Filmy Adda

చాలా రోజులు వెయిట్ చేసిన తర్వాత భీమ్లా నాయక్ థియేటర్లలో విడుదల అయ్యింది. ఈ సినిమా ఎప్పుడో విడుదల కావాల్సి ఉన్నా కూడా అప్పుడు ఉన్న పరిస్థితుల కారణంగా ఆలస్యం అయ్యింది.

సినిమా రీమేక్ అనే విషయం తెలిసిందే. కానీ పవన్ కళ్యాణ్ నటిస్తూ ఉండటంతో, అది కూడా రానా దగ్గుబాటితో మల్టీస్టారర్ అవ్వడంతో ఈ సినిమాపై అంచనాలు భారీగా నెలకొన్నాయి.

ట్రైలర్ విడుదల అయిన తర్వాత రెస్పాన్స్ కూడా అలాగే వచ్చింది. కొంతమంది బాగుంది అంటే మరికొంతమంది మాత్రం ఒరిజినల్ సినిమాకి సంబంధం లేదు అని అన్నారు. కానీ ఈ సినిమా దాదాపు ఒరిజినల్ సినిమాలాగానే ఉంటుంది. స్టొరీ లైన్ పెద్దగా మార్చలేదు. కానీ పవన్ కళ్యాణ్ పాత్రకి తగ్గట్టు కొన్ని ఎలివేషన్స్ ఉన్నాయి. ఫస్ట్ హాఫ్ స్లోగా నడుస్తుంది.

మరో విషయం ఏంటంటే.. ఈ సినిమా లో ట్రైలర్ లో చూపించిన రెండు సీన్లను మొత్తానికే లేపేశారు. అందులో పవన్ కళ్యాణ్ రానా కి లిఫ్ట్ ఇచ్చే సీన్ ఒకటి కూడా ఉంది. నిజానికి ఈ సీన్ కి చాలా ప్రాధాన్యత ఉంటుంది. కానీ, సినిమాలో ఈ సీన్ ని తీసేసారు. అలాగే.. అంత ఇష్టం సాంగ్ కి కూడా చాలా ఫాలోయింగ్ ఉంది. ఒకరకంగా ఈ సాంగ్ కూడా సినిమాకి హైప్ తీసుకొచ్చింది. కానీ ఈ సాంగ్ ని కూడా సినిమాలో లేపేశారు. సినిమా లెంగ్త్ ఎక్కువగా ఉండడం వల్లే ఈ సాంగ్ ని, ఆ లిఫ్ట్ ఇచ్చే సీన్ ని లేపేశారు అని తెలుస్తోంది.

పవర్ స్టార్ పవన్ కళ్యాణ్ భీమ్లా నాయక్ సినిమా విడుదల అయిపోయింది. దీనితో ఫాన్స్ ఆనందంతో సినిమాని ఎంజాయ్ చేస్తున్నారు. తెలంగాణలో బెనిఫిట్ షోలు వేశారు.ఆంధ్రప్రదేశ్ లో మాత్రం మార్నింగ్ షో నుండి ఈ సినిమా అలరిస్తోంది.

అయితే ఈ సినిమాకు సంబంధించి కొన్ని విషయాలు బాగా ఇంట్రెస్టింగ్ గా ఉన్నాయి. వాటి కోసమే ఇప్పుడు చూద్దాం. ప్రతిభ ఉన్న వ్యక్తి ఎలా అయినా పైకి రాగలడు అని అంటారు. అలా చాలా మంది సంగీత రంగంలో కూడా తమ గాత్రం ద్వారా పేరు తెచ్చుకుంటున్నారు.

భీమ్లా నాయక్ సినిమా ద్వారా కూడా ఇద్దరు ఫోక్ సింగర్స్ పరిచయం అయ్యారు. వారిలో ఒకరు మొగిలయ్య కాగా, మరొకరు కమ్మరి దుర్గవ్వ. మొగిలయ్య ఇప్పటికే చాలా మందికి పరిచయం అయ్యారు. అడవితల్లి పాటతో.. ఆ పాట పడిన దుర్గవ్వ గురించి అందరికి ఆసక్తి రేకెత్తుతోంది.

దుర్గవ్వ గతంలో కూడా సినిమా పాటలు పాడారు. పలు మరాఠీ చిత్రాలలో ఆమె పాటలు పాడారు. కమ్మరి దుర్గవ్వ మంచిర్యాల జిల్లా కోటపల్లి మండలం రొయ్యలపల్లి గ్రామానికి చెందిన వారు. ఆమె భర్త రాజయ్య మరణించడంతో.. పొలం పనులు చేసుకుంటూ వారు జీవనం సాగిస్తున్నారు. అయితే.. వరినాట్లు వేయడం, నీరు పట్టడం వంటి పొలం పనులు చేసుకుంటూనే ఆమె పాటలు పాడేవారు. స్థానికంగా ఆమె పాటలకి మంచి గుర్తింపు లభించింది. ఆమె జానపద పాటలు అద్భుతంగా పాడేది.

ఆమె టాలెంట్ నలుగురికి తెలియాలన్న ఉద్దేశ్యంతో ఆమె కూతురు శైలజ ఆమె పాడిన పాటలను యూట్యూబ్ లో అప్ లోడ్ చేసేది. అలా దుర్గవ్వ గురించి బయటి ప్రపంచానికి కూడా తెలిసింది. “సిరిసిల్ల చిన్నది.. నాయితల్లే..” అనే పాటతో పాటు “ఉంగురమే.. రంగైనా రాములాల టుంగూరమే” అనే పాట కూడా మంచి పేరు తెచ్చిపెట్టింది. ఈ క్రమంలో మామిడి మౌనిక, సింగర్‌ మల్లిక్‌తేజ సాయంతో “భీమ్లా నాయక్” సినిమాలో కూడా పాట పాడే అవకాశం లభించింది.

హీరోగా విజయ్ శంకర్, బిగ్ బాస్ బ్యూటీ అషు రెడ్డి హీరోహీరోయిన్లుగా నటించిన సినిమా పోకస్. ఈ సినిమాకు సూర్య తేజ దర్శకత్వం వహించారు ఈ సినిమా సస్పెన్స్ థ్రిల్లర్ గా తెరమీదకు రాబోతుంది. ఈ చిత్రంలో ముఖ్య పాత్రలలో భానుచందర్, సీనియర్ నటి సుహాసిని మణిరత్నం నటిస్తున్నారు ఈ చిత్రం ప్రేక్షకులను ఆశ్చర్యపరిచే విధంగా ఉండబోతుంది

అయితే ఇప్పటికే ఈ మూవీ ఫస్ట్ లుక్ పోస్టర్ను వాలెంటైన్స్ డే సందర్భంగా విడుదల చేశారు ఈ పోస్టర్ కు ప్రేక్షకుల నుంచి మంచి రెస్పాన్స్ వచ్చింది. సూర్య తేజ తన డెబ్యూ మూవీ గా రిలాక్స్ మూవీ మేకర్స్ పతాకంపై ఈ ఫోకస్ చిత్రాన్ని తెరకెక్కిస్తున్నారు. ఈ సినిమా నందు భానుచందర్, షియాజీ షిండే, జీవ, సూర్య భగవాన్, వంటి ఆర్టిస్టులు కాకుండా ఇంకా చాలామంది ఈ చిత్రంలో నటిస్తున్నారు. ఈ చిత్రం షూటింగ్ పూర్తి కాగా ప్రస్తుతం పోస్ట్ ప్రొడక్షన్ జరుగుతోంది ఈ సినిమాను మార్చిలో రిలీజ్ చేయడానికి అన్ని ఏర్పాట్లు చేశారు దర్శకుడు సూర్య తేజ.

ఈ సస్పెన్స్ థ్రిల్లర్ మూవీ లో సీనియర్ నటి సుహాసిని మణిరత్నం గారు ముఖ్య పాత్రను పోషించారు. కాగా ఈ చిత్రం నుంచి సువాసిని మణిరత్నం గారి ఫస్ట్ లుక్ విడుదలయింది. దీనిని ఎన్నో సూపర్ హిట్ చిత్రాలకు కథలను అందించిన స్టార్ రైటర్ విజయేంద్రప్రసాద్ ఆవిష్కరించడం విశేషం. ఈ చిత్రాన్ని స్కైరా క్రియేషన్స్ సమర్పణలో రిలాక్స్ మూవీ మేకర్స్ ఈ చిత్రాన్ని నిర్మిస్తోంది.

నటీనటులు : విజయ శంకర్, అషు రెడ్డి, సుహాసిని మణిరత్నం, భానుచందర్, జీవ, సూర్య భగవాన్ వంటి తదితర నటిస్తున్నారు.

సాంకేతిక బృందం
డైరెక్టర్: జి సూర్య తేజ
నిర్మాణం : రిలాక్స్ మూవీ మేకర్స్
సమర్పణ : స్కైరా క్రియేషన్స్
ఎడిటర్ :సత్య జి
డిఓపి : జై ప్రభాకర్ రెడ్డి
సంగీతం: వినోద్ యాజమాన్యం
లిరిసిస్ట్ : కాసర్ల శ్యామ్

పవర్ స్టార్ పవన్ కళ్యాణ్ ఫ్యాన్స్ భీమ్లా నాయక్ సినిమా కోసం ఎదురు చూస్తున్నారు. ఈ సినిమాకు సాగర్ కె చంద్ర దర్శకత్వం వహించారు. సితార ఎంటర్టైన్మెంట్స్ బ్యానర్ మీద సూర్యదేవర నాగ వంశీ నిర్మాతగా వ్యవహరించారు. అయితే ఈ సినిమా ప్రీ రిలీజ్ ఈవెంట్ ని కూడా నిర్వహించారు. దీనిలో పలువురు రాజకీయ నాయకులు కూడా పాల్గొన్నారు.

అంతా బాగానే ఉంది కానీ త్రివిక్రమ్ శ్రీనివాస్ రావు ఎందుకు ఆలస్యంగా వచ్చారు..?, ఎందుకు ఏమీ మాట్లాడలేదు అనేది ప్రశ్నార్థకంగా మారింది. భీమ్లా నాయక్ సినిమాకి త్రివిక్రమ్ శ్రీనివాస్ రావు బ్యాక్ బోన్ గా ఉన్నారు.

మరి ఆయన ఎందుకు ఆలస్యంగా వచ్చారు ఎందుకు మాట్లాడలేదు అని ఫ్యాన్స్ కూడా అప్సెట్ అయ్యారు. హైదరాబాద్ యూసఫ్ గూడ పోలీస్ గ్రౌండ్ లో ఈ వేడుక జరిగింది. కేటీఆర్, తలసాని శ్రీనివాస్ యాదవ్, ఎమ్మెల్యే మాగంటి గోపీనాథ్ కూడా ఈవెంట్ కి వచ్చారు. అయితే దర్శకుడు సాగర్ కె చంద్ర మాట్లాడారు.

ఆ తర్వాత దర్శకుడు త్రివిక్రమ్ శ్రీనివాస్ రావు మాట్లాడతారని అనుకున్నారు. కానీ త్రివిక్రమ్ మాత్రం ఏమీ మాట్లాడలేదు. పైగా ఆలస్యంగా కూడా వచ్చారు. అలానే కేటీఆర్ ను కలిసిన తర్వాత మళ్లీ త్రివిక్రమ్ కనిపించ లేదు నిజానికి త్రివిక్రమ్ శ్రీనివాస్ మాట్లాడుతారని.. ఆయన స్పీచ్ కోసం చాలా మంది ఎదురు చూశారు.

బండ్ల గణేష్ కూడా రాక పోవడంతో అందర్నీ అప్సెట్ చేసింది. అయితే త్రివిక్రమ్ శ్రీనివాస్ ఎందుకు సైలెంట్ గా ఉన్నారు అనేది చూస్తే… దర్శకుడు త్రివిక్రమ్ ఏ సినిమా పని అంతా చేసారని.. నిజానికి మొత్తం త్రివిక్రమ్ ఏ అంతా చేసుకుంటే సాగర్ కె చంద్ర కేవలం పేరుకు మాత్రమే దర్శకత్వం వహించారని తెలుస్తోంది. అందుకే సాగర్ కె చంద్ర కి అవకాశం ఇవ్వాలని త్రివిక్రం మాట్లాడలేదు. అయితే కారణమేదైనా సరే త్రివిక్రమ్ శ్రీనివాస్ స్పీచ్ లేకపోవడంతో ఫ్యాన్స్ అప్సెట్ అయ్యారు.

ప్రభాస్ ఫ్యాన్స్ అంతా కూడా రాధే శ్యామ్ సినిమా కోసం ఎంతగానో ఎదురు చూస్తున్నారు. గత కొన్ని నెలల నుండి కూడా రాధే శ్యామ్ సినిమా ఎప్పుడు వస్తుందా అని ఎదురు చూస్తున్నా కూడా ఫలితం లేకపోయింది. సంక్రాంతికి ఈ పిక్చర్ విడుదల కావాలి కానీ డేట్ పోస్ట్ పోన్ అవుతూ వచ్చింది.

అయితే ఈ సినిమాని మార్చి 11న విడుదల చేయాలి అని చిత్ర యూనిట్ అనుకుంది. తాజాగా చిత్ర యూనిట్ ఫాన్స్ కి మాత్రం ఒక బ్యాడ్ న్యూస్ ని చెప్పింది. మరొక సారి సినిమా మొత్తం ఎడిట్ చేయాలని చిత్ర యూనిట్ అనుకుంటోంది.

దీనికి గల కారణం ఏమిటంటే సినిమా అక్కడక్కడా డ్రై గా ఉండడం.. అలాగే ల్యాగ్ ఉండడం అని తెలుస్తోంది. అందుకనే ఆ పార్ట్స్ ని కాస్త ట్రిమ్ చేయాలని చిత్ర యూనిట్ అనుకుంటోంది. అలానే సినిమా టైం విషయంలో కూడా కొన్ని విమర్శలు వినపడ్డాయి. పైగా సినిమా ట్రైలర్ టైం మరియు ఫుటేజ్ గురించి కూడా కాస్త నెగిటివ్ గానే టాక్ నడిచింది.

సంక్రాంతికి ఈ సినిమా మొదట రిలీజ్ చేయాలని అనుకున్నారు కానీ ఇప్పుడైతే పోస్ట్ పోన్ చేశారు. అప్పుడు సంక్రాంతికి విడుదల చేయాలని అనుకోవడంతో సమయం లేకపోవడం వల్ల అలా పూర్తి చేసారు. అయితే ఇప్పుడు సమయం ఉంది కాబట్టి మరొక సారి ఎడిట్ చేయాలని… సినిమా లో మార్పులు చేయాలని అనుకుంటున్నారు.

కొంచెం క్రిస్ప్ చేస్తే బాగుంటుందని మార్పు చేస్తున్నారు. ఇది కూడా ఆఖరి దశకు వచ్చేసింది అని చెబుతున్నారు. ఈ సినిమా స్పెషల్ షో కూడా వేసి కొంత మంది సన్నిహితులకు చూపించడం జరిగింది. అయితే ఈ ఫీడ్ బ్యాక్ ఆధారంగా మళ్లీ ఎడిట్ రూమ్ కి ఈ సినిమాని తీసుకువెళ్లారు. అయితే మరి మార్చి 11న తెలుస్తుంది సినిమా ఎలా ఉంది అనే సంగతి. అప్పటి దాకా అభిమానులు ఎదురు చూడక తప్పదు.

పవర్ స్టార్ పవన్ కళ్యాణ్ ఫ్యాన్స్ భీమ్లా నాయక్ సినిమా కోసం ఎదురు చూస్తున్నారు. ఈ సినిమాకు సాగర్ కే చంద్ర దర్శకత్వం వహించారు. తెలుగు రాష్ట్రాలలో ఈ సినిమా 25 న విడుదల కానుంది. అయితే సాగర్ కే చంద్ర సినిమా ప్రీ రిలీజ్ ఈవెంట్ లో మాట్లాడారు.

ఎక్కడో నల్గొండ లో ఉండే వాడినని అలాంటి నేను ఇప్పుడు పవన్ కళ్యాణ్ గారి సినిమాని డైరెక్ట్ చేసే స్థాయికి వచ్చానని చెప్పారు. పైగా ఒక సారి పవన్ కళ్యాణ్ గారిని చూడాలని అనుకున్నాను అని..

పాస్ తీసుకుని పంజా సినిమా ఈవెంట్ కి వచ్చానని.. అప్పుడు అర్థమైంది పవన్ కళ్యాణ్ గారిని చూడటం అంత ఈజీ కాదని అని చెప్పారు. పైగా అలా వచ్చినప్పుడు మూడు సార్లు నన్ను తోసేశారని సాగర్ కే చంద్ర చెప్పారు. అలానే ఈ సినిమాకి మాటలు, స్క్రీన్ ప్లే ఇచ్చిన త్రివిక్రమ్ శ్రీనివాస్ గారికి కృతజ్ఞతలు చెప్పారు.

ఎప్పుడు కూడా నా హృదయం లో ఆయనని గురువుగా చూస్తానని చెప్పారు. అలానే త్రివిక్రమ్ శ్రీనివాస్ రావు గారు ఈ సినిమాకి వెన్నెముక అని చెప్పారు. ఈ సినిమా జర్నీని ఎప్పుడూ మర్చిపోలేనని.. ఎప్పటికీ గుర్తు పెట్టుకుంటాను అని సాగర్ కే చంద్ర చెప్పారు.

అలానే ఆయన పవన్ కళ్యాణ్ గురించి ఒక గజల్ రూపం లో ”గెలుపు అంటే మోజు లేదు…. ఓటమి అంటే భయం లేదు…. చావే అంతం కాదు అన్నప్పుడు…. చావుకు మాత్రం ఎందుకు భయ పడటం…. ఆకాశం లోకి వెళ్లి గర్జించు.. జై పీఎస్‌పీకే” అని చెప్పారు.