తీసింది. వివరాల్లోకి వెళితే, టైమ్స్ ఆఫ్ ఇండియా కథనం ప్రకారం 19 సంవత్సరాల వయసు గల షైజాన్ ఆగ్వాన్ అనే ఒక వ్యక్తి సోషల్ మీడియా ద్వారా ఒక టీనేజ్ అమ్మాయిని కలిశాడు. ఆ అమ్మాయి ఒక చార్టెడ్ అకౌంటెంట్ కూతురు. వారిద్దరూ సోషల్ మీడియా ద్వారా ఫ్రెండ్స్ అయ్యారు.

ఒకసారి ఆ అమ్మాయి ఇంకా తన కుటుంబ సభ్యులు తమ ఇంట్లో లేని సమయంలో షైజాన్ ఆ అమ్మాయి ఇంటికి వెళ్లి వాళ్ల లాకర్ లో ఉన్న బంగారు ఆభరణాలని, 14 లక్షల విలువచేసే వస్తువులను అలాగే కొంత డబ్బుని, ఒక ఐ ఫోన్ ని దొంగిలించాడు. ఇదంతా ఆ అమ్మాయి అంతకుముందు షైజాన్ దగ్గర వదిలేసిన వాళ్ళ ఇంటి డూప్లికేట్ తాళం చెవి సహాయంతో చేశాడు.

జనవరి 27వ తేదీన వెకేషన్ నుండి వచ్చిన తర్వాత ఆ కుటుంబం దొంగతనం జరిగిందని తెలుసుకుని పోలీసులకు కంప్లైంట్ ఇచ్చారు. పోలీసులు ఆ అమ్మాయిని కన్విన్స్ చేయడంతో అమ్మాయి జరిగిన విషయం మొత్తం చెప్పి తను తన తాళంచెవి ని అతని దగ్గర వదిలేసింది అని కూడా చెప్పింది. దాంతో షైజాన్ ని మజగావ్ పరిధిలో అరెస్ట్ చేశారు.

February 2, 2021

Filmy Adda

ఈ 11 మంది హీరోలు ఏ హీరోల సినిమాలకు వాయిస్ ఓవర్ ఇచ్చారో చూడండి..!

by Mohana Priya February 1, 2021

written by Mohana Priya

కొన్ని సినిమాల్లో స్టోరీ నరేట్ చేయాల్సి ఉంటుంది. దాని కోసం ఒక వాయిస్ ఓవర్ ఖచ్చితంగా కావాలి. చాలా సినిమాల్లో వాయిస్ ఓవర్ వస్తుంది. కానీ కొన్ని సినిమాల్లో వేరొక హీరో వాయిస్ ఓవర్ ఇస్తారు. అలా ఒక హీరో నటించిన సినిమాకి ఇంకొక హీరో వాయిస్ ఓవర్ ఇచ్చిన సినిమాలు కొన్ని ఏంటో ఇప్పుడు చూద్దాం.

#1 చిరంజీవి

మెగాస్టార్ చిరంజీవి అల్లు అర్జున్ హీరోగా నటించిన వరుడు సినిమాకి,

రానా హీరోగా నటించిన ఘాజీ సినిమాకి,

మంచు మనోజ్ హీరోగా నటించిన గుంటూరోడు సినిమా కి వాయిస్ ఓవర్ ఇచ్చారు.

https://youtu.be/7h4Gy5tswhs

#2 మహేష్ బాబు

సూపర్ స్టార్ మహేష్ బాబు, పవర్ స్టార్ పవన్ కళ్యాణ్ హీరోగా నటించిన జల్సా సినిమాకి,

యంగ్ టైగర్ ఎన్టీఆర్ హీరోగా నటించిన బాద్షా సినిమాకి,

అలాగే తన సోదరి మంజుల దర్శకత్వం వహించిన మనసుకు నచ్చింది సినిమాకి వాయిస్ ఓవర్ ఇచ్చారు.

#3 నాగార్జున

కింగ్ నాగార్జున, నాగచైతన్య హీరోగా వచ్చిన ప్రేమమ్ సినిమాకి,

https://youtu.be/rfr8lTYUn1Y

అలాగే అఖిల్ హీరోగా నటించిన హలో సినిమాకి వాయిస్ ఓవర్ ఇచ్చారు.

#4 జూనియర్ ఎన్టీఆర్

యంగ్ టైగర్ ఎన్టీఆర్, రామ్ హీరోగా వచ్చిన రామ రామ కృష్ణ కృష్ణ సినిమాకి వాయిస్ ఓవర్ ఇచ్చారు.

#5 వెంకటేష్

విక్టరీ వెంకటేష్, నితిన్ హీరోగా నటించిన శ్రీనివాస కళ్యాణం సినిమాకి,

మాస్ మహారాజా రవితేజ హీరోగా నటించిన క్రాక్ సినిమాకి వాయిస్ ఓవర్ ఇచ్చారు.

#6 రాజ్ తరుణ్

రాజ్ తరుణ్, నాగ శౌర్య హీరోగా నటించిన అబ్బాయితో అమ్మాయి,

లక్ష్మీ రావే మా ఇంటికి సినిమాకి వాయిస్ ఓవర్ ఇచ్చారు.

#7 రామ్

రామ్, సాయి ధరమ్ తేజ్ హీరోగా వైవీఎస్ చౌదరి దర్శకత్వంలో వచ్చిన రేయ్ సినిమాకి వాయిస్ ఓవర్ ఇచ్చారు.

#8 నారా రోహిత్

నారా రోహిత్, నిఖిల్ హీరోగా నటించిన స్వామి రా రా సినిమాకి వాయిస్ ఓవర్ ఇచ్చారు.

#9 సునీల్

సునీల్, రవిబాబు దర్శకత్వంలో వచ్చిన నువ్విలా సినిమాకి,

స్టైలిష్ స్టార్ అల్లు అర్జున్ హీరోగా వచ్చిన రేసుగుర్రం సినిమాకి వాయిస్ ఓవర్ ఇచ్చారు.

#10 అల్లరి నరేష్

అల్లరి నరేష్, సందీప్ కిషన్ హీరోగా నటించిన వెంకటాద్రి ఎక్స్ప్రెస్ సినిమాకి వాయిస్ ఓవర్ ఇచ్చారు.

https://youtu.be/yRW6uNBut6U

#11. రవితేజ

మాస్ మహారాజ రవితేజ సైకిల్ పాత్రలో సునీల్ హీరోగా రాజమౌళి దర్శకత్వంలో వచ్చిన మర్యాద రామన్న సినిమాకి,

మంచు విష్ణు హీరోగా నటించిన దూసుకెళ్తా సినిమాకి వాయిస్ ఓవర్ ఇచ్చారు.

February 1, 2021

Off Beat

ATM లో డబ్బులు డ్రా చేసేటప్పుడు వచ్చే ఆ సౌండ్…నోట్లు లెక్కపెట్టేది కాదా.? మరేంటి.?

by Mohana Priya February 1, 2021

written by Mohana Priya

సాధారణంగా మనిషికి ఓర్పు తక్కువగా ఉంటుంది. ఒకవేళ ఓర్పు ఎక్కువగా ఉన్నా కూడా ఎప్పుడో ఒకసారి తగ్గిపోతుంది. కానీ కొన్ని విషయాల్లో మాత్రం ఓపికగా ఎదురు చూడాలి. అందులో ఒకటి ఏటీఎం. ఏటీఎం కి వెళ్లి డబ్బులు తీసుకురావడం ఒక్కొక్కసారి సులభంగా అయిపోయినా కూడా ఒక్కొక్కసారి చాలా సమయం పడుతుంది. దానికి కారణం జనాలు ఎక్కువ మంది ఉండటం అవ్వచ్చు. లేదా ఎటిఎం పని చేయకపోవడం లాంటి సమస్య వచ్చినప్పుడు వేరే ఎటిఎం కి వెళ్లాల్సి రావచ్చు.

ఇలా చాలా కారణాల వల్ల ఏటీఎం లో క్యాష్ విత్ డ్రా చేసుకోవడానికి, డిపాజిట్ చేయడానికి ఎక్కువ సమయం పడుతుంది. ఏదేమైనా పని ముఖ్యం కాబట్టి కచ్చితంగా పని అయ్యేంత వరకు ఎదురు చూడాల్సిందే. మీరు ఎప్పుడైనా ఒకటి గమనించారా. ఏటీఎం లో మెషిన్ నుండి క్యాష్ వచ్చేటప్పుడు ఒక సౌండ్ వస్తుంది. ఆ సౌండ్ ఎందుకు వస్తుందో మీకు తెలుసా?

“ఎందుకు తెలియదు. ఆ సౌండ్ డబ్బులు కౌంట్ చేసేటప్పుడు వస్తుంది”. అనే సమాధానం మీకు రావచ్చు. కానీ అది నిజం కాదు. అంటే ఏటీఎం మిషన్ నుండి వచ్చే సౌండ్ డబ్బులు లెక్క పెట్టేటప్పుడు వచ్చే సౌండ్ కాదు. అది ఒక మెషిన్ జనరేటెడ్ శబ్దం. అలా సౌండ్ జనరేట్ చేయడానికి ఒక కారణం ఉంది. అదేంటంటే. మనం ఏటీఎం కార్డు పెట్టి తీసి, తర్వాత పిన్ ఇంకా మనకి కావాల్సినంత అమౌంట్ ఎంటర్ చేస్తాం. లేదా డిపాజిట్ చేయడానికి డబ్బులని మిషన్ లోకి పెడతాం.

అప్పుడు కొంచెం సేపటికి ఈ సౌండ్ వస్తుంది. అదే సౌండ్ డబ్బులు డిపాజిట్ చేసేటప్పుడు కూడా వస్తుంది. అలా సౌండ్ వచ్చినప్పుడు మిషన్ ఆగిపోలేదు ప్రాసెసింగ్ అవుతోంది అని మనకి ఒక రిలీఫ్ ఉంటుంది. మనకి డబ్బులు బయటికి వస్తున్నాయి అని భరోసా ఇవ్వడానికే ఆ సౌండ్ జనరేట్ చేస్తారు. అంటే ఇది మెషిన్ వల్ల వచ్చే శబ్దం మాత్రమే కానీ డబ్బులు లెక్క పెట్టడం వల్ల వచ్చే సౌండ్ కాదు.

February 1, 2021

Filmy Adda News

ఈ ఫొటోలో ఉన్న స్టార్ హీరోయిన్ ఎవరో గుర్తుపట్టారా.?

by Mohana Priya January 31, 2021

written by Mohana Priya

బాలీవుడ్ లో నెపోటిజం ఉన్నాకూడా ఎంతో కష్టపడి వైవిధ్యమైన పాత్రల తో తనకంటూ ఒక పేరు తెచ్చుకున్న నటి కంగనా రనౌత్. క్వీన్ సినిమా ఒక్కటి చాలు ఆమె ఎంత మంచి నటో నిరూపించడానికి. ఆ సినిమాకి కంగనా రనౌత్ ఉత్తమ జాతీయ నటి అవార్డు కూడా అందుకుంది.

అలాగే ఆ తర్వాత వచ్చిన తను వెడ్స్ మను రిటర్న్స్ చిత్రంలో ద్విపాత్రాభినయం చేసి ఆ సినిమాకి కూడా జాతీయ స్థాయిలో ఉత్తమ నటి అవార్డు అందుకుంది. సినిమాల్లోనే కాకుండా నిజజీవితంలో కూడా దేనికే భయపడకుండా తాను అనుకున్నది చెప్పేసే మనస్తత్వం కంగనాది. అందుకే వివాదాల్లో కూడా కంగనా పేరు వినిపిస్తూనే ఉంటుంది.

ఇటీవల కంగనా జడ్జిమెంటల్ హై క్యా అనే సినిమా చేసింది. అందులో పాత కోసం చేసిన లుక్ టెస్ట్ ఫోటోలు ఇటీవల తన టీం ఇంస్టాగ్రామ్ లో పెట్టింది. పైన ఉన్న ఫోటో ఆ లుక్ టెస్ట్ కి సంబంధించినది.

ఇది మీరు ఇప్పటి వరకు చూడని జడ్జిమెంటల్‌ హై క్యా సినిమాలోని బాబీ క్యారెక్టర్ కోసం చేసిన లుక్ టెస్ట్. మీకు ఏమనిపిస్తోంది? బాబీ ఇలా షార్ట్ హెయిర్ తో బాగుందా? లేదా సినిమాలో చూపించినట్టుగా కర్లీ హెయిర్ తో బాగుందా? కామెంట్స్ లో చెప్పండి అనే క్యాప్షన్ తో ఈ చిత్రాలను పోస్ట్ చేశారు.

జడ్జిమెంటల్‌ హై క్యా గత సంవత్సరం విడుదల అయింది. అసలు మొదట ఈ సినిమాకి పెట్టిన పేరు మెంటల్‌ హై క్యా. కానీ తర్వాత టైటిల్ వివాదాస్పదంగా ఉండటంతో జడ్జిమెంటల్‌ హై క్యా అని మార్చారు. ఈ చిత్రానికి రాఘవేంద్ర రావు గారి కొడుకు ప్రకాష్ కోవెలమూడి దర్శకత్వం వహించారు.

January 31, 2021

Filmy Adda Viral

ఏంటి “బుట్ట బొమ్మ” స్టెప్ కూడా కాపీనా.? ఒరిజినల్ వీడియో చూడండి.!

by Mohana Priya January 31, 2021

written by Mohana Priya

సాధారణంగా మన ఆలోచనలలాంటివే ఇంకొకరికి వస్తూ ఉండటం చూస్తూనే ఉంటాం. దానికి కొంత మంది కాపీ అని పేరు పెడితే, కొంత మంది ఇన్స్పిరేషన్ అంటారు. ఒక సినిమా కథను పోలిన కథతో మరో సినిమా రావడం, కాస్ట్యూమ్స్ ఒకేలా ఉండడం, ఇలాంటివన్నీ అవుతూనే ఉంటాయి. ఇంకా కొన్ని సందర్భాల్లో పాటలు ఒకే లాగా ఉండటం కూడా జరుగుతూ ఉంటాయి.

అయితే ఇటీవల వచ్చిన ఒక సూపర్ హిట్ పాట లోని హుక్ స్టెప్ వేరే ఒక పాట లోని స్టెప్ కి దగ్గరగా ఉంది. అల వైకుంఠపురంలో సినిమాలో బుట్ట బొమ్మ పాట ఎన్నో వ్యూస్, లైక్స్ తో యూ ట్యూబ్ లో రికార్డ్ క్రియేట్ చేస్తోంది. టిక్ టాక్ లో కూడా ఈ పాట చాలా ఫేమస్ అయ్యింది.

కేవలం మన 2 తెలుగు రాష్ట్రాల్లో మాత్రమే కాకుండా నేషనల్ వైడ్ గా, అలాగే ఇంటర్నేషనల్ వైడ్ గా కూడా ఈ పాటకి చాలా మంది అభిమానులు ఉన్నారు. అందులో బుట్ట బొమ్మ హుక్ స్టెప్ గురించి అయితే ప్రత్యేకంగా చెప్పాల్సిన అవసరమే లేదు. ఆ స్టెప్ పాటకే ఒక మెయిన్ హైలెట్.

ప్రముఖ క్రికెటర్ డేవిడ్ వార్నర్ తో పాటు, శిల్పా శెట్టి వంటి బాలీవుడ్ సెలబ్రిటీలు కూడా ఈ స్టెప్ చేసిన వీడియోని సోషల్ మీడియాలో పోస్ట్ చేశారు. బుట్ట బొమ్మ పాటకి జానీ మాస్టర్ కొరియోగ్రఫీ చేశారు. అయితే, 2004 లో విక్రమ్ హీరోగా నటించిన అరుల్ సినిమాలోని ఒక పాటలో ఒక స్టెప్ కొంచెం బుట్ట బొమ్మ స్టెప్ ని పోలినట్లుగా ఉంటుంది. ప్రస్తుతం ఈ వీడియో సోషల్ మీడియాలో ట్రెండ్ అవుతోంది.

watch video :

January 31, 2021

Human angle

అందంతో ఇంటర్నెట్ ని షేక్ చేసిన కూరగాయలమ్మి…హీరోయిన్ అవ్వడం పక్కా..!

by Mohana Priya January 31, 2021

written by Mohana Priya

కొంతమందికి పేరు, గుర్తింపు కావాలి అని ఉంటుంది. దానికోసం వాళ్ళు చాలా కష్టపడతారు. తర్వాత ఒక టైంలో వాళ్లు అనుకున్న స్థాయికి ఎదుగుతారు. అయితే ఇంకొంతమంది మాత్రం అనుకోకుండా స్పాట్ లైట్ వెలుగులోకి వెళ్తారు. సడన్ గా ఫేమస్ అయిపోతారు. వివరాల్లోకి వెళితే. కొంతకాలం క్రితం నేపాల్ లో ఒక అమ్మాయి కూరగాయల బుట్ట పట్టుకొని బ్రిడ్జ్ మీద వెళ్తున్న ఒక ఫోటో , అదే అమ్మాయి ఫోన్ లో మాట్లాడుతున్న మరొక ఫోటో సోషల్ మీడియా లో పోస్ట్ చేశారు.

తర్వాత ఆ ఫోటోలు చాలా వైరల్ అయ్యాయి. నెటిజన్లు “ఆ అమ్మాయి ఎవరు?” అని సర్చ్ చేయడం మొదలుపెట్టారు. ఆ అమ్మాయి పేరు కుసుమ్ శ్రేష్ట. బిబిసి కి ఇచ్చిన ఇంటర్వ్యూలో కుసుమ్ మాట్లాడుతూ తనకి సెలవులు కావడంతో తన తల్లిదండ్రులకు సహాయం చేయడానికి ఆ రోజు తను మార్కెట్ కి కూరగాయలు తీసుకొని వెళ్లిందని, అప్పుడే ఈ ఫోటో తీశారు అని చెప్పారు.

ప్రముఖ ఫోటోగ్రాఫర్ రూప్ చంద్ర మహర్జన్ కుసుమ్ ఫోటో తీశారు. కుసుమ్ మాట్లాడుతూ ” ఆ వైరల్ అయిన ఫోటోలలో ఉన్న అమ్మాయి నేనేనా అని నా స్నేహితురాలు నన్ను అడిగింది. కానీ నాకు అప్పటివరకు తెలియదు. తను నాకు అప్పుడు ఫోటోలను పంపింది. అప్పుడు అర్థమైంది ఆ ఫోటోలు నావే అని.

నేను నా తల్లిదండ్రులకు సహాయం చేయడానికి కూరగాయలు అమ్మడానికి వచ్చాను. ఆ ఫోటోలు నేను దారిలో ఉన్నప్పుడు తీసినవి. కానీ ఆ టైంలో నన్ను ఫోటో తీసిన విషయం నాకు అర్థం కాలేదు” అని అన్నారు. ఇంటర్వ్యూలో, “ఒకవేళ మోడలింగ్ అవకాశాలు వస్తే వెళ్తారా?” అని అడగగా, “వెళ్తాను” అని చెప్పారు కుసుమ్.

కుసుమ్ తండ్రి మాట్లాడుతూ “తను నాకు ఒక్కతే కూతురు నేను తనని ఎంత వీలైతే అంత చదివించాలని అనుకుంటున్నాను. కానీ నా ఆర్థిక పరిస్థితి గురించి కూడా నేను ఆలోచించాలి. తనకి నర్సింగ్ అంటే ఇష్టం ఉన్నా కూడా నర్సింగ్ కాలేజీలో చేర్పించలేకపోయాను” అని అన్నారు. కుసుమ్ ఫోటోలు వైరల్ అవ్వడంపై ఆయన మాట్లాడుతూ ఆ ఫోటోలపై జనాలకి ఉన్న ఆసక్తి, వారికి రైతులు అంటే ఎంత గౌరవమో అనే విషయాన్ని తెలుపుతుంది అని అన్నారు.

January 31, 2021

Filmy Adda Viral

ఏంటయ్యా “మాస్టర్”..కూకట్ పల్లి లో విమానాశ్రయం ఎక్కడుంది.? ట్రెండ్ అవుతున్న ట్రోల్ల్స్.!

by Mohana Priya January 30, 2021

written by Mohana Priya

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి. తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది.

ఇంక రజనీకాంత్, కమల్ హాసన్ గురించి అయితే ప్రత్యేకంగా చెప్పాల్సిన అవసరం లేదు అనుకోండి. వీరందరికీ తెలుగు రాష్ట్రాల్లో కూడా చాలా ఫ్యాన్ ఫాలోయింగ్ ఉంటుంది. వారు కూడా మన ఆడియన్స్ కోసం మన నేటివిటీని కూడా కొంచెం దృష్టిలో పెట్టుకొని సినిమాలు చేస్తున్నారు. డబ్ చేసేటప్పుడు కూడా తమిళ్ అక్షరాలు ఉన్న చోట తెలుగుని రిప్లేస్ చేస్తున్నారు.

వాళ్ళు ఉండే ప్రాంతాల పేర్లు కూడా మన ప్రాంతాల పేర్లుగా మారుస్తున్నారు. కానీ ఇలా ఎడిట్ చేస్తున్నప్పుడు అప్పుడప్పుడు చిన్న చిన్న పొరపాట్లు జరుగుతూ ఉంటాయి. వీటిని పూర్తిగా పొరపాటు అని అనలేము. కానీ ఇంత చిన్న మిస్టేక్ ని తెలుగులో డిఫైన్ చేయడానికి పొరపాటు అనే పదం తప్ప వేరే పదం లేదు.

అయితే, తమిళ్ స్టార్ హీరో విజయ్ కి తెలుగులో ఉన్న క్రేజ్ గురించి మనందరికీ తెలుసు. విజయ్ సినిమాలు కూడా తమిళ్ లో రిలీజ్ అయిన డేట్ కే తెలుగులో కూడా రిలీజ్ అవుతాయి. అలా ఇటీవల విడుదలైన సినిమా మాస్టర్. మాస్టర్ సినిమా థియేటర్లలో మిక్స్డ్ టాక్ తెచ్చుకున్నా కూడా సూపర్ హిట్ గా దూసుకుపోతోంది. ఈ సినిమాని జనవరి 29 వ తేదీన అమెజాన్ ప్రైమ్ లో విడుదల చేశారు.

మాస్టర్ సినిమాలో మెన్షన్ చేసిన ఒక విషయం ఇప్పుడు సోషల్ మీడియాలో ట్రెండ్ అవుతోంది. అదేంటంటే, సినిమాలో విజయ్ ఎంట్రీ అయిన తర్వాత ఒక ఫైట్ సీన్ ఉంటుంది. అందులో కొంతమంది మెట్రో ఎక్కుతారు. వాళ్లని ఫాలో అవుతూ విజయ్ కూడా మెట్రో ఎక్కుతారు. సినిమా తెలుగు వాళ్ళకి తగ్గట్టు మార్చారు కాబట్టి మెట్రో స్టేషన్ పేరు కూకట్ పల్లి విమానాశ్రయం అని రాశారు.

మళ్లీ పక్కనే బ్రాకెట్ లో ఎల్.బి.నగర్ అని కూడా ఉంటుంది. ఇందులో పాయింట్ ఔట్ చేసిన విషయం ఏంటో ఇప్పటికే మీలో చాలా మందికి అర్థమైపోయి ఉంటుంది. ఇలా ఈ ఒక్క సినిమాలో మాత్రమే కాదు చాలా సినిమాలో జరుగుతూనే ఉంటాయి. కానీ వీటివల్ల సినిమాకి ఎటువంటి ఎఫెక్ట్ ఉండదు కాబట్టి ప్రేక్షకులు కూడా అంత పెద్దగా పట్టించుకోరు. కానీ ప్రస్తుతం ఈ సినిమా ట్రెండింగ్ లో ఉంది కాబట్టి దీనిపై ఇలా మీమ్స్ ట్రెండ్ అవుతున్నాయి.

#2#3

January 30, 2021

News serials

కోయిలమ్మ హీరోపై లైంగిక వేధింపుల కేసు…మద్యం మత్తులో రాత్రి 9 గంటలకు మహిళల ఇంటికెళ్లి.?

by Mohana Priya January 28, 2021

written by Mohana Priya

తెలుగు సీరియల్ నటుడు సమీర్ పై రాయదుర్గం పోలీస్ స్టేషన్ లో కేసు నమోదు అయ్యింది. సమీర్ కోయిలమ్మ సీరియల్ లో హీరోగా నటించారు. వివరాల్లోకి వెళితే. ఏబీఎన్ ఆంధ్రజ్యోతి కథనం ప్రకారం నటుడు సమీర్ తాగిన మత్తులో ఇద్దరు మహిళలపై గొడవకు దిగారు. సమీర్ తో పాటు మరో నలుగురు ఉన్నారు.

శ్రీ విద్య, స్వాతి, లక్ష్మి అనే ముగ్గురు మహిళలు మణికొండలో బోటిక్ నిర్వహించేవారు. కొన్ని కారణాల వల్ల స్వాతి వ్యాపారం నుండి తప్పుకున్నారు. స్వాతి తనకి అందాల్సిన కొన్ని వస్తువులు తిరిగి ఇవ్వని కారణంగా జనవరి 27 వ తేదీ అంటే మంగళవారం రాత్రి 9 గంటల సమయంలో సమీర్ తో కలిసి శ్రీ విద్య ఇంటికి వెళ్లారు.

case filed on koilamma serial hero sameer

image source : ABN Andhra Jyothi

అక్కడ మాటకి మాట పెరగడంతో గొడవ మొదలైంది. దాంతో శ్రీ విద్య, లక్ష్మీ పై సమీర్ దాడికి దిగారు. దాంతో ఇరువర్గాల సభ్యులు ఒకరిపై ఒకరు రాయదుర్గం పోలీస్ స్టేషన్ లో ఫిర్యాదు చేశారు. మహిళలు ఇద్దరు, సమీర్ ఐదు లక్షల రూపాయలు అప్పుగా తీసుకొని మళ్ళీ తిరిగి అడిగినప్పుడు రౌడీయిజం చేస్తున్నాడు అని, సమీర్ నుంచి వారికి ప్రాణహాని ఉందని వారి ఫిర్యాదులో పేర్కొన్నారు. సమీర్ తాను ఇచ్చిన ఫిర్యాదులో వేరేగా పేర్కొన్నారు.

watch video :

https://www.youtube.com/watch?v=n13e0wmsYdA&authuser=0

January 28, 2021

Newer Posts

Older Posts