Megha Varna

దశావతారాల్లో ఎనిమిదవ అవతారం అయిన శ్రీకృష్ణుడికి పురాణాల ప్రకారం 16,108 మంది భార్యలు ఉన్నారు.నిజానికి ఆయనకు ఎనిమిది మంది భార్యలు మరి ఈ 16,100 మందిని ఎందుకు పెళ్లి చేసుకోవాల్సి వచ్చిందో ఇప్పుడు చూద్దాం.

దశావతారాల్లో ఒక అవతారమైన వరాహమూర్తి, భూదేవికి జన్మించిన బిడ్డ ఈ నరకాసురుడు. ఇతడు చేయని పాపం అంటూ లేదు. అతడి పాప భారం పెరిగిపోతుండటంతో అతడిని శిక్షించాలని శ్రీ మహా విష్ణువు నిర్ణయించుకున్నారు. ఈ సమయంలో భూదేవి తన బిడ్డను ఏం చేయవద్దని తను చేసే పాపాలను ఆమె భరిస్తానని మహావిష్ణువును కోరింది.దానికి సమ్మతించిన శ్రీ మహావిష్ణువు తన కుమారుడు నరకాసురుడు తన తల్లి చేతిలో తప్ప మరెవరి చేత మరణం లేకుండా వరాన్ని కోరేలా చేశాడు

అందుకే శ్రీకృష్ణుడు యుద్ధానికి వెళ్ళేటప్పుడు తన వెంట సత్యభామని తీసుకెళ్ళాడు.యుద్ధంలో నరకాసురుడు వదిలిన బాణానికి మూర్చపోయినట్లు నటించిన శ్రీకృష్ణుడు. సత్యభామ చేత నరకాసురుని వధించే విధంగా తన లీలను నడిపాడు.

ఇక నరకాసుడు ఓ కామాంధుడు అతడు 16,100 స్త్రీలను బందీలుగా చేసి వారిని రకరకాలుగా హింసించే వాడు.వారికి నరకాసురుని మరణంతో విముక్తి లభించిన వాళ్ళను ఏలుకోవడానికి ఎవరు ఒప్పుకోలేదు.దానితో వారిని కృష్ణుడు భార్యలుగా స్వీకరించి వారికి రాణుల హోదాను కల్పించారు.

దశావతారాల్లో ఎనిమిదవ అవతారం అయిన కృష్ణుడు చేసిన లీలలు అన్నీ ఇన్నీ కావు. వాటి గురించి చెప్పుకుంటూ పోతే రోజులు కూడా సరిపోవు.అలాంటి కృష్ణుడు పాండవుల పక్షపాతి అని అందరూ నమ్ముతారు.ఆ నమ్మకాన్ని దూరం చేయడం కోసం శ్రీకృష్ణుడు పాండవులలో తనకు ఎంతో ప్రీతి మంతుడైన తన బావమరిది అర్జునుడితో యుద్ధం చేశాడని మీకు తెలుసా?ఆయన ఎందుకు ఈ యుద్ధం చేశారో ఇప్పుడు చూద్దాం.

శ్రీకృష్ణుడు సంధ్యావందనం చేస్తున్న సమయంలో గయుడు అనే ఒక గంధర్వుడు ఆకాశ మార్గంలో వెళుతూ కిందకు ఉమ్ముతాడు.అది సరిగ్గా సంధ్యా వందనం చేస్తున్న శ్రీ కృష్ణుని దోసిలిలో పడుతుంది. దానికి ఆగ్రహించిన కృష్ణుడు అతనిని తుదముట్టిస్తానని ప్రతిజ్ఞ చేస్తాడు. కృష్ణుని ప్రతిజ్ఞ తెలిసిన గయుడు భయంతో వణికిపోతాడు. తనను తాను రక్షించుకోవడానికి ఏం చేయాలో అర్థం కాక దిగులుగా కూర్చుంటాడు.ఆ సమయంలో అతని వద్దకు వచ్చిన నారదుడు.

గయుని సమస్య తెలుసుకొని అతడిని జరిగిన విషయం చెప్పకుండా అర్జునుడిని శరణు కోరమంటాడు.తన ప్రాణాలు కాపాడుకోవడం కోసం గయుడు అర్జుడిని వద్దకు వెళ్లి విషయం చెప్పకుండా శరణు కోరుతాడు.గయుని చంపడానికి నిర్ణయించుకున్న శ్రీ కృష్ణుడు అర్జుడిని గయుని తనకు అప్ప చెప్పమని కోరుతాడు. ఇచ్చిన మాట తప్పడం క్షత్రియ ధర్మం కాదు గనక అర్జునుడు కృష్ణునితో యుద్ధానికి సిద్ధం అనే సంకేతాన్ని పంపుతాడు. పూనిన ప్రతిజ్ఞను వదలడం ధర్మము కాదు కనుక శ్రీకృష్ణుడు సైతం అర్జునుడితో యుద్ధానికి సిద్ధం అనే సంకేతాన్ని పంపుతాడు.

విషయం తెలిసిన రుక్మిణి,సుభద్ర ఈ యుద్ధాన్ని మానమని తమ పతులను కోరుతారు.కాని ధర్మం కోసం ఇద్దరు యుద్ధ రంగానికి కదలి వెళ్తారు. ఒకరు ప్రయోగించిన ఆయుధాలను మరొకరు నిలువరిస్తూ కృష్ణార్జునులు భీకర యుద్ధాన్ని సాగిస్తుంటారు.ఇక సహనాన్ని కోల్పోయిన కృష్ణుడు తన సుదర్శన చక్రాన్ని అర్జునుడి పై ప్రయోగిస్తాడు. దీనికి అర్జునుడు శివుడు తనకు స్వయంగా ఇచ్చిన పాశుపతాస్త్రాన్ని ప్రయోగిస్తాడు. ఈ అస్త్రాల ప్రయోగం వల్ల ప్రపంచ వినాశనం జరుగుతుందని స్వయంగా అక్కడ ప్రత్యక్షమైన బ్రహ్మదేవుడు వారిరువురిని ఒప్పించి వారి అస్త్రాలను వెనక్కి తీసుకునేలా చేస్తాడు.

వారిరువురు నమ్మిన ధర్మం తప్పకుండా ఉండడం కోసం మొదటిగా అర్జునుడిని కృష్ణుడికి గయుని అప్ప చెప్పమని చెబుతాడు.బ్రహ్మ మాట ననుసరించి అర్జునుడు గయుని శ్రీకృష్ణుడికి అప్పజెప్పాడు. ముందుగా తను నమ్మిన ధర్మం కోసం శ్రీకృష్ణుడు గయుని సంహరిస్తాడు. వెంటనే బ్రహ్మ తన కమండలంలోని నీటిని నిర్జీవుడైన గయుని శరీరం పై చల్లి అతనికి మళ్లీ ప్రాణం తెప్పిస్తాడు.

ఇలా ఇరువురు నమ్మిన ధర్మం కోసం ఒకరితో ఒకరు యుద్ధం చేశారు. ఈ కృష్ణ లీల ధర్మం కోసం ఎంతటి వారితో నైనా యుద్ధాన్ని చేయాలని చెప్పడానికి కృష్ణుడు ఆడిన జగన్నాటకం అని భక్తులు నమ్ముతారు.

దశావతారాల్లో ఎనిమిదవ అవతారం అయిన కృష్ణుడు పేరుకు అర్థం ఏమిటంటే అపరిమితమైన ఆనందం అని వేదాంతులు చెబుతుంటారు. మరి అలాంటి కృష్ణుడు తలపై నెమలి పింఛం చేతిలో మురళి ఎందుకు ధరించేవాడు ఇప్పుడు తెలుసుకుందాం.

ప్రకృతి చినుకుతో తడిచినప్పుడే ప్రకృతి అసలైన అందం కనిపిస్తుంది. ఆ సమయంలో తన్మయత్వంతో నెమలి పురివిప్పి నాట్యం ఆడుతుంది. అదే చినుకు పడనప్పుడు నెమలి చెట్ల పైన ముడుచుకొని పడుకొని ఉంటుంది.ప్రకృతి పట్ల అంతటి నిస్వార్థ ప్రేమ కలిగివున్న నెమలి సూచికగా నెమలిని కృష్ణుడు తన తలపై ధరిస్తాడు అని ఒక కథ చెబుతుంటే మరోపక్క ఓ వేదాంతి వేదాలను పూర్తిగా చదివిన వాళ్ళు సాన్నిహిత్యం లేకుండా నెమలి పిల్లల్ని కంటుంది. అలాగే కృష్ణుడు కూడా ఏ స్త్రీతోనూ సాన్నిహిత్యం చేయలేదు ఆయన ఒక అస్కలిత బ్రహ్మచారి అని అన్నారు.అందుకు సూచికగా ఆయన నెమలి పించం ధరిస్తారని అన్నారు.

ఇక మురళి విషయానికొస్తే శూన్యం అయినది కనుక కృష్ణునికి కావాల్సిన రీతిలో మారుతుంది కనుక మురళి అంటే కృష్ణునికి ఇష్టమని చాలామంది భావిస్తారు.

ఉధృతంగా కురిసిన వర్షాలు దాని వల్ల ఉత్పన్నమైన వరదలకు కొట్టుకుపోతున్న ప్రజలను,పశువులను కాపాడడానికి శ్రీకృష్ణుడు ద్వాపరయుగంలో గోవర్ధన గిరిని చిటికిన వేలితో ఎత్తాడు. అలాంటి గోవర్ధన గిరికి ఓ శాపం ఉంది. ఇంతకీ అప్పటి గోవర్ధన గిరి ఇప్పుడు ఎక్కడ తెలుసా?ఉత్తరప్రదేశ్ లోని మధుర ప్రాంతంలో ప్రస్తుతం ఈ పర్వతం ఉంది.ఈ పర్వతానికి ప్రతి ఏడాది దీపావళి వెళ్ళాక అక్కడి ప్రజలు ప్రత్యేక ఉత్సవాలు నిర్వహిస్తారు.

ఇక ఈ పర్వతానికి ఏం శాపం ఉందో?అది ఎందుకొచ్చిందో ఇప్పుడు చూద్దాం.పూర్వం పర్వత రాజైన ద్రోణ‌క‌లుడికి గోవ‌ర్ధ‌నుడు, యమున అనే ఇద్దరు పిల్లలు కలిగారు.వారిలో గోవ‌ర్ధ‌నుడు గోవర్ధ‌న ప‌ర్వ‌తంగా యమున నదిగా మారారు.ఈ సమయంలో బ్రహ్మదేవుని మనమడు మహా ఋషి అయిన పుల‌స్త్యుడు ద్రోణ‌క‌లుడిని కలిసి కాశీలో గోవర్ధన పర్వతం ఉంటే భక్తులకు తమలాంటి ఋషులకు పూజలు చేయడానికి సౌలభ్యంగా ఉంటుందని కోరాడు.

అందుకు ద్రోణ‌క‌లుడు అంగీకరించాడు.గోవ‌ర్ధ‌నుడికి అసలు ఈ విషయం నచ్చలేదు కానీ తండ్రి మాట కాదనలేక పుల‌స్త్యుని వెంట ఒక షరతుతో వెళ్ళాడు.తనని
పుల‌స్త్యుడు కాశీ వరకు దింపకుండా వెళ్లాలని అన్నాడు. అందుకు పులస్త్యుడు కూడా అంగీకరించాడు. దీనితో పులస్త్యుడితో వెళ్తున్న గోవ‌ర్ధ‌నుడు.

తన చెల్లి ప్రవహిస్తున్న మధురా నగరం యొక్క ప్రకృతి అందాలకు ముగ్ధుడయ్యాడు ఎలాగైనా అక్కడ సమయం గడపాలని నిర్ణయించుకున్నాడు అందుకే క్రమక్రమంగా బరువు పెరగడం మొదలుపెట్టాడు.

విషయం తెలుసుకున్న పులస్త్యుడు వెంటనే గోవర్ధనుడని శపించాడు.ఆ శాపం ప్రకారం గోవర్ధనుడు సంవత్సరానికి ఆవగింజంత పరిమాణాన్ని కోల్పోతాడు.ఇలా తను భూమికి స‌మ‌తులంగా మార‌గానే కలియుగాంతం జరుగుతుందని పురాణాలు చెబుతున్నాయి.