Filmy Adda

క్రిస్మస్ సందర్భంగా మెగా ఫ్యామిలీ అంతా కలిపి సందడి చేసింది. ఆ ఫోటోలు ఇప్పుడు నెట్టింట్లో షికార్లు కొడుతున్నాయి. క్రిస్మస్ సందర్భంగా రామ్ చరణ్, ఉపాసన, చైతన్య, నిహారిక, చిరంజీవి కుమార్తెలు శ్రీజ, సుష్మిత తో పాటు వరుణ్ తేజ్, సాయి ధరమ్ తేజ్, వైష్ణవ తేజ్ ఇలా అంతా కలిపి సందడి చేశారు. నిహారిక రామ్ చరణ్ కి గిఫ్ట్ ఇచ్చి సర్ ప్రైజ్ చేసింది.

అలానే నీకు సీక్రెట్ శాంటా గా ఉండడం నాకు ఇష్టం చరణ్ అన్నా అని అంది. ఎవరికి డౌట్ రాకుండా ఇంట్లో గిఫ్ట్ దాయడం అంటే కొంచెం కష్టమే. కానీ సీక్రెట్ శాంటాగా నీకు ఉండడం ఇష్టమని నిహారిక చెప్పింది. అలానే నాటు నాటు పాటకు డాన్స్ నేర్పించేందుకు థాంక్స్ అని ఆమె అంది. ఇక ఐకాన్ స్టార్ అల్లు అర్జున్ గురించి ఆమె చెబుతూ…

ఒక పక్క అల్లు అర్జున్ సినిమా ప్రమోషన్స్ కోసం బిజీగా వున్నా సరే బహుమతులు తీసుకు వచ్చాడు. థాంక్యూ… కానీ ఇంకోసారి మాత్రం ఇలా మోసం చేయొద్దు అని నిహారికి బన్నీ తో వున్న ఫోటోని షేర్ చేసింది. నిహారిక ఏం మోసం చేసింది అని నెటిజన్లు ఆరా తీస్తున్నారు. గిఫ్ట్ ఇవ్వలేదేమో అంటూ కొంత మంది కామెంట్లు చేస్తున్నారు.

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు.

అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు.

ప్రస్తుతం సమంత వరస సినిమాలతో బిజీగా ఉన్నారు. తమిళ్ విజయ్ సేతుపతితో ఒక సినిమాలో నటిస్తున్న సమంత, తెలుగులో కూడా ఇటీవల యశోద అనే ఒక సినిమా ప్రకటించారు. ఈ సినిమా తెలుగుతో పాటు తమిళ్, మలయాళం, కన్నడ, హిందీ భాషల్లో కూడా విడుదల అవుతుంది. వరలక్ష్మి శరత్ కుమార్ ఇందులో ఒక కీలక పాత్ర పోషిస్తున్నారు. ఈ సినిమాకి హరి అండ్ హరీష్ అనే ఇద్దరు దర్శకత్వం వహిస్తున్నారు. శివలెంక కృష్ణ ప్రసాద్ నిర్మిస్తున్నారు. ఈ సినిమా షూటింగ్ ఇటీవలే మొదలయ్యింది. షూటింగ్ కూడా చాలా వేగంగా జరుగుతోంది.

మొదటి షెడ్యూల్ కూడా పూర్తయిందని సమాచారం. ఇందులో మహిళల కోసం పోరాడే పాత్రలో సమంత నటిస్తున్నారు. సమంత పాత్ర కూడా చాలా కొత్తగా ఉంటుందట. ఇంతకీ ఆ పోరాటం ఎవరితో అనే థ్రిల్లింగ్ ఎలిమెంట్ తో ఈ సినిమా సబ్జెక్టు ఉంటుంది అంట. అంతే కాకుండా, సమంత అరేంజ్మెంట్స్ ఆఫ్ లవ్ అనే సినిమాలో కూడా నటిస్తున్నారు. ఇవన్నీ మాత్రమే కాకుండా ప్రియాంక చోప్రా నటించిన సిటాడెల్ కి ఇండియన్ రీమేక్ లో కూడా సమంత నటిస్తున్నారు అని సమాచారం. దీనికి ఫ్యామిలీ మ్యాన్ దర్శకులు రాజ్ అండ్ డీకే దర్శకత్వం వహిస్తున్నారు. ఇందులో హీరోగా వరుణ్ ధావన్ నటిస్తున్నారు. సౌత్ లోనే కాదు బాలీవుడ్ లోను “సమంత” మంచి గుర్తింపు సాధించారు. ఇప్పుడు వరస సినిమాలతో బిజీగా ఉండడంతో “సమంత ప్లానింగ్ మాములుగా లేదుగా” అంటూ నెటిజెన్స్ కామెంట్స్ చేస్తున్నారు.

నాని హీరోగా నటించిన శ్యామ్ సింగ రాయ్ సినిమా థియేటర్లలో విడుదలై సూపర్‌హిట్ టాక్ తెచ్చుకుంది. ఇందులో సాయి పల్లవి, క్రితి శెట్టి, మడోన్నా సెబాస్టియన్ హీరోయిన్స్‌గా నటించారు. రాహుల్ సాంకృత్యాన్ ఈ సినిమాకి దర్శకత్వం వహించారు.

పునర్జన్మల నేపధ్యంలో ఈ సినిమా నడుస్తుంది.  డైరెక్టర్ అవుదాం అనుకునే వాసు అనే ఒక వ్యక్తి, తనకి తెలియకుండా శ్యామ్ సింగ రాయ్ అనే ఒక వ్యక్తి గురించి కథలు రాస్తాడు. అసలు అతను ఎవరు? అతని కథలు వాసు ఎందుకు రాసాడు? శ్యామ్ సింగ రాయ్ కి, వాసుకి ఉన్న సంబంధం ఏంటి? అనే అంశం చుట్టూ సినిమా అంతా తిరుగుతుంది.

సినిమా చూసిన ప్రేక్షకులు, నానితో పాటు సాయి పల్లవి నటనని కూడా మెచ్చుకుంటున్నారు. రోజీ పాత్రలో సాయి పల్లవి చాలా బాగా నటించారు అని అంటున్నారు. అయితే, ఇందులో ఒక సీన్ లో సాయి పల్లవి డ్యాన్స్ చేస్తున్నప్పుడు నాని దణ్ణం పెడతారు. ఈ సీన్ చాలా బాగుంది అని ప్రేక్షకులు అన్నారు. ఇలాంటి సీన్ అంతకుముందు సాయి పల్లవి నటించిన ఇంకొక సినిమాలో ఉంది.

సాయి పల్లవి హీరోయిన్‌గా, శర్వానంద్ హీరోగా నటించిన పడి పడి లేచే మనసులో కూడా ఇలాంటి సీన్ ఉంది. ఒక పాటలో సాయి పల్లవి డ్యాన్స్ చేస్తుంటారు.  అక్కడే నుంచొని డాన్స్ చూస్తున్న శర్వానంద్ సాయి పల్లవికి దణ్ణం పెడతారు. అలా అనుకోకుండా ఈ రెండు సినిమాల్లో ఈ సీన్ కామన్ పాయింట్ అయింది.

ప్రభాస్, పూజా హెగ్డే కాంబినేషన్ లో రాధే శ్యామ్ సినిమా రాబోతుంది. పాన్ ఇండియా స్టార్ ప్రభాస్ హీరోగా రూపొందుతున్న రాధే శ్యామ్ గురించి అభిమానులు దాదాపు రెండున్నర ఏళ్ల నుంచి ఎదురు చూస్తున్నారు. ఈ సినిమాపై అంచనాలు భారీగా ఉన్నాయి.

రాధే శ్యామ్ ఓ వ్యక్తి జీవితాన్ని ఆధారంగా చేసుకుని తెరకెక్కించనున్నారు. అలా అని ఇది బయోపిక్ కాదు. రాధా కృష్ణ కుమార్ దర్శకత్వంలో ఈ చిత్రం రానుంది. కృష్ణం రాజు సమర్పణలో యువి క్రియేషన్స్ బ్యానర్ పై వంశీ ప్రమోద్ చిత్రాన్ని నిర్మిస్తున్నారు. ఇటీవల విడుదలైన రాధే శ్యామ్‌ టీజర్, పాటలు, ట్రైలర్ ప్రేక్షకుల ఆసక్తిని ఇంకా పెంచాయి.

ఈ సినిమా ట్రైలర్ లో చాలా విషయాల గురించి క్లూ ఇచ్చారు. ఇందులో కొన్ని షాట్స్ లో చిన్న చిన్న డీటెయిల్స్ కూడా రివీల్ చేశారు. అందులో ఒకటి మధ్యలో కనిపించే ఈ షాట్. విక్రమాదిత్యకి అన్నీ తెలుసు అని కృష్ణం రాజు గారు చెప్తూ ఉంటారు. అప్పుడు వచ్చే సీన్ లో ప్రభాస్ ని సరిగ్గా గమనిస్తే, ప్రభాస్ కంట్లో కొన్ని పిక్చర్స్ కనిపిస్తూ ఉంటాయి. వాటిలో కొంత మంది మనుషులు, అలాగే కొన్ని సంఘటనలు కనిపిస్తూ ఉంటాయి. ఈ షాట్ కొన్ని సెకన్లు మాత్రమే ఉంటుంది.

ప్రభాస్ కంట్లో అలా కొంత మంది మనుషులు, కొన్ని సంఘటనలు కనిపించడానికి అర్థం ఏంటి అంటే, విక్రమాదిత్య రాబోయే ప్రమాదాల గురించి ముందే పసిగడతాడు. అందుకే అంతకుముందు విడుదలైన టీజర్ లో కూడా విక్రమాదిత్య పాత్ర, “నాకు అన్నీ తెలుసు” అని చెప్తూ ఉంటాడు. ఇదే విధంగా ప్రేరణ జీవితంలో జరగబోయే సంఘటనలు కూడా విక్రమాదిత్యకి ముందే తెలుస్తాయి. కొంత మంది సినిమా పునర్జన్మ నేపథ్యంలో సాగుతుంది అంటూ ఉంటే, కొంత మంది మాత్రం అలా ఏమీ లేదు అని అంటున్నారు. మరి అసలు రాధే శ్యామ్ కథ ఎలా ఉండబోతోందో తెలుసుకోవాలంటే సినిమా విడుదలయ్యే వరకు ఆగాల్సిందే.

ప్రతి సంవత్సరం లాగే ఈ సంవత్సరం కూడా చాలా సినిమాలు వచ్చాయి. అయితే, సినిమాల కంటే ముందే ఆ సినిమాలకు సంబంధించిన పాటలు విడుదలయ్యాయి. అందులో కొన్ని పాటలు హిట్ అవ్వడంతో పాటు, వివాదాలు కూడా సృష్టించాయి.

పాటలో కొన్ని పదాలు మనోభావాలు దెబ్బతీసేలా ఉన్నాయని, పాట భావం సరిగ్గా లేదని, ట్యూన్ కాపీ కొట్టారని, ఇలా కొన్ని పాటల మీద చాలా నెగిటివ్ కామెంట్స్ వచ్చాయి. అలా వివాదాలకి దారి తీసిన కొన్ని పాటలు ఏవో ఇప్పుడు చూద్దాం.

#1 సారంగ దరియా

ఈ పాట ఎంత హిట్ అయ్యిందో అనే వివాదాలు కూడా అయ్యాయి. పాట రాసిన రచయిత సుద్దాల అశోక్ తేజ, అసలు జానపద పాటకి క్రెడిట్ ఇవ్వలేదు అని కామెంట్స్ వచ్చాయి. తర్వాత సినిమా బృందం స్పందించి వివాదాలని పరిష్కరించుకున్నారు.

#2 ఇప్పుడు కాక ఇంకెప్పుడు

ఈ సినిమాలో భజగోవిందం పాటని తప్పుగా చిత్రీకరించారు అని చాలా నెగిటివ్ కామెంట్స్ వచ్చాయి.

#3 దిగు దిగు నాగ

వరుడు కావలెను సినిమా కోసం రాసిన ఈ పాటపై కూడా పెద్ద ఎత్తున విమర్శలు వచ్చాయి. భక్తి  పాటని ఇలా చేసారు అని రచయిత అనంత శ్రీరామ్ పై కేస్ పెట్టారు.

#4 ఊ అంటావా ఊ ఊ అంటావా

పుష్ప సినిమాలో ఈ పాట మగవాళ్లని కించపరిచేలా ఉంది అంటూ కామెంట్స్ వస్తున్నాయి.

#5 మైసమ్మ పాట

మంగ్లీ పాడిన ఈ పాటలో కొన్ని పదాలు అభ్యంతరకరంగా ఉన్నాయంటూ, ఆ పదాలని తొలగించాలి అంటూ హిందూ సంఘాలు నిరసన వ్యక్తం చేశాయి.

ఈ సంవత్సరం వివాదంలో చిక్కుకున్న కొన్ని పాటలు ఇవే.