Mohana Priya

ప్రతి మనిషి పొరపాటు చేయడం అనేది సహజం. దర్శకులు కూడా అప్పుడప్పుడు చిన్న చిన్న పొరపాట్లు చేస్తుంటారు. వాటిని మనం సినిమా విడుదలైనప్పుడు అంత పట్టించుకోము కానీ, ఎప్పుడైనా తర్వాత మళ్లీ ఆ సినిమా చూసినప్పుడు “అరే ఇది పొరపాటు కదా” అని అనిపిస్తుంది. అలా నువ్వు నాకు నచ్చావ్ సినిమాలో కూడా ఒక చిన్న పొరపాటు ఉంది. సినిమా వచ్చి 19 సంవత్సరాలయ్యింది, కానీ పైన చెప్పినట్టుగా ఎప్పుడైనా అంటే అది ఎన్ని సంవత్సరాల తర్వాత అయినా కానీ మళ్లీ సినిమా చూసినప్పుడు మాత్రమే ఇలాంటివి గమనిస్తాం.

సినిమాలో వెంకీ, వాళ్ళ నాన్న స్నేహితుడి ఇంటికి వస్తాడు. ఒకరోజు వెంకీకి వాళ్ళ నాన్న రాసిన ఉత్తరం చదివిన హీరోయిన్, ఇంకా హీరోయిన్ చెల్లెలు వెంకీ దగ్గరికి వెళ్తారు. అప్పుడు హీరోయిన్ చెల్లెలు తన పేరు పింకీ అని, తను లిటిల్ ఫ్లవర్స్ కాన్వెంట్ లో తొమ్మిదో తరగతి చదువుతోంది చెప్తుంది.

తర్వాత ఒక సీన్ లో పింకీ స్కూల్ కి వెళ్లడానికి బస్ స్టాప్ లో నిల్చున్నప్పుడు కొంత మంది తనని ఏడిపిస్తారు. అప్పుడు హీరో పింకీకి ధైర్యం చెప్పి వాళ్లని తిరిగి కొట్టమని చెప్తాడు. పింకీ వాళ్లలో ఒకరిని కొట్టి తర్వాత స్కూల్ బస్ వస్తే ఎక్కి వెళ్లిపోతుంది. ఇక్కడ స్కూల్ బస్ మీద ఉన్న పేరు గమనించండి. స్కూల్ బస్ మీద పేరు B.V.B.P SCHOOL అని ఉంది.

లిటిల్ ఫ్లవర్స్ కాన్వెంట్ ని షార్ట్ కట్ లో రాశారేమో అనుకుంటే, అక్కడ ఉన్న లెటర్స్ కూడా పేరుకి మ్యాచ్ అయ్యేలా లేవు. మనం ఇలా మాట్లాడుకుంటూ వెళ్తే ఈ ఒక్క సినిమా ఏంటి? ఎన్నో సినిమాల్లో ఎన్నో చిన్న చిన్న పొరపాట్లు కనిపిస్తాయి. అయినా, ఈ సినిమా ఎంత పెద్ద హిట్టో, ఇప్పటికి కూడా ఈ సినిమాకి ఎంత క్రేజ్ ఉందో మనందరికీ తెలుసు.

దాన్నిబట్టి ఆడియన్స్ కూడా ఇలాంటి పొరపాట్లని అంత పెద్దగా పట్టించుకోరు అని, వీటివల్ల నిజంగా సినిమాకి జరిగిన నష్టం ఏమీ లేదు అని వదిలేస్తారు అని, ముఖ్య ప్రాధాన్యత కథకి మాత్రమే ఇస్తారని ప్రత్యేకంగా చెప్పాల్సిన అవసరం లేదు. కానీ ఎప్పుడైనా కొంతకాలం తర్వాత సినిమా చూసినప్పుడు “అరే ఇది పొరపాటు కదా?” అనిపిస్తుంది అంతే.

లాహిరి లాహిరి లాహిరిలో సినిమా గుర్తుందా? అంత బ్లాక్ బస్టర్ సినిమా కచ్చితంగా అందరికీ గుర్తుండే ఉంటుంది. ఆ సినిమాలో నటించిన ఆదిత్య ఓం గుర్తున్నారా? లాహిరి లాహిరి లాహిరి లో సినిమా తో  తెలుగు ఇండస్ట్రీ కి పరిచయమైన ఆదిత్య మంచి నటుడు మాత్రమే కాదు కథా రచయిత, పాటల రచయిత, డైరెక్టర్, నిర్మాత కూడా.

ఆ తర్వాత ఆదిత్య ఓం ఒట్టు ఈ అమ్మాయి ఎవరో నాకు తెలియదు, ధనలక్ష్మి ఐ లవ్ యు, మీ ఇంటికొస్తే ఏం ఇస్తారు మా ఇంటికొస్తే ఏం తెస్తారు, మా అన్నయ్య బంగారం, పున్నమినాగు వంటి ఎన్నో తెలుగు చిత్రాల్లో నటించారు. మిస్టర్ లోన్లీ మిస్ లవ్లీ, శుద్ర, బందూక్, దోజఖ్ ఇన్ సెర్చ్ ఆఫ్ హెవెన్, అలిఫ్, మాసాబ్ వంటి హిందీ చిత్రాల్లో, సలాం హైదరాబాద్ అనే ఉర్దూ చిత్రంలో కూడా నటించారు.

పైన చెప్పిన చిత్రాల లో కొన్ని చిత్రాలకు ఆదిత్య దర్శకత్వం కూడా వహించారు. అందులో కొన్ని అంతర్జాతీయ స్థాయిలో అవార్డు కూడా పొందాయి. 2013లో దామిని విల్లా అనే తెలుగు సినిమా చేశారు. ఆదిత్య ఓం తెలంగాణలోని చేరుపల్లి అనే గ్రామాన్ని దత్తత తీసుకొని ఆ గ్రామాన్ని అభివృద్ధి చేస్తున్నారు. అక్కడ లైబ్రరీ కట్టించారు, అంతేకాకుండా ఆ గ్రామంలో ఉన్న పాఠశాలలకు ఇంకా ప్రజలకి లాప్టాప్స్, ఇంకా సోలార్ లైట్ల ని కూడా అందజేశారు.

దాదాపు ఏడేళ్ల విరామం తర్వాత మళ్లీ తెరమీద కనపడనున్నారు ఆదిత్య. బందీ అనే చిత్రంతో మళ్లీ మన ముందుకు రాబోతున్నారు. ఈ చిత్రం ప్రకృతి అనే కాన్సెప్ట్ పై నడుస్తుందట. ఇంకొక విషయం ఏంటంటే ఈ సినిమాలో ఆదిత్య ఒక్కరే నటిస్తున్నారు. అంటే సినిమా మొత్తం సింగిల్ క్యారెక్టర్ మాత్రమే ఉంటుంది.

ఈ చిత్రానికి సంబంధించిన ఫస్ట్ లుక్ ను ఇటీవల విడుదల చేశారు. ఈ సినిమా తెలుగు తమిళ హిందీ భాషల్లో చిత్రీకరిస్తున్నారు . ఆదిత్య ఓం మాట్లాడుతూ తనని ఇంతవరకు ఆదరించిన ప్రేక్షకులకు ధన్యవాదాలు తెలియజేస్తున్నారని, ఇప్పుడు మళ్ళీ బందీ అనే చిత్రంతో మన ముందుకు రాబోతున్నారు అని, ఈ చిత్రానికి కూడా ప్రేక్షకుల ఆదరణ లభిస్తుంది అని కోరుకుంటున్నారని తెలిపారు.