News

కేరళ లోని పల్కడ్ జిల్లా లోని సైలెంట్ వ్యాలీ లో ఓ విషాదం చోటు చేసుకుంది.కొన్ని రోజులలో బిడ్డకు జన్మనివ్వడానికి సిద్ధంగా ఉన్న ఏనుగు ఆకలి తట్టుకోలేక ఆహారం కోసం పక్కనే ఉన్న గ్రామానికి వచ్చింది.అయితే అక్కడ ఉన్న కొంతమంది స్థానికులు ఆ ఏనుగుకు కు పేలుడు పదార్ధాన్ని ఆహారంగా ఇవ్వడంతో నోటిలోనే పేలుడు సంభవించి ఆ ఏనుగు మృతి చెందింది..వివరాల్లోకి వెళ్తే ..

తీవ్రమైన ఆకలితో ఆహారం కోసం గ్రామంలోకి వచ్చిన ఏనుగు కు పేలుడు పదార్ధాన్ని అందచేశారు స్థానికులు.ఆ ఏనుగు ఎంతో నమ్మకంతో నిజంగా ఆహారం ఏమో అని దానిని తినేసింది.కానీ కొద్ది సేపటికి ఆ ఏనుగు నోటిలో భారీ పేలుడు జరగడంతో ఆ ఏనుగు ఒక్కసారిగా షాక్ కు గురయింది.అయినా కానీ ఆ ఏనుగు ఎవరిని ఏమి చెయ్యలేదు.ఏ ఇంటిని కూడా ద్వాంసం చెయ్యలేదు.దీంతో వెంటనే దగ్గరలో ఉన్న కాలువ లోకి వెళ్లి నిలబడింది.పేలుడు వలన ఆ ఏనుగు నాలుక ,గొంతు కూడా తీవ్రంగా దెబ్బతిని భారీగా రక్త స్రావం జరిగింది.దీంతో వెంటనే సమాచారం అందుకున్న అటవీశాఖ రంగంలోకి దిగింది.

ఆ ఏనుగు ను బయటకు తియ్యడానికి చాలా గంటలు ప్రయత్నించినా లాభం లేకపోయింది.చివరికి నీటిలోనే ఆ ఏనుగు మరణించింది.దీనిపై అటవీశాఖ అధికారి మోహన్ కృష్ణన్ సోషల్ మీడియాలో భావోద్వేగానికి గురయ్యారు.ఈయన సోషల్ మీడియా లో ఈ విషయాన్ని షేర్ చెయ్యడం వలెనే ఈ ఘటన వెలుగులోకి వచ్చింది.అటవీశాఖ అధికారి మోహన్ కృష్ణన్ స్పందిస్తూ ..ఆ ఏనుగు అందరిని నమ్మింది అందుకే పేలుడు పదార్ధాన్ని ఇచ్చిన నమ్మకంతో తినేసింది..ఆ ఏనుగు చాలా మంచిది అందుకే అది ఎవరిని ఏమి చెయ్యలేదు ఇంకా ఏ ఇంటిని కూడా నాశనం చెయ్యలేదు.అది చనిపోయే ముందు దాని గురించి అలోచించి ఉండదు ఇంకా కొద్ది రోజులలో పుట్టబోతున్న తన బిడ్డ గురించి అలోచించి ఉంటుంది అని అన్నారు.పేలుడు సంబవించాకా ఆ బాధను తట్టుకోలేక ఉపశమనం కోసమే నీటిలోకి వెళ్లి నిలబడింది అని అన్నారు.

అనంతరం ఆ ఏనుగు కి పోస్ట్ మార్టం నిర్వహించిన వ్యక్తి మాట్లాడుతూ …అది చనిపోయే ముందు తన బిడ్డ గురించి ఎంతగా మదన పడిందో దాని కళ్ళు చుస్తే అర్ధం అవుతుంది అంటూ భావోద్వేగానికి గురయ్యారు.అనంతరం ఆ ఏనుగు మృత దేహాన్ని అది పుట్టి ,పెరిగిన అడివిలో లారీ లో తిప్పుతూ ఘన నివాళులు ఇస్తూ అడివిలో ఆ ఏనుగుకు అంత్య క్రియలు జరిపించారు అటవీశాఖ అధికారులు..ఈ ఏనుగు కు అందరూ కూడా ఘన నివాళులు ఇవ్వాల్సిన అవసరం ఉంది ఎందుకంటే ఈ ఏనుగు దానికి అర్హురాలు అని అటవీశాఖ అధికారి మోహన్ కృష్ణన్ అన్నారు .

కరోనా వైరస్ కారణంగా విద్యుత్ బిల్లులు గత రెండు నెలలుగా ఆగిపోయిన విషయం విదితమే.కాగా లాక్ డౌన్ 5 తో ప్రభుత్వం కొన్ని కొత్త రూల్స్ ను ప్రవేశపెట్టింది.దీంతో హైదరాబాద్ లో విద్యుత్ బిల్లులు మళ్ళీ పునప్రారంభం కానున్నాయి.అయితే జూన్ 3 వ తారీఖు నుండి ఈ విధానం మొదలవుతుంది.దీనిలో భాగంగా ప్రతిరోజు 250 ఇళ్లకు విద్యుత్ బిల్లులు జారీ చెయ్యనున్నానరు.అపార్టుమెంట్లయితే ప్రతిరోజు 450 కు పైగా బిల్లులు జారీ చేస్తారు.ఒక్కో ఇంటి నుండి ఇంకో ఇంటికి విద్యుత్ బిల్లులు జారీ చెయ్యడానికి వెళ్లిన వారు కచ్చితంగా సామాజిక దూరం పాటించాలని ,మాస్క్ లు ,శానిటైజర్ లు ఉపయోగించాలని ఇప్పటికే అధికారులు స్పష్టం చేసారు.

representative image

అయితే  2019  మార్చి,ఏప్రిల్ నెలలకు సంభందించిన బిల్లులను ప్రొవిజనల్ బిల్లులు అని అధికారులు నిర్ణయం తీసుకున్న విషయం విధితమే.అయితే ఆ రెండు నెలల బిల్లులను కొంతమంది చెల్లించగా కొంతమంది మాత్రం ఆ బిల్లులను ఇంకా చెల్లించలేదు.కాబట్టి విద్యుత్ బిల్లును రీడ్ చేసే డిజిటల్ మీటర్స్ లో ఈ రెండు నెలలకు సంభందించిన డేటా ను అమర్చే పనిలో అధికారులు ఉన్నారు.అయితే మార్చి,ఏప్రిల్ ,మే నెలల్లో ఉపయోగించిన మొత్తం యూనిట్లను మూడు నెలలకు ఏవరేజ్ గా లెక్కకట్టి ఒక్కో నెలకు ఎంత విద్యుత్ బిల్ చెల్లించాలో నిర్ణయిస్తారు.ఒకవేళ ఇంతకు ముందే ప్రొవిజనల్ బిల్ కట్టి ఉంటె ఇప్పుడు కట్టాలిసిన మొత్తం నుండి ఆ మొత్తని తీసివేస్తారు .

లాక్ డౌన్ 4 సడలింపులతో దేశంలో పలు రాష్ట్రాల్లో కొన్ని రాష్ట్రాల్లో మద్యం అమ్మకాలు మొదలైన సంగతి తెలిసిందే. ఉదయం 11 గంటల నుంచి రాత్రి 7 గంటల వరకు వైన్ షాప్ ఓపెన్ చేయాలి రూల్ పెట్టారు. ఇప్పుడు లాక్ డౌన్ 5 సడలింపులలో కర్ఫ్యూ సమయాన్నిరాత్రి 9 గంటల నుంచి ఉదయం 5 గంటల వరకు మార్చిన సంగతి తెలిసిందే. గతంలో రాత్రి 7 గంటల నుండి కర్ఫ్యూ ఉండటంతో సాయంత్రం 6 గంటలకే మద్యం షాపులు బంద్ చేసేవారు. కానీ ఇప్పుడు రాత్రి 8 గంటల వరకు మద్యం దుకాణాలు తెరిచి ఉంచవచ్చు అని ప్రభుత్వం అనుమతిని ఇచ్చింది. కంటైన్మెంట్ జోన్లలో మాత్రం ఎటువంటి మార్పులు ఉండవు అని స్పష్టం చేసారు.

ఈ వార్తతో మందుబాబులు మరింత సంబరపడుతున్నారు అనుకుంట. షాపులు తెరుచుకున్న మొదటి రోజు మందు బాబులు ఎంత హంగామా చేసారో ప్రత్యేకించి చెప్పక్కర్లేదు అనుకుంట. కేవలం ఒక్క రోజే కొన్ని కోట్ల ఆదాయం వచ్చింది మద్యం అమ్మకాల వల్ల. ఎండను కూడా లెక్కచేయకుండా ఒక్కసారిగా మద్యం కోసం లైన్ లో నించున్నారు మందుబాబులు. నియంత్రించేందుకు మద్యం ధరలను కూడా పెంచారు. కానీ ధరలు పెరిగినా మందు బాబులు మాత్రం అస్సలు వెనకడుగు వేయలేదు.

లాక్ డౌన్ కారణంగా మందుబాబులు 45 రోజులు లిక్కర్ కు దూరంగా ఉండాల్సి వచ్చింది. తర్వాత లాక్ డౌన్ ఇంకెన్ని రోజులు ఉంటుందో అనే ఆలోచనతో మందుకు కొరత లేకుండా కొని పెట్టుకునేందుకు పోటీ పడ్డారు మందుబాబులు. బెంగళూరులో ఓ వ్యక్తి ఏకంగా 52, 841 రూపాయల విలువ చేసే లిక్కర్ కొనుగోలు చేసిన బిల్ ఎంత వైరల్ అయ్యిందో అందరికి తెలిసిందే.

ఇప్పుడు అదనంగా మరో 2 గంటల పాటు మద్యం దుకాణాలు తెరిచి ఉంచడంతో సేల్స్ కూడా పెరిగే అవకాశం ఉంది అనుకుంటున్నారు. మద్యం దుఖాణాలు తెరుచుకోగానే ఏ రేంజ్ లో సేల్స్ రికార్డ్స్ సృష్టించిందో తెలిసిందే. బాహుబలి సినిమా కలెక్షన్స్ రేంజ్ లో ఉండింది అంటే అతిశయోక్తి కాదు అనుకుంట. ఏది ఏమైనా కరోనా ఇంకా అదుపులోకి రాలేదు కాబట్టి ఎవరి జాగ్రత్తలో వారు ఉండటం మంచిది.

కొంతమంది జీవితంలో ఎన్ని కష్టాలు వచ్చిన ఎంతో ధైర్యంతో ముందుకు వెళ్తూ ఉంటారు.కానీ కొంతమంది జీవితంలో ఎదురు అయ్యే చిన్న చిన్న విషయాలకే నిరాశ చెంది ఆత్మహత్యలకు పాల్పడుతుంటారు.అయితే మరికొంతమంది మాత్రం ఆత్మహత్య చేసుకుందాం అని నిర్ణయించుకున్నప్పుడు తమ పిల్లలని కూడా వారితో పాటు చంపేస్తూ ఉంటారు.కాగా ఇదే విధంగా హైదర్షాకోట్ లో ఓ సంఘటన జరిగి అంతటా కలకలం రేపుతోంది.భార్గవి అనే మహిళా తనతో పాటు తన 10 సంవత్సరాల కుమారుడుని కూడా చంపేసింది.ఆ సమయంలో భార్గవి ఇంకో సంతానం ఐన 14 నెలల కుమారుడు పనిమనిషితో పాటు బేకారి షాప్ కి వెళ్లడం వలన తన ప్రాణాలకు ఏ హాని జరగలేదు…పూర్తి వివరాల్లోకి వెళ్తే ..

representative image

30 యేళ్ళ భార్గవి అనే మహిళా హైదర్షాకోట్ లో అధ్యాపకురాలిగా విధులు నిర్వహిస్తున్నారు.తన భర్త ఇద్దరు పిల్లల్తో కలిసి హైదర్షాకోట్ లో ఓ అపార్ట్మెంట్ లో నివాసం ఉంటున్నారు భార్గవి.అయితే గత కొద్ది కాలంగా అనారోగ్య సమస్యతో బాధపడుతున్నారు భార్గవి.అయితే ఎప్పటినుండో భార్గవి కి ఆత్మహత్య చేసుకొని చనిపోదామనే ఆలోచన ఉన్నట్లుగా తెలుస్తుంది.అయితే భార్గవి ఇంట్లో పని చేసే పనిమనిషి తన ఏడాదిన్నర పిల్లాడిని బేకారి షాప్ కి తీసుకువెళ్ళింది.అయితే ఆ సమయంలో తన 10 సంవత్సరాల పిల్లవాడికి కళ్ళకి గంతలు కట్టి ఉరివేసింది భార్గవి.

అనంతరం తాను కూడా ఉరివేసుకొని చనిపోయింది.మొదట వీరి మరణం వెనకాల ఏదో మిస్టరీ ఉన్నటు అంతా అభిప్రాయపడ్డారు.కానీ మృతదేహాలను పోస్ట్ మార్టం చేసిన తర్వాత ఆత్మహత్య అని రిపోర్ట్ వచ్చింది.అయితే పోస్ట్ మార్టం అనంతరం మృత దేహాలను భార్గవి భర్త కు అప్పగించారు.కాగా మృత దేహాలకు భార్గవి సొంత ఊరు ఐన గుంటూరు లో దహన సంస్కారాలు నిర్వహించారు.

జీవితంలో ఎన్ని కష్టాలు వచ్చినాసరే చాలామంది పోరాడుతూ జీవితంలో ముందుకు వెళ్తుంటారు.అయితే కొంతమంది మాత్రం ఎటువంటి కష్టం వచ్చిన చనిపోవడమే దానికి పరిష్కారం అని భవిస్తూ ఉంటారు.అయితే కుటుంబీకులు వేధిస్తున్నారని పురుగుల మందు తగి ప్రాణాలు తీసుకున్నారు ఓ భార్య భర్త.కాగా ఈ వార్త ఇప్పుడు సంచలనంగా మారింది..వివరాల్లోకి వెళ్తే ..

మెదక్ జిల్లా రామాయంపేట డి.ధర్మవరంలో విఆర్ఏ గా విధులు నిర్వహిస్తున్న 29 ఏళ్ళ విజయ్ కుమార్ రెడ్డి అనే వ్యక్తి మరియు అతని భార్య ఐన 25 యేళ్ళ రుచిత అనే మహిళ కుటుంబీకులు వేధిస్తున్నారని పురుగుల మందు తాగి ఆత్మహత్య చేసుకున్నారు. కాగా వీరు పురుగులు మందు తాగగానే సిద్దిపేట ఆసుపత్రికి తరలించారు కానీ లాభం లేకపోయింది. వీరిది ప్రేమ వివాహం కాగా వీరికి 3 యేళ్ళ యువన్ రెడ్డి అనే కుమారుడు మరియు సంవత్సరం వయసు ఉన్న సాత్విక అనే కుమార్తె ఉన్నారు.ఇప్పుడు వీళ్లిద్దరు తల్లితండ్రి లేని పిల్లలుగా మిగిలిపోయారు.ఈ చిన్నారులను చూసి స్థానికులంతా విషాదంలో మునిగిపోయారు.అయితే గత కొంత కాలంగా విజయ్ కుమార్ తల్లి ,తండ్రి మరియు అతని సోదరి రుచిత ను సూటిపోటీ మాటలతో వేధింపులకు గురిచెయ్యడం వలనే విజయ్ కుమార్ మరియు రుచిత ఆత్మహత్య కు పాల్పడినట్లుగా తెలుస్తుంది.అయితే రుచిత తల్లితండ్రులు విజయ్ కుమార్ రెడ్డి కుటుంబ సభ్యులపై పోలీస్ కేసు నమోదు చేసారు.కాగా ఈ కేసు ను ఎసై మహేందర్ దర్యాప్తు చేస్తున్నారు.