Megha Varna

సాధారణంగా మనం నడిచేటప్పుడు కానీ ఎవరైనా నడిపేటప్పుడు కానీ గమనించినట్లయితే నడుస్తున్నప్పుడు రెండు చేతులు కూడా ముందుకి వెనక్కి ఆడిస్తూ ఉంటాము. అయితే ఎప్పుడైనా ఎందుకు ఇలా నడిచేటప్పుడు చేతులు కదుపుదాం అనేది ఆలోచించారా..? అయితే దాని గురించి ఈరోజు మనం చూద్దాం. సాధారణంగా జీవపరిణామక్రమం ప్రకారం మనుషులుకి దగ్గర జాతి కోతులు. ఇవి నాలుగు కాళ్ళ మీద నడుస్తాయి. కొంత వెనుక కాళ్ళ పై నుంచున్నా కూడా నడిచేటప్పుడు నాలుగు కాళ్ళని ఉపయోగిస్తాయి. అయితే మనిషి జీన్స్ లో ఇది ఇన్ వాలంటరీగా ఉండిపోయి ఉంటుందని చాలా మంది చెప్తున్నారు.

ఇదిలా ఉంటే సైంటిస్ట్లు ఒక ప్రయోగం చేయడం జరిగింది. దానిలో మూడు రకాలుగా మనిషి నడిస్తే ఎందులో ఎక్కువ శక్తి వినియోగించాల్సి ఉంటుందో తెలుసుకున్నారు. మామూలుగా చేతులూపుతూ నడవడం ఒకటి. చేతులని అసలు కదపకుండా నడవడం ఒకటి. ఎడం కాలు కదిపినప్పుడు ఎడం చేయి, కుడి కాలు కదిపినప్పుడు కుడి చేయి కదపడం ఇలా మూడు రకాలుగా గమనించడం జరిగింది.

అస్సలు చేతులని కదపకుండా నడవడం వల్ల ఏమయిందంటే… చేతులు మామూలుగా ఊపుతూ నడిచినప్పటి కంటే 12 శాతం ఎక్కువ శక్తి ఖర్చు అయింది. అదే ఎడం కాలు కదిపినప్పుడు ఎడమ చేయి, కుడి కాలుకి కుడి చెయ్యి కదిపినప్పుడు సాధారణంగా చేతులు ఆడిస్తూ నడిచే దాని కంటే 26 శాతం ఎక్కువ శక్తి ఖర్చు అయ్యిందని తెలుస్తోంది.

అలానే మరొక జవాబు కూడా దొరికింది. అదేమిటంటే స్విమ్మింగ్ చేసేటప్పుడు రెండు చేతులు మనం ఊపుతూ స్విమ్మింగ్ చేస్తూ ఉంటాం. ఆ చేతులతో నీటిని వెనక్కి నెటుతూంటాం. దీంతో నీరు ఆ ప్రదేశంలో డిస్ప్లేస్ అవుతుంది. అదే విధంగా గాలి కొంత రెసిస్టెన్స్ ను కలిగిస్తుంది కదా దానిని ఎంతో కొంత ఇలా చేతులు కదపడం ద్వారా తగ్గిస్తుంది. దీంతో శక్తిని మితంగా ఉపయోగించినట్లు కూడా అవుతుంది.

మనకి తెలియకుండా స్కామ్స్ వంటివి జరుగుతూ ఉంటాయి. ఎలాంటి స్కామ్స్ జరుగుతున్నాయి అని తెలుసుకుంటే మనం వాటి వల్ల మోసపోకుండా జాగ్రత్త పడొచ్చు. అయితే ఈ రోజు చాలా మందికి తెలియని కొన్ని స్కామ్స్ గురించి చూద్దాం. ఇవి సాధారణంగా జరిగేవి కాదు. చూశారంటే నిజంగా ఎవరైనా సర్ప్రైజ్ అవుతారు.

జైపూర్ రైల్వే స్టేషన్ లో ఎంట్రెన్స్ వద్ద ఒక విచిత్రం జరుగుతూ ఉంటుంది. రైల్వే స్టేషన్ లోకి వెళ్ళిన తర్వాత ప్లాట్‌ఫామ్ దగ్గరికి నడుచుకుంటూ వెళ్తే ఎరుపు రంగు బట్టలు వేసుకున్న కొంత మంది వ్యక్తులు మీ బ్యాగ్స్ ని అక్కడ మిషన్ లో పెట్టమంటారు. సాధారణంగా సెక్యూరిటీ గేట్ వద్ద ఉండే లగేజ్ ని స్కాన్ చేసే మిషన్ లాగే అది ఉంటుంది.

ఒకసారి మీరు మీ లగేజీని అందులో పెట్టిన తర్వాత పది రూపాయలని వాళ్ళు పే చెయ్యమంటారు. మిమ్మల్ని అడగకుండానే శానిటైజ్ చేస్తారు. కానీ రైల్వే స్టేషన్ లోనే దీనికి సంబందించిన పోస్టర్ వుంది. ఇదేమి తప్పనిసరి కాదు అని వుంది. అయితే చాలా మంది ఈ పోస్టర్ ని చూడకుండా వెళ్ళిపోతారు.

శానిటైజ్ చేసిన బ్యాగ్ ని మళ్ళీ అదే చేతులతో తాకడం వల్ల ఉపయోగం లేదు. కానీ వీళ్ళు పది రూపాయల తీసుకోవడం కోసం ఇలా చేస్తూ ఉంటారు. ఒకవేళ ఎవరైనా ప్రయాణికులు 10 బ్యాగులు తీసుకువస్తే 100 రూపాయలు చెల్లించాల్సి ఉంటుంది. ఇలా వాళ్లు డబ్బుల్ని ప్రయాణికుల దగ్గర కాజేస్తున్నారు.

ఈ మధ్యకాలంలో అంతరిక్షానికి విహార యాత్రల కింద కూడా వెళ్లడం జరుగుతోంది. భవిష్యత్తులో చూసుకున్నట్లయితే సెలవులను ఎంజాయ్ చేయడానికి అంతరిక్షానికి కూడా వెళ్లేలా.. కనబడుతుంది. అయితే అంతరిక్షంలో జీవించడం ఎలా అన్న దానిపై కూడా చాలా రీసెర్చ్ చేస్తున్నారు. ఒకవేళ అంతరిక్షానికి వెళ్ళి… అక్కడ చనిపోతే పరిస్థితి ఏమిటి…? వామ్మో ఏమవుతుందా అని అనుకుంటున్నారా..? దాని గురించే ఇప్పుడు మనం తెలుసుకుందాం.

సాధారణంగా భూమిపై ఎవరైనా మరణిస్తే దేహం దశలవారీగా కుళ్ళిపోతుంది. కానీ అంతరిక్షంలో గురుత్వాకర్షణ శక్తి అక్కడ ఉండే వాతావరణం, ఉష్ణోగ్రతను బట్టి మృత దేహం లో మార్పులు వస్తాయి అని శాస్త్రవేత్తలు చెప్పడం జరిగింది. అయితే అంతరిక్షంలో ఎలాంటి మార్పులు వస్తాయి అనేది చూస్తే…. ఇతర గ్రహాల్లోని గురుత్వాకర్షణశక్తి లో వైరుధ్యాలూ లివోర్ మోర్టిన్ దశ పై ప్రభావం చూపిస్తాయి. ఒకవేళ కనుక గురుత్వాకర్షణశక్తి లేదు అంటే దేహంలోని రక్తం పోగుపడదు. అదే విధంగా చనిపోయిన వ్యక్తి స్పేస్ సూట్ వేసుకున్నా సరే పేగులోన్ బ్యాక్టీరియా మృత కణజాలాన్ని తీసివేయడం జరుగుతుంది. ఈ బ్యాక్టీరియా పని చేయడానికి ఆక్సిజన్ అవసరం. ఈ వాయువు పరిమితంగా ఉంటే ఈ ప్రక్రియ నెమ్మదిస్తుంది.

అదే విధంగా భూమిలో ఖననం చేసిన మృతదేహాన్ని కొల్లగొట్టే ప్రక్రియలో నెల మీద వుండే కొన్ని సూక్ష్మజీవులు సహాయం చేస్తాయి. కానీ ఇతర గ్రహాల్లో ఇలాంటివి జరగవు. అలానే చంద్రుడిపై ఉష్ణోగ్రతలు 120 డిగ్రీల నుంచి 170 డిగ్రీల సెల్సియస్ మధ్య ఉంటాయి. అందువల్ల వేడి లేదా శీతల ప్రక్రియతో కలిగే నష్టం మృతదేహంపై కూడా పడుతుంది. జీవించి ఉన్నప్పుడు ఎముకలు సజీవ పదార్థాలే వాటిలో కర్బన, అకర్బన పదార్థాలు ఉంటాయి అనే సంగతి తెలుసు అయితే సాధారణంగా కర్బన పదార్థాలు కుళ్లిపోతాయి. అకర్బన పదార్థాలు అస్థిపంజరాలగా మిగిలిపోతాయి. కానీ ఇతర గ్రహాల్లో తీవ్ర ఆమ్లత్వం తో కూడిన పరిస్థితుల్లో దీనికి భిన్నంగా జరగడం అకర్బన పదార్థాలు అంతర్థానమై మృదువు కణజాలం మిగిలిపోతుంది. చూశారా అంతరిక్షంలో చనిపోతే ఎన్ని మార్పులు వస్తాయో.

ప్రతి ఒక్కరు కూడా జీవితంలో ఎంజాయ్ చేయాలి. ఏ వయసులో చేయాల్సిన పనులు ఆ వయసులోనే చేయాలి. అలానే జీవితాన్ని కూడా అందంగా మార్చుకోవాలి. ముఖ్యంగా 20 నుండి 29 ఏళ్ల వయస్సులో చాలా ముఖ్యమైన విషయాలు జరుగుతాయి. వివాహం అవడం, ఉద్యోగం రావడం ఇలా అద్భుతమైనవి జరుగుతూ ఉంటాయి. అయితే ఇరవైలలో చేయాల్సిన ముఖ్యమైన పనులు ఏమిటో ఇప్పుడు మనం చూద్దాం.

పొదుపు చేయడం నేర్చుకోవాలి:

చాలా మంది ఈ వయసులో విపరీతంగా ఎంజాయ్ చేయాలి అనే దానికి మాత్రమే ప్రాధాన్యత ఇస్తారు. ఈ వయసులో ఉన్నప్పుడు చాలా మందికి ఉద్యోగం కూడా వచ్చేస్తుంది. అయితే భవిష్యత్ గురించి ఆలోచించకుండా ఆ డబ్బులతో ఆ సమయాన్ని ఎలా ఎంజాయ్ చేయాలి అనే దానిపై ఎక్కువ శ్రద్ధ పెడుతూ ఉంటారు. కానీ పొదుపు చేయడం ఇప్పుడే నేర్చుకోవాలి.

మంచి బంధాలు:

ఈ వయసులో ఫ్రెండ్షిప్ అనేది చాలా ఎక్కువగా ఉంటుంది. అయితే అందరూ కూడా ఒకేలా ఉండరు. స్నేహంలో కూడా ఇబ్బందులు వస్తూ ఉంటాయి. అలానే మనం నడిచే దారి కూడా సక్రమంగా ఉండేటట్లు చూసుకోవాలి. అందుకని మీరు మంచి స్నేహితులతో స్నేహం చేయడం, కుటుంబ సభ్యులకు దగ్గరగా ఉండడం అలవాటు చేసుకుంటే మంచిది.

వీటి జోలికి అస్సలు వెళ్ళద్దు:

ఈ రోజుల్లో యువత ప్రేమకి ప్రయారిటీ ఇస్తున్నారు. ప్రేమ వల్ల చాలా మంది జీవితాన్ని కూడా నష్టపోతున్నారు. అందరి ప్రేమ సక్సెస్ అవుతుందని మనం చెప్పలేము. అందుకని ఫేక్ రిలేషన్ షిప్ కి దూరంగా ఉంటే మంచిది. లేదు అంటే జీవితమే నాశనం అయిపోతుంది.

ఆసక్తి ఉండాలి:

మీరు చేసే పనిలో ఆసక్తి తప్పక ఉండాలి. డబ్బులు వస్తున్నాయి కదా అని మీకు నచ్చినది చేస్తే తర్వాత మీకు సంతృప్తి ఉండదు. అలాగే మీ కెరీర్ మధ్యలోనే ఆగిపోయే అవకాశం ఉంది. కాబట్టి మీరు మీకు నచ్చిన రంగాన్ని ఎంచుకోవాలి. అప్పుడే జీవితం అంతా మీరు బాగుంటారు.