Megha Varna

సమయాన్ని సేవ్ చేసుకుని త్వరగా మనం గమ్య స్థానానికి చేరుకోవడానికి విమాన ప్రయాణం ఎంతో సౌకర్యంగా ఉంటుంది. పైగా ప్రయాణం చేసినట్టు కూడా మనకి అనిపించదు. మామూలుగా రైలులో కానీ బస్సు లో కానీ వెళుతూ ఉంటే ఎక్కువ సమయం కేవలం వెళ్ళడానికి సరిపోతుంది.

కానీ మనం విమానంలో ప్రయాణం చేసినప్పుడు గంట లేదా రెండు గంటల్లో మనం గమ్య స్థానానికి చేరుకోవడానికి అవుతుంది. అయితే విమాన ప్రయాణం చేసినప్పుడు పారాచూట్ మనకి ఇవ్వరు. ఈ విషయం అందరికీ తెలిసిందే. మిలటరీ ఎయిర్ క్యాప్స్ లేదా ఫైర్ జెట్స్ లో చూసుకున్నట్లయితే అందులో ప్రయాణం చేసే వారికి పారాచూట్ ఇస్తూ ఉంటారు.

ఎందుకు విమానంలో ప్రయాణం చేసే వాళ్ళకి పారాచూట్ ఇవ్వరు..? మరి మిలటరీ ఎయిర్ కాప్స్ లేదా ఫైర్ జెట్స్ లో ప్రయాణం చేసినప్పుడు ఎందుకు పారాచూట్ ని ఇస్తారు అన్న సందేహం చాలా మందిలో ఉంటుంది. మీకు కూడా ఈ సందేహం ఉందా..? అయితే ఇప్పుడు తెలుసుకుందాం.

దీనికి గల కారణాలు రెండు. మొదటిది చూసుకున్నట్లయితే పారాచూట్ తో పాసింజర్ విమానం లో కూర్చోవాలంటే ఎక్కువ స్పేస్ కావాలి. అలానే పారాషూట్ ధర ఎక్కువగా ఉంటుంది విమానం టికెట్ కంటే కూడా పారాచూట్ ధర ఎక్కువ. ఇది ఒక కారణం. మరొక కారణం ఏమిటంటే పారాచూట్ ఉపయోగించాలంటే అనుభవం ఉండాలి.

ఎప్పుడు, ఎలా ఉపయోగించాలి అన్నది తెలిసి ఉండాలి. అలానే ఫ్లైట్ లో నుంచి జంప్ చేయాలంటే రాంప్ ఉండదు. ఎమర్జెన్సీ డోర్ నుండి మాత్రమే జంప్ చేయాలి. ఇలా జంప్ చేసినప్పుడు విమానం యొక్క రెక్కకి గుద్దుకునే అవకాశం ఉంది. ఇలా ఈ కారణాల వల్ల ఫ్లైట్ లో ప్రయాణం చేసే వాళ్ళకి పారాచూట్ ని ఇవ్వరు.

తరచూ మనం బిస్కెట్లని తింటూనే ఉంటాము. టీ లో కానీ కాఫీలో కానీ బిస్కెట్లని ముంచుకుని తీసుకుంటూ ఉంటాము. అయితే ఎప్పుడైనా బిస్కెట్ల మీద ఉండే రంధ్రాలని గమనించారా…? ఎందుకు ఈ రంధ్రాలని బిస్కెట్ల మీద ఉంచుతారు అన్న సందేహం ఎప్పుడైనా కలిగిందా..? అయితే మరి ఇప్పుడే దాన్ని క్లియర్ చేసుకోండి.

కొన్ని రకాల బిస్కెట్లను చూసినట్లయితే వాటి మీద చిన్న చిన్న రంధ్రాలు ఉంటాయి. అది కేవలం డిజైన్. దాని వల్ల ఉపయోగం ఏమీ లేదు అని అనుకుంటే పప్పులో కాలేసినట్లే. బిస్కెట్ల మీద చిన్న చిన్న రంధ్రాలు ఉంటాయి.

వాటిని డాకర్ హోల్స్ అని అంటారు. కొన్ని రకాల క్రీమ్ వేసిన బిస్కెట్ లలో మరియు స్వీట్ అండ్ సాల్ట్ బిస్కెట్స్ పైన ఇలాంటి హోల్స్ ఉంటాయి. అయితే ఇలా ఉండడం వల్ల బేకింగ్ జరిగే సమయంలో గాలి పాస్ అవుతుంది. దీంతో బిస్కెట్ విరిగిపోకుండా ఉంటుంది.

బిస్కెట్లను తయారు చేసినప్పుడు పిండి, పంచదార మరియు సాల్ట్ అన్నీ ట్రే లో వేసి మిషన్ లో పెడతారు. ఈ మిషన్ బిస్కెట్ మీద హోల్ ని ఏర్పాటు చేస్తుంది. ఒకవేళ కనుక ఈ రంధ్రాలు లేకపోతే బిస్కెట్ అనేది ఉబ్బిపోతుంది. అలానే బిస్కెట్ సైజు కూడా పెద్దదై పోతుంది. అదే రంధ్రాలు ఉంటే బిస్కెట్ సైజ్ మొత్తం అంతా కూడా సమానంగా ఉంటుంది.

ప్రతి కార్నర్ లో కూడా బేక్ అవుతుంది. దీంతో బిస్కెట్లు బాగుంటాయి. బేకింగ్ చేసే సమయంలో ఈ రంద్రాలు లేకపోతే బేకింగ్ అవ్వదు. హీట్ అందులో నుండి బయటికి వెళ్ళదు. అలానే బిస్కెట్ల టెంపరేచర్ అన్ స్టేబుల్ గా ఉంటుంది. బిస్కెట్లు పైన క్రాక్స్ కూడా వచ్చేస్తాయి.

ఎప్పుడైనా పెద్ద పెద్ద బిల్డింగ్లని, ఇళ్ళని కట్టినప్పుడు మనం చూసుకున్నట్లయితే ఆకుపచ్చ రంగు క్లాత్ ని బిల్డింగ్ మొత్తం కట్టేసి ఉంచుతారు. ఇది మనం చాలా సార్లు చూసే ఉంటాం. రోడ్డు మీద నుంచి వెళ్ళిపోతున్నప్పుడు మనకు ఇలాంటివి కనబడుతూ ఉంటాయి. అయితే ఎప్పుడైనా మీకు సందేహం కలిగిందా..?

ఎందుకు ఆకుపచ్చ రంగుని మాత్రమే వాడతారు..? ఇతర రంగులని ఎందుకు వాడరు అని..? అయితే మరి దాని వెనుక ఉండే కారణం గురించి చూద్దాం. ఇలా కన్స్ట్రక్షన్ చేసే భవనాలకి వాడే ఆకుపచ్చ క్లాత్ ని సేఫ్టీ నెట్ అని అంటారు. దీనిని ఎందుకు ఉపయోగిస్తారు అనే దాని గురించి ఇప్పుడు మనం చూద్దాం.

#1. సేఫ్టీ గా ఉండాలని:

ఈ సేఫ్టీ నెట్ ని ఉపయోగించడం వల్ల ఏమైనా రాళ్లు కానీ ఏదైనా కన్స్ట్రక్షన్ మెటీరియల్ కానీ బయట వేరే వాళ్ల మీద పడకుండా ఉండటానికి వాడతారు.

#2. దుమ్ము, ధూళి రాదు:

ఈ క్లాత్ ని కట్టేసి దీని మీద నీళ్ళని జల్లుతారు. ఇలా చేయడం వల్ల దుమ్ము, ధూళి బయటకి రాదు.

#3. పబ్లిక్ ని అలర్ట్ చేస్తుంది:

పక్కన వెళ్లే వాళ్ళు జాగ్రత్తగా ఉండేలా ఇది సహాయ పడుతుంది. ఈ ఆకుపచ్చ రంగు క్లాత్ చూడగానే ఇక్కడ పని జరుగుతుందని మనం గ్రహించవచ్చు.

#4. సూర్య కిరణాలు బిల్డింగ్ మీద పడవు:

ఈ క్లాత్ కట్టడం వల్ల సూర్యకిరణాలు డైరెక్టుగా బిల్డింగ్ మీద పడవు. దీంతో నీళ్ళని కూడా బాగా బిల్డింగ్ పీల్చుకుంటుంది.

#5. బయట వాళ్ళ ఇబ్బంది ఉండదు:

లోపల బిల్డింగ్ ని కట్టే వాళ్ళకి బయట వాళ్ళ ఇబ్బంది ఉండకుండా ఫ్రీ గా వాళ్లు పని చేసుకోవడానికి ఈ సేఫ్టీ నెట్ హెల్ప్ అవుతుంది.

ఎప్పుడైనా మనం విమానంలో ప్రయాణించేటప్పుడు అక్కడ ఏమైనా ఆహారాన్ని తింటే అస్సలు దాని యొక్క రుచి బాగోదు. ఇది నిజంగా నిజం. చాలా మంది విమానంలో ప్రయాణం చేసే వారు ఈ విషయాన్ని అనడం మీరు వినే వుంటారు. లేదా స్వయంగా విమానం లో ప్రయాణం చేసేటప్పుడు మీరు కూడా చూసే ఉంటారు.

అయితే ఇలా విమానంలో ఆహారం బాగుండక పోవడానికి కారణం కూడా ఉంది. మరి ఆ కారణం ఏమిటో ఇప్పుడే మనం తెలుసుకుందాం. దీనితో మీకు విమానం లో తినే ఆహారం ఎందుకు రుచిగా ఉండదు అనేది తెలిసి పోతుంది.

నిజానికి దీని వెనుక పెద్ద కారణమే వుంది. డబ్బులు తీసుకుని వాళ్ళు కావాలనే ఆహారం వండడం పై శ్రద్ధ పెట్టరు లేదా వండడానికి సౌకర్యంగా ఉండదు కనుకే రుచి బాగోదు అని మీరు అనుకుంటే పొరపాటే. ఎందుకు ఆహారం బాగుండదు అంటే… విమానంలో ప్రయాణం చేసేటప్పుడు అది ఎంతో ఎత్తుకు వెళుతుంది.

మనం ఎత్తు లో ప్రయాణం చేసేటప్పుడు ఎయిర్ ప్రెషర్ మరియు పొడి గాలి కారణంగా మన నాలుక మీద ఉండే టేస్ట్ బడ్స్ యొక్క సెన్సిటివిటీ బాగా తగ్గిపోతుంది. దీంతో ఏమవుతుంది అంటే 30 శాతం వరకు రుచి తెలియకుండా పోతుంది. ముక్కు లో ఉండే నాసల్ ప్యాసేజ్ లోని మ్యూకస్ పదార్థం కూడా డ్రై గా అయిపోతుంది.

ఈ కారణంగా ఏమవుతుందంటే మనకి వాసన కూడా సరిగా తెలియదు. స్మెల్ మరియు టేస్ట్ రెండూ కూడా మారిపోతూ ఉంటాయి. టేస్ట్ మారిపోవడం వల్లనే రుచి తెలియదు. దీంతో ఏరోప్లేన్ లో ఆహారం తింటే మనకి రుచిగా అనిపించదు. అందుకే విమానంలో ప్రయాణం చేసే వారు ఆహారం బాలేదని అంటూ ఉంటారు.

మనం తేనెని అనేక రకాలుగా ఉపయోగిస్తూ ఉంటాం. ఆరోగ్యానికి, అందానికి తేనే చాలా బాగా ఉపయోగ పడుతుంది. అలానే అభిషేకాల్లో వాటిల్లో కూడా తేనెని వాడతారు. అయితే నిజానికి నాణ్యమైన తేనే ఎంత కాలమైనా సరే నిల్వ ఉంటుంది. అది అస్సలు ఎంత కాలము వున్న సరే పాడవదు.

ఎప్పుడైనా ఎందుకు తేనే ఎక్కువ కాలం పాటు నిల్వ ఉంటుంది..?, ఎందుకు అది పాడవదు..? అన్న సందేహం మీలో కలిగిందా..? మరి దీని వెనుక ఉండే కారణం ఏమిటో ఇప్పుడే చూసేద్దాం. స్వచ్ఛమైన తేనె ఎన్ని సంవత్సరాలు అయినా సరే పాడైపోకుండా అలానే ఉంటుంది.

అయితే తేనే అనేది తేనెటీగలు పువ్వుల రసాన్ని పీల్చి సేకరిస్తాయి ఇందులో కొంచెం నీటితో పాటుగా చక్కెర ,ప్రొటీన్లు ఇతర రసాయనాలు ఉంటాయి. తేనెటీగ పువ్వుల నుండి ఈ రసాన్ని దాని యొక్క శరీరంలో నిలుపుకుంటుంది. ఆ తర్వాత శరీరంలో ఉన్న ఒక గ్రంధి నుండి ఎంజైమ్ విడుదలై రక్తంలో కలుస్తాయి.

ఇలా అది తేనె కింద మారుతుంది. ఎంజైమ్స్ తో ఈ పూల తాలూకా రసం కలిసిన తర్వాత గ్లూకోజ్, ఫ్రక్టోజ్, సుక్రోజ్ గా మారడం జరుగుతుంది. దీనిలో బ్యాక్టీరియా చేరినప్పుడు సహజంగా తేనే నీటి మొత్తాన్ని పీల్చుకుంటుంది. దీని కారణంగా తేనే పాడైపోదు. బ్యాక్టీరియా అయితే చనిపోతుంది.

ఇదిలా ఉంటే గ్లూకోజ్ ఆక్సిడేస్ అనే ఒక ఎంజాయ్ తేనెటీగల శరీరం నుంచి బయటకు వస్తుంది. ఈ ఎంజైమ్ తేనెలో బ్యాక్టీరియా వృద్ధిని నిరోధించడంలో ఉపయోగపడుతుంది. తేనెటీగల జాతి, అది సేకరించిన పూలను బట్టి తేనె యొక్క నాణ్యత అనేది ఉంటుంది. తేనెలో 80 శాతం వరకు చక్కెర ఉంటుంది. అలాగే 18 శాతం నీళ్లు ఉంటాయి అందుకే ఇది ఎన్ని సంవత్సరాలైనా పాడై పోదు. అలానే ఉంటుంది.