Human angle

మనం అనుకున్నామని అన్నీ జరగవు. అనుకోలేదు అని ఆగిపోవు కొన్ని.. అంటూ ఆత్రేయ ఎప్పుడో చెప్పారు. మన జీవితంలో ఇలాంటి అనుభవం ఎదురైనప్పుడల్లా మనం ఈ లైన్స్ ను తలచుకుంటూనే ఉంటాం. ఈ ఆర్టికల్ లో చెప్పుకోబోయే స్టోరీ కూడా అలాంటిదే. ప్రభుత్వ ఉద్యోగుల కుటుంబంలో పుట్టిన ఈ అమ్మాయి సాఫ్ట్ వేర్ రంగంలో ఎదిగింది.

తాను టైలర్ ని అవుతాను అని ఎప్పుడు ఆమె అనుకోలేదు. అసలు సాఫ్ట్ వేర్ ఉద్యోగాన్ని వదిలేసి మరీ టైలర్ అవ్వడం వెనుక అసలు స్టోరీ ఏంటో ఇప్పుడు తెలుసుకుందాం.

ఈ అమ్మాయి పేరు సుష్మిత లకాకుల. ఆమె పుట్టి పెరిగినదంతా హైదరాబాద్ లోనే. ఇంట్లో అందరు ప్రభుత్వ ఉద్యోగులే. తల్లి సునంద, తండ్రి బాలకృష్ణ, ఎస్‌బీహెచ్‌లో మేనేజర్‌గా చేసి రిటైర్ అయ్యారు. తాను కూడా బీసీఏ చదివి ఆ తరువాత బిట్స్‌ పిలానీ నుంచి ఎం.ఎస్‌., ఐఐఎం కోల్‌కతా నుంచి ఎగ్జిక్యూటివ్‌ ఎంబీఏ ను చదివింది. ఓ ప్రముఖ సాఫ్ట్ వేర్ కంపెనీలో మంచి పొజిషన్ లో ఉద్యోగం చేస్తోంది.

విప్రో, డెల్‌, క్వాంటమ్‌ లాంటి సంస్థల్లో కూడా ఆమె పని చేసింది. అయితే.. నాకెప్పుడూ సొంతంగా ఎదో ఒకటి చేయాలి అని ఉండేది అని చెప్పుకొస్తారు సుష్మిత. లాక్ డౌన్ టైం లో ఉన్నపుడు ఆమెకు చిన్న పాప ఉండేది. ప్రస్తుతం వీరు కోకాపేటలో ఉంటున్నారు. తనకి ఎప్పుడు దుస్తుల్ని రెడీ మేడ్ గా కొనుక్కోవడం కంటే.. కుట్టించుకోవడమే అలవాటు. అయితే.. లాక్ డౌన్ సమయంలో మాత్రం అది కుదరలేదు. ఆన్ లైన్ లో ఎవరైనా కుట్టేవారు దొరుకుతారేమోనని చాలా వెతికింది. ఇంటికి వచ్చి కొలతలు తీసుకుని కొట్టేవాళ్ళు ఎవరైనా ఉంటె బాగుండు అనుకుంది.

అయితే ఆన్ లైన్ లో అలా ఏమీ దొరక్క పోవడంతో.. తానె ఆ పని ఎందుకు ప్రారంభించకూడదు అనుకుంది. ఈ విషయాన్నీ భర్తతో చెబితే ఏదైనా యాప్ అయితే బాగుంటుందని సూచించారు. దీనితో టైలరింగ్, మాస్టర్స్ అందరిని కలుపుని యాప్ ఆధారిత బోటిక్ ను ప్రారంభించాలని అనుకున్నాం. అందుకోసం ప్రయత్నాలు చేసాం. అలా 2020 డిసెంబర్ లో ‘క్లౌడ్‌ టైలర్‌’ ను ప్రారంభించాం. ఇపుడు ఫ్యాషన్ డిజైనర్లు, యాప్ డెవలప్మెంట్ కు ఒక టీం, మాస్టర్ టైలర్లు కలిపి మొత్తం ముప్పై మందికి పైగా పని చేస్తున్నారు. లాక్ డౌన్ టైం ఇబ్బంది పడ్డ అందరికి ఈ యాప్ ఉపయోగపడుతుందనిపించింది.

మొదటగా సన్నిహితులు, మా అపార్ట్మెంట్ వారు సపోర్ట్ గా నిలిచారు. ప్రస్తుతం ఇతర నగరాల నుంచి కూడా ఆర్డర్లు వస్తున్నాయి. మధ్య తరగతి వారికి అందుబాటులోనే ఈ ధరలు ఉంటాయి. యాప్ లో లాగిన్ అయ్యి అవసరమైన వివరాలు అందిస్తే అది ఓ ఫ్యాషన్ డిజైనర్ కి సబ్మిట్ అవుతుంది. అవసరమైతే వాయిస్ ఫైల్ ను కూడా పంపించొచ్చు. అవసరమైన సూచనలు ఇవ్వొచ్చు. అన్ని ఒకే అయ్యాక కస్టమర్ కి కావాల్సిన విధంగా కుట్టి పంపిస్తారు. కస్టమర్లతో మాట్లాడి ఫీడ్ బ్యాక్ తీసుకుంటున్నాం. ఎప్పటికప్పుడు యాప్ ని డెవెలప్ చేసుకుంటూ వస్తున్నాం. అలాగే.. వినియోగదారులకు సమయానికి అందించే విషయం పైన కూడా దృష్టి పెడుతున్నాం.

సాధారణంగా చాలామందికి చిరాకు తెప్పించే విషయం వెయిట్ చేయడం. కొంచెం టైం వరకు అంటే వెయిట్ చేయగలుగుతాం.

కానీ ఒక పాయింట్ వచ్చిన తర్వాత చిరాకు మొదలవుతుంది. కానీ ఒక మహిళ తనకు న్యాయం జరగడం కోసం 52 సంవత్సరాలు ఎదురు చూసింది. వివరాల్లోకి వెళితే.

1967 లో సంపత్ సిన్హ్ అనే వ్యక్తికి లీలాతో పెళ్లి జరిగింది. పెళ్లయిన ఏడాదికి సంపత్ మరణించారు. వాళ్ల ఆచారాలను కట్టుబాట్లని గౌరవించి లీలా తన పుట్టింటికి వెళ్లిపోయారు. తర్వాత లీలా కి ఒక విషయం తెలిసింది. అదేంటంటే. నదియాడ్ లో ఉన్న 43 బిగాళ్ళ భూమి తన భర్త పేరు మీద ఉందని, దాన్ని తన మరిది మహిపత్ సిన్హ్ వాడుకుంటున్నారు అని తెలిసింది.

లీలా వెళ్లి మహిపత్ ని అడగగా అలాంటిదేమీ లేదు అని చెప్పారు. కానీ ఊరులో వాళ్లని ఆరాతీస్తే తన భర్త పేరుపై భూమి ఉన్న మాట నిజమే అని తెలిసింది. దాంతో లీలా పోలీసులను ఆశ్రయిస్తే పత్రాలు లేకపోవడంతో కేసు నమోదు చేయలేకపోయారు. మహిపత్ అప్పటికే తనకి అనుకూలంగా అన్ని పత్రాలను సృష్టించుకున్నారు.

దాంతో లీలా ఈ భూమి విషయం పై న్యాయం కోసం ప్రతి ప్రభుత్వ కార్యాలయాన్ని అడుగుతున్నారు. తర్వాత లీలా కి మమ్లట్ దార్ మున్సిపల్ ఆఫీసులో తన భర్త పేరుపై ఈ భూమికి సంబంధించిన డాక్యుమెంట్స్ ఉన్నాయని తెలిసింది. అంతే కాకుండా ఆ భూమికి కేవలం ఆయన ఒక్కరే వారసులు అని కూడా ఉంది.

లీలా ఈ పత్రాలని కోర్టులో సబ్మిట్ చేశారు. డిసెంబర్ 18, 2020 లో ఈ పత్రాలని పోలీస్ స్టేషన్ లో సబ్మిట్ చేశారు. ఈ విషయంపై మహిపత్ ని పిలిచి అడగగా తాను పత్రాలను ఫోర్జరీ చేసిన మాట నిజమే అని ఒప్పుకొన్నారు. పోలీసులు ఈ భూమికి హక్కుదారులు లీలా అని తేల్చారు. దాంతో 52 సంవత్సరాల తర్వాత లీలా కి న్యాయం లభించింది.

NOTE: Images used in the article and the featured image are just for representative purpose. But not the actual characters.

ఎప్పుడూ ఎవరినీ  మనం చులకనగా చూడకూడదు. ఎవరు ఎప్పుడు ఎలా ఉంటారు అనేది ఎవరికీ తెలియదు. ఈ క్షణం ఇలానే ఉంటుందని ఎప్పుడూ కూడా అనుకోవద్దు. ఒక్కొక్క సారి ఒక్కొక్కటి జరుగుతూ ఉంటుంది. నిజానికి జీవితంలో ఎన్నో సంఘటనలు ఉంటాయి.

పైగా ఊహించలేని సందర్భాలు ఎన్నో మనకు ఎదురవుతూ ఉంటాయి. అలాగే మనం ఈరోజు మంచి పొజిషన్ లో ఉన్నామని చిన్న స్థాయిలో ఉన్న వాళ్ళని చూసి చులకనగా మాట్లాడకూడదు, చూడకూడదు.

అలానే వృత్తిని బట్టి అవమానించకూడదు. ఏమో ఈ రోజు ఏమీ లేని వాడు రేపు ధనవంతుడు అవ్వచ్చు. లేదంటే ఇవాళ కోట్లాది ఆస్తి ఉన్నవాడు రేపు కూలివాడిగా కూడా మారిపోవచ్చు. జీవితంలో ఎన్నో మార్పులు జరుగుతూ ఉంటాయి. పైగా ఎంతో మంది జీవితంలో ఇలాంటి మార్పులు కూడా జరుగుతూనే ఉంటాయి. తాజాగా ఈమె ఇంటర్నెట్ లో సెన్సేషన్ గా మారిపోయింది.

ఈ బెలూన్లను అమ్మే అమ్మాయి చిన్నప్పుడే తండ్రిని కోల్పోయింది. దానితో తల్లితో పాటు బుడగలు అమ్ముకోవడం మొదలుపెట్టింది. ఈమె పేరు కుస్బూ. అయితే ఒక ఫోటో గ్రాఫర్ మాత్రం ఈమె కి ఫోటో తీసి వైరల్ గా మార్చేశాడు. ఫోటోగ్రాఫర్ తీసిన ఫోటోలు వైరల్ అవ్వడంతో ఆమె లుక్ ని మార్చాలని ఒక బ్యూటీ పార్లర్ కి తీసికెళ్ళి మేక్ఓవర్ చేసి తన కి ఫోటో షూట్ కూడా చేశారు.

ఆ ఫోటోలు కూడా బాగా వైరల్ అయ్యాయి. తన కూతుర్ని మంచి పొజిషన్లో చూడాలని తల్లి అనుకుంది. నిజానికి సోషల్ మీడియా చాలా మంది జీవితాలనే మార్చేసింది. ఈ అమ్మాయి జీవితాన్ని కూడా సోషల్ మీడియా ఇప్పుడు మార్చేసింది. బెలూన్స్ అమ్మే అమ్మాయి ఇప్పుడు చూడడానికి ఒక మోడల్ లాగ మారిపోయింది.

జీవితంలో ఏ క్షణం ఎలా ఉంటుందో ఎవరికి తెలియదు. అప్పటివరకు ఉన్న ఆనందం ఒక్కసారిగా మాయమవుతుంది. అయినప్పటికీ కూడా మనం చక్కగా ఎప్పటిలాగే ఉండాలంటే ధైర్యంగా ముందుకు వెళ్లాలి. పాజిటివ్ అయినా నెగటివ్ అయినా ప్రతి సందర్భాన్ని కూడా మనం మనకి అనుకూలంగా మార్చుకోవాలి. అప్పుడే మనం జీవితంలో ముందుకు వెళ్లగలం.

నిజానికి ఈమె జీవితంలో ఎదుర్కొన్న కష్టాలను చూస్తే ఏ విధంగా ముందుకు వెళ్లాలి అనేది తెలుస్తుంది. పైగా కష్టాలు వచ్చాయని ఆమె ఏ రోజు కుంగిపోలేదు. మరి ఇక ఆమె గురించి చూద్దాం.

source: instagram/thejaswi_nayak

ఈమెది కర్ణాటకలోని మంగళూరు. తల్లిదండ్రులు ఇద్దరూ కూడా బాగా చదువుకుని ఉద్యోగం చేస్తున్నారు. వీళ్ళు ఎప్పుడు కూడా ఉద్యోగాల్లో బిజీగా ఉండేవారు. అయినప్పటికీ ఆమెకి చదువులో ఎటువంటి సందేహాలు ఉన్నా వాళ్లు చెప్పేవారు. ఇలా వారి ప్రోత్సాహంతో స్కూలింగ్ ని పూర్తి చేసింది.

source: instagram/thejaswi_nayak

తర్వాత తండ్రి చనిపోవడంతో చాలా బాధలు పడ్డారు. అయితే తన తల్లే తండ్రై ఆమెని ముందుకు నడిపించింది. ఎంతో ధైర్యంగా ఉండాలని నేర్పించింది. ఆమె ప్రోత్సాహంతో ఈమె ఇంజనీరింగ్ పూర్తి చేసింది. బెంగుళూరు లో ఒక కంపెనీలో ఉద్యోగం కూడా సంపాదించింది. ఉద్యోగంలో చేరాక ఓ వ్యక్తితో ప్రేమలో పడింది. పెళ్ళికి అంగీకరించడంతో ఇద్దరు మూడు ముళ్ళతో ఒకటయ్యారు. అయితే కన్న కలలు అన్నీ కూడా ఒక్కసారిగా కూలిపోయాయి.

source: instagram/thejaswi_nayak

పెళ్లయిన సంవత్సరానికి భర్త చనిపోయాడు. అప్పటికే ఆమె మూడు నెలల గర్భవతి. అత్త నీ వల్లే నా కొడుకు చనిపోయాడని.. నీ కడుపులో ఉన్న బిడ్డ శనిలా దాపురించాడు అని అన్నారు. డాక్టర్లు కూడా అబార్షన్ చేయించుకోమని.. చాలా లైఫ్ ఉందని చెప్పారు. అయినప్పటికీ ఆమె తన మనసుని అనుసరించారు. బిడ్డను కనాలని అనుకున్నాను అని ఆమె చెప్పారు. బిడ్డ పుట్టిన తర్వాత థెరపీ తీసుకుని బయటపడింది.

source: instagram/thejaswi_nayak

నిజానికి తన తల్లి ఈమెని ఎంతో బాగా చూసుకున్నారు. దానివల్లే ఈమె ఎంతో ధైర్యంగా ఉండగలిగారు. ఒక పక్క ఉద్యోగం చేస్తూ మరో పక్క పాపను చూసుకుంటున్నారు. సింగిల్ పేరెంట్స్ కి ఈమె స్ఫూర్తిని నింపేలా సోషల్ మీడియాలో చిట్కాలు ఇస్తున్నారు. అయితే జీవితంలో ఎప్పుడూ కూడా కష్టాలు వస్తాయని.. కృంగిపోకూడదు అని.. వాటి నుంచి బయట పడిపోతే మళ్ళీ మన జీవితం బాగుంటుంది అని ధైర్యంగా అడుగు వేయండి. ఆమె జీవితంలో ఈ విషయాన్ని నేర్చుకున్నాను అని.. ప్రతి ఒక్కరూ దీనిని తెలుసుకోవాలని ఆమె తన స్టోరీ ని షేర్ చేసుకున్నారు.

మనిషికి మనిషికి తోడు ఉంటే ఎంతో బాగుంటుంది. నిజానికి మనిషికి మనిషికి తోడు ఉంటేనే జీవితానికి అర్థం కూడా ఉంటుంది. భార్యకి భర్త, భర్తకి భార్య కష్టసుఖాలను పంచుకోవడానికి.. అండగా నిలవడానికి.. ప్రోత్సహించడానికి.. అభినందించడానికి… తప్పులని తెలియ చేయడానికి ఉండాలి. అది అవసరం కూడా. పైగా పెళ్లి ఒక గొప్ప సెక్యూరిటీని ఇస్తుంది.

మానసికంగా పెళ్లి ఒక గొప్ప శక్తిని కూడా ఇస్తుంది. కొందరు మగవాళ్ళు ఉద్యోగానికి వెళ్లక పోయినా సరే భార్యలు తమ సొంత జీతంతో ఇల్లును నెట్టుకుని వచ్చే వాళ్ళు ఉన్నారు.

representative image

అటువంటి వాళ్లు ఎందుకు ఇంకా భర్తతో ఉన్నారు అంటే పెళ్ళితో మానసిక సెక్యూరిటీ వస్తుంది అలానే సోషల్ సెక్యూరిటీ కూడా. అందుకనే భర్త సంపాదించకపోయినా వారే కష్టపడి ఇంటిని నెట్టుకొస్తున్నారు. ఇది ఇలా ఉంటే ఈ మధ్య కాలంలో చాలా మంది 40 ఏళ్లు వచ్చినా సరే పెళ్లి చేసుకోవడం లేదు.

representative image

కుటుంబ పరిస్థితుల వలనో లేదూ అంటే ఉద్యోగం వల్లనో ఇలా వివిధ కారణాల వలన పెళ్లి చేసుకోవడం లేదు. అయితే పెళ్లి చేసుకోకపోవడం వలన వారికి తోడుగా ఎవరూ వుండరు. ఇప్పుడు ఎవరో ఒకరు వున్నా రేపన్న రోజు ఒంటరైపోతారు. అలానే అనారోగ్యం వచ్చినా చూసుకోవడానికి ఎవరు వుండరు. పైగా ప్రతీసారి ఒంటరిగా ఉండాలి. గెలుపుని పంచుకోవడానికి… ఓటమిలో సపోర్ట్ ఇవ్వడానికి కూడా నా అనే వారు వుండరు.

representative image

అందుకే పెళ్లిని పక్కన పెట్టేసి ఇంకా ఏవో సాధించాలనో.. బాధ్యతలని తీర్చాలనో అనుకోకండి. పెళ్లి తరవాత కూడా సాధించాలనుకున్నది అవుతుంది. మీ కలల్ని, మీ ఆశయాలని అప్పుడు కూడా పూర్తి చేసుకోవచ్చు. పైగా మంచి పార్టనర్ వస్తే జీవితమంతా అద్భుతంగా ఉంటుంది.

నిజానికి ఎందులోనైనా విజయం సాధించాలంటే ఒక చిన్న ఆలోచన చాలు. ఆ ఆలోచనతో కష్టపడుతూ ముందుకు వెళితే విజయం దానంతట అదే వస్తుంది. అంతే కానీ లేనిపోని ఆలోచనలు, అనుమానాలు పెట్టుకుని వచ్చిన మంచి ఆలోచనని కూడా ముందుకు తీసుకు వెళ్ళకుండా ఉంటే విజయం ఎలా వస్తుంది..? అయితే ఈ యువ జంట కి వచ్చిన ఒక మంచి ఆలోచన ఇప్పుడు కోట్లు కురిపిస్తోంది.

మరి ఒక్క ఆలోచనతో ఈ యువజంట జీవితం ఎలా మారిపోయింది అనేది ఇప్పుడు చూద్దాం. ఈ మధ్య కాలంలో చాలా మంది టీ, కాఫీ వంటి వాటిని అమ్ముతూ డబ్బులు సంపాదిస్తున్నారు. ఈ యువ జంట కూడా ‘డికాక్షన్’ పేరుతో టీ, కాఫీలను అమ్ముతున్నారు. ఈ చిన్న ఆలోచన ద్వారా వాళ్ళు ఇప్పుడు కోట్లు సంపాదిస్తున్నారు. ఏకంగా వంద చోట్ల వాళ్ళు ఈ వ్యాపారాన్ని మొదలు పెట్టడం జరిగింది. ఇక వివరాల్లోకి వెళితే.. అద్దేపల్లి సంతోషి, ఉదయ్ కిరణ్ హైదరాబాద్ ప్రాంతానికి చెందిన వారు.

కరోనా మహమ్మారి సమయంలో వీరు ఈ వ్యాపారాన్ని మొదలు పెట్టడం జరిగింది. ఆంధ్రప్రదేశ్, తెలంగాణ లో కూడా వీళ్లు ఈ బిజినెస్ ని మొదలు పెట్టారు. ఏప్రిల్ నాటికి 130 అవుట్ లెట్స్ దాటుతాము అని ఆనందంగా తెలుపుతున్నారు. కేవలం ఒక్క హైదరాబాద్లోనే 70 కేంద్రాలు వీరికి ఉన్నాయి.

వీరు ఇక్కడ మిల్క్, షేక్స్, థిక్ షేక్స్, కాఫీ, టీ వంటి వాటిని అమ్ముతూ ఉంటారు. పైగా చాలా మందికి వీటి ద్వారా ఉపాధిని కల్పించారు. అక్టోబర్ 2020 లో హైదరాబాదులో మొదట దీనిని ప్రారంభించారు. మూడు నెలల పాటు ఈ దంపతులు ఎంతగానో కష్టపడ్డారు. ఇలా ఒక్కొక్క అవుట్లెట్ ని ప్రారంభించి బిజినెస్ ని విస్తరించారు. నిజానికి సాధించాలి అనే సంకల్పం ఉండి.. దానికి తగ్గ కృషి, పట్టుదల ఉంటే ఎవరైనా విజయం సాధించవచ్చు అని ఈ జంట రుజువు చేసింది. మరి ఈ జంట మరెంత ఎత్తుకి వెళ్లాలని ఆశిద్దాం. అలానే వీరి విజయాన్ని ఆదర్శంగా తీసుకుని మనం కూడా ముందుకు వెళ్దాం.

నేను ఓ మధ్యతరగతి కుటుంబం నుంచి వచ్చిన అమ్మాయిని. మా ఇంట్లో నేనొక్కదాన్నే ఆడపిల్లని కావడం తో నన్ను గారాబం గా పెంచారు. పెళ్లి వయసు వచ్చాక అందరిలాగే నాకు కూడా నా తల్లితండ్రులు పెళ్లి చేసి పంపేయాలనుకున్నారు. కానీ, కొడుకులు లేని నా తల్లి తండ్రులకి నేనే ఆధారం అవ్వాలనుకున్నాను. నాకు నచ్చిన ఉద్యోగం చేసి మా నాన్నకి సపోర్ట్ గా నిలిచాను. నన్ను నేను చూసుకున్నప్పుడల్లా గర్వం గానే ఫీల్ అవుతుంటాను.

representative image

కానీ, ఈ సమాజం మాత్రం అందరిలా నన్ను మార్చేయాలని చూస్తూ ఉంటుంది. అందరిలా పెళ్లి చేసుకుని, అందరిలా పిల్లల్ని కనేసి.. ఆ తరువాత ఏమి ఉద్దరించాలో ఈ సమాజానికేమి తెలుసు..? ఆఫీస్ కు వెళ్లి ఇంటికి వచ్చేలోపు ప్రతి వాడి చూపులు మెడలో మంగళ సూత్రాలున్నాయా.. కాలికి మెట్టెలున్నాయా అని వెతుకుతుంటాయి. అవి కనపడకపోతే వాళ్ళ కళ్ళకి కామపు మబ్బులు కమ్ముతాయి. ఎప్పటిలా ఇవే ఆలోచనలతో ఆఫీస్ కు బయలుదేరిన నాకు వర్షం అడ్డొచ్చింది.

representative image

రోడ్డు దాటి బస్టాప్ షెల్టర్ కి చేరేసరికి వర్షం లో తడిసిపోయాను. నా బట్టలు కూడా తడిసిపోవడం తో, అక్కడ చాలా మంది అబ్బాయిలు కామం తో కళ్ళు మూసుకుపోయి  గుడ్లప్పగించి తదేకం గా చూస్తున్నారు. నాకు వెంటనే  జ్ఞానోదయం అయి స్కార్ఫ్ తీసి కప్పుకున్నాను. ఇలాంటి వారి కళ్ళ నుంచి తప్పుకోవడానికి ఆడవాళ్లు ఎన్ని పాట్లు పడతారో ఆ బ్రహ్మ కే ఎరుక. మృగాళ్లు తమ బుద్ధులు పోనిచ్చుకోనంతకాలం ఆడవాళ్ళ బట్టలు ఎలా వేసుకున్నా ఇక్కట్లు తప్పవు అని మనసులో అనుకుంటూ బస్సు కోసం వెయిట్ చేసాను.

representative image

ఈరోజు లేచిన వేళా విశేషమేమిటో గాని, అన్ని పనులు ఆలస్యమవుతూనే ఉన్నాయి. విసుగ్గానే ఆఫీస్ కు చేరుకున్నాను. నేను వెళ్ళేసరికే అక్కడ అంతా గందరగోళం నెలకొని ఉంది. మా ఆఫీస్ లో చిన్న ఫైర్ ఆక్సిడెంట్ జరిగింది. ఆఫీస్ లోని కంప్యూటర్ ప్లగ్ ఇన్స్ పెట్టె బోర్డు దగ్గర షార్ట్ సర్క్యూట్ జరగడం తో మంటలు అలుముకున్నాయి.. ఓ గది మొత్తం ఆ మంటలు వ్యాపించాయి. నేను ఆఫీస్ దగ్గరకి వెళ్లేసరికి నా ఫ్రెండ్ ని హడావిడిగా అంబులెన్స్ లో ఆసుపత్రికి తరలిస్తున్నారు.

representative image

మంటలు వ్యాపించిన గదిలోనే ఆమెకూడా ఉండడం తో, ఆమె శరీరానికి కూడా మంటలు అంటుకున్నాయి.  ఆమె తో పాటు నేనూ ఆసుపత్రికి వెళ్ళాను. కాలిన గాయాలతో ఆమె విలవిలలాడుతుంటే.. మనసు చివుక్కుమంది. ఒక్క క్షణం నాకు అప్పటివరకు జరిగిందంతా గుర్తుకు వచ్చింది. ఇంటి దగ్గర బయలుదేరి ఆఫీస్ కి వచ్చేవరకు నా పరిస్థితి కూడా అలానే ఉంది. నా మనస్సు కూడా దహించిపోతున్న బాధను అనుభవించింది. నా ఫ్రెండ్  శరీరానికి మంటలవలన గాయాలయితే, నా మనసుకి కామపు చూపుల్తో మంట అంటుకుంది. అంతే తేడా..!

అమ్మా..! ఎలా ఉన్నావ్.. నువ్వు పక్కన ఉన్నంత వరకు నేను బాగానే ఉన్నాను అమ్మా.. నిన్ను వదిలి ఇక్కడకి వచ్చిన తరువాతే నువ్వు నాకోసం ఎన్ని త్యాగాలు చేసేదానివో తెలిసొచ్చింది అమ్మా.. నీ దగ్గర ఉన్నంత వరకు తెలియరాలేదు.

నా అందమైన కలల ప్రపంచం లో బతికేసాను.. నాకోసం రెక్కల గుర్రం పై వచ్చే రాకుమారుడి కోసం ఎదురుచూస్తూ ఉన్నాను.. నా జీవితమంతా అతనితో గడపాలని, నవ్విస్తే నవ్వాలని తాపత్రయపడ్డాను..

కానీ వాస్తవాలు కఠినం గా ఉంటాయని తెలుసుకోలేకపోయాను. పెళ్లి చేసుకుని వచ్చిన తరువాత, ఓ కుటుంబాన్ని నిర్వహించడం వెనక ఇంత కష్టం ఉంటుందని తెలుసుకున్నాను. ఒక్కసారిగా మారిపోయిన పరిస్థితులు నన్ను గందరగోళానికి గురి చేస్తున్నా, నేను స్థిరంగా ఎలా ఉంటున్నానో తెలుసా అమ్మా? నిన్ను చూసే నేను ఇలా ఉండగలుగుతున్నాను. నీకు గుర్తుందా అమ్మా, నేను రోజు పొద్దున్నే ఎన్నింటికి నిద్ర లేస్తానో. అది కూడా నువ్వు నన్ను బుజ్జగించి లేపేదానివి. లేవగానే నా చేతిలో కాఫీ ప్రత్యక్షం అయ్యేది. నేను స్నానం చేసేసరికి ప్లేట్ లో టిఫిన్ పెట్టేదానివి.. ఆడుతూ పాడుతూ గడిపేసే నేను పెళ్లి అయ్యాక కొత్త పాఠాలు నేర్చుకుంటున్నా అమ్మా. నువ్వు ఎన్ని సార్లు నాకు చెప్పినా అర్ధం కాలేదు.. అత్తారిల్లు అయితే మాత్రం ఏంటి లే అనుకునేదాన్ని.

కానీ ఇక్కడ, అందరికంటే నేనే ముందు లేవాలి. అందరిని నేనే బుజ్జగించాలి. అందరికి కావాల్సినవి నేనే చూడాలి. అందరు నా పైనే ఆధారపడి ఉంటారు. ఎవరికి ఏమి తినాలని ఉన్నా అది నేనే వండిపెట్టాలి.. నాకోసం కూడా నేనే చూసుకోవాలి. అందరిని నేనే పట్టించుకుంటూ ఉంటె, చిన్నపుడు నన్ను కూడా ఇలానే లాలించిన నువ్వు గుర్తుకొస్తున్నావు అమ్మా.. అత్తారింట్లో అన్ని ఉంటాయి కదా అనుకున్నాను. కానీ అమ్మ ఉండదు అన్న సంగతి ఇప్పుడే తెలిసొస్తోంది అమ్మా.

నీకో విషయం తెలుసా.. నాకు చాలా సార్లు ఇక్కడ ఉండాలనిపించదు. నీ దగ్గరకి వచ్చేసి నీ వొళ్ళో తల పెట్టుకుని పడుకోవాలనిపిస్తుంది. నీ చేత నాకు నచ్చినవి వండించుకుని తినాలనిపిస్తుంది. కానీ, ఆలోచిస్తే, ఒకప్పుడు నువ్వు కూడా నాలాగే అత్తారింటికి వచ్చి ఉంటావ్ కదా. నువ్వు ఎన్ని త్యాగాలు చేస్తే, మమ్మల్ని పెంచగలిగావు. ఎన్ని బాధ్యతలు మోస్తే మేము ఇంతవాళ్ళం అవ్వగలిగాం. నేను నిన్నే స్ఫూర్తి గా తీసుకుంటాను. నీలా బాధ్యతలు పంచుకుంటాను.

సాధారణంగా చాలా మందికి ఒక అపోహ ఉంటుంది. హౌస్ వైఫ్ అంటే ఉద్యోగం చేసే ఆడవాళ్ళ కంటే పని తక్కువగా ఉంటుంది అని. అందుకే చాలా మంది హౌస్ వైఫ్ అంటే ఇంటి బాధ్యతలు చూసుకునే వాళ్ళు అని కాకుండా ఇంట్లో ఉండే వాళ్ళు అని అంటారు.

కానీ అలా ఆలోచించడం తప్పు అని ఒక సైకాలజిస్ట్ కి, అలాగే తన భార్య ఏం పని చేయదు అని కోపంగా ఉన్న ఒక భర్త కి మధ్య జరిగిన ఈ సంభాషణ చదివితే మీకు కూడా అర్థమవుతుంది.

representative image

సైకాలజిస్ట్ : ప్రాబ్లం ఏంటి?
రమేష్ : నా భార్య అసలు ఒక్క పని కూడా చేయదు.
సైకాలజిస్ట్ : మీరేం చేస్తుంటారు?
రమేష్ : నేను ఒక ప్రైవేట్ కంపెనీలో ఉద్యోగం చేస్తున్నాను.
సైకాలజిస్ట్ : మీ భార్య ఏం చేస్తూ ఉంటారు?
రమేష్ : ఏం చేయదు. ఇంట్లోనే ఉంటుంది.
సైకాలజిస్ట్ : మీ ఇంట్లో అందరి కంటే ముందు మీలో ఎవరు నిద్రలేస్తారు?
రమేష్ : నా భార్య. నాకు టిఫిన్, లంచ్ అన్ని ప్రిపేర్ చేయాలి కదా. అందుకే.

సైకాలజిస్ట్ : మీ పిల్లలని స్కూల్ కి ఎవరు తీసుకెళ్తారు?
రమేష్ : ఖాళీగా ఉంటుంది కాబట్టి నా భార్యే తీసుకెళ్తుంది.
సైకాలజిస్ట్ : పిల్లలు స్కూల్ కి వెళ్లిపోయిన తర్వాత మీ భార్య ఏం చేస్తారు?
రమేష్ : బట్టలు ఉతకడం, ఇల్లు శుభ్రం చేయడం, గిన్నెలు తోమడం.
సైకాలజిస్ట్ : మీ పిల్లలకి హోం వర్క్ చేయించడం లాంటి పనులను ఎవరు చూసుకుంటారు?
రమేష్ : నేను ఆఫీస్ లో అలిసిపోయి ఇంటికి వస్తాను కదా? ఎలాగో ఖాళీగా ఉంటుంది కాబట్టి హోంవర్క్ అంతా నా భార్య చేయిస్తుంది.
సైకాలజిస్ట్ : మరి డిన్నర్ అదంతా ఎవరు చేస్తారు?
రమేష్ : ఇంకెవరు? నా భార్యే చేస్తుంది.

representative image

సైకాలజిస్ట్ : ఇంట్లో అందరికంటే ఆలస్యంగా ఎవరు పడుకుంటారు?
రమేష్ : నేను ఆఫీస్ నుంచి అలిసిపోయి వస్తాను కదా? అప్పటికే నిద్ర వచ్చేస్తుంది. ఇంకా మళ్లీ నెక్స్ట్ డే ఆఫీస్ కి టైం కి వెళ్ళాలి కాబట్టి తొందరగా కూడా లేవాలి. అందుకే నేను తొందరగా పడుకుంటాను. అందరం తిన్న తర్వాత గిన్నెలు శుభ్రం చేసి, పిల్లలని పడుకోబెట్టి, నా భార్య పడుకుంటుంది.
సైకాలజిస్ట్ : దీన్ని బట్టి చూస్తే ఎక్కువ పని ఎవరు చేస్తున్నారు?

విషయం అర్థమైన రమేష్ కి ఏం మాట్లాడాలో అర్థం కాలేదు.
సైకాలజిస్ట్ : మీరు చాలా కష్టపడి పనిచేస్తున్నారు. కానీ మీ ఉద్యోగానికి టైమింగ్స్ ఉంటాయి. మీ భార్య రోజు మొత్తం విశ్రాంతి లేకుండా పని చేస్తూనే ఉన్నారు. మీ భార్య ఇంటి బాధ్యతలు తీసుకున్నారు కాబట్టే, మీరు ఆఫీస్ లో అంత ప్రశాంతంగా పని మీద దృష్టి పెట్టగలుగుతున్నారు. ఇప్పుడు మీ భార్య చేసే పనుల గురించి మీరే చెప్పారు. కాబట్టి, ఈసారి నుంచి మీ భార్య ఏ పని చేయట్లేదు అనే ముందు మీరు చెప్పిన మాటలనే ఒక్కసారి మళ్ళీ గుర్తు తెచ్చుకోండి.

రమేష్ మాత్రమే కాదు. మనలో చాలా మందికి ఇంట్లో ఉండే వాళ్ళు ఏ పని చేయరు అనే ఒక భావన ఉంటుంది. కానీ ఇంటి బాధ్యతలు నిర్వర్తించడం కూడా ఉద్యోగానికి తక్కువేమీ కాదు అన్న విషయం గుర్తుపెట్టుకుందాం. ఇంట్లో ఉన్నారు అని కాకుండా, ఇంట్లో ఉండి వాళ్లు ఎన్నో పనులు చేస్తున్నందుకు గౌరవిద్దాం.