Mohana Priya Page 422
Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

NewsSports AddaViral

ఆ ట్వీట్ లో కేదార్ జాదవ్ అన్నది “రైనా” గురించేనా? ఇన్ డైరెక్ట్ గా సెటైర్ వేశాడా?

by Mohana Priya
written by Mohana Priya

చెన్నై సూపర్ కింగ్స్ ఆల్ రౌండర్ సురేష్ రైనా శనివారం నాడు భారతదేశానికి తిరిగి ప్రయాణం అయ్యారు. ఇందుకు కారణం సురేష్ రైనా వ్యక్తిగత సమస్యలట. జాగరణ్ కథనం ప్రకారం సురేష్ రైనా బంధువుల లో ఒకరు క్రిటికల్ కండిషన్ లో ఉన్నారట.

పటాన్ కోట్ లోని థరియాల్ లో నివసించే ఇంకొక బంధువుపై దాడి జరిగిందట. దెబ్బలు బాగా తగలడంతో సురేష్ రైనా బంధువు మరణించారట. సురేష్ రైనా తండ్రి సోదరి అయిన ఆశా దేవి ఆరోగ్యం విషమంగా ఉందట. అంతేకాకుండా సురేష్ రైనా ఇండియాకి తిరుగు ప్రయాణం అవ్వడానికి వేరే కారణాలు కూడా ఉన్నాయి అని అంటున్నారు.

క్రిక్ ట్రాకర్ కథనం ప్రకారం సురేష్ రైనా కి యాజమాన్యం ఇచ్చిన రూమ్ నచ్చలేదట. బయో బబుల్ ప్రోటోకాల్ పాటించడం కష్టం గా అనిపించిందట. మహేంద్ర సింగ్ ధోని కి ఇచ్చిన రూమ్ లాంటి రూమ్ కావాలి అని సురేష్ రైనా అనుకున్నారట. సురేష్ రైనా ఉండే రూమ్ కి బాల్కనీ సరిగా లేదట. అది కొంచెం ఇబ్బందిగా అనిపించిందట.

దీనిపై చెన్నై సూపర్ కింగ్స్ అధినేత ఎన్. శ్రీనివాసన్ మాట్లాడుతూ “క్రికెటర్లందరూ ప్రిమా డోనాస్ లాంటివారు. పాత కాలంలో ఉండే టెంపర్మెంటల్ యాక్టర్స్ లాగా అన్నమాట. నా ఆలోచన ఏంటంటే ఒకవేళ మీకు ఏదైనా నచ్చకపోతే, మీరు దేని వల్ల అయినా సంతోషంగా లేకపోతే, తిరిగి వెళ్లిపోండి. ఒక్కొక్కసారి విజయం తల పైకి ఎక్కుతుంది.

 

నేను మహేంద్ర సింగ్ ధోనీ తో మాట్లాడాను. ఒకవేళ పాజిటివ్ వచ్చిన వాళ్ళ సంఖ్య పెరిగినా కూడా భయపడాల్సిన అవసరం లేదు అని హామీ ఇచ్చారు. ప్లేయర్లందరితో జూమ్ కాల్ లో మాట్లాడారు. ఈ సీజన్ ఇంకా ప్రారంభం అవ్వలేదు. అయినా తను ఏం కోల్పోతున్నారు అనే విషయం సురేష్ రైనా తెలుసుకుంటారు” అని అన్నారు.

శ్రీనివాసన్ ఇలా బహిరంగంగా మాట్లాడిన తర్వాత, ఇప్పుడు కేదార్ జాదవ్ కూడా ట్విట్టర్ వేదికగా ఒక కామెంట్ చేశారు. అది డైరెక్ట్ గా సురేష్ రైనా గురించి అని చెప్పకపోయినా కూడా ట్వీట్ చూస్తే సురేష్ రైనా ని ఉద్దేశించి చేసిన ట్వీట్ అని అంటున్నారు నెటిజన్లు.

ఆ ట్వీట్ లో ” ముందుకు వెళ్లే క్రమంలో ఒక్కొక్కసారి వదిలేయడానికి వెయ్యి సాకులు అయినా వెతుకుతాం, కానీ పట్టు విడువకుండా ఉండడానికి ఒక్క కారణం చాలు. ఏదైనా మీరు ఎంచుకోవడంలోనే ఉంది” అని ఆ ట్వీట్ సారాంశం.

NewsViral

కూతుర్ని తోసేసి బిల్డింగ్ పైనుండి దూకి చనిపోయిన మనోజ్ఞ కేసు…కరోనా పరీక్ష చేయగా రిపోర్ట్ లో?

by Mohana Priya
written by Mohana Priya

గుంటూరు లో లక్ష్మీపురం లో ఇటీవల ఒక ఘటన చోటు చేసుకుంది. మనోజ్ఞ అనే ఒక యువతి తన తొమ్మిది నెలల పాప తులసిని అపార్ట్మెంట్ పై నుండి కింద పడేసి, తర్వాత మనోజ్ఞ కూడా దూకి చనిపోయారు అని సమాచారం. కానీ దీనిపై ఎన్నో అనుమానాలు వ్యక్తమవుతున్నాయి.

తమ కూతురిని తన భర్తతో పాటు మిగిలిన కుటుంబ సభ్యులు కూడా వేధింపులకు గురి చేసేవారు అని మనోజ్ఞ తల్లిదండ్రులు తెలిపారు. పోలీసులు మనోజ్ఞ భర్త కళ్యాణ్ చక్రవర్తి ని, అత్త మామలు శ్రీమన్నారాయణ, కామేశ్వరి లను ఆదివారం నాడు అదుపులోకి తీసుకున్నారు.

కానీ మనోజ్ఞ భర్త కళ్యాణ్ చక్రవర్తి తన భార్య ఎందుకు మరణించిందో కారణాలు తెలియదు అని, తను ఆమెను ఇష్టపడే పెళ్లి చేసుకున్నాడు అని చెప్పారు. గుంటూరు జిల్లా పట్టాభిపురం పోలీసులు కళ్యాణ్ చక్రవర్తి తోపాటు అతని తల్లిదండ్రుల పై వరకట్నం వేధింపుల కేసు నమోదు చేశారు.

ఘటన జరిగిన స్థలంలో ఎలాంటి ఆనవాళ్లు లేవు అని మనోజ్ఞ తమ్ముడు కార్తీక్ చెప్తున్నారు. అంతేకాకుండా పోలీసులు పూర్తి స్థాయి విచారణ చేపట్టాలి అని మనోజ్ఞ కుటుంబ సభ్యులు కోరుతున్నారు.ఆదివారం ఉదయం మనోజ్ఞ మృతదేహానికి డాక్టర్లు కరోనా పరీక్ష చేశారు. రిపోర్ట్ పాజిటివ్ వచ్చినట్టు డాక్టర్లు మీడియాతో తెలిపారు.

 

NewsSports AddaViral

రైనాతో పాటు హర్భజన్ కూడా ఐపీఎల్ నుండి అవుటా? కారణం ఏంటి?

by Mohana Priya
written by Mohana Priya

ఐపీఎల్ 20 20 మొదలవడానికి ఇంకా 19 రోజులు మాత్రమే ఉంది. ఇలాంటి కీలకమైన సమయంలో చెన్నై సూపర్ కింగ్స్ జట్టు లో దాదాపు 12-13 మందికి కరోనా పాజిటివ్ వచ్చింది. అందులో ఇద్దరు క్రికెటర్లు దీపక్ చాహర్ ఇంకా ఋతు రాజ్ గైక్వాడ్ కూడా ఉన్నారు. ప్రస్తుతం వీళ్లిద్దరు ఐసోలేషన్ లో ఉన్నారు.

చెన్నై సూపర్ కింగ్స్ ఆల్ రౌండర్ సురేష్ రైనా శనివారం నాడు భారతదేశానికి తిరిగి ప్రయాణం అయ్యారు. ఇందుకు కారణం సురేష్ రైనా వ్యక్తిగత సమస్యలట. జాగరణ్ కథనం ప్రకారం సురేష్ రైనా బంధువుల లో ఒకరు క్రిటికల్ కండిషన్ లో ఉన్నారట.

పటాన్ కోట్ లోని థరియాల్ లో నివసించే ఇంకొక బంధువుపై దాడి జరిగిందట. దెబ్బలు బాగా తగలడంతో సురేష్ రైనా బంధువు మరణించారట. సురేష్ రైనా తండ్రి సోదరి అయిన ఆశా దేవి ఆరోగ్యం విషమంగా ఉందట. అంతేకాకుండా సురేష్ రైనా ఇండియాకి తిరుగు ప్రయాణం అవ్వడానికి వేరే కారణాలు కూడా ఉన్నాయి అని అంటున్నారు.

చెన్నై సూపర్ కింగ్స్ బృందంలో కొంతమందికి కరోనా సోకడం, అంతేకాకుండా సురేష్ రైనా కి రిప్లేస్మెంట్ ప్లేయర్ కూడా దొరకడం అనేది చాలా కష్టమైన విషయం కావడంతో ప్రస్తుతం బిసిసిఐ ఆందోళనలో ఉంది.

క్రిక్ ట్రాకర్ కథనం ప్రకారం ఈ మంగళవారం హర్భజన్ సింగ్ దుబాయ్ కి బయలుదేరాలి ఉందట. కానీ చెన్నై సూపర్ కింగ్స్ జట్టు లో ఉన్న వాళ్లకి కరోనా పాజిటివ్ రావడంతో కొంచెం భయపడుతున్నారట. చెన్నై సూపర్ కింగ్స్ జట్టు లో ప్రస్తుతం నెలకొన్న పరిస్థితుల వల్ల హర్భజన్ సింగ్ షెడ్యూల్ అయినా మార్చుకుంటారట.

లేదా ఈసారి ఐపీఎల్ నుండి దూరంగా ఉండే అవకాశాలు కూడా ఉన్నాయట. ఒకవేళ నిజంగా ఇలాగే కనుక జరిగితే చెన్నై సూపర్ కింగ్స్ ఇంకా సమస్యలు ఎదుర్కొనే అవకాశాలు ఉన్నాయి. క్వారంటైన్ లో ఉండడం వల్ల మిగిలిన టీం లతో పోలిస్తే చెన్నై సూపర్ కింగ్స్ ఎక్కువగా ప్రాక్టీస్ కూడా చేయలేదు.

అలాగే మరి కొంతమంది ఫారిన్ సీనియర్ క్రికెటర్లు కూడా ప్రస్తుతం ఉన్న పరిస్థితిని చూసి భయపడుతున్నారు అని వార్తలు వస్తున్నాయి. శ్రీనివాసన్ అవుట్ లుక్ కి ఇచ్చిన ఇంటర్వ్యూలో ఫ్రాంచైజ్ గురించి, సురేష్ రైనా గురించి మాట్లాడారు. అంతేకాకుండా ఇలాంటి సమస్యలు టీం మొత్తంపై ప్రభావం చూపుతాయని అన్నారు.

InformationOff Beat

హైదరాబాద్ లోని ఈ 15 ప్రాంతాలకు ఆ పేర్లు ఎలా వచ్చాయో తెలుసా? వెనకున్న చరిత్ర ఇదే.!

by Mohana Priya
written by Mohana Priya

అసలు తాజ్ మహల్ కి ఆ పేరు ఎలా వచ్చిందో తెలుసా? షాజహాన్ తన భార్య అయిన ముంతాజ్ కోసం ఒక కట్టడాన్ని నిర్మించాడు. ఆ కట్టడానికి తన భార్య పేరు ని పెట్టాడు. అసలు తాజ్ మహల్ పేరు ముంతాజ్ మహల్. తర్వాత తాజ్ మహల్ గా ప్రసిద్ధి చెందింది. ఇదంతా చాలా మందికి తెలిసే ఉంటుంది. కానీ మళ్లీ చెప్పడానికి కారణం ఏంటి అంటే ఇలా ప్రతి చారిత్రక కట్టడం పేరు వెనుక ఏదైనా కథ, లేదా అర్థం ఉంటుంది. అలా మన హైదరాబాద్ లోని కొన్ని ప్రదేశాల పేర్ల వెనుక ఉన్న కథని తెలుసుకుందాం.

#1 బేగంపేట్

ఆరవ నిజాం మహబూబ్ అలీ ఖాన్, అసఫ్ జా  కుమార్తె బషీర్ ఉన్నిసా బేగం కి  రెండవ అమీర్ షామ్స్ ఉల్ ఉమ్రా అమీర్ ఎ కబీర్ తో వివాహం జరిగినప్పుడు ఒక స్థలాన్ని కట్నంగా ఇచ్చారు. ఆ ప్రదేశానికి బషీర్ ఉన్నిసా బేగం పేరుమీద బేగంపేట్ అనే పేరు వచ్చింది.

#2 చార్మినార్

కులీ కుతుబ్ షా కట్టిన ఈ కట్టడానికి ప్రధాన ఆకర్షణలలో ఒకటి ఈ నాలుగు స్తంభాలు. కాబట్టి నిర్మాణానికి కూడా నాలుగు స్తంభాలు అని అర్థం వచ్చేలాగా చార్ మినార్ పేరును పెట్టారు. చార్ అంటే 4 మినార్ అంటే స్తంభాలు.

#3 సికింద్రాబాద్

మూడవ నిజాం సికందర్ జాహ్ పేరుతో ఆ ప్రదేశానికి సికింద్రాబాద్ అని పేరు వచ్చింది. అంతకు ముందు సికింద్రాబాద్ ని లష్కర్ అని పిలిచేవాళ్ళు. లష్కర్ అంటే కంటోన్మెంట్ అని అర్థం.

#4 ఖైరతాబాద్

ఇబ్రహీం కుతుబ్ షా కుమార్తె ఖైరున్నిసా బేగం పేరు మీద ఆ స్థలాన్ని మంజూరు చేశారు. అందుకే ఆ ప్రదేశానికి ఖైరున్నిసా బేగం పేరు కలిసేటట్టు ఖైరతాబాద్ అని పేరు పెట్టారు.

#5 శంషాబాద్

నిజాం పాలకులు, షమ్స్-ఉల్-ఉమ్రా అనే పైగహ్ నోబుల్ గౌరవార్ధం ఆ ప్రదేశానికి శంషాబాద్ అనే పేరు పెట్టారు. షమ్స్ అంటే అరబిక్ లో సూర్యుడు అని అర్థం.

#6 నాంపల్లి

క్రీస్తు శతాబ్దం 1670 లో రజా అలీ ఖాన్ హైదరాబాద్ కి దివాన్ గా ఉన్నారు. ఆయనకు నేఖ్ నామ్ ఖాన్ అనే బిరుదు ఉండేది. నేఖ్ నామ్ ఖాన్ పేరుతో ఒక స్థలం మంజూరు అయింది. స్థలానికి నేఖ్ నామ్ పల్లి అని పేరు పెట్టారు. తర్వాత ఆ పేరు నాంపల్లి అయింది.

#7 హిమాయత్ నగర్

1933 లో ఏడవ నిజాం ఉస్మాన్ అలీ ఖాన్ యొక్క పెద్ద కుమారుడు హిమాయత్ అలీ ఖాన్ – అజామ్ జా పేరుమీద ఆ స్థలానికి హిమాయత్ నగర్ అనే పేరు వచ్చింది.

#8 సోమాజిగూడ

ఆ ప్రాంతంలో రెవెన్యూ డిపార్ట్మెంట్ అధికారి అయిన సోనాజీ కి కొన్ని భూములు ఉండేవి. సోనాజీ సోమాజీ అయింది. గూడ అంటే గూడెం లేదా చిన్న గ్రామం (కుగ్రామం) అని అర్థం.

#9 అబిడ్స్

ఆల్బర్ట్ అబిడ్ అనే ఒక అర్మేనియన్ వ్యాపారికి ఆ ప్రాంతంలో ఒక దుకాణం ఉండేది. అందుకే ఆ ప్రదేశాన్ని అబిడ్స్ అని పిలుస్తారు. తర్వాత కొంతకాలానికి ఆల్బర్ట్ అబిడ్ ఇంగ్లాండ్ కి వెళ్ళిపోయాడు. ఇంకొక కథ ఏంటంటే అబిద్ ఎవాన్స్ అనే ఒక వ్యక్తి ఆ ప్రాంతంలో నడిపిన దుకాణం పేరు అబిడ్స్ అని అందువల్లే ఆ ప్రదేశానికి అబిడ్స్ అనే పేరు వచ్చింది అని కూడా అంటారు.

#10 మాసబ్ ట్యాంక్

ఆరవ రాజు కులీ కుతుబ్ షా భార్య హయత్ బక్షి బేగం ను మా సాహెబా అని పిలిచేవారు. మల్లెపల్లి గ్రామ భూములకు సాగునీరు ఇవ్వడానికి ఆమె ఒక ట్యాంక్ నిర్మించింది. ఆ ట్యాంక్ పేరు మా సాహెబా కా తలాబ్ అని పిలిచేవారు. చివరికి ఆ పేరు మాసబ్ ట్యాంక్ అయింది.

#11 హైదరాబాద్

కులీ కుతుబ్ షా భార్య భాగమతి వివాహమైన తర్వాత తన పేరుని హైదర్ మహల్ గా మార్చుకున్నారు. హైదర్ మహల్ అంటే హైదర్ నగరం అని అర్థం. తర్వాత తన పేరు మీద హైదరాబాద్ అనే పేరు వచ్చింది.

#12 మలక్ పేట్

గోల్కొండ రాజు అబ్దుల్లా కుతుబ్ షా యొక్క సేవకుడు మాలిక్ యాకూబ్ పేరుమీద ఆ ప్రదేశానికి మలక్ పేట్ అనే పేరు వచ్చింది.

#13 బషీర్ బాగ్

పైగహ్ నోబుల్ అయిన సర్ అస్మాన్ జా బసిరుద్-దులా కి ఒక పెద్ద ప్యాలెస్ ఉండేది. ఆ ప్యాలెస్ దగ్గర పెద్ద గార్డెన్ ఉండేది. బసిరుద్-దులా పేరు మీద ఆ ప్రదేశానికి బషీర్ బాగ్ అని పేరు వచ్చింది. బాగ్ అంటే గార్డెన్ అని అర్థం.

#14 ఫలక్ నామా

ఫలక్ అంటే ఆకాశం. నామా అంటే అద్దం. ఆ ప్రదేశం కొండలతో ఎంతో ఎత్తుగా ఉండేది. కాబట్టి ఆకాశానికి అద్దం అని అర్థం వచ్చేలాగా ఫలక్ నామా అని పేరు పెట్టారు.

#15 సరూర్ నగర్

హైదరాబాద్ ప్రధానమంత్రి అరస్తు జా భార్య సురూర్ అఫ్జా బాయి పేరుమీద ఆ ప్రదేశానికి సరూర్ నగర్ అనే పేరు వచ్చింది.

Filmy AddaNews

సినిమాలో విలన్ గా “సోనూసూద్” హీరోని డామినేట్ చేసిన 12 సినిమాలు…ఓ లుక్ వేయండి!

by Mohana Priya
written by Mohana Priya

ఇప్పుడున్న పరిస్థితుల్లో సమస్యల్లో చిక్కుకున్న ఎంతో మందికి సహాయం చేస్తూ అందరి మెప్పు పొందుతున్నారు సోనూసూద్. సోనూసూద్ నిజ జీవితంలో ఎంత మంచి వ్యక్తి అనే విషయం అందరికీ అర్థం అయింది. మనందరం సోనూసూద్ ని ఆన్ స్క్రీన్ లో విలన్ గా నే గుర్తు పెట్టుకున్నాం.

సోనూసూద్ విలన్ గా మనకి అంత గుర్తు ఉండడానికి కారణం ఆయన నటన. సోనూసూద్ తెలుగులో నటించిన సినిమాల్లో బెస్ట్ పర్ఫామెన్స్ ఇచ్చిన కొన్ని సినిమాలు ఇప్పుడు చూద్దాం.

#1 కందిరీగ

అసలు కందిరీగ సినిమా చూడని వాళ్ళు చాలా తక్కువమంది ఉంటారేమో. ఒకవేళ మీరు చూడకపోతే రేపు కానీ, ఎల్లుండి కానీ జీ తెలుగు పెట్టండి. ఎందుకంటే ఒక రోజు జీ తెలుగులో, ఒకరోజు జీ మూవీస్ లో, తర్వాత మళ్లీ జీ తెలుగులో అలా ఒక వారం లో కందిరీగ సినిమా ఎన్ని సార్లు టెలికాస్ట్ చేస్తారో జీ తెలుగు వాళ్ళకే తెలియాలి. ఈ సినిమాలో సోనూసూద్ మాట్లాడడానికి నత్తితో ఇబ్బంది పడే వ్యక్తిగా అటు విలనిజం చూపిస్తూనే ఇటు కామెడీ యాంగిల్ కూడా చూపించారు.

#2 అరుంధతి

ఇప్పుడు అంటే సినిమా చూసి చూసి మనకి బోర్ కొట్టేసింది కానీ. సినిమా రిలీజ్ అయినప్పుడు పశుపతి క్యారెక్టర్ కి భయపడని వాళ్లు చాలా తక్కువ మంది ఉంటారేమో.

#3 అతడు

విలన్ అంటే ఇలా సాఫ్ట్ గా కూడా మాట్లాడుతారు అని చూపించిన సినిమాల్లో అతడు ఒకటి. సోనూసూద్ కూడా తన పాత్రలో ఎంతో అద్భుతంగా నటించారు.

#4 దూకుడు

అప్పటి వరకు మనం యంగ్ గా ఉన్న సోనూసూద్ ని  మాత్రమే చూశాం. అరుంధతి సినిమాలో ఎన్నో సంవత్సరాల తర్వాత బయటకు వచ్చినా కూడా అఘోరా రూపంలో ఉంటారు. దూకుడు సినిమా లో మాత్రం తన వయసు కంటే కొంచెం పెద్ద పాత్రలో నటించారు సోనూసూద్.

#5 ఆంజనేయులు

ఈ సినిమాలో లో హీరో రవితేజ కి ఎంత ఇంపార్టెన్స్ ఉంటుందో సోనూసూద్ కి కూడా అంతే ఇంపార్టెన్స్ ఉంటుంది.

#6 జులాయి

ఈ సినిమాలో మనం అల్లు అర్జున్ క్యారెక్టర్ ని ఎంతగా అయితే ఇష్టపడ్డామో విలన్ అయినా కూడా సోను సూద్ క్యారెక్టర్ ని అంతే ఇష్టపడతాము. బిట్టు ప్లేస్ లో వేరే యాక్టర్ ని ఊహించుకోవడం కష్టమే.

#7 అభినేత్రి

ఈ సినిమాలో ఫస్ట్ హాఫ్ మొత్తం సోను సూద్ క్యారెక్టర్ పోజిటివ్ గా ఉంటుంది. సెకండ్ హాఫ్ లో క్యారెక్టర్ లో కొన్ని నెగిటివ్ షేడ్స్ ఉంటాయి. ఒక రకంగా చెప్పాలంటే ఈ సినిమాలో సోనూసూద్ హీరోగా, ఇంకా విలన్ గా నటించారు.

#8 ఏక్ నిరంజన్

పూరి జగన్నాథ్ సినిమాల లో పాత్రలు ఎంత రా  గా ఉంటాయో అందరికీ తెలిసిన విషయమే. ఈ సినిమాలో సోను సూద్ క్యారెక్టర్ కూడా అలాగే డిఫరెంట్ గా ఉంటుంది.

#9 సూపర్

ఈ సినిమాలో సోనూసూద్ విలన్ అనడం కంటే సెకండ్ హీరో అనడం బెటర్. ఎందుకంటే తన చెల్లిని చంపాడు అనే కోపంతో హీరో మీద పగ పెంచుకుంటాడు. ఈ సినిమాలో అది కూడా ఫ్లాష్ బ్యాక్ తర్వాత ఒక హీరోతో తప్ప, మిగిలిన అందరితో సోనూసూద్ పాత్ర మామూలుగానే ఉంటాడు.

#10 ఆగడు

ఈ సినిమాలో కథకి తప్ప మిగిలిన ఏ విషయానికి వంక పెట్టడానికి లేదు. సినిమా ఫలితం ఎలా ఉన్నా కానీ ఈ సినిమాలో డైలాగులు, పర్ఫామెన్స్ బాగా గుర్తింపు పొందాయి.

#11 అశోక్

ఈ సినిమాలో కూడా ఒకవైపు కామ్ గా ఉంటూనే మరొకవైపు నెగిటివ్ షేడ్స్ ఉన్న పాత్రలో ఎంతో బాగా నటించారు సోనూసూద్. ఇది ఖచ్చితంగా సోనూసూద్ అండర్ రేటెడ్ పర్ఫామెన్స్ అని చెప్పొచ్చు.

#12 మిస్టర్ మేధావి

ఈ సినిమా ఎక్కువ మంది చూసి ఉండరు. ఈ సినిమాలో హీరో హీరోయిన్ తో తన ప్రేమను వ్యక్త పరచనీయకుండా అడ్డుగా ఉండే క్యారెక్టర్ చేశారు సోనూసూద్. విలన్ లాగా అనిపించినా కూడా విలన్ కాదు. మిస్టర్ మేధావి సినిమాలో ఎక్స్టెండెడ్ కేమియో రోల్ లో నటించారు సోను సూద్. సోను సూద్ పోషించిన పాత్రల్లో డిఫరెంట్ పాత్రల జాబితాలో ఈ సినిమా ఉంటుంది.

Filmy AddaNewsViral

సమీర్ అలా అన్నందుకు ట్రోల్ చేసారు…కానీ ఆ ఆఫర్ రావడం నిజమే అంట.! అసలేమైంది?

by Mohana Priya
written by Mohana Priya

యూట్యూబ్ లో టిఎన్ఆర్ ఇంటర్వ్యూస్ కి చాలా క్రేజ్ ఉంటుంది. ఇంటర్వ్యూలు ఎక్కువ సేపు ఉన్నా కూడా ఒక సెలబ్రిటీ ని దాదాపు అన్ని కోణాల్లో ఇంటర్వ్యూ చేస్తారు. అప్పటివరకు ఏ సెలబ్రిటీ ఎక్కడ చెప్పని విషయాలు కూడా టిఎన్ఆర్ ఇంటర్వ్యూ లో చెప్తారు.

ఇటీవల టిఎన్ఆర్ తో ప్రముఖ నటుడు,ఇంకా బిగ్ బాస్ సీజన్ 1 కంటెస్టెంట్ సమీర్ మాట్లాడారు. ఆ ఇంటర్వ్యూ లో టిఎన్ఆర్ అడిగిన ఒక ప్రశ్న కి సమీర్ ఇచ్చిన సమాధానం ప్రస్తుతం సోషల్ మీడియాలో ట్రోలింగ్ రూపంలో వైరల్ అవుతోంది.  అదేంటంటే సమీర్ వాళ్ళ బాబుని జాన్సన్ బేబీ వాళ్ళు పోస్టర్ బేబీ కోసం అడిగారు కదా?  ఎంత ఆఫర్ ఇచ్చారు ఎందుకు వదులుకున్నారు? అని టిఎన్ఆర్ సమీర్ ని ప్రశ్నించారు.

అందుకు సమీర్ “అవును అడిగారు. రెండు రోజులకి 75 లక్షలు ఇస్తామన్నారు. కానీ నా భార్య వాళ్ల తల్లిదండ్రులకు ఇది ఇష్టం లేదు. దిష్టి తగులుతుంది ఎందుకులే అన్నారు. అందుకే ఒప్పుకోలేదు” అని సమాధానం చెప్పారు. ఇదంతా సోషల్ మీడియాలో మీమ్స్ రూపంలో సర్క్యులేట్ అయ్యి టిఎన్ఆర్ దృష్టి వరకు వెళ్ళింది. దాంతో టిఎన్ఆర్ ఫేస్ బుక్ లో ఈ విధంగా స్పందించారు.

“సమీర్ ఇంటర్వ్యూ మీద వచ్చిన ట్రోల్స్ లో నాకు బాగా నచ్చిన ట్రోల్ ఇది . ఇంటర్వ్యూలో చాలా మందికి ఈ విషయం దగ్గర క్లారిటీ దొరకలేదు. కొంతమంది సమీర్ వాళ్ళ అబ్బాయికి వచ్చిన 75లక్షల జాన్సన్ & జాన్సన్ ప్యాకేజ్ ని నమ్మలేదు. అందుకే ఈ ట్రోల్స్ వచ్చాయ్.

తప్పేం లేదు.బట్ అలా అపార్థం చేసుకున్న వాళ్ళకి ఒక ఇంటర్వ్యూయర్ గా క్లారిటీ ఇవ్వడం నా బాధ్యత అనిపించి ఈ పోస్ట్ పెడుతున్నాను. నిజంగానే జాన్సన్ నుండి సమీర్ వాళ్ళ అబ్బాయికి అంత పెద్ద ప్యాకేజ్ వచ్చింది. సమీర్ తన వ్యక్తిగత కారణాల వలన కొంచెం ఇబ్బందిగానే ఆ ఆఫర్ ని రిజెక్ట్ చెయ్యడం జరిగింది.

కానీ కొన్ని కారణాల వలన ఇంటర్వ్యూలో కారణం పూర్తిగా చెప్పకుండా పై పైన చెప్పడం జరిగింది. అది వివరించడం వలన అనవసరపు లేనిపోని ప్రాబ్లంస్ వస్తాయని పూర్తిగా చెప్పలేదు. నేను కూడా తనని బలవంతం చెయ్యలేదు.
అందు వల్ల కొంతమంది అపార్థం చేసుకోవడం జరిగింది.

బట్ 75లక్షల ఆఫర్ రావడం అన్నది అతిశయోక్తి లేకుండా పూర్తిగా నిజం.
నమ్మాలి. బట్, ఈ టాపిక్ మీద వచ్చిన ఈ కింది (ఈ పారాగ్రాఫ్ పైన ఉన్న ఫోటో) ట్రోలింగ్ మాత్రం బాగా ఎంజాయ్ చేశా. సమీర్ కి ఫార్వార్డ్ చేస్తే తనూ బాగా ఎంజాయ్ చేశాడు” అని పోస్ట్ చేశారు టిఎన్ఆర్. దాంతో పాటు తను బాగా ఎంజాయ్ చేశాను అంటూ సోషల్ మీడియాలో ట్రెండింగ్ లో ఉన్న ఈ ట్రోల్ కూడా ఈ పోస్ట్ చేశారు.

watch full interview:

Health AddaInformationNews

అక్కడ కిలో జీడిపప్పు రూ. 10 మాత్రమే…అంత తక్కువకి ఇవ్వడానికి కారణం ఏంటంటే?

by Mohana Priya
written by Mohana Priya

పండగలప్పుడు కానీ లేదా ఇంకా ఏదైనా సందర్భాలు అప్పుడు కానీ స్పెషల్ వంటకాలు చేస్తే అందులో జీడిపప్పు తప్పకుండా వాడుతారు. భారతదేశంలో ఏ ప్రాంతంలో అయినా కూడా జీడిపప్పు కి చాలా క్రేజ్ ఉంటుంది. స్వీట్స్ లోనే కాకుండా కొన్ని మామూలు వంటల్లో కూడా జీడిపప్పు వాడతారు. డైరెక్ట్ గా నే కాకుండా కొన్ని కూరలలో జీడి పప్పు ని పేస్ట్ చేసి వండుతారు.

అంతేకాకుండా జీడిపప్పు లో ఉన్న ప్రోటీన్స్ ఇంకా ఫ్యాటీ యాసిడ్స్ గుండెకి చర్మానికి జుట్టుకి ఎంతో మంచిది. జీడిపప్పు తరచుగా రోజుకి ఒక నాలుగైదు చొప్పున తీసుకుంటే బ్లడ్ ప్రెషర్ అదుపులో ఉంటుంది. ఇంకా కంటికి కూడా జీడిపప్పు మంచిదట. బరువు తగ్గడానికి కూడా జీడిపప్పు ని తీసుకుంటారట.

జీడిపప్పు కి ఉన్న క్రేజ్ కి తగ్గట్టే వాటి ధర కూడా ఉంటుంది. మామూలుగా అయితే కేజీ జీడిపప్పు 500 రూపాయల నుండి 1000 రూపాయల వరకు ఉంటుంది.  ఎందుకంటే దాదాపు భారతదేశంలో ఉన్న అన్ని ప్రాంతాల్లో జీడిపప్పు తక్కువగా పండిస్తారు. కాబట్టి ట్రేడర్లు కూడా తక్కువ ధరకి అమ్మరు.

కానీ ఒక ప్రాంతంలో మాత్రం కిలో జీడిపప్పు ధర పది రూపాయలు మాత్రమే అట. అది కూడా భారత దేశంలోనే. జార్ఖండ్ లోని జమ్తారా ప్రాంతంలో ఒక కేజీ జీడిపప్పు పది రూపాయలకి అమ్ముతారట.

అంత తక్కువ ధరకే అమ్మడానికి కారణం ఏంటి అంటే ఆ ప్రాంతంలో దాదాపు 49 ఎకరాల స్థలంలో జీడిపప్పు పండిస్తారట. అందుకే అంత తక్కువ ధరకి అమ్ముతారట. చాలా మంది వేరే ప్రాంతాల నుండి వచ్చిన వాళ్ళు అక్కడ జీడిపప్పు ఎక్కువ మొత్తంలో కొనుక్కుని వెళ్తారట.

News

టీ తాగుతున్న బల్లి…ట్విస్ట్ ఏంటంటే రెండు నెలల నుండి ఆ ఇంట్లో ఇలా జరుగుతుందట (video)

by Mohana Priya
written by Mohana Priya

ప్రపంచంలో ఎక్కువ మంది జనాలు ఎడిక్ట్ అయిన డ్రింక్ (పానీయం) ఏంటో తెలుసా? మనలో చాలా మందికి ఈ ప్రశ్న వినగానే కచ్చితంగా సమాధానం ఆల్కహాల్ అని అనిపిస్తుంది. కానీ కాదు. ఆల్కహాల్ లేకపోయినా ఒకరోజు ఉండగలరేమో గాని. టీ లేకపోతే ఎంతో మందికి రోజు కూడా కదలదు.

కొంతమందికి పొద్దున లేవంగానే టీ తాగే అలవాటు ఉంటుంది. కొంతమందికి సాయంత్రం టీ తాగే అలవాటు ఉంటుంది. కానీ కొంతమంది మాత్రం ఒక్కరోజులో సమయం గురించి కూడా ఆలోచించకుండా ఎప్పుడు తాగాలి అనిపిస్తే అప్పుడు టీ తాగుతూనే ఉంటారు.

మనుషులే కాకుండా బల్లి కూడా టీ కి ఎడిక్ట్ అయిపోయింది. వివరాల్లోకి వెళితే. ఒకరోజు భరత్ పూర్ లోని ఒక కుటుంబం లో ఒక మహిళ తన కుటుంబ సభ్యుల కోసం టీ చేసింది. టీ కప్పులను టేబుల్ మీద పెట్టి వెళ్ళిపోయింది. అక్కడే ఉన్న ఒక బల్లి వచ్చి టీ కప్ మీదకి వాలి టీ తాగడం మొదలు పెట్టింది.

ఇదంతా ఆ మహిళ చూసింది. ఆ బల్లి పై జాలిపడి అప్పటినుండి రోజు బల్లి కోసం కూడా ప్రత్యేకంగా టీ కప్పులో పోసి పెడుతోంది. దాదాపు రెండు నెలల నుండి బల్లి వచ్చి తన కోసం కప్ లో పోసి పెట్టిన టీ తాగి వెళ్తోంది. దాదాపు రెండు సంవత్సరాల క్రితం కూడా ఇలాంటి ఒక సంఘటన చోటు చేసుకుంది. ప్రస్తుతం బల్లి టీ తాగుతున్న ఈ వీడియో సోషల్ మీడియాలో వైరల్ అవుతోంది.

watch video:

https://youtu.be/o8eUDVY_inI

Human angle

పెళ్లి రోజు ఈ జంట చేసిన పనికి ఫిదా అవ్వకుండా ఉండలేరు…అందరు ఇలాగే ఆలోచిస్తే ఎంతో బాగుండు.!

by Mohana Priya
written by Mohana Priya

ప్రస్తుతం ఉన్న పరిస్థితుల్లో ఒక మనిషి మరో మనిషి సహాయం కచ్చితంగా అవసరం. చాలామంది సెలబ్రిటీలతో పాటు మామూలు ప్రజలు కూడా ఆహారం రూపంలో, డబ్బు రూపంలో, నిత్యావసరాల రూపంలో ఇలా ఎన్నో రకాలుగా తమకు తోచినంత సహాయం చేస్తున్నారు. అలాగే ఇటీవల లాక్ డౌన్ సమయంలో పెళ్లి చేసుకున్న ఒక జంట ఒక క్వారంటైన్ సెంటర్ 50 బెడ్లు ఇచ్చారట. ఈ సంఘటన మహారాష్ట్రలో చోటు చేసుకుంది.

మహారాష్ట్రకు చెందిన ఎరిన్ లోబో, మెర్లిన్ టస్కనో జూన్ 20వ తేదీన ఒక చర్చ్ లో సింపుల్ గా పెళ్లి చేసుకున్నారు. పెళ్లయిన కొద్దిసేపటి తర్వాత క్వారంటైన్ సెంటర్ కి వెళ్లి 50 బెడ్ లను, దిండ్లను, దుప్పట్లను ఇచ్చారు. దీన్ని ఏషియన్ న్యూస్ ఇంటర్నేషనల్ (ఏ ఎన్ ఐ) వాళ్లు ట్విట్టర్ లో పోస్ట్ చేశారు. దాంతో ఈ జంట చేసిన మంచి పనికి నెటిజన్లు ఎంతగానో అభినందిస్తున్నారు.

ఇదొక్కటే కాకుండా లాక్ డౌన్ మొదలైన సమయం నుండి ఎరిన్ లోబో, మెర్లిన్ టస్కనో ఎంతో మంది ప్రజలకు సహాయం చేశారట. వేరే ప్రాంతాల నుండి వచ్చిన ఉద్యోగులకు ట్రైన్లు, కమ్యూనిటీ కిచెన్లు ఏర్పాటు చేశారట.

తర్వాత రెవెన్యూ ఇన్స్పెక్టర్ ఇంకా ఆ జిల్లా యొక్క సబ్ డివిజన్ ఆఫీసర్ తో మాట్లాడి కోవిడ్ 19 సెంటర్లలో ఏమేమి కావాలో కనుక్కొని, వాళ్ల పెళ్లి కి అయ్యే ఖర్చు ను ఇలా ఉపయోగించారట. అలాగే ఆక్సిజన్ సిలిండర్ లను కూడా అందజేయాలి అనే ఆలోచనలో ఉన్నట్లు మెర్లిన్ టస్కనో తెలిపారు.

Filmy AddaNews

ఒకప్పుడు ఇలియానా…తర్వాత సమంత…ఇప్పుడు పూజా హెగ్డే..! మరి నెక్స్ట్ ఎవరో?

by Mohana Priya
written by Mohana Priya

సాధారణంగా ప్రతీ డైరెక్టర్ సినిమా సినిమా కి డిఫరెన్స్ ఉండడం కోసం తీసుకునే ముఖ్య జాగ్రత్తల్లో కాస్టింగ్ ఒకటి. ముందు సినిమాల్లో ముఖ్య పాత్రలు పోషించిన వాళ్ళు ఈ సినిమాలో రిపీట్ అవ్వకుండా చూసుకుంటారు.

కానీ కొన్నిసార్లు కాస్టింగ్ ఛాయిస్ అనేది రిపీట్ అవుతుంది. అందుకు కారణం దర్శకుడు ఆ నటులతో కలిసి పని చేసిన ముందు సినిమాలో వాళ్ల పర్ఫామెన్స్ అవ్వచ్చు, లేదా సెంటిమెంట్ అయినా అవ్వచ్చు.

అలా త్రివిక్రమ్ కూడా తనతో పనిచేసిన హీరోయిన్లని మళ్లీ వేరే సినిమాలో ఎంపికచేశారు. జల్సా సినిమాలో ఇలియానా హీరోయిన్ అనే విషయం అందరికి తెలిసిందే. తర్వాత మళ్ళీ జులాయి సినిమాలో అల్లు అర్జున్ పక్కన జంటగా ఇలియానాని ఎంపిక చేశారు.

అలాగే అత్తారింటికి దారేది సినిమాలో సమంత హీరోయిన్. తర్వాత వచ్చిన సన్నాఫ్ సత్యమూర్తి సినిమాలో కూడా మెయిన్ హీరోయిన్ సమంతనే. ఆ తర్వాత వచ్చిన అ ఆ లో కూడా హీరోయిన్ సమంత.

మళ్లీ అరవింద సమేత వీర రాఘవ లో హీరోయిన్ పూజ హెగ్డే. తర్వాత వచ్చిన అల వైకుంఠ పురం లో కూడా మెయిన్ హీరోయిన్ పూజా హెగ్డే. ఇలా త్రివిక్రమ్ తన సినిమాలో ముందు నటించిన హీరోయిన్ లని తర్వాత కూడా ఎంపిక చేసుకున్నారు. మరి అలా ఎంపిక చేసుకోవడం వెనుక కారణం ఏమిటో త్రివిక్రమ్ కే తెలియాలి.

అంతేకాకుండా సినిమాల్లో ఉండే కొన్ని ముఖ్య పాత్రలను కూడా త్రివిక్రమ్ మళ్ళీ రిపీట్ చేసారు. ఉదాహరణకి అత్తారింటికి దారేది సినిమాలో సమంతకు తల్లిగా నదియా నటించారు. అ ఆ లో కూడా సమంత తల్లి పాత్రలో నదియా పోషించారు. అలాగే జులాయి సినిమాలో రాజేంద్రప్రసాద్ పోలీస్ ఆఫీసర్ పాత్రలో నటించారు. అల వైకుంఠపురం లో సినిమాలో కూడా రాజేంద్రప్రసాద్ మళ్లీ పోలీస్ పాత్రలోనే నటించారు.

ఒకసారి గమనిస్తే పైన రిపీట్ అయిన ముగ్గురు హీరోయిన్లు నటించిన సినిమాలు హిట్ అయ్యాయి. బహుశా ఆ సెంటిమెంట్ కూడా దృష్టిలో పెట్టుకొని హీరోయిన్ల ని ఎంపిక చేశారు ఏమో. భవిష్యత్తులో కూడా  త్రివిక్రమ్ సినిమాలో నటించిన హీరోయిన్ తో మళ్లీ ఇలా కాంబినేషన్ రిపీట్ అయ్యే అవకాశాలు ఉండొచ్చు ఏమో. చూద్దాం.

Newer Posts
Older Posts