Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

Filmy Adda

“బ్రో” మూవీ కోసం త్రివిక్రమ్ రెమ్యూనరేషన్ ఎంతో తెలుసా..?

by Mohana Priya July 13, 2023

written by Mohana Priya

పవర్ స్టార్ పవన్ కళ్యాణ్ మరియు సాయిధ‌ర‌మ్ తేజ్ క్రేజీ కాంబో లో వస్తున్న చిత్రం బ్రో. ఈ మూవీ ను దర్శకుడు మరియు నటుడు అయిన సముద్రఖని దర్శకత్వంలో ఎంతో ప్రతిష్టాత్మకంగా తెరకెక్కిస్తున్నాడు.

ఈ మూవీ‌కి స్క్రీన్ ప్లే అందించే భాధ్యత మాటల మాంత్రికుడు త్రివిక్రమ్ నిర్వహిస్తున్నారు.ఈ మూవీ లో ప్రియా ప్రకాష్ వారియర్ మరియు కేతికాశర్మ హీరోయిన్స్ గా నటిస్తున్నారు.

తమిళ్ లో సూపర్ హిట్ ఆయిన వినోదయ సీతం అనే మూవీకి రీమేక్ గా ఈ చిత్రం నిర్మించడం జరిగింది.పీపుల్ మీడియా ఫ్యాక్టరీ బ్యానర్‌ పై టీజీ విశ్వప్రసాద్, వివేక్ కూచిబొట్ల సంయుక్తంగా జీ స్టూడియోస్‌తో కలిసి నటిస్తున్న ఈ మూవీ జూలై 28న విడుదలకు సిద్ధంగా ఉంది. ఇప్పటికే మూవీ యూనిట్ బ్యాక్ టు బ్యాక్ అప్డేట్స్ తో మూవీ పై పాజిటివ్ బజ్ క్రియేట్ చేసారు.

అయితే ఈ మూవీకు సంబంధించిన ఒక హాట్ న్యూస్ ఇప్పుడు బాగా వైరల్ అయింది. ఈ మూవీ కోసం త్రివిక్రమ్ తీసుకుంటున్న రెమ్యూనరేషన్ పై ప్రస్తుతం ఫిల్మ్ ఇండస్ట్రీ‌లో త్రివ్రమైన చర్చ జరుగుతుంది. తమిళ్‌లో ఈ మూవీ డైరెక్టర్ అయిన సముద్రఖనికి తెలుగు‌లో కూడా బ్రో మూవీ డైరెక్ట్ చేసే అవకాశం వచ్చినప్పటికీ….మెయిన్ రోల్ త్రివిక్రమ్‌దే అని టాక్.

ఈ మూవీ కోసం స్క్రిప్ట్ ఇవ్వడం‌తో పాటు, పవన్ కు సెట్ అయ్యే విధంగా త్రివిక్రమ్ స్క్రిప్ట్‌లో చాలా మార్పులు చేశాడు అని తెలుస్తుంది. ఇక స్క్రీన్ ప్లే తో పాటు మాటలు కూడా త్రివిక్రమ్ సమకూరుస్తున్నారు. దాంతో ఈ మూవీ కోసం అతను ఏకంగా 15 కోట్ల రెమ్యూనరేషన్ పుచుకుంటునట్లు ప్రచారం జరుగుతోంది.ఇది ప్రస్తుతం చాలా మంది కుర హీరోల రెమ్యూనరేషన్ కంటే ఎక్కువ అని చెప్పవచ్చు….

ALSO READ : “అప్పుడు ఇబ్బంది అనిపించిన విషయం… ఇప్పుడు గుర్తు రాలేదా..?” అంటూ… “సమంత” పై కామెంట్స్..! ఏం జరిగిందంటే..?

July 13, 2023

Mythology

ద్రౌపది తన ఐదుగురు భర్తలతో ఎలా కాపురం చేసేదో తెలుసా..? ద్రౌపది గురించి ఎవరికీ తెలియని విషయాలు..!

by Mohana Priya July 12, 2023

written by Mohana Priya

మహాభారతం లో ఒక్కో పాత్ర కి ఒక్కో విశిష్టత ఉంది. పాండవులను వివాహమాడిన ద్రౌపది గురించి పరిచయం అవసరం లేదు. కానీ ఆమె గురించిన చాలా విషయాలు మనకు తెలియవు.

అవేంటో.. ఆమె తన ఐదుగురు భర్తలతోను ఎలా కాపురం చేసేదో.. ఎలాంటి జాగ్రత్తలు తీసుకునేదో ఈరోజు తెలుసుకుందాం.

అర్జునుడు స్వయంవరం లో ద్రౌపదిని గెలుస్తాడన్న సంగతి తెలిసిందే. ఆ తరువాత అర్జునుడు ఆమెను కుంతి వద్దకు తీసుకెళ్తాడు.. తాను గెలిచిన బహుమానాన్ని చూడాలని కోరగా.. కుంతి పరధ్యానం లో ఉండి తల తిప్పకుండానే ఐదుగురిని పంచుకోమని చెబుతుంది. దీనితో.. తల్లి మాట ప్రకారం పాండవులు ఐదుగురు ద్రౌపది ని పెళ్లాడుతారు. ఆ తరువాత కుంతి బాధపడుతుంది. జరిగింది జరిగిపోయినా.. ద్రౌపది మాత్రం తన భర్తలతో సఖ్యత గా మెలిగేది.

వారి మధ్య గొడవలు రాకుండా ఉండేది. ఇందుకోసం పాండవులు కూడా ఓ నియమం పెట్టుకున్నారు. ద్రౌపది కొన్ని నెలలపాటు ఒక్కొక్కరి దగ్గరా ఉంటూ వచ్చేది. ఆ సమయం లో మరొకరు ద్రౌపది ఉన్న చోటుకు వెళ్లకూడదని.. అలా వెళితే నియమం తప్పినందుకు అరణ్యవాసం చేయాల్సి ఉంటుందని నియమం పెట్టుకున్నారు. ఓసారి.. ఓ వ్యక్తి అర్జునుడు వద్దకు వచ్చి కొందరు తన పశువుల్ని దొంగిలించారని తనని రక్షించాలని కోరతాడు. అయితే.. అర్జునుని విల్లు ధర్మరాజు వద్ద ఉంటుంది. ఆ సమయం లో ద్రౌపది ధర్మ రాజు వద్ద ఉంటోంది.

నియమం తప్పుతుందని తెలిసినా.. అర్జునుడు ధర్మరాజు వద్దకు వెళ్లి విల్లు తీసుకుని సమస్యను పరిష్కరించి ఆ తరువాత అరణ్యవాసం చేస్తాడు. అందుకే.. ద్రౌపది కి ఐదుగురు భర్తలున్నా ఏనాడు వారి మధ్య గొడవలు రాలేదు. ద్రౌపది గురించి చాలా మందికి తెలియని విషయం ఏమిటంటే.. ఆమె అందరిలా పసిపిల్లలా తల్లి కడుపున పుట్టలేదు. యుక్తవయసు ఉన్న స్త్రీ గా అగ్ని నుంచి పుట్టింది. అందుకే ఆమెని యజ్ఞసేని అని పిలుస్తారట.

ఆమె శ్రీకృష్ణుడిని తప్ప.. తన భర్తలతో సహా ఎవరిని అంతగా నమ్మేది కాదట. ఎందుకంటే.. శ్రీ కృష్ణుడు ఆమెను వస్త్రాపహరణం నుంచి చీరలు ఇచ్చి రక్షిస్తాడు. అప్పటినుంచి ఆమె శ్రీకృష్ణుడిని సోదరుడిగా భావించి ఆరాధిస్తుంది. విరాట రాజు కొలువులో కీచకుల వలన, నిండుసభలో కౌరవులు కూడా ఆమెను అపహాస్యం చేయడం తో ఆమెకు తమ భర్తలపై నమ్మకం పోయిందట.

కానీ.. ఒక భర్త నుంచి మరో భర్త వద్దకు వెళ్ళేటపుడు ఆమె కన్య గానే వెళ్ళేది. అదెలా అంటే.. ఆమెకో వరం ఉంది. ఒక భర్త నుంచి మరో భర్త వద్దకు వెళ్లే సమయం లో ఆమె అగ్ని లోంచి నడిచేది. ఆ తరువాత తిరిగి కన్య గా అయ్యాక.. మరో భర్త వద్దకు వెళ్ళేది. ద్రౌపది తన ఇంట్లో సామాన్లను ఎప్పుడు నిండుగా ఉంచుకునేదట. ఎవరు వచ్చినా వండిపెట్టి కడుపునిండా భోజనం పెట్టేది.

July 12, 2023

Human angle

మగవాళ్ళతో పోలిస్తే ఆడవాళ్లే ఎక్కువగా విడాకులు అడుగుతున్నారా..? దీనికి కారణాలు ఏంటో తెలుసా..?

by Mohana Priya July 11, 2023

written by Mohana Priya

ప్రస్తుతం ఉన్న జీవనశైలి కారణంగా మన సొసైటీలో ఆడవారికి కూడా మగవారితో సమానంగా తమ ప్రతిభను నిరూపిస్తున్నారు. ఉద్యోగాలు ,సంసారం, ఒత్తిడి ఇలా పలు రకాల కారణాల వల్ల ఈరోజు దేశ విదేశాలలో డ్రైవర్స్ తీసుకుని జంటలు ఎక్కువగా ఉంటున్నాయి.

అయితే స్త్రీల యొక్క ఒత్తిడి శాతం తో పోల్చుకుంటే పురుషుల ఒత్తిడి శాతం తక్కువనే చెప్పవచ్చు. ఇటు ఇల్లు, అటు ఉద్యోగం రెండిటిని సమర్థవంతంగా నిర్వహించడమే కాకుండా ఇంటి బాధ్యతలు ,పిల్లలు ,చదువు ,ఆరోగ్యం ఇలా మహిళల జీవితం ఒత్తిడితో నిండిపోతుంది.

ప్రస్తుతం డైవర్స్ కోసం ఆపిల్ చేస్తున్న వారిలో పురుషుల కంటే ఆడవారి సంఖ్య ఎక్కువగా ఉంది. వినడానికి ఆశ్చర్యంగా ఉన్న ఇది నిజం…మరి దీనికి కారణాలు ఏమిటో తెలుసుకుందామా..

1. స్వేచ్ఛ లేకపోవడం

పెళ్లి అయిన తర్వాత మహిళలు చాలా వరకు తమ స్వేచ్ఛ తగ్గించబడింది అని భావిస్తారు. ప్రతి చిన్న విషయానికి పోలికలు పెట్టడం, ఆంక్షలు విధించడం పెళ్లి అయిన తర్వాత ప్రతి మహిళ ఎదుర్కొనే సవాళ్లు. ఇవి తారాస్థాయికి చేరినప్పుడు ఇండిపెండెంట్ నేచర్ ఉన్న మహిళలు చాలావరకు ఎటువంటి బంధంలో ఉండడం కంటే విడిపోవడం మేలు అని భావిస్తున్నారు.

2. ఆర్థిక స్వాతంత్రం

పురుషులతో సమానంగా పనిచేస్తున్నప్పటికీ తాము సంపాదించిన ప్రతి రూపాయికి ఇంటిలో లెక్క చెప్పడం మగువల సెల్ఫ్ రెస్పెక్ట్ కు ఇబ్బంది కలిగించే విషయం. పోనీ ఉద్యోగం చేయకుండా ఇంట్లో ఉంటే నువ్వేం చేస్తున్నావ్ ? అని ప్రశ్నిస్తున్నారే తప్ప వారు లేకపోతే ఇల్లు గడవడం ఎంత కష్టమన్న విషయాన్ని ఆలోచించడం మర్చిపోతున్నారు.

3. ఎమోషనల్ స్ట్రెస్

పురుషులు తమ ఎమోషన్స్ ను దాచుకోకుండా ధైర్యంగా అందరి ముందు వ్యక్తీకరించగలరు. కానీ ఇల్లు అయినా ,ఆఫీస్ అయినా ఆడవారికి ఆ స్వాతంత్రం నేటికీ రాలేదు. పేరుకుపోతున్న ఎమోషనల్ స్ట్రెస్ కారణంగా చాలామంది మహిళలు డిప్రెషన్ కి గురి అయ్యి ఇబ్బంది పడుతున్నారు.

4. నిర్లక్ష్యం

చాలామంది పెళ్లి అయిన కొత్తల్లో భార్యతో ఎంతో సరదాగా ఉంటారు. కానీ కాలం కరిచే కొద్ది వారు చూపించే ప్రేమలో మరియు శ్రద్ధలో ఎంతో వ్యత్యాసం కనిపిస్తుంది. బాధ్యతులు పెరుగుతున్నాయి అనవచ్చు కానీ దానికి బంధానికి సంబంధం ఉండదు కదా. తమ పార్ట్నర్ ఎక్కువ నిర్లక్ష్య ధోరణి ప్రదర్శించినప్పుడు మగువలు ఆ బంధంలో ఉండడానికి ఇష్టపడడం లేదు.

5. గృహహింస

మాట్లాడాలంటే ఇది చాలా సెన్సిటివ్ టాపిక్. రక్తం వచ్చేలా కొడితేనే అది గృహహింస కాదు. అనవసరమైన విషయాలకు భార్య మీద చేయి చేసుకోవడం, మానసికంగా హింసించడం కూడా గృహహింస కిందే వస్తాయి. అర్థం చేసుకోలేని భర్త భారంగా భావించి చాలామంది డైవర్స్ తీసుకోవడమే ఉత్తమం అని భావిస్తున్నారు.

ALSO READ : “హిమాచల్ ప్రదేశ్” వరదల్లో సంభవించిన ఆస్తి నష్టం ఎంతో తెలుసా..?

July 11, 2023

Bigg Boss 7 telugu Filmy Adda

బిగ్‌బాస్ తెలుగు-7 ప్రోమో విడుదల..! ఈసారి ఊచకోతే అంటున్న ఫ్యాన్స్..!

by Mohana Priya July 11, 2023

written by Mohana Priya

తెలుగు బుల్లితెర రియాలిటీ షో లతో ఎప్పుడూ కలకలలాడుతూ ఉంటుంది. ఎన్ని షోలు ఉన్నప్పటికీ బిగ్ బాస్ రియాల్టీ షో అన్నిటికీ గాడ్ ఫాదర్ లాంటిది. ఈ షో కి ఉన్న క్రేజ్ మరి ఏ షో కి లేదు అనడం అతిశయోక్తి కాదు.

ఇప్పటివరకు 6 సీజన్లను సక్సెస్ఫుల్ గా పూర్తి చేసుకున్న ఈ షో త్వరలో 7 వ సీజన్ తో ప్రేక్షకులను అలరించడానికి సిద్ధంగా ఉంది. స్టార్ మా చానల్ ఎంతో ప్రెస్టేజ్ గా భావించే బిగ్ బాస్ షో యొక్క సీజన్ 7 ప్రోమో విడుదల చేయడం జరిగింది.

అయితే బిగ్ బాస్ సీజన్ 6 ప్రేక్షకులను ఆకట్టుకోవడంలో కాస్త తడబడింది. దీని కారణంగా నెక్స్ట్ సీజన్ ఉంటుందా ఉండదా అన్న అనుమానం చాలామందికి కలిగింది. అనవసరంగా సాగదీసినట్టుగా ఉండడం, ఏదో ప్లాన్ చేసినట్టుగా గొడవలు మరియు కాస్త అభ్యంతరకరమైనటువంటి ప్రవర్తనను కనబరిచే కొందరు అభ్యర్థులు ఇలా సీజన్ 6 లో చాలా లోపాలే ఉన్నాయి.

అయితే రీసెంట్ గా..రెడీగా ఉండండి…త్వరలో మిమ్మల్ని ఎమోషనల్ ఎత్తుపల్లాలతో ఉర్రూతలూగించడానికి బిగ్ బాస్ తెలుగు సీజన్ 7 మీ ముందుకు వచ్చేస్తోంది…. అని స్టార్ మా ఛానల్ వెల్లడించడంతో బిగ్ బాస్ అభిమానులు హ్యాపీగా ఫీలయ్యారు.రాబోయే ఈ సీజన్ థ్రిల్లింగ్ మూమెంట్స్ మరియు ఛాలెంజెస్ తో ఓ సరికొత్త రోలర్ కోస్టర్ రైడ్ లా ఉంటుందని మేకర్స్ చెప్తున్నారు.

సిల్లీ ఫైట్స్ దగ్గర నుంచి హృదయాలను బరువెక్కించే గాధల వరకు.. ఒక సంపూర్ణమైన వినోదం ప్యాకేజీల గ్యారెంటీగా అందిస్తామని హామీ ఇస్తున్నట్లు వివరించారు. ఇంతకుముందు సీజన్‌లో జరిగినటువంటి పొరపాట్లు ఈ సీజన్‌లో జరగకుండా ఉంటే బాగుంటుంది అని అందరూ అభిప్రాయపడుతున్నారు. ఈ సీజన్ ని కూడా అక్కినేని నాగార్జున హోస్ట్ చేయబోతున్నట్లు తెలుస్తోంది. మరి ఇంకెందుకు ఆలస్యం బిగ్ బాస్ లవర్స్ అందరూ షో ని ఎంజాయ్ చేయడానికి సిద్ధం కండి.

watch video :

July 11, 2023

Filmy Adda

ప్రభాస్ “ఆదిపురుష్” సినిమాకి వచ్చిన నష్టం ఎంతో తెలుసా..?

by Mohana Priya July 11, 2023

written by Mohana Priya

భారీ అంచనాల మధ్య విడుదలైన ఇండియన్ బిగ్గెస్ట్ పాన్ ఇండియన్ చిత్రం ఆదిపురుష్. ప్రభాస్ రాముడిగా నటించిన ఈ చిత్రం భారీ విజువల్ వండర్ గా ప్రేక్షకుల ముందుకు వచ్చింది.

కానీ గ్రాఫిక్స్ సరిగ్గా లేని కారణంగా మరియు కొన్ని డైలాగ్స్ కారణంగా ఈ చిత్రం విపరీతమైన నెగెటివిటీని ఫేస్ చేసింది. జూన్ 16వ తారీఖున విడుదలైన ఈ చిత్రం పది రోజులు కూడా గడవకముందే బ్యాన్ చేయాలి అనే రేంజ్ లో ప్రేక్షకులు డిమాండ్ చేశారు అంటే చిత్రంపై ఎటువంటి దుష్ప్రభావం పడి ఉంటుందో ఆలోచించండి.

స్వర్ణ లంకను బొగ్గు లంకగా చూపించడం, హనుమంతుడి చేత మాస్ డైలాగ్స్ చెప్పించడం లాంటి పలు అభ్యంతర సన్నివేశాల వల్ల ఈ చిత్రానికి డిమాండ్ పూర్తిగా తగ్గిపోయింది. దీనికి తోడు సినిమాని బ్యాన్ చేయాలని సోషల్ మీడియాలో పలు రకాల మీమ్స్ మరియు పోస్ట్ ల వల్ల చిత్రం ఇమేజ్ కూడా బాగా దెబ్బతినింది. దీని ప్రభావం నేరుగా సినిమా కలెక్షన్స్ మీద పడింది.సినిమా విడుదలైన వీకెండ్ తీసి పక్కన పెడితే ఆ తర్వాత కలెక్షన్స్ పెద్దగా ఏమీ రాలేదు.

ఈ మూవీ ని నమ్ముకొని భారీ కలెక్షన్స్ వస్తాయని ఆశించిన డిస్ట్రిబ్యూటర్స్ మరియు థియేటర్ యజమానులు లబోదిబోమంటున్నారు. ఆంధ్రప్రదేశ్ మరియు తెలంగాణ రెండు రాష్ట్రాలకు కలుపుకొని 82 కోట్ల రేంజ్ లో షేర్ కలెక్షన్స్ మరియు 132 కోట్ల రేంజ్ లో గ్రాస్ కలెక్షన్స్ ఈ చిత్రం సంపాదించింది. ఇక కర్ణాటకలో 12 కోట్లు ,తమిళనాడులో 2.40 కోట్లు , కేరళలో 87 లక్షలు రాబట్టింది. ఇక హిందీలో విడుదలైన ఈ చిత్రం నార్త్ ఇండియా అంతా కలిపి 70 కోట్ల షేర్ కలెక్షన్స్ సంపాదించింది.

ఓవర్సీస్ పరిస్థితి అంతే…వీకెండ్ లో మంచి కలెక్షన్స్ వచ్చిన నెగిటివ్ టాక్ కారణంగా అక్కడ కూడా సినిమా కలెక్షన్స్ విపరీతంగా పడిపోయాయి. మొత్తానికి 25 కోట్ల రేంజ్ వరకు షేర్ వసూలు అయ్యాయి అని తెలుస్తుంది. బాక్సాఫీస్ వద్ద ఈ సినిమా మొత్తానికి ఫ్రీ రిలీజ్ బిజినెస్ తో కలిపి 240 కోట్లు వసూలు చేసింది అంటే ఇంకా దగ్గర దగ్గర 49 కోట్ల వరకు షేర్ కలెక్షన్స్ తగ్గాయి. అంటే సినిమాకు పెట్టిన పెట్టుబడిలో దాదాపు 45 కోట్లకు పైగా నష్టం వచ్చిందని అర్థం. కంటెంట్ కనెక్ట్ కాకపోతే ఎంత భారీ చిత్రమైనా బోల్తా పడాల్సిందే అనడానికి ఈ మూవీ బెస్ట్ ఎగ్జాంపుల్.

July 11, 2023

Filmy Adda

బజ్ లేకపోయినా బాక్స్ ఆఫీస్ వద్ద సాఫీగా సాగుతున్న నిఖిల్ స్పై..!

by Mohana Priya July 11, 2023

written by Mohana Priya

కంటెంట్ ఉంటే చిన్న సినిమా అయినా భారీ విజయం సాధిస్తుంది అనడానికి ఎగ్జాంపుల్ గా నిలిచిన చిత్రం కార్తికేయ 2. ఎవరు ఊహించని విధంగా బాక్స్ ఆఫీస్ వద్ద రికార్డ్ సృష్టించిన ఈ మూవీతో యంగ్ హీరో నిఖిల్ కు బాగా క్రేజ్ పెరిగింది. ప్రస్తుతం వరుస హిట్స్ తో హ్యాట్రిక్ కొట్టిన ఈ యంగ్ హీరో లేటెస్ట్ మూవీ స్పై ఓపెనింగ్స్ పరంగా ఇరగదీసింది. ప్రస్తుతం మార్కెట్లో అడ్డుగా మరే పెద్ద మూవీ లేకపోవడంతో రెండో వారం కూడా మంచి కలెక్షన్స్ తో దూసుకుపోతోంది.

మధ్యలో రిలీజ్ అయిన కొత్త సినిమాల కారణంగా కొన్ని థియేటర్లలో ఈ సినిమాని తీసేసిన మొత్తం మీద 9 వ రోజు నుంచి 11వ రోజు వరకు రెండు తెలుగు రాష్ట్రాలకు కలిపి 10 లక్షల పైగా షేర్‌ను సొంతం చేసుకోవడమే కాక వరల్డ్ వైడ్ గా 12 లక్షల వరకు షేర్‌ని తన ఖాతాలో వేసుకుంది.రెండవ వారం వచ్చేసరికి చాలా లిమిటెడ్ థియేటర్స్ లో రన్ చేసినప్పటికీ మొత్తం మీద కలెక్షన్స్ మాత్రం ఈ చిత్రానికి తగ్గేదే లేదు అన్నట్టు ఉన్నాయి.

spy

16.50 కోట్లు రేంజ్ బ్రేక్ ఈవెన్ అందుకోవాల్సిన ఈ చిత్రం ఇప్పటికే 10 కోట్ల పైగా కలెక్షన్స్ రాబట్టింది. అంటే ఇంకా బ్రేక్ ఈ వెనక్కి కేవలం 5.76 కోట్లు వసూలు చేస్తే సరిపోతుంది. స్వాతంత్ర సమరయోధుడు నేతాజీ సుభాష్ చంద్రబోస్ కనుమరుగైన ఇన్సిడెంట్ ఆధారంగా నిర్మించిన ఈ స్పై చిత్రం ప్రేక్షకులను ఆద్యంతం ఆకట్టుకుంది. అయితే రాబోయే రెండు మూడు వారాల్లో విడుదలకు మరిన్ని సినిమాలు ఉన్నాయి. మరి ఇటువంటి సందర్భంలో ఈ మూవీ బ్రేక్ ఈవెన్ చేరుకుంటుందా లేదా అనేది చూడాలి.

దేశంలో జరుగుతున్న ఉగ్రవాద కార్యకలాపాల పై పోరాడుతున్న చేయి అన్నయ్య సుభాష్ ఓ రా ఏజెంట్‌గా పని చేస్తుంటాడు. ఒక ఆపరేషన్ లో ప్రాణాలు కోల్పోయిన అతని అన్నయ్య మరణం వెనుక మిస్టరీని సాల్వ్ చేసే ప్రయత్నం హీరో మొదలుపెడతాడు. ఇక అక్కడి నుంచి మొదలైన చిత్రం మెల్లిగా పలు రకాల ట్విస్టులతో సాగుతుంది. రా ఏజెంట్‌గా నిఖిల్ అద్భుతమైన నటనను కనబరిచాడు.

July 11, 2023

Filmy Adda

రెమ్యూనరేషన్ విషయంలో స్టార్ హీరోయిన్లను సైతం వెనక్కి నెట్టేసిన బ్యూటీ..!

by Mohana Priya July 11, 2023

written by Mohana Priya

టాలీవుడ్ అయినా బాలీవుడ్ అయినా సినిమా ఇండస్ట్రీలో రెమ్యూనరేషన్‌లో ఎప్పుడు హీరోలదే అగ్రస్థానం. హీరోలతో పోల్చుకుంటే తమకు పారితోషకం చాలా తక్కువ అని ఎందరో స్టార్ హీరోయిన్‌లు చాలా సందర్భాలలో చెప్పడం కూడా జరిగింది. కానీ ప్రస్తుతం పరిస్థితులు క్రమంగా మారుతున్నాయి చాలామంది హీరోయిన్‌లు స్టార్ హీరోలతో సమానంగా రెమ్యూనరేషన్ పుచ్చుకుంటున్నారు.

లేడీ ఓరియంటెడ్ చిత్రాలకు ప్రాధాన్యం పెరుగుతున్న కొద్దీ హీరోయిన్‌లు కూడా హీరోలతో సమానంగా ముందుకు దూసుకు వెళ్తున్నారు. కొన్ని సందర్భాలలో హీరోయిన్‌లుతీసుకున్న పారితోషకం హీరోలు కూడా అందుకోవడం లేదు అనడం సమంజసంగా ఉంటుంది. నిజానికి ఒక సినిమాలో నటించినందుకు ఒక సాధారణ హీరో రెండు కోట్ల పారితోషకం పుచ్చుకుంటున్న సందర్భంగా కేవలం ఒక్క ఐటమ్ సాంగ్ చేసి హీరోయిన్ అంతకంటే ఎక్కువగా రెమ్యూనరేషన్ అందుకుంటుంది.

నిర్మాతలు కూడా వారు అడిగినంత పారితోషకం ఇవ్వడానికి వెనుకాడడం లేదు అంటే వాళ్లకు డిమాండ్ ఏ రేంజ్ లో ఉందో ఆలోచించండి. ప్రస్తుతం ఐటెం సాంగ్స్ కి పెట్టింది పేరు అన్నట్టు రెచ్చిపోతున్న ఊర్వశి రౌతేలా ఇందుకు బెస్ట్ ఎగ్జాంపుల్ అని చెప్పవచ్చు. బాలీవుడ్ ఇండస్ట్రీలో మంచి క్రేజ్ ఉన్న ఈమె వాల్తేరు వీరయ్య సినిమాలోని ఐటమ్ సాంగ్… బాసు వేర్ ఇస్ ద పార్టీ…సాంగ్లో తలుక్కున మెరిసి కుర్ర కారు మది దోచుకుంది.

ఇక ఈ సినిమాకి గాను ఈ బ్యూటీ రెండు కోట్లు పారితోషకం తీసుకుందట. మూవీలో సాంగ్ హిట్ అవడంతో టాలీవుడ్ లో ఈ బ్యూటీ కెరియర్ సెట్ అయినట్టే. మొన్న ఏజెంట్ సినిమాలో వైల్డ్ సాలా పాటతో అందరిని షేక్ చేసింది. పవన్ కళ్యాణ్ మరియు సాయిధరమ్ తేజ కాంబినేషన్‌లో వస్తున్న బ్రో సినిమాలో కూడా స్పెషల్ సాంగ్ అయినా మై డియర్ మార్కండేయ సాంగ్ తో మరోసారి ప్రేక్షకులను అలరించడానికి వస్తుంది.

అయితే ఈసారి మూడు నిమిషాల పాటు సాగే ఈ పాట కోసం ఈ ముద్దుగుమ్మ ముచ్చటగా మూడు కోట్లు డిమాండ్ చేసినట్లు తెలుస్తోంది. అంటే సుమారు నిమిషానికి కోటి రూపాయలా? వామ్మో మొత్తం సినిమా చేస్తే కూడా మాకు ఇంత రాదే అని ఓ మోస్తారు మార్కెట్ ఉన్న కుర్ర హీరోలు లబోదిబోమంటున్నారు.

July 11, 2023

Filmy Adda

ఈ తెలుగు యూట్యూబర్ గురించి తెలుసా..? ఇతని నెల సంపాదన చూస్తే షాక్ అవ్వాల్సిందే..?

by Mohana Priya July 10, 2023

written by Mohana Priya

టెక్నాలజీ పెరుగుతున్న కొద్ది మనిషి సంపాదించే విధానంలో కూడా పలు రకాల మార్పులు చోటు చేసుకుంటున్నాయి. యూట్యూబర్‌గా నెలకి 30 లక్షల ఆదాయం తెచ్చుకున్నాడు అంటే మాటలా చెప్పండి.

ఇంతకీ ఆ ఘటికుడు ఎవరో అనుకుంటున్నారా…. మీ అందరికీ కూడా తెలిసే ఉంటుంది అదేనండి అన్వేషణ అనే పేరుతో ఒక యూట్యూబ్ ఛానల్‌ని స్టార్ట్ చేసి ప్రపంచం మొత్తం చుట్టేస్తూ మనకు వింతలను చూపిస్తున్న యూట్యూబర్ అవినాష్.

ఎవరు ఊహించని విధంగా కొన్ని మిలియన్ల వ్యూస్ మరియు లక్షల ఆదాయం సంపాదిస్తూ ఎందరికో స్ఫూర్తిగా నిలుస్తున్నాడు ఈ యూట్యూబర్. స్వశక్తి మరియు తెలివితేటలు ఉంటే అసాధ్యమైనది ఏదీ లేదు అని ఇతను మరొకసారి నిరూపించాడు. అందరికంటే కాస్త భిన్నంగా ఆలోచించి తన క్రియేటివిటీని ఉపయోగించి యూట్యూబ్ ఛానల్ ని క్రియేట్ చేసుకుంటే ఎవరైనా ఆదాయం సంపాదించవచ్చు అనడానికి ప్రస్తుతం ఇతనే నిదర్శనంగా చూపిస్తున్నారు.

తాజాగా యూట్యూబర్ అవినాష్ తన నెల రోజులకు సంబంధించిన యూట్యూబ్ ఆదాయం గురించి ఓ వీడియోలో తెలియపరచి అందరినీ షాక్‌కి గురి చేశారు. అతనికి వచ్చిన ఆదాయం వేళల్లో వందల్లో లేదు ఏకంగా 30 లక్షలు…ఈ విషయాన్ని అతనే స్వయంగా ఒక వీడియోలో స్పష్టం చేశాడు. వివరాల్లోకి వెళ్తే శోధించి సాధించు అనే విషయాన్ని మెయిన్ టాపిక్ గా చేసుకున్న యూట్యూబర్ అవినాష్ ప్రపంచ దేశాలను చుట్టేస్తూ తన డిఫరెంట్ కంటెంట్తో వీడియోలను పోస్ట్ చేసి లక్షల్లో వ్యూస్ పొందుతున్నాడు.

ప్రస్తుతం చైనాలో పర్యటిస్తున్న ఇతను నెలరోజుల వ్యవధిలో తన ఆదాయం మూడు లక్షల వరకు వచ్చినట్లు యూట్యూబ్ ఛానల్ ద్వారా వెల్లడించారు. ప్రస్తుతం ఉన్న పరిస్థితుల్లో ఒక యూట్యూబ్ ఛానల్ ద్వారా నెలకి 30 లక్షల రూపాయల ఆదాయం సంపాదించడం అంటే మామూలు విషయం కాదు కదా. దాని వెనక అతని కృషి ఎంతో ఉంది అన్న విషయం అందరూ గమనించాలి.

ఛానల్ ప్రారంభించిన మొదటిలో అంతంత మాత్రం ఆదాయం వచ్చినప్పటికీ ఎక్కడా నిరాశ చెందకుండా ఎన్నో ఒడిదుడుకుల్ని ఎదుర్కొని నిరంతరం ముందుకు సాగడం వల్లే అతను ఈరోజు ఇటువంటి సక్సెస్ సాధించగలిగాడు. అందుకే అంటారు కృషితో నాస్తి దుర్భిక్షం అని.

July 10, 2023

Filmy Adda

“మహేష్ బాబు” కి రాజమౌళి… “త్రివిక్రమ్” కి మహేష్ బాబు..! ఈ కండిషన్స్ ఏంటి..?

by Mohana Priya July 10, 2023

written by Mohana Priya

సూపర్ స్టార్ మహేష్ బాబు వరుస ప్రాజెక్టులతో బిజీగా ఉన్నారు. ఇప్పటివరకు మాస్ లో కూడా క్లాస్ సినిమాలు చేస్తూ వచ్చిన మహేష్ బాబు మొదటిసారి పక్కా మాస్ ఓరియంటెడ్ గుంటూరు కారం చిత్రం త్రివిక్రమ్ తో చేస్తున్నారు. మాటల మాంత్రికుడు మరియు సూపర్ స్టార్ కాంబోలో ముచ్చటగా మూడోసారి వస్తున్న చిత్రం కావడంతో ఈ మూవీపై అంచనాలు భారీగా ఉన్నాయి.

దీనితో పాటుగా మహేష్ బాబు రాజమౌళితో మరో చిత్రం చేయబోతున్న విషయం తెలిసిందే. దీనికి సంబంధించి జక్కన్న మహేష్‌కు తనదైన శైలిలో స్పెషల్ ట్రైనింగ్ ప్రోగ్రామ్ కూడా ప్లాన్ చేశారట. మరి జక్కన్న మూవీ అంటే హీరోకి ఆ మాత్రం హోంవర్క్ కామనే కదా. ఈ మూవీకి సంబంధించిన స్క్రిప్ట్ వర్క్ మరియు ప్రీ ప్రొడక్షన్ పనులు శరవేగంగా జరుగుతున్నాయి.

రాజమౌళి గురించి ప్రత్యేకంగా చెప్పాల్సిన పనిలేదు.. ఒక సినిమా తీసుకున్నాడు అంటే రోజులు వారాలు ,వారాలు నెలలు ,నెలలు సంవత్సరాలుగా ఎప్పుడు మారుతాయో యాక్టర్స్ కి కూడా తెలియదు. పర్ఫెక్షన్ వస్తే తప్ప ఏ సీన్ ను ఒప్పుకొని రాజమౌళి సంగతి ఇంతకుముందు అతనితో పని చేసిన ఎందరో స్టార్ హీరోలు ఇంటర్వ్యూలో పేర్కొని ఉన్నారు.

హీరోలకు వంద కండిషన్లు పెట్టి మూవీ మొదలు పెడతాడు జక్కన్న. హీరో లుక్ బయటికి రాకూడదు, సినిమా పూర్తి అయ్యేంతవరకు ఎక్కువగా ఈవెంట్స్ కి వెళ్ళకూడదు, మరో చిత్రంలో అస్సలు నటించకూడదు…ఇలా జక్కన్న పండంటి చిత్రానికి 12 పైనే కండిషన్స్ ఉంటాయి.

అంతేకాకుండా సినిమాలో జరగబోయే యాక్షన్ సన్నివేశాల కోసం హీరోకు ముందుగానే స్పెషల్ ట్రైనింగ్ ఇవ్వడం జరుగుతుంది. బాహుబలి లో బాహుబలి, కట్టప్ప ,బల్లాలదేవుడు లాంటి యుద్ధ సన్నివేశాలైన ఆర్ఆర్ఆర్‌లో రామ్ చరణ్ మరియు ఎన్టీఆర్ చేసిన ఫీట్ అయిన థియేటర్‌లో చూస్తుంటే ఆడియన్స్‌కి ఒక రకమైన గూస్ బంప్స్ వస్తాయి. ఎందుకంటే ఎన్నో కసరత్తులు చేసి వాళ్లు ఆ సీన్ చేస్తారు కాబట్టి.

అయితే రాబోయే తన చిత్రం కోసం మహేష్ బాబుకు కూడా ఈ సంవత్సరం డిసెంబర్ నుంచి వచ్చే సంవత్సరం ఫిబ్రవరి వరకు అంటే ముచ్చటగా మూడు నెలలు ట్రైనింగ్ సెక్షన్ ఉండబోతుంది. జక్కన్న ట్రైనింగ్ అంటే మామూలుగా ఉండదు అందుకే మహేష్ బాబు ముందు జాగ్రత్తగా త్రివిక్రమ్ ను గుంటూరు కారం సినిమాను నవంబర్ లోపు పూర్తి చేయమని కండిషన్ పెట్టినట్టు టాక్.
ఎంకి పెల్లి సుబ్బి చావుకు వచ్చిందని రాజమౌళి ట్రైనింగ్ త్రివిక్రమ్ సినిమాకు టైం బోంబ్‌లా తయారయింది.

July 10, 2023

News

బాలేశ్వర్‌ రైల్వే దుర్ఘటనకు వీరి నిర్లక్ష్యమే కారణమా?

by Mohana Priya July 8, 2023

written by Mohana Priya

మొత్తం దేశాన్ని తీవ్ర దిగ్భ్రాంతికి గురి చేసినటువంటి ఒడిశాలోని బాలేశ్వర్‌ రైల్వే దుర్ఘటన లో కీలక మలుపు చోటు చేసుకుంది. ఈ దుర్ఘటనకు ఏదన్న కుట్ర కారణంగా ఉందా అన్న విషయంపై సిబిఐ చేసిన దర్యాప్తులో ముగ్గురు ఇండియన్ రైల్వే ఉద్యోగులు అరెస్టు చేయబడ్డారు.

సిగ్నలింగ్‌ సీనియర్ సెక్షన్ ఇంజనీర్ అరుణ్ కుమార్ మెహతా, సెక్షన్ ఇంజనీర్ మహ్మద్ అమీర్ ఖాన్, టెక్నీషియన్ పప్పు కుమార్‌ లను సిబిఐ నిందితులుగా గుర్తించి అదుపులోకి తీసుకుంది.

ఈ ముగ్గురు చేసినటువంటి చర్యలే ప్రమాదానికి కారణమని సిబిఐ వెల్లడిస్తుంది. వాళ్లు చేస్తున్నటువంటి పని కారణంగా ప్రమాదం జరిగే అవకాశం ఉందని తెలిసి కూడా వాళ్ళు గమ్ముగా ఉన్నారు అని సిబిఐ నివేదికలో పేర్కొనడం జరిగింది. ఈ ముగ్గురు ఉద్యోగులపై 304 మరియు 201 సెక్షన్ కింద కేసు నమోదు చేయడం జరిగింది. జూన్ 2 రాత్రి 7:00 సమీపంలో జరిగిన ఈ ఘోర ప్రమాదంలో ఎందరో గాయపడగా వందల కొద్ది ప్రాణాలు అన్యాయంగా బలైపోయాయి.

కుట్రతో కూడుకున్న ప్రమాదం అన్న అనుమానంతో రంగంలోకి దిగిన సిబిఐ ఈ యాక్సిడెంట్ కు కారణం కుట్ర కాదు కేవలం ముగ్గురు ఉద్యోగుల నిర్లక్ష్య వైఖరి అని తన దర్యాప్తులో తేల్చింది. సిగ్నలింగ్ మరియు టెలి కమ్యూనికేషన్ విధులు నిర్వహిస్తున్నటువంటి ఈ ఉద్యోగులు సరియైన విధంగా స్పందించకపోవడం వల్లే ఈ ప్రమాదం జరిగినట్లు కమిషన్ ఆఫ్ రైల్వే సేఫ్టీ నివేదికలో పేర్కొంది.

సదరు ఉద్యోగుల నిర్లక్ష్యం కారణంగానే లూప్ లైన్ లో ఆగి ఉన్నటువంటి గూడ్స్ రైలును కోరమండల్ ఎక్స్ప్రెస్ ఢీకొనడం ఆ తర్వాత పక్కన ట్రాక్ పై పడ్డ దాని భోగిలను మరో ఢీకొట్టడం జరిగిందని ఈ నివేదికలో తెలిపారు. ఈ ప్రమాదంలో సుమారు వేయి మందికి పైగా గాయపడగా 293 మంది మరణించారు. అయితే ఇప్పటికీ అందులో చాలా మృతదేహాలు గుర్తించడానికి కూడా వీలులేని విధంగా ఉన్నాయి.

July 8, 2023

Newer Posts

Older Posts