Filmy Adda

మనం ఓ సినిమా ను ఎందుకు చూస్తాం.. సరదాగా టైం గడపడానికి లేకపోతె మన ఫేవరెట్ యాక్టర్ ను చూడడానికి. కేవలం అందుకోసం మాత్రమే కాకుండా, కొంతమంది అభిమానులకు మరొక సరదా కూడా ఉంటుంది. అదే అండి…ఫ్యాన్ వార్స్. సోషల్ మీడియాల్లోను, హీరో పేజీల్లోనూ మా హీరో గొప్ప అంటే మా హీరో గొప్ప అంటూ కామెంటుతూ సరదాలు పడుతుంటారు కొందరు. కానీ, ఒకప్పుడు ఇవేమి లేవు కదా..

అప్పట్లో విడుదలైన సినిమాల్లో ఎక్కువ భాగం ఫ్యాన్ వార్స్ అంటే చిరు – బాలయ్య సినిమాల మధ్యే ఉండేవి. ఆ రోజుల్లో వీరిద్దరూ పోటీలు పడి మరీ సినిమాలు రిలీజ్ చేసేవారు. వీరి కాంబో లో వచ్చిన సినిమా లో ఏ హీరో సినిమా హిట్ అయితే.. ఆ హీరో అభిమానులు మరో హీరో అభిమానులను టార్గెట్ చేస్తూ సంబరాలు చేసేవారు.. ఇంకా అప్పటి ఫ్యాన్ వార్స్ రేంజ్ వేరే లెవెల్ ఉండేది. ఒకేసారి ఇద్దరు స్టార్ హీరోల సినిమాల రిలీజ్ అయితే ఆ కిక్ వేరే లెవెల్. అయితే, వీరిద్దరి సినిమాల ఒకేసారి రిలీజ్ అయి బాక్స్ ఆఫీస్ వద్ద క్లాష్ అయిన 15 సినిమాల లిస్ట్ ను మనం ఇప్పుడు చూద్దాం..

#1 చట్టం తో పోరాటం – ఆత్మబలం

ఈ రెండు సినిమాలు 1984 లో ఒకే రోజు రిలీజ్ అయ్యాయి. ఆ రోజుల్లో ఇద్దరు స్టార్ హీరోల సినిమా లు  ఒకేరోజు రిలీజ్ అవడం ఇదే మొదటిసారి. చిరు సినిమా హిట్ కొడితే, బాలయ్య బాబు సినిమా యావరేజ్ గా నిలిచింది.

#2 భార్గవ రాముడు – దొంగ మొగుడు

ఈ రెండు సినిమాలు 1987లో వచ్చాయి. రెండు సూపర్ హిట్ టాక్ తెచ్చుకున్నాయి.

#3 కధానాయకుడు – రుస్తుం

ఈ రెండు సినిమాలు 1984లో వచ్చాయి. కథానాయకుడు సినిమా బాలయ్య బాబు కెరీర్ లో బిగ్గెస్ట్ హిట్. ఓ సక్సెస్ ఫుల్ హీరో గా బాలయ్యను నిలబెట్టింది. మరో వైపు రుస్తుం సినిమా మాత్రం అంతగా ఆడలేదు.

#4 ముద్దుల కృష్ణయ్య – మగధీరుడు

బాలకృష్ణ సినిమా ముద్దుల కృష్ణయ్య విడుదల అయిన వారానికి మెగాస్టార్ మగధీరుడు సినిమా రిలీజ్ అయింది. ఈ రెండు సినిమాలు 1986లో వచ్చాయి. ముద్దుల కృష్ణయ్య ఏమో సూపర్ హిట్ అయిపొయింది. మగధీరుడు యావరేజ్ టాక్ తెచ్చుకుంది.

#5 మంగమ్మ గారి మనవడు – ఇంటిగుట్టు :

ఈ రెండు సినిమాల 1984 లో వచ్చాయి. ఫస్ట్ టైం బాక్స్ ఆఫీస్ క్లాష్ అయిన సినిమాలు ఈ రెండే. బాలకృష్ణ యాక్ట్ చేసిన మంగమ్మ గారి మనవడు సినిమా సూపర్ హిట్ అయింది. చిరంజీవి ఇంటిగుట్టు సినిమా మాత్రం యావరేజ్ టాక్ తెచ్చుకుంది.

#6 నిప్పులాంటి మనిషి – కొండవీటి రాజా:

ఈ సినిమాలు కూడా ఒకేసారి రిలీజ్ అయి బాక్స్ ఆఫీస్ ను బద్దలుకొట్టేశాయి. ఈ రెండు సినిమాలు 1986లో వచ్చాయి.

#7 రాము- పసి వాడి ప్రాణం:

ఈ రెండు సినిమాలు 1987 లో వచ్చాయి. ఈ రెండు సినిమాలు కూడా మంచి టాక్ నే తెచ్చుకున్నాయి. పసి వాడి ప్రాణం సినిమా మాత్రం బిగ్గెస్ట్ ఇండస్ట్రీ హిట్ గా నిలిచింది.

#8 పెద్దన్నయ్య – హిట్లర్

1988 లో క్లాష్ అయ్యాక, మళ్ళీ పదేళ్ల తరువాత ఈ సినిమాలతో బాలయ్య చిరు క్లాష్ అయ్యారు. ఈ రెండు సినిమాలు1997 లో వచ్చాయి. ఈ రెండు సూపర్ హిట్ అయ్యాయి. హిట్లర్ మూవీ తో మెగాస్టార్ అప్పట్లో మాస్ కమ్ బ్యాక్ ఇచ్చారు.

#9 అపూర్వ సహోదరులు- రాక్షసుడు

ఈ రెండు సినిమాలు 1986 లో వచ్చాయి. ఈ సినిమాల కూడా పాజిటివ్ టాక్ ను తెచ్చుకున్నాయి.

#10 ఇన్స్పెక్టర్ ప్రతాప్-మంచి దొంగ

ఈ రెండు సినిమాలు 1988 లో వచ్చాయి. ఈ రెండు మాస్ హిట్ లు కొట్టాయి. ఈ రెండు సినిమాల్లోనూ విజయశాంతే హీరోయిన్.

#11 నరసింహ నాయుడు – మృగరాజు

ఈ రెండు సినిమాలు 2001 లో వచ్చాయి.  బాలయ్య బాబు కు సింహా టైటిల్ కలిసిరావడం అనేది అప్పటినుంచే వుంది. ఈ సినిమా కూడా సూపర్ అయింది. అయితే, అంచనాలు అందుకోలేక మృగరాజు మాత్రం హిట్ కాలేదు.

#12 సమర సింహా రెడ్డి – స్నేహం కోసం

ఈ సినిమాలు కూడా ఒకేసారి వచ్చి హిట్ అయ్యాయి. ఈ రెండు సినిమాలు1999 లో వచ్చాయి. సమర సింహా రెడ్డి సినిమా బాలయ్య బాబు ను మాస్ హీరో గా ఓ లెవెల్ కు తీసుకెళ్లింది.

#13 గౌతమి పుత్ర శాతకర్ణి – ఖైదీ నెంబర్ 150

ఈ రెండు సినిమాలు 2017 లో వచ్చాయి. ఈ రెండు సినిమాలు తెలుగు సినీ అభిమానులకు ప్రత్యేకం. ఖైదీ చిరు 150 వ సినిమా కాగా, గౌతమి పుత్ర శాతకర్ణి బాలయ్యకు వందవ సినిమా.

#14 వంశోద్ధారకుడు – అన్నయ్య

ఈ రెండు సినిమాలు 2000 లో వచ్చాయి. మెగాస్టార్, బాలయ్య ఇద్దరు మొదటిసారి సంక్రాంతి కి రిలీజ్ చేసారు. వీటిల్లో అన్నయ్య సినిమా హిట్ అవ్వగా, వంశోద్ధారకుడు సినిమా ఫ్లాప్ అయింది.

#15 అంజి-లక్ష్మి నరసింహ

ఈ రెండు సినిమాలు 2004 లో వచ్చాయి. లక్ష్మి నరసింహ సూపర్ హిట్ అయింది. అంజి మాత్రం ప్లాప్ అయింది.

#16 అగ్నిగుండం – శ్రీ వీరబ్రహ్మేంద్ర స్వామి

ఈ రెండు సినిమాలు 1984 లో వచ్చాయి. బాలకృష్ణ నందమూరి వారసుడి గా శ్రీ మద్విరాట్ వీర బ్రహ్మేంద్ర స్వామి సినిమాలో నటించి మెప్పించారు. ఈ సినిమాను సీనియర్ ఎన్టీఆర్ డైరెక్ట్ చేసారు. అద్భుతమైన ఫలితాలను ఇచ్చింది. మరో వైపు చిరంజీవి అగ్నిగుండం సినిమా అంతగా ఆడలేదు.

17. యుద్ధ భూమి – రాముడు భీముడు

ఈ రెండు సినిమాలు 1988 లో వచ్చాయి. కేవలం ఏడు రోజుల గ్యాప్ లో ఈ సినిమాలు రిలీజ్ అయ్యాయి. రాముడు భీముడు బాక్స్ ఆఫీస్ రికార్డు లను బద్దలు కొత్తగా, యుద్ధ భూమి సినిమా మాత్రం యావరేజ్ టాక్ ను సొంతం చేసుకుంది.

టాలీవుడ్ చందమామ కాజల్ అగర్వాల్ పెళ్ళికి ప్రేమకి దూరం గా ఉంటున్నట్లు కనిపిస్తూ… దాదాపు పదేళ్ల పాటు తన ప్రేమ జీవితాన్ని కాపాడుకుంటూ వచ్చింది. ఉన్నట్లుండి.. తన లవ్ స్టోరీ ని రివీల్ చేసేసి, తన ప్రియుడు గౌతమ్ చేత మూడు ముళ్ళు వేయించేసుకుంది. అంతా చాలా సడన్ గా జరిగిపోయినా, మొత్తానికి తన ప్రేమను నిలబెట్టుకోవడం తో ఫ్యాన్స్ కూడా హ్యాపీ అయ్యారు. సడన్ గా పెళ్లి అనేసరికి హర్ట్ అయినా.. పెళ్లి తరువాత కూడా సినిమాలు కంటిన్యూ చేస్తోంది కాబట్టి కాజల్ ఫ్యాన్స్ హ్యాపీ గానే ఉన్నారు.

ప్రస్తుతం ఈ ముద్దుగుమ్మ “ఆచార్య” లో చిరు సరసన నటిస్తున్న సంగతి తెలిసిందే. కమలహాసన్ తో పాటు “ఇండియన్ – 2 ” సినిమాలో కూడా నటిస్తోంది. ఇది కాకుండా హిందీ లో మరో చిత్రాన్ని చేస్తోంది. ఇటీవల పెళ్లి తరువాత మాల్దీవుల్లో హాట్ ఫొటోస్ తో మెస్మరైజ్ చేసిన కాజల్..

తాజాగా తన లవ్ స్టోరీ లోని సీక్రెట్స్ ని ఇప్పుడిప్పుడే రివీల్ చేస్తోంది. మేడం టుస్సాడ్స్ మ్యూజియం లో కాజల్ మైనపు విగ్రహాన్ని ఆవిష్కారించారన్న సంగతి విదితమే. ఈ విగ్రహం ఆవిష్కరించి నేటికీ ఏడాది కావొస్తోంది. ఈ విగ్రహ ఆవిష్కరణ రోజు.. కాజల్ తో పాటు కాజల్ ఫామిలీ మెంబెర్స్ కూడా హాజరు అయ్యారు.

ఆ ఫోటోలు కూడా నెట్టింట్లో వైరల్ అయినా సంగతి తెలిసిందే. అందరికి తెలియని విషయం ఏమిటంటే.. కాజల్ మైనపు విగ్రహం ఆవిష్కరణ రోజు కంటే ఒకరోజు ముందే గౌతమ్ అక్కడకు చేరుకున్నాడు. ఆ మైనపు బొమ్మని తిలకించి, అక్కడే కాజల్ తో గడిపాడు. ఈ ఇద్దరు ఫోటోలు కూడా తీసుకున్నారు. ఆ తరువాత బిజినెస్ పని మీద గౌతమ్ అక్కడనుంచి వెళ్ళిపోయాడు. దీనితో ఈ విషయం మీడియా కి కూడా తెలియలేదు. తాజాగా, ఈ ముద్దుగుమ్మ ఈ ఫోటోలను అందరితో పంచుకుంది. ఈ ఫోటోలు ఇప్పుడు నెట్టింట్లో వైరల్ అవుతున్నాయి.

మన స్టైలిష్ స్టార్ బన్నీ సినిమా “సరైనోడు” ఎంత హిట్ అయిందో ప్రత్యేకం గా చెప్పక్కర్లేదు. తెలుగు లోనే కాదు.. ఈ సినిమా ను హిందీ లో డబ్ చేసి అదే టైటిల్ తో యు ట్యూబ్ లో పెట్టిన తరువాత కూడా సరైనోడు రికార్డు లు సృష్టించింది. యాభై కోట్లతో తెరకెక్కిన ఈ సినిమా మూడు వారాల్లోనే 101 కోట్లు సాధించి బ్లాక్ బస్టర్ గా నిలిచింది.

ఇంతటి బ్లాక్ బస్టర్ సినిమా లో కూడా ఓ మిస్టేక్ ఉంది. ఇలాంటి మిస్టేక్ లు కమర్షియల్ సినిమాలలో సర్వ సాధారణం గా ఉంటాయి. అదేంటంటే.. హీరో అల్లు అర్జున్ ఎమ్మెల్యే గా ఉన్న కేథరిన్ ను ప్రేమిస్తాడు. అంత వరకు బాగానే ఉంది.. కానీ సడన్ గా రకుల్ ప్రీత్ సింగ్ వచ్చి ఫ్లాష్ బ్యాక్ ని చెప్పి అల్లు అర్జున్ ని ప్రేమిస్తున్నట్లు చెబుతుంది. అల్లు అర్జున్ కూడా ఆమెను కాపాడతాడు.

watch video:

ఈ ఫ్లాష్ బ్యాక్ చెప్పేటప్పుడు మధ్యలో బ్లాక్ బస్టర్ సాంగ్ వస్తుంది. అసలు అల్లు అర్జున్ ఆ పాటకి స్టెప్పులేసినట్లు రకుల్ ప్రీత్ సింగ్ కి ఎలా తెలుసు? తెలియదు కదా… కానీ ఆ ఫ్లాష్ బ్యాక్ మొత్తం ఆమె చెప్తుంది. ఇలాంటి మిస్టేక్ లు జరగడం చాలా కామన్.

బాహుబలి లో కూడా ఇలాంటి మిస్టేక్ జరిగింది. కట్టప్ప జూనియర్ బాహుబలి కి స్టోరీ చెబుతున్నపుడు రానా, అమరేంద్ర బాహుబలి రానా కలిసి మనోహరి పాటకు డాన్స్ చేస్తారు. వాళ్లిద్దరూ డాన్స్ చేసినట్లు స్టోరీ ప్రకారం అయితే కట్టప్ప కు తెలియదు. కానీ కట్టప్ప స్టోరీ ని నేరేట్ చేస్తున్నప్పుడే ఈ పాట కూడా వస్తుంది.

ఇవేమి పెద్ద పెద్ద పొరపాట్లు ఏమి కాదు. కాకపొతే సినిమా తీసేటప్పుడు అలా సహజం గా జరిగిపోతుంటాయంతే. కానీ, మనం సినిమా చూసినపుడు మనకి ఇలాంటి డౌట్ లు వస్తూ ఉంటాయి అంతే.

చిన్న పిల్లలు ఎప్పుడూ క్యూట్ లుక్స్ తో ముద్దు గా ఉంటారు. అందులో స్టార్ హీరో కిడ్స్ అయితే వారిపై ఉండే ఫోకస్ వేరే లెవెల్ అసలు. ఈ ఫోటో లో ఉన్న అబ్బాయి కూడా ఓ స్టార్ హీరో కిడ్. ఇటీవల ఓ పెళ్లి వేడుకలో ఈ ఫోటోలను క్లిక్ అనిపించారు. ఈ ఫోటోలు ఇప్పుడు సోషల్ మీడియా లో వైరల్ అయిపోతున్నాయి. ఇంతకు ఆ స్టార్ హీరో ఎవరో.. ఈ కిడ్ విశేషాలేంటో.. మీరు కూడా ఓ లుక్ వేసేయండి.

ఇంత ముద్దుగా ఉన్న ఈ బుడతడి పేరు అద్విక్. కోలీవుడ్ స్టార్ హీరో అజిత్ కి కొడుకు. అజిత్ వాళ్ళ ఫామిలీ లో జరిగిన ఓ పెళ్లి ఫంక్షన్ లో ఈ బుడ్డోడిని కూడా ఫోటో లు తీశారు. క్యూట్ లుక్స్ తో ఉన్న బుడ్డోడు ఉన్నట్లుండి ఫేమస్ అయిపోయాడు. ప్రస్తుతం హీరో అజిత్ తమిళనాట వరస సినిమాలతో బిజీ గా ఉంటున్నాడు. తెలుగులో ‘ప్రేమ పుస్తకం’ అనే సినిమాలో నటించిన అజిత్ తమిళనాట మాత్రం బాగా ఫేమస్ అయ్యి సత్తా చాటుతున్నాడు.

కేవలం యాక్టర్ గానే కాకుండా, అజిత్ బైక్ రేసర్ గా కూడా సుపరిచితం. అజిత్ కు బైక్ రేసింగ్ అంటే చాలా ఇష్టం. తన సినిమాలలో కూడా బైక్ రేసింగ్ తో ఛేజింగ్ ఉండేలా చూసుకుంటాడు. అలాగే డైరెక్టర్లు కూడా అజిత్ టాలెంట్ తెలుసు కాబట్టి మస్తు గా యాక్షన్ సీన్ లను ప్లాన్ చేస్తుంటారు. వరుస హిట్ లతో దూసుకెళ్తున్న తమిళ సూపర్ స్టార్ తల అజిత్‌ కు బైక్ లంటే అంత పిచ్చి మరి. అజిత్ లాగానే, అజిత్ కిడ్ అద్విక్ కూడా క్యూట్ గా ముద్దొస్తున్నాడు కదా.. అద్విక్ కూడా పెద్దయ్యాక రేసర్ అవుతాడో..లేక తండ్రి లాగ సినిమా హీరో అవుతాడో చూడాలి. అజిత్ ఫాన్స్ మాత్రం ఎంతగానో ముద్దొస్తున్న అద్విక్ ఫోటోలను తెగ వైరల్ చేసేస్తున్నారు.

సినీ ఇండస్ట్రీ నిలదొక్కుకోవడానికి టాలెంట్ తో పాటు అదృష్టం కూడా కావాలి. అదే ప్రతిభ కు తగ్గ అవార్డు లభించాలన్నా కూడా ఎంతో శ్రమ పడాల్సి ఉంటుంది. ఓ సినిమా లో నటన కి అవార్డు వస్తేనే పొంగిపోయే వారు బోలెడు మంది ఉంటారు. కానీ, సినిమా అవార్డుల సంగతి పక్కన పెట్టి ఏకం గా గిన్నిస్ బుక్ లోనే రికార్డు కొట్టేస్తే..? అలాంటి వ్యక్తుల వెనక ఎంత కృషి..పట్టుదల ఉండి ఉండాలి. వారు మిగిలిన వారికి ఆదర్శం కూడా. అలా టాలీవుడ్ లో గిన్నిస్ బుక్ లో స్థానం సంపాదించుకున్న 6 సెలెబ్రిటీస్ వీళ్ళే. ఎవరో తెలుసుకోవాలనుకుంటే ఈ ఆర్టికల్ చదివేయండి మరి.

1. విజయ నిర్మల:

విజయ నిర్మల గారు 2000 సంవత్సరం లోనే గిన్నిస్ బుక్ రికార్డుల్లోకి ఎక్కారు. చిన్న వయసు లోనే సినీ ఇండస్ట్రీ కి వచ్చిన విజయనిర్మల తెలుగు, తమిళ్, మలయాళం, కన్నడ భాషల్లో దాదాపు 42 సినిమాలను డైరెక్ట్ చేసి రికార్డు సృష్టించారు.

2. బ్రహ్మానందం:

ఫేస్ ఎక్స్ప్రెషన్స్ తోనే కామెడీ పండించేయగల మహానుభావుడు. మరో వందేళ్లయినా కామెడీ అంటే ఆయన పేరే గుర్తొస్తుంది. కమెడియన్స్ లో లెజెండ్ ఎవరు అంటే బ్రహ్మానందమే. ఆయన వెయ్యికి పైగా సినిమాల్లో నటించినందుకుగాను 2010 లో గిన్నిస్ బుక్ లో చోటు దక్కించుకున్నారు.

3. సుశీల:

సుశీల గారికి గాన కోకిల అనే బిరుదు ఉంది. ఆమె 18 వేల పాటలు పాడి గిన్నిస్ బుక్ లో స్థానం దక్కించుకున్నారు. ఇప్పటికి ఆమె పాటలు మోగుతూనే ఉంటాయి.

4. ఎస్పీ బాల సుబ్రహ్మణ్యం:

ఎస్పీ బాల సుబ్రమణ్యాన్ని మనం గాన గంధర్వుడు గా పిలుచుకుంటాం. ఈయన ఏకం గా నలభై వేల పాటలు పాడి రికార్డు సృష్టించారు. 2001 లో బాలు గారు గిన్నిస్ బుక్కులోకెక్కారు. దురదృష్టవశాత్తు, కరోనా కారణం గా మనం బాలు గారిని పోగొట్టుకున్నాం.

5. గజల్ శ్రీనివాస్:

ఈయన గజల్స్ బాగా పాడతారు. వంద భాషల్లో వంద గజల్స్ ను పాడి సింగర్ గా గిన్నిస్ లో చోటు దక్కించుకున్నారు. ఈయన పేరు 2008 లో గిన్నిస్ బుక్ లోకి ఎక్కింది.

6. డా.రామానాయుడు:

ఎక్కువ సినిమాలు నిర్మించిన ప్రొడ్యూసర్ గా డా.రామా నాయుడు గారు గిన్నిస్ బుక్ లోకి ఎక్కారు. రామానాయుడు గారు పదమూడు భాషల్లో మొత్తం 150కి పైగా సినిమాలను నిర్మించారు. ఎక్కువ సినిమాలను నిర్మించినందుకు గాను ఈయన పేరు ను 2008 లో గిన్నిస్ బుక్ లో రికార్డు చేసారు.

ఇండస్ట్రీలో తమ తల్లి నుండి లేదా తండ్రి నుండి నటన వారసత్వాన్ని ముందుకు నడిపిస్తున్న నటీనటులే కాకుండా సోదరీ సోదరుల నుండి నటనను ముందుకు తీసుకు వెళుతూ ఇండస్ట్రీలో అడుగుపెట్టిన నటులు ఎంతో మంది ఉన్నారు.

అన్న తర్వాత వచ్చిన తమ్ముడు, అలాగే సోదరి తర్వాత వచ్చిన చెల్లెళ్ళు కూడా ఉన్నారు. అలా ఇండస్ట్రీలో ఉన్న కొంత మంది అక్క చెల్లెళ్ళు ఎవరో ఇప్పుడు చూద్దాం.

#1 జయసుధ – సుభాషిణి

సుభాషిణి గారు కూడా ఎన్నో తెలుగు తమిళ సినిమాల్లో నటించారు. అరుంధతి సినిమాలో సోను సూద్ తల్లి గా కనిపించారు.

#2 రాధిక – నిరోషా

నిరోషా సినిమాలతో పాటు సీరియల్స్ లో కూడా నటిస్తున్నారు. నందమూరి బాలకృష్ణ హీరోగా వచ్చిన నారీ నారీ నడుమ మురారి సినిమాలో ఒక హీరోయిన్ గా నటించారు నిరోష.

#3 కాజల్ అగర్వాల్ – నిషా అగర్వాల్

ఏమైంది ఈ వేళ ఈ సినిమాతో తెలుగు ఇండస్ట్రీలో అడుగుపెట్టిన నిషా అగర్వాల్ తర్వాత సోలో,  సుకుమారుడు, సరదాగా అమ్మాయితో పాటు ఇంకా కొన్ని సినిమాల్లో నటించారు.

#4 భాను ప్రియ – శాంతి ప్రియ

శాంతి ప్రియ కూడా సినిమాలతో పాటు సీరియల్స్ లో కూడా నటిస్తున్నారు. ఎక్కువగా హిందీ సీరియల్స్ లో కనిపిస్తారు.

#5 ముమైత్ ఖాన్ – జుబైద్ ఖాన్

జుబైద్ ఖాన్ జగడం సినిమాలో ఒక స్పెషల్ సాంగ్ లో కనిపించారు. తర్వాత ఇంకా కొన్ని సినిమాల్లో కూడా నటించారు.

#6 సిమ్రాన్ – మోనాల్

మోనాల్ తమిళ సినిమాల్లో నటించారు. 2002లో మోనాల్ ఈ లోకాన్ని విడిచి వెళ్లిపోయారు.

#7 కరిష్మా కపూర్ – కరీనా కపూర్

కరిష్మా కపూర్, కరీనా కపూర్ ఇద్దరూ బాలీవుడ్ లో స్టార్ హీరోయిన్స్ గా గుర్తింపు తెచ్చుకున్నారు.

#8 కత్రినా కైఫ్ – ఇసబెల్లా

ఇసబెల్లా కైఫ్ ఈ సంవత్సరం సినిమా ఇండస్ట్రీలో అడుగు పెట్టబోతున్నారు.

#9 శృతి హాసన్ – అక్షర హాసన్

అక్షర హాసన్ తమిళ్ లో వివేగం, కదరం కొండాన్ సినిమాల్లో చేశారు. అలాగే హిందీలో కూడా రెండు సినిమాల్లో నటించారు.

#10 సంజన గల్రాని – నిక్కీ గల్రాని

నిక్కీ గల్రాని తమిళ్ సినిమాలతో పాటు తెలుగులో కూడా కృష్ణాష్టమి సినిమాలో నటించారు.

#11 జ్యోతిక – నగ్మా – రోషిని

రోషిని తెలుగులో మెగాస్టార్ చిరంజీవి హీరోగా వచ్చిన మాస్టర్ సినిమాలో నటించారు

#12 నమ్రత శిరోద్కర్ – శిల్పా శిరోద్కర్

శిల్పా శిరోద్కర్ కూడా హిందీ సినిమాలు సీరియల్స్ తో పాటు తెలుగులో కూడా ఒక సినిమాలో నటించారు.

#13 ప్రీత – శ్రీదేవి – వనిత

వనిత దేవి సినిమాలో మరొక హీరోయిన్ గా నటించారు.

#14 షాలిని – షామిలీ

షామిలీ తెలుగులో ఓయ్ అమ్మమ్మగారిల్లు సినిమాల్లో నటించారు

#15 కాజోల్ – తనీషా

తనీషా తెలుగులో జూనియర్ ఎన్టీఆర్ హీరోగా నటించిన కంత్రి సినిమాలో మరో హీరోయిన్ గా నటించారు.

#16 జయమాలిని – జ్యోతిలక్ష్మి

జయమాలిని గారు జ్యోతి లక్ష్మి గారు ఎన్నో సినిమాల్లో నటించారు.

#17 శిల్పా శెట్టి – షమితా శెట్టి

షమితా శెట్టి హిందీ సినిమాలతోపాటు తెలుగులో పిలిస్తే పలుకుతా సినిమాలో నటించారు.

#18 షావుకారు జానకి – కృష్ణ కుమారి

కృష్ణ కుమారి గారు తెలుగు తమిళ సినిమాలతో పాటు హిందీ కన్నడ సినిమాల్లో కూడా నటించారు.

#19 కల్పనా – ఊర్వశి – కళారంజని

కల్పన గారు తెలుగులో ఊపిరి సినిమాలో నటించారు. ఊర్వశి గారు కూడా తెలుగులో ఎన్నో సినిమాల్లో నటించారు. కళారంజని గారు ఎక్కువగా మళయాళం సినిమాల్లో, అలాగే టీవీ షోస్ లో కూడా నటించారు.

#20 హరిత – రవళి

రవళి ఎన్నో సినిమాల్లో నటించారు. హరిత సినిమాలతో పాటు సీరియల్స్ లో కూడా నటిస్తున్నారు.

#21 లలిత – పద్మిని – రాగిణి

వీరిని ట్రావెన్కోర్ సిస్టర్స్ అని కూడా పిలుస్తారు. మీరు తెలుగు తమిళ్ కన్నడ మళయాళం సినిమాల్లో నటించారు. ప్రముఖ నటులు శోభన, వినీత్ వీరికి బంధువులు అవుతారు.

#22 శుభ శ్రీ – మాలా శ్రీ

శుభ శ్రీ జెంటిల్మెన్, ముత్తు, పెదరాయుడు సినిమాలతో ఎంతో గుర్తింపు పొందారు. మాలాశ్రీ కూడా తెలుగు సినిమాలతో పాటు కన్నడ సినిమాల్లో కూడా నటించారు.

#23 సాక్షి శివానంద్ – శిల్పా ఆనంద్

శిల్పా ఆనంద్ విష్ణు హీరోగా నటించిన మొదటి సినిమా విష్ణు సినిమాలో హీరోయిన్ గా నటించారు.

#24 ఆర్తి అగర్వాల్ – అదితి అగర్వాల్

అదితి అగర్వాల్ అల్లు అర్జున్ హీరోగా నటించిన మొదటి సినిమా గంగోత్రి తో ఇండస్ట్రీకి పరిచయం అయ్యారు. ఆ తర్వాత కొన్ని తెలుగు సినిమాల్లో నటించారు.

#25 కార్తీక నాయర్ – తులసి నాయర్

తులసి నాయర్ మణిరత్నం దర్శకత్వం వహించిన కడల్ సినిమాతో ఇండస్ట్రీకి పరిచయం అయ్యారు. ఈ సినిమా తెలుగులో కడలి పేరుతో డబ్ అయింది. ఆ తర్వాత కొన్ని తమిళ సినిమాల్లో నటించారు.

బాహుబలి తరువాత రాజమౌళి ఎంతో ప్రతిష్టాత్మకం గా రూపొందిస్తున్న సినిమా “ఆర్ ఆర్ ఆర్”. మామూలుగానే రాజమౌళి సినిమా అంటే ఓ రేంజ్ లో హైప్ ఉంటుంది. అందులోను రామ్ చరణ్, ఎన్టీఆర్ హీరోలుగా, అలియా భట్ తో పాటు బ్రిటిష్ నటి ఒలీవియా కూడా నటిస్తోంది అనేసరికి అభిమానుల ఎక్సపెక్టషన్స్ ఏ రేంజ్ కి రీచ్ అయిపోయి ఉంటాయో చెప్పలేం. ఇటీవలే ఒలీవియా పుట్టిన రోజు సందర్భం గా ఆమె పాత్ర పేరుతొ ఆమె లుక్ ను “ఆర్ ఆర్ ఆర్” టీం విడుదల చేసింది.

ఈ సినిమా లో ఆమె జెన్నిఫర్ గా కనిపించనున్నారు. ఈ పాత్రలో ఆమె ఎంతగానో ఆకట్టుకుంటున్నారు. ఈ సినిమాలో చరణ్ సరసన అలియా భట్ నటిస్తుండగా, ఎన్టీఆర్ సరసన బ్రిటిష్ నటి ఒలీవియా నటిస్తున్నారు. “ఆర్ ఆర్ ఆర్” లో ఆమె బ్రిటిష్ అమ్మాయి జెన్నిఫర్ గా కనిపించనున్నారు. ఈ పాత్రలతో పాటు సముద్రఖని, శ్రీయ, అజయ్ దేవగన్, అలిసన్ డుడి కూడా ముఖ్య పాత్రల్ని పోషిస్తున్నారు. అక్టోబర్ 13 న దసరా కానుక గా ఈ సినిమా విడుదల కానుందని ఇటీవలే చిత్ర యూనిట్ ప్రకటన కూడా చేసేసింది.

అయితే, జెన్నిఫర్ ఫోటో ను రిలీజ్ చేయగానే, ఒలీవియా తన ఇంస్టాగ్రామ్ ఖాతా లోని ఓల్డ్ ఫోటోలను డిలీట్ చేసేసిందట. ఉన్నట్లుండి ఎందుకు డిలీట్ చేసేసింది అని అందరు చర్చ చేస్తున్నారు. ఆమె గతం లో చాలా బోల్డ్ గా ఉండేదట. ఆర్ ఆర్ ఆర్ సినిమా కి ఒప్పుకోకముందు.. ఆమె బోల్డ్ ఫోటోస్ తో తన ఇంస్టాగ్రామ్ లో హాట్ హాట్ పిక్స్ షేర్ చేసేది. ఆమె అందాల ఆరబోతతో రెచ్చిపోయేది.

ఆర్ ఆర్ ఆర్ కి ఒప్పుకున్నాక రాజమౌళి టీం కండిషన్స్ మేరకు ఆ ఫోటోలను డిలీట్ చేసిందని తెలుస్తోంది. ఆమె బోల్డ్ ఫోటోల ప్రభావం ఆర్ ఆర్ ఆర్ లో జెన్నిఫర్ పాత్రపై పడే అవకాశం ఉందని అందుకే ఆ ఫోటోలు డిలీట్ చేసిందని తెలుస్తోంది. అయితే, ఆమె బర్త్ డే సందర్భం గా జెన్నిఫర్ లుక్ ని రిలీజ్ చేయడం తో.. ఆమె అందాన్ని చూసి ఆమె ఫోటోలను సెర్చ్ చేస్తున్నారు. ప్రస్తుతం ఆమె పేరు ట్రేండింగ్ లో ఉంటోంది. దాదాపు రెండు లక్షలకు పైగా సినీ అభిమానులు ఆమె పేరుని సెర్చ్ చేశారట. ఒలీవియా మ్యూజిక్ అండ్ డ్రామా కోర్స్ లో గ్రాడ్యుయేషన్ చేసిందట. అంతకుముందు పలు హాలీవుడ్ షోస్ లో కూడా కనిపించింది.