భారత క్యాప్టెన్ విరాట్ కోహ్లీ తండ్రి కాబోతున్నాడు. తాజాగా అతని భార్య నటి అనుష్క శర్మ సోషల్ మీడియాలో ఓ పోస్ట్ చేసారు. విరాట్ ఉన్న తన ఫోటో పంచుకొని “And then, we were three! Arriving Jan 2021,” అని పోస్ట్ చేసారు. వచ్చే సంవత్సరం జనవరికి మేము ముగ్గురవ్వబోతున్నాము అంటూ పోస్ట్ చేసి సంతోషాన్ని అభిమానులతో పంచుకున్నారు అనుష్క.
And then, we were three! Arriving Jan 2021 ❤️🙏 pic.twitter.com/iWANZ4cPdD
— Anushka Sharma (@AnushkaSharma) August 27, 2020
యూపీఎస్సీ 2019 ఫలితాలు ఇటీవల విడుదలయ్యాయి. ఇందులో మిస్ ఇండియా ఫైనలిస్ట్ ఐశ్వర్య షియోరన్ ఉత్తీర్ణులు అయ్యారు. ఐశ్వర్య ఆల్ ఇండియా స్థాయిలో సివిల్ సర్వీసెస్ ఎగ్జామినేషన్ లో 93 ర్యాంక్ సాధించారు. 2020 ఆగస్టు 4 న ఫలితాలు విడుదలైన తర్వాత నుంచి గ్లామర్ ప్రపంచం నుండి సివిల్ సర్వీసెస్ ర్యాంకర్ అయిన ఐశ్వర్య కథ అందరి దృష్టిని ఆకర్షించింది.
ఐశ్వర్య ఢిల్లీలో నిర్వహించిన టైమ్స్ ఫ్రెష్ ఫేస్ కాంటెస్ట్ ద్వారా తన కెరీర్ ను ప్రారంభించారు. తర్వాత వేరే మోడలింగ్ అసైన్మెంట్స్ కూడా రావడం మొదలయ్యాయి. ఐశ్వర్య కు మిస్స్ ఇండియా కాంపిటీషన్ లో పాల్గొనమని సలహా ఇవ్వడంతో ఐశ్వర్య మిస్ ఇండియా లో పాల్గొన్నారు. ఐశ్వర్య తల్లి ఐశ్వర్య ని మోడల్ గా చూడాలి అనుకున్నారు. అందుకే హీరోయిన్ ఐశ్వర్యారాయ్ పేరుమీద ఐశ్వర్య కి ఆ పేరు పెట్టారు.
ఐశ్వర్య కి చిన్నప్పటి నుంచి చదువు అంటే చాలా ఆసక్తి. ఎప్పుడూ చదువులో ముందుండేవారు. యూపీఎస్సీ కి కూడా అంతే శ్రద్ధగా చదివేవారు ఐశ్వర్య. 2018 లో యుపిఎస్సి కి ప్రిపేర్ అవ్వడం మొదలు పెట్టారు.
యుపిఎస్సి కి ప్రిపేర్ అయ్యేటప్పుడు ఐశ్వర్య సోషల్ మీడియా జోలికి వెళ్లలేదట. ఐశ్వర్య సివిల్స్ కి ప్రిపేర్ అయ్యే సమయంలో ఒక ఫార్ములా పాటించే వారట.
అదేంటంటే 10+8+6. అంటే 10 గంటల ప్రిపరేషన్, 8 గంటల నిద్ర, 6 గంటలు ఇతర యాక్టివిటీస్.
ఇంకొక విషయం ఏంటంటే ఐశ్వర్య బయట ఎక్కడా కోచింగ్ తీసుకోకుండా తనంతట తానే చదువుకొని యూపీఎస్సీ పరీక్షలు పాసయ్యారు. ఐపీఎస్ మహేష్ భగవత్ ఐశ్వర్యకు సహాయం చేశారట. స్టడీ మెటీరియల్ లో, మోక్ టెస్ట్ లో ఐశ్వర్యని గైడ్ చేశారట.
ఐశ్వర్యకు ఇంటర్వ్యూ ఎలా అవుతుందో అని భయం ఉండేదట. మహేష్ భగవత్ సహాయం వల్ల ఎటువంటి ఇబ్బంది లేకుండా ఇంటర్వ్యూ ఇవ్వగలిగారట ఐశ్వర్య. యూపీఎస్సీ పరీక్ష పాస్ అవ్వాలంటే ముందు మనల్ని మనం తెలుసుకోవాలి అని,
ఇతర విషయాలను, ముఖ్యంగా మనల్ని మానసికంగా ఒత్తిడికి గురి చేసే విషయాలను అయితే అసలు పట్టించుకోకూడదు అని, కేవలం చదువు పై మాత్రమే శ్రద్ధ పెట్టాలి అని, అలా అయితే మనం సాధించలేనిది అంటూ ఏదీ లేదు అని ఐశ్వర్య అన్నారు.
సినిమాలు నిజ జీవితం నుంచి రూపొందుతాయి లేదా సినిమాలను చూసి నిజ జీవితంలో ఎంతో మంది స్ఫూర్తి పొందుతారు అనడానికి ఇటీవల జరిగిన ఒక సంఘటనే ఉదాహరణ.
సాక్షి కథనం ప్రకారం కరీంనగర్ లోని హుజురాబాద్ టౌన్ కి చెందిన దివ్య, వంశీ అనే ఒక అబ్బాయిని ప్రేమించింది. కానీ దివ్య తల్లిదండ్రులు వాళ్ల ప్రేమని ఒప్పుకోలేదు. తల్లిదండ్రులు బలవంతం చేయడం వల్లనో లేదా తల్లిదండ్రుల మాటను కాదనలేకనో దివ్య తల్లిదండ్రులు చూపించిన అబ్బాయితో పెళ్లికి ఒప్పుకుంది.
దాంతో మంచిర్యాల జిల్లా మందమర్రి కి చెందిన ప్రవీణ్ కుమార్ తో సోమవారం నాడు దివ్య పెళ్లి జరిపించారు. అప్పగింతలు అయ్యి బారాత్ జరుగుతున్న సమయంలో దివ్య ప్రేమికుడు వంశీ తాగేసి దివ్య వద్దకు వచ్చాడు. “నువ్వు ఈ పెళ్లి ఎలా చేసుకున్నావు?” అని దివ్యని అడిగాడు.
దివ్య ఇంకా ప్రవీణ్ కుమార్ వెళ్ళే కారుని అడ్డుకొని దివ్య ని కారులో నుండి బయటకు దింపి అందరి ముందు ముద్దు పెట్టాడు. అంతేకాకుండా దివ్యని తనకు అప్పగించి వెళ్లిపోవాలి అని గొడవ చేయడం మొదలుపెట్టాడు. దీంతో వంశీని అరెస్ట్ చేయించారు. పెళ్లి జరిగిన ఇంట్లో గొడవ చేయడమే కాకుండా తనపై దాడి చేయడానికి కూడా ప్రయత్నించాడు అని వంశీ పై ప్రవీణ్ కుమార్ ఫిర్యాదు చేశారు.
వంశీ ని అరెస్టు చేశారు అని తెలిసిన దివ్య పోలీస్ స్టేషన్ కి వచ్చి తను వంశీ నే ఇష్టపడుతున్నట్లు చెప్పింది. దివ్యకి, ప్రవీణ్ కుమార్ కి పోలీసులు కౌన్సిలింగ్ ఇచ్చారు. అయినా సరే దివ్య మాత్రం తన మాట మార్చలేదు.
దీంతో ప్రవీణ్ కుమార్ మందమర్రి వెళ్లిపోయారు. దివ్య తల్లిదండ్రులు కూడా దివ్య ని పోలీస్ స్టేషన్ లో విడిచి పెట్టి వెళ్ళిపోయారు. పోలీసులు దివ్య ని కరీంనగర్ లోని స్వధార్ హోమ్ కి తరలించారు. వంశీ పై ఎస్సీ, ఎస్టీ అట్రాసిటీ కేసులు నమోదయ్యాయి. పోలీసులు ఈ కేసుపై దర్యాప్తు చేయడం మొదలుపెట్టారు.
ప్రస్తుతం బాలీవుడ్ లో ప్రతి చోటా నడిచేది నెపోటిజమ్ గురించే. అప్ కమింగ్ నటుల నుండి, స్టార్ నటుల వరకు సినిమా బ్యాక్ గ్రౌండ్ తో వచ్చిన ప్రతి వాళ్లని నెటిజన్లు ట్రోల్ చేస్తున్నారు. వాళ్ల సినిమాలు చూడము అని చెబుతున్నారు. ముఖ్యంగా ఆలియా భట్, అనన్య పాండే, ఆదిత్య పంచోలి కొడుకు సూరజ్ పంచోలి, అర్జున్ కపూర్ తీవ్ర ట్రోలింగ్ ఎదుర్కొంటున్నారు.
అలా సినిమా ఫ్యామిలీ బ్యాక్ గ్రౌండ్ తో వచ్చిన వాళ్ళలో జాన్వీ కపూర్ ఒకరు. అతిలోక సుందరి శ్రీదేవి, బాలీవుడ్ లో టాప్ నిర్మాత బోనీకపూర్ కూతురైన జాన్వీకపూర్ 2 సంవత్సరాల క్రితం వచ్చిన మరాఠీ సూపర్ హిట్ చిత్రం సైరత్ రీమేక్ ధడక్ తో సినిమా ఇండస్ట్రీలో అడుగు పెట్టారు.
సినిమా విడుదలైన తర్వాత జాన్వీ కపూర్ నటన ను అందరూ విమర్శించారు. అంతేకాకుండా కొంతమంది అయితే “నీ నటనను చూసేందుకు మీ అమ్మ లేకపోవడమే మంచిదయింది” అని వ్యక్తిగత విషయాలపై కామెంట్లు కూడా చేశారు.
తర్వాత ఘోస్ట్ స్టోరీస్ లో ఒక పాత్రలో నటించారు జాన్వీ కపూర్. ఈ సినిమా నెట్ ఫ్లిక్స్ లో విడుదలైంది. ఇందులో కూడా జాన్వీ కపూర్ నటన చాలా డల్ గా ఉంది అని విమర్శించారు.
ఇటీవల జాన్వీ కపూర్ నటించిన గుంజన్ సక్సేనా సినిమా కూడా లాక్ డౌన్ కారణంగా నెట్ ఫ్లిక్స్ లో విడుదలైంది. ఈ సినిమాకి మిక్స్డ్ రివ్యూస్ వచ్చాయి. కొంతమంది సినిమా బాగుంది కానీ జాన్వీ కపూర్ నటన ఇంకా మెరుగు పరుచుకోవాలి అని అన్నారు. మరికొంతమంది అయితే జాన్వీ కపూర్ ఇంప్రూవ్ అయింది అని ప్రశంసించారు.
దీనిపై జాన్వీ కపూర్ మాట్లాడుతూ మొదటి సినిమాకి తన నటన పై ఎన్నో విమర్శలు వచ్చాయి అని, తనని తాను మెరుగుపరుచుకోవడానికి ఆ విమర్శలు ఒక అవకాశాన్ని ఇచ్చాయని అన్నారు. ప్రస్తుతం జాన్వీ కపూర్ రూహి అఫ్జానా, దోస్తానా 2 చిత్రాల్లో నటిస్తున్నారు.
ఇటీవల అమెజాన్ ప్రైమ్ లో విడుదలైన శకుంతలా దేవి సినిమా మీలో చాలా మంది చూసే ఉంటారు. ఈ సినిమా రాకముందే హ్యూమన్ క్యాలిక్యులేటర్ శకుంతలా దేవి గురించి చాలా మందికి తెలిసే ఉంటుంది. కానీ సినిమా వచ్చిన తర్వాత ఆవిడ గురించి ఇంకా ఎక్కువ మందికి తెలిసింది. ఇప్పుడు మరొక హ్యూమన్ క్యాలిక్యులేటర్ వెలుగులోకి వచ్చింది. వివరాల్లోకి వెళితే.
ఇటీవల లండన్ లో మైండ్ స్పోర్ట్స్ ఒలంపియాడ్ లో మెంటల్ కాలిక్యులేషన్ వరల్డ్ ఛాంపియన్ షిప్ జరిగింది. అందులో ప్రపంచవ్యాప్తంగా ఉన్న 13 దేశాలకు చెందిన 10 సంవత్సరాల నుండి 57 సంవత్సరాల వరకు వయస్సు ఉన్న వ్యక్తులు పాల్గొంటారు.
ఈ పోటీలో హైదరాబాద్ కి చెందిన అండర్ గ్రాడ్యుయేట్ నీలకంఠ భాను ప్రకాష్ బంగారు పతకం సాధించారు. దాంతో భాను ప్రకాష్ ని ఫాస్టెస్ట్ హ్యూమన్ క్యాలిక్యులేటర్ గా ప్రకటించారు.
21 సంవత్సరాల వయసున్న నీలకంఠ భాను ప్రకాష్ 50 జాతీయ స్థాయి రికార్డులను, నాలుగు అంతర్జాతీయ స్థాయి రికార్డులని సాధించారు. 2016 లో ఫాస్టెస్ట్ హ్యూమన్ క్యాలిక్యులేటర్ టైటిల్ కోసం జరిగిన పోటీలో అత్యంత వేగంగా కాలిక్యులేట్ చేసే గణిత శాస్త్ర నిపుణులు స్కాట్ ఫ్లాన్స్బర్గ్ ని ఓడించారు భాను ప్రకాష్.
ఆగస్టు 15, 2020 న 29 పార్టిసిపెంట్స్ ని ఓడించి, 65 పాయింట్లతో బంగారు పతకం సాధించారు. భవిష్యత్తులో మాథ్స్ ల్యాబ్స్ నిర్మించాలని భాను ప్రకాష్ అనుకుంటున్నారట. ఈ విషయంపై నీలకంఠ భాను ప్రకాష్ మాట్లాడుతూ ” నేను భవిష్యత్తులో మాథ్స్ ల్యాబ్స్ నిర్మించి, అవి పిల్లలకి అందుబాటులో ఉండేలా ఏర్పాటు చేస్తాను. మాథ్స్ అంటే భయం పోగొట్టడానికి ప్రయత్నిస్తాను.
మనదేశంలో గవర్నమెంట్ స్కూల్లో చదువుకునే సగటు నలుగురు పిల్లల్లో ముగ్గురు పిల్లలు మాథ్స్ అర్థం చేసుకోవడానికి ఇబ్బంది పడతారు. మాథ్స్ అంటే ఒక ఫోబియా ఏర్పడింది. ఎంతోమంది పిల్లలు డిమోటివేషన్ కి గురవుతున్నారు. అందుకే భారతదేశంలో గ్రామాల్లో ఉండే స్కూళ్లలో పిల్లలు తక్కువగా ఉంటారు” అని అన్నారు.
అన్ని దేశాల్లో కరోనా ప్రభావం ముందు ఉన్నంతగా అయితే లేదు. జాగ్రత్తలు తీసుకుంటూనే పనులు మళ్లీ మెల్లగా మొదలుపెట్టుకుంటున్నారు. అంతకుముందు లాగా కాకపోయినా పనులు అయితే మొదలయ్యాయి. కానీ ఇక్కడే పెద్ద సమస్య వచ్చింది.
మనమందరం కరోనా పూర్తిగా నయం అయితే మళ్లీ అన్నీ మామూలు అయిపోతాయి అనుకుంటున్నాం. కానీ ఒకసారి అందరం కరోనా భయం నుండి బయటపడ్డ తర్వాత వచ్చే సమస్యలు కూడా తక్కువగా ఏమీ లేవు.
representative image
మనదేశంలో అతి పెద్ద సమస్య నిరుద్యోగం. కరోనా తర్వాత ఎక్కువగా ప్రభావం పడేది కూడా ఎంప్లాయిమెంట్ సెక్టార్ మీదే. అంతకుముందు వేరే ప్రాంతానికి ఉద్యోగానికి వెళ్ళాలి అంటే ఎక్కువగా ఆలోచించే వాళ్ళం కాదు. కానీ ఇప్పుడు ఖచ్చితంగా ఆలోచించాల్సిన పరిస్థితి వచ్చింది. కాబట్టి ఎక్కువమంది ఇతర ప్రాంతాల్లో ఉద్యోగం చేయడానికి అంతగా ప్రాముఖ్యత ఇవ్వకపోవచ్చు.
representative image
అందుకే ఎంతోమంది ప్రస్తుతానికి తాము ఉన్న ప్రదేశం లోనే ఉద్యోగ ప్రయత్నాలు చేస్తున్నారు. ఒకవేళ ముందు నుండి ఉద్యోగం ఉన్న వాళ్లు అయితే భవిష్యత్తులో శాలరీ పై ఏ విధమైన ప్రభావం ఉంటుంది అనేది చెప్పలేని విషయం. ఎందుకంటే కరోనా వల్ల చిన్న, మధ్యతరగతి వ్యాపారాలు మాత్రమే కాకుండా పెద్ద సంస్థలు, అలాగే మల్టీ నేషనల్ సంస్థలు కూడా ఆర్థికంగా వెనకబడ్డాయి.
representative image
వ్యవసాయం ఎక్కువగా జరిగే సీజన్ కూడా అయిపోవడంతో ఎంతో మంది రైతులు వేరే ప్రాంతాలకు వలస వెళ్తారు. రోజు వారి ఉద్యోగం పై కూడా కరోనా ప్రభావం పడే అవకాశాలు ఉన్నాయి. ఇవన్నీ ఆలోచిస్తూ ఎంతో మంది కరోనా కారణంగా మానసిక ప్రశాంతత కూడా కోల్పోయారు.
representative image
అంతకుముందు నిరుద్యోగం ఎక్కువగా భారతదేశం లో మాత్రమే ఉండేది. కానీ ఇప్పుడు మాత్రం అమెరికా, ఇంకా ఇతర ప్రదేశాల్లో కూడా ఆర్థిక ఇబ్బందులు రావడంతో ప్రతి చోటా ఉద్యోగ అవకాశాలు అంత సులువుగా లభించకపోవచ్చు. దీనిపై ప్రభుత్వం ఏమైనా చర్య తీసుకుంటుందా? లేదా మనమే కొత్త అవకాశాలు సృష్టించుకొని ముందుకెళ్లాలా? ఈ ప్రశ్నలన్నిటికీ రాబోయే కాలమే సమాధానం చెప్పాలి.
గతేడాది విడుదలైన కన్నడ చిత్రం తెలుగు డబ్ మూవీ కెజిఎఫ్ ఎంత పెద్ద హిట్టో అందరికి తెలిసిందే.కెజిఎఫ్ 2 కోసం అందరూ ఎంతో ఉత్సాహంగా ఎదురుచూస్తున్నారంటే అర్దం చేసుకోవచ్చు. ఆ సినిమాలో మొదటి నుండి చివరి వరకు ఒక వ్యక్తి స్టోరీ చెప్తూ ఉంటారు.
ఆ పాత్ర పోషించింది సీనియర్ కన్నడ నటులు అనంత నాగ్ అయితే ఆ పాత్రకి తెలుగులో డబ్బింగ్ చెప్పింది మరెవరో కాదు సుపరిచితులు శుభలేఖ సుధాకర్. కెజిఎఫ్ సినిమాలో ఒక్కో డైలాగ్ ఒక్కో బుల్లెట్లా అనిపిస్తుంటుంది. ఆ వాయిస్ లో బేస్ అలాంటిది. సాహో సినిమా మొత్తం ఒక ఎత్తైతే చివర్లో వచ్చే “సిద్దాంత్ నందన్ సాహో” అని వచ్చే డైలాగ్ మరో ఎత్తు ఆ వాయిస్ కూడా శుభలేఖ సుధాకర్ దే.
“నువ్వు ఎలా బతుకుతావో నాకు తెలియదు. కాని చచ్చిపోయేటప్పుడు మాత్రం ఒక రాజు లాగా, పెద్ద శ్రీమంతుడిగా చచ్చిపోవాలి”. “చిల్లర కావాలంటే చెయ్యి చాపాలి. అదే నోట్లు కావాలంటే చెయ్యి లేపాలి”. “గాయపడిన సింహం నుంచి వచ్చే శ్వాస, గర్జన కన్నాభయంకరంగా ఉంటుంది”. వంటి డైలాగ్స్ కేజిఎఫ్ సినిమా కి మరొక ప్లస్ పాయింట్ గా నిలిచాయి.
కరోనా వల్ల చాలా కాలం గ్యాప్ వచ్చిన తర్వాత ఇవాళ కేజిఎఫ్ 2 షూటింగ్ మొదలైంది. కేజిఎఫ్ సెకండ్ పార్ట్ లో బాలీవుడ్ నటుడు సంజయ్ దత్, హీరోయిన్ రవీనా టాండన్ తో పాటు మన తెలుగు నటుడు రావు రమేష్ కూడా ఉన్న విషయం అందరికీ తెలుసు. ఇవాళ స్టార్ట్ అయిన షూటింగ్ లో ప్రకాష్ రాజ్ కూడా కేజిఎఫ్ టీం లోకి అడుగుపెట్టారు. ఆ ఫోటోలు ఇప్పుడు సోషల్ మీడియాలో వైరల్ అవుతున్నాయి.
పైన ఉన్న ఫోటోలు చూస్తే మీ అందరికీ ఒక అనుమానం కలగొచ్చు. ప్రకాష్ రాజ్ గెటప్ చూస్తే కేజిఎఫ్ పార్ట్ వన్ లో అనంత్ నాగ్ గెటప్ లాగానే ఉంది. అనంత నాగ్ ప్లేస్ లో ప్రకాష్ రాజ్ వచ్చారేమో అని అందరూ అనుకుంటున్నారు. ఈ విషయం ఎంతవరకు నిజమో తెలియదు కానీ క్రియేటివ్ డిఫరెన్సెస్ వల్ల అనంతనాగ్ కేజిఎఫ్ నుండి తప్పుకున్నారు అని వార్తలు ప్రచారంలో ఉన్నాయి. ఈ టాపిక్ మీద ప్రస్తుతం సోషల్ మీడియాలో వైరల్ అవుతున్న కొన్ని మీమ్స్ ఇవే.
#1
#2 
#3 
#4
#5 
#6
#7
#8
#9
#10
ఎన్నో రోజుల చర్చ తర్వాత ఎట్టకేలకు సుప్రీంకోర్టు సుశాంత్ సింగ్ రాజ్ పుత్ కేసు సిబిఐకి అప్పగించింది. సిబిఐ దర్యాప్తులో ఇప్పటివరకు వెలుగులోకి రాని ఎన్నో విషయాలు ఇప్పుడు బయటికి వస్తున్నాయి. రియా చక్రవర్తి మీద ముందునుండి ఎన్నో ఆరోపణలు ఉన్నాయి. ఇప్పుడు రియా చక్రవర్తి ఒక డ్రగ్ డీలర్ తో చేసిన వాట్సాప్ చాట్ బయటికి వచ్చింది.
రియా చక్రవర్తి గౌరవ్ ఆర్య అనే ఒక డ్రగ్ డీలర్ తో మిథైలిన్ డైఆక్సీ మెథం ఫెటమిన్ (MDMA) అనే డ్రగ్ గురించి అడిగారు. ఈ డ్రగ్ చాలా ప్రమాదకరమైనదట. ఇదంతా ఈడి అధికారుల దృష్టికి వచ్చింది. “పవర్ ఎక్కువగా ఉన్న డ్రగ్స్ గురించి మాట్లాడాలి (హార్డ్ డ్రగ్స్). ఇప్పటివరకు నేను ఎక్కువగా వాడలేదు” అని అర్థం వచ్చేలా ఆ సంభాషణ ఉంది. ఇంకొక ముఖ్యమైన విషయం ఏంటంటే ఈ చాటింగ్ మార్చి 2017 లో జరిగింది.
సుశాంత్ హోమ్ స్టాఫ్ శామ్యూల్ మిరాండా తో కూడా రియా చక్రవర్తి మాట్లాడారు. శామ్యూల్ రియా తో ” హాయ్ రియా స్టఫ్ దాదాపు అయిపోయింది” అని అనగా అందుకు రియా చక్రవర్తి “షోవిక్ (రియా చక్రవర్తి సోదరుడు) స్నేహితుడి దగ్గర నుండి తీసుకోవాలా? కానీ అతని దగ్గర హాష్ ఇంకా బడ్ (ఒక రకమైన డ్రగ్స్) మాత్రమే ఉన్నాయి” అని జవాబిచ్చారు. ప్రస్తుతం సిబిఐ దర్యాప్తులో భాగంగా సుశాంత్ సన్నిహితులందరినీ ప్రశ్నిస్తున్నారు.
#Exclusive on @thenewshour | WhatsApp chats expose drug 'conspiracy.'
'Use 4 drops in tea, let him sip it.' 'Give it 30-40 mins, it will kick in.'8 WhatsApp chats accessed by TIMES NOW.
Vivek Narayan with details on @thenewshour with Navika Kumar. | #RheaDrugsChat pic.twitter.com/fh66U19qxO
— TIMES NOW (@TimesNow) August 25, 2020
అలాగే టాలెంట్ మేనేజర్ జయ సాహా రియా చక్రవర్తి తో మాట్లాడిన వాట్సాప్ చాట్ కూడా బయటకు వచ్చింది. జయ సాహా రియా చక్రవర్తి కి పంపిన మెసేజ్ లో “4 చుక్కలు టీ లో కానీ కాఫీ లో కానీ కలిపి, అది అతనిని తాగనివ్వు. తాగిన 30 నుండి 40 నిమిషాల మధ్యలో దీని ప్రభావం మొదలవుతుంది” అని అర్థం వచ్చేలా ఉంది.
వెస్ట్ గోదావరి జిల్లాలో మొగల్తూరు అనే ఒక ఊరు. ఆ ఊరిలో 65 ఏళ్ల క్రితం పుట్టారు శివశంకర వరప్రసాద్. తండ్రి కానిస్టేబుల్ గా పని చేసేవారు. శివశంకర వరప్రసాద్ నర్సాపూర్ లో కామర్స్ లో డిగ్రీ చేసిన తర్వాత 1976లో మద్రాస్ ఫిల్మ్ ఇన్స్టిట్యూట్ లో చేరుదామని చెన్నైకి బయల్దేరారు.
వరప్రసాద్ కుటుంబం మొత్తం ఆంజనేయ స్వామి భక్తులు. అందుకే వరప్రసాద్ తల్లి అతని స్క్రీన్ నేమ్ ని చిరంజీవిగా మార్చుకోమని సలహా ఇచ్చారు. దాంతో 1978లో ప్రాణం ఖరీదు సినిమా తో చిరంజీవి గా ఇండస్ట్రీకి పరిచయం అయ్యారు శివ శంకర వరప్రసాద్.
రెండవ సినిమా గా బాపుగారి డైరెక్షన్ లో మన ఊరి పాండవులు సినిమా చేశారు చిరంజీవి. అసలు చిరంజీవి మొదటి సినిమా పునాదిరాళ్లు. కానీ విడుదలైంది మాత్రం ప్రాణం ఖరీదు. మన ఊరి పాండవులు సినిమా చిరంజీవికి గుర్తింపు తీసుకువచ్చింది.
ఆ తర్వాత ఐ లవ్ యు, ఇది కథ కాదు సినిమాల్లో నెగిటివ్ షేడ్స్ ఉన్న పాత్రల్లో కూడా నటించారు. తర్వాత మోసగాడు, రాణికాసుల రంగమ్మ, 47 రోజులు, ఇలా వరుసగా కొన్ని సినిమాల్లో ముఖ్య పాత్రల్లో నటించారు చిరంజీవి.
1982 లో కోడిరామకృష్ణ గారి దర్శకత్వంలో వచ్చిన ఇంట్లో రామయ్య వీధిలో కృష్ణయ్య సినిమాలో హీరోగా నటించారు చిరంజీవి. ఈ సినిమా బాక్సాఫీస్ వద్ద విజయం సాధించింది. తర్వాత కళాతపస్వి కె. విశ్వనాథ్ గారి దర్శకత్వంలో వచ్చిన శుభలేఖ సినిమాలో హీరోగా నటించారు చిరంజీవి. ఈ సినిమాకి ఉత్తమ యాక్టర్ గా ఫిలింఫేర్ అవార్డును అందుకున్నారు.
సోలో హీరోగానే కాకుండా పట్నం వచ్చిన పతివ్రతలు, బిల్లా రంగా వంటి మల్టీస్టారర్ సినిమాల్లో కూడా నటించారు చిరంజీవి. 1984 లో వచ్చిన ఖైదీ చిరంజీవికి స్టార్ డం తీసుకువచ్చింది.ఆ తర్వాత చిరంజీవికి ఇంక వెనక్కి తిరిగి చూసే అవసరం రాలేదు.
మంత్రిగారి వియ్యంకుడు, సంఘర్షణ, గుండా, ఛాలెంజ్, హీరో, దొంగ, అడవి దొంగ, కొండవీటి రాజా, రాక్షసుడు, గ్యాంగ్ లీడర్, రౌడీ అల్లుడు, యముడికి మొగుడు, దొంగ మొగుడు, స్వయంకృషి ఇలా వరుసగా హీరోగా సినిమాలు చేశారు.
పసివాడి ప్రాణం, యముడికి మొగుడు, మంచి దొంగ సినిమాలతో హిట్లను అందుకున్నారు. అలాగే మధ్యలో రుద్రవీణ వంటి ప్రయోగాత్మకమైన అవార్డ్ విన్నింగ్ చిత్రాలను కూడా చేశారు. తర్వాత వచ్చిన జగదేకవీరుడు అతిలోకసుందరి చిరంజీవి కెరీర్ లో ఇంకొక మైలురాయి గా నిలిచింది. అప్పటికే స్టార్ హీరో గా ఉన్న చిరంజీవిని ఈ సినిమా ఇంకొక మెట్టు పైకి ఎక్కించింది.
1990 మధ్యలో చిరంజీవి కెరియర్ లో వరుసగా కొన్ని ఫ్లాప్ లు వచ్చాయి. మెకానిక్ అల్లుడు, ఎస్పీ పరశురామ్, బిగ్ బాస్, రిక్షావోడు సినిమాలు ఆశించిన ఫలితాన్ని ఇవ్వలేదు. దాంతో అప్పటివరకు వరుసగా గ్యాప్ లేకుండా సినిమాలు చేసిన చిరంజీవి 1996 లో దాదాపు ఒక ఏడాది పాటు బ్రేక్ తీసుకొని కేవలం కథలు మాత్రమే విన్నారు.
అప్పుడు మళ్ళీ 1997 లో హిట్లర్ సినిమా తో కమర్షియల్ విజయాన్ని అందుకున్నారు. ఒక రకంగా చెప్పాలంటే ఈ సినిమాతో చిరంజీవి మరొక ఇన్నింగ్స్ మొదలు పెట్టారు. ఆ తర్వాత మాస్టర్, బావగారు బాగున్నారా?, చూడాలని ఉంది, స్నేహం కోసం సినిమాలతో హిట్ జర్నీ కొనసాగించారు.
మైథలాజికల్ సినిమా శ్రీ మంజునాథ లో శివుడి పాత్రలో నటించారు. తర్వాత వచ్చిన ఇంద్ర ఎంత పెద్ద కమర్షియల్ హిట్ అయ్యింది అనే విషయం ప్రత్యేకించి చెప్పాల్సిన అవసరం లేదు. తర్వాత వచ్చిన మెసేజ్ ఓరియెంటెడ్ సినిమా ఠాగూర్ కూడా హిట్ గా నిలిచింది.
2004 లో కోడి రామకృష్ణ గారి దర్శకత్వంలో వచ్చిన అంజి సినిమా కి అనుకున్న ఫలితం రాకపోయినా కూడా టెక్నికల్ యాస్పెక్ట్స్ లో ఉన్నత స్థాయిలో ఉండడంతో ఈ సినిమా ప్రశంసలు అందుకుంది. ఆ తర్వాత శంకర్ దాదా ఎంబిబిఎస్, అందరివాడు, జై చిరంజీవ, స్టాలిన్, శంకర్ దాదా జిందాబాద్ సినిమాలు వచ్చాయి.
ఇందులో కొన్ని ఆడాయి, కొన్ని ఆడలేదు. సినిమా ఫలితం ఎలా ఉన్నా కానీ అన్ని సినిమాల్లోనూ చిరంజీవి నటన, డాన్స్ ప్రేక్షకులను ఎప్పుడూ నిరాశ పరచలేదు. తర్వాత మళ్ళీ దాదాపు పది సంవత్సరాల విరామం.
మధ్యలో మగధీర, జగద్గురు ఆది శంకర, బ్రూస్ లీ సినిమాల్లో గెస్ట్ అప్పియరెన్స్ లో కనిపించినా, వరుడు, రుద్రమదేవి సినిమాలకి వాయిస్ ఓవర్ ఇచ్చినా అభిమానులు మాత్రం చిరంజీవిని మళ్లీ తెరపై మూడు గంటల పాటు ఎప్పుడు చూస్తామా అని ఎదురు చూశారు. ఆ వెయిటింగ్ కి ఫుల్ స్టాప్ పెడుతూ మళ్లీ 2017 లో ఖైదీ నెంబర్ 150 సినిమాతో “బాస్ ఈజ్ బ్యాక్” అంటూ రీ ఎంట్రీ ఇచ్చారు చిరంజీవి.
ఖైదీ నెంబర్ 150, తర్వాత వచ్చిన సైరా నరసింహారెడ్డి సినిమాలు ఎన్ని సంవత్సరాలు అయినా సరే చిరంజీవి ప్రేక్షకులని మళ్లీ ఎప్పటిలాగానే, అంతే ఉత్సాహంతో అలరిస్తారు అని, ప్రజలు కూడా ఎప్పటికీ చిరంజీవిని అంతే అభిమానిస్తారు అని రుజువు చేశాయి. భవిష్యత్తులో రాబోయే మెగాస్టార్ సినిమాలు కూడా ఖచ్చితంగా ఇదే మాటని రుజువు చేస్తాయి.
ట్రాన్స్పోర్టేషన్ ఫెసిలిటీస్ ఎన్ని వచ్చినా కూడా ట్రైన్ ప్రయాణంలో ఉన్న సౌకర్యమే వేరు. దూర ప్రాంతాలకు వెళ్ళేటప్పుడు చుట్టుపక్కల ప్రదేశాలను చూస్తూ ఆహ్లాదంగా ప్రయాణించడానికి ఎంతో మంది ఇష్టపడతారు. ట్రైన్ అలానే వెళుతుంది కాబట్టి చాలామంది ట్రైన్ కి ప్రాముఖ్యతను ఇస్తారు.
అందుకే ఇప్పటికి కూడా ట్రైన్ రవాణా స్థిరంగా కొనసాగుతోంది. కరోనా కారణంగా ఎవరు ఒక చోట నుండి మరొక చోటికి ప్రయాణం చేయటం లేదు కాబట్టి ట్రైన్ లు నడవడం ప్రస్తుతానికి ఆగింది. మనుషులు వెళ్లడం ఆగిపోయి ఉండవచ్చు కానీ వస్తువులు సరఫరా మాత్రం ఆగదు.
అంటే మామూలు రైలు నడవట్లేదు కానీ గూడ్స్ బండి నడుస్తోంది. ఒక గూడ్స్ రైలుకి నలభై నుండి యాభై బోగీలు ఉంటాయి. ఒక గూడ్స్ రైలు నడవాలి అంటే పెట్రోల్, డీజిల్ తో పాటు మాన్ పవర్ కూడా చాలా అవసరం.
ప్రతి ఒక్క రైలు వేరు వేరు సమయంలో నడుస్తుంది. దాంతో పెట్రోల్, డీజిల్ కూడా బాగానే ఖర్చు అవుతాయి. ప్రస్తుతం ఉన్న పరిస్థితుల్లో అలా వేరు వేరుగా రైళ్ళను నడిపిస్తూ అంత ఇంధనాన్ని వృధా చేయడం సరైనది కాదు అని అనుకున్న రైల్వే శాఖ యాజమాన్యం ఒక వినూత్నమైన ఆలోచన తో ముందుకొచ్చారు.
మార్చి నెలలో ఈస్ట్ కోస్ట్ రైల్వే మూడు గూడ్స్ రైళ్లని అంటే దాదాపు 147 బోగీలను కలిపి గోడ్భగ – బాలాంగిర్ రైల్వేస్టేషన్ల మధ్యలో నడిపింది. ఈ ప్రయోగం విజయవంతం అయింది. దాంతో సౌత్ ఈస్ట్ సెంట్రల్ రైల్వే కూడా ఇలాగే దాదాపు 177 బోగీలను కలిపి ఒకటే రైలు లాగా తయారు చేశారు. ఈ రైలు పొడవు దాదాపు రెండు కిలోమీటర్ల వరకు ఉందట. అందుకే ఈ రైలుని అనకొండ ట్రైన్, ఇంకా పైథాన్ ట్రైన్ అనే పేర్లతో పిలుస్తున్నారు.
కానీ ఇది సాధ్యమయింది కరోనా కారణంగానే. ఎందుకంటే కరోనా కారణంగా ఎవరు బయటికి రావట్లేదు కాబట్టి రైళ్లు తిరగడం లేదు. ఎక్కువ రైలు లేవు కాబట్టి ఇలాంటి ప్రయోగం చేయగలిగారు. ఏదేమైనా సరే ఎటువంటి ఆలోచన వచ్చినందుకు రైల్వే యాజమాన్యాన్ని అభినందించకుండా ఉండలేం కదా?