Sports Adda

రింకు సింగ్ ఇప్పుడు ఈ పేరు టీమిండియా లో మారుమోగిపోతుంది. తన డేరింగ్ అండ్ డాషింగ్ బ్యాటింగ్ తో విధ్వంసాన్ని సృష్టిస్తున్నాడు. టీమిండియా కి ధోని తర్వాత సరైన ఫినిషర్ లేడు అని బాధపడుతున్న వారికి రింకు సింగ్ రూపంలో సమాధానం దొరికింది. బ్యాటింగ్ కి ఎప్పుడు వచ్చినా కూడా హిట్టింగ్ ఆడుతూ ఫినిషర్ అవతారం ఎత్తుతున్నాడు. మొన్న ఆస్ట్రేలియా తో జరిగిన టి20 సిరీస్ లో కూడా రింకు సింగ్ ప్రతి మ్యాచ్ లోనూ తన అద్భుతమైన ప్రదర్శనను కనబరిచాడు.

తాజాగా డిసెంబర్ 12 తారీఖున సౌత్ ఆఫ్రికా తో జరిగిన టి20 మ్యాచ్ లో మళ్లీ తన ప్రతాపాన్ని చూపించాడు రింకు సింగ్. 19వ ఓవర్ లో మాక్రం బౌలింగ్ లో రెండు సిక్సులు బాదాడు. అందులో ఒక సిక్స్ వెళ్లి మీడియా బాక్స్ అద్దానికి తగిలి అది పగిలిపోయింది. ఈ సీన్ చూసినా ఎవ్వరికైనా సరే రింకు సింగ్ ఎంతగా చెలరేగిపోతున్నాడో అర్ధం అవుతుంది. అది కాకుండా ఈ మ్యాచ్ లో 39 బాల్స్ ఆడి 69 పరుగులు చేశాడు.

రింకు సింగ్ ఇదేవిధంగా పెర్ఫామ్ చేస్తే రాబోయే టీ20 ప్రపంచ కప్ లో అతడికి బెర్త్ కన్ఫర్మ్ అవుతుంది. కీలక సమయాల్లో ఒత్తిడికి గురవకుండా ఫినిషర్ పాత్రను బాగా పోషిస్తున్నాడు. ఒకప్పుడు ధోని ఇదేవిధంగా ఆడేవాడు. అభిమానులందరూ ధోనీకి తగ్గ వారసుడు వచ్చాడు అంటూ ఆనందం వ్యక్తం చేస్తున్నారు. అయితే రింగ్ కోసం మీడియా బాక్స్ బద్దలు కొట్టినందుకు సారీ చెప్పుకొచ్చాడు. భారత్ క్లిష్ట సమయంలో ఉన్నప్పుడు బ్యాటింగ్ కి వచ్చాను… భారీ సిక్స్ ఆడినప్పుడు అద్దం పగిలిపోయింది అందుకు సారీ చెబుతున్నా అంటూ పోస్ట్ పెట్టాడు.

టీమిండియా స్టార్ బ్యాట్స్ మెన్ విరాట్ కోహ్లీ గురించి ప్రత్యేకించి చెప్పనవసరం లేదు. కింగ్ కోహ్లీ అని అభిమానులు ముద్దుగా ఆయనను పిలుచుకుంటూ ఉంటారు. వరల్డ్ క్రికెట్ చరిత్రలోనే 50 సెంచరీలు పూర్తి చేసిన క్రికెటర్ గా రికార్డ్ సాధించాడు. తాజాగా జరిగిన వన్డే ప్రపంచ కప్ లో తన బ్యాటింగ్ తో విధ్వంసం చూపించాడు. కోహ్లీ పని అయిపోయింది అన్న వారికి తన బ్యాట్ తో సమాధానం చెప్పాడు.

అలాగే ప్రకటనల ద్వారా ఎక్కువ మొత్తం ఆదాయాన్ని సంపాదిస్తున్న క్రికెటర్ గా కూడా విరాట్ కోహ్లీ రికార్డు సృష్టించాడు. క్రికెటర్లు అందరితో పోలిస్తే విరాట్ కోహ్లీ నెట్ వర్త్ ఎక్కువ. తాజాగా విరాట్ కోహ్లీ ఇప్పుడు మరో రికార్డును తన ఖాతాలో వేసుకున్నాడు.

ప్రపంచంలోకెల్లా అతిపెద్ద సెర్చింగ్ ఏదైనా ఉంది అంటే అది గూగుల్. గూగుల్ తన వ్యవహార కార్యకలాపాలను 1998 సంవత్సరంలో ప్రారంభించింది. అయితే గూగుల్ ప్రారంభించి ఇప్పటికీ 25 సంవత్సరాలు పూర్తవుతుంది. ఇప్పటివరకు గూగుల్ సెర్చ్ ఇంజన్ లో ఎక్కువ శాతం మంది వెతికిన పేరు ఏదైనా ఉంది అంటే అది విరాట్ కోహ్లీనే. గూగుల్ ప్రారంభమున అయ్యేనాటికి విరాట్ కోహ్లీ ఇంకా క్రికెట్ లోకి ఆరంభం కాలేదు. అయినా కూడా విరాట్ కోహ్లీ ఈ రికార్డు సృష్టించాడు అంటే తనకి అభిమానులు ఎంత మంది ఉన్నారో అర్థం చేసుకోవచ్చు. తాజాగా ఈ విషయాన్ని గూగుల్ ఒక వీడియో రూపంలో షేర్ చేసింది. ఇది విని కింగ్ కోహ్లీ అభిమానులు ఆనందం వ్యక్తం చేస్తున్నారు.

భారత జట్టు  మాజీ కెప్టెన్, ప్రస్తుత చెన్నై సూపర్ కింగ్స్ కెప్టెన్ ఎంఎస్ ధోనీ గురించి ప్రత్యేకంగా పరిచయం చేయవలసిన పని లేదు. రిటైర్ అయినప్పటికీ ధోనీ ఫ్యాన్ ఫాలోయింగ్, క్రేజ్ ఏ మాత్రం తగ్గకపోగా, మరింత పెరిగింది. ఇక ఐపీఎల్ మొదటి సీజన్‌ వేలంలో ఫ్రాంచైజీలన్ని ధోనీని దక్కించుకోవడం కోసం చాలా పోటీపడ్డాయి.

ఈ వేలంలో చెన్నై సూపర్ కింగ్స్  జట్టు అందరితో పోటీ పడి, చివరికి ధోనీని దక్కించుకుంది. అప్పటి నుండి ఇప్పటి వరకు పదిహేను సీజన్లగా ధోనీ సీఎస్‌కే జట్టుకే ఆడుతున్నాడు. 5 సార్లు సీఎస్‌కేను విజేతగా నిలబెట్టాడు. అయితే మొదటి సీజన్ వేలంలో ఆర్సీబి కూడా ధోనీ కోసం పోటీ పడింది. అయితే ఎందుకు ధోనీని పొందలేకపోయిందనే విషయం తాజాగా బయటికి వచ్చింది.
ఐపీఎల్ 2008లో ప్రారంభం అయిన విషయం తెలిసిందే. ఈ సీజన్ వేలంలో ఎంఎస్ ధోనీ అత్యధిక రేటు పలికిన ప్లేయర్ గా నిలిచాడు. ఆ సమయంలో ధోనీ దాదాపు ఆరు కోట్ల ధర పలికాడు. ధోనీని సొంతం చేసుకోవడం కోసం అన్ని ఫ్రాంచైజీలు పోటీ పడ్డాయి. వాటిలో చెన్నై సూపర్ కింగ్స్,  ముంబై ఇండియన్స్‌ మరియు ఆర్‌సీబీ (రాయల్ ఛాలెంజర్స్ బెంగళూరు) లు తీవ్రంగా పోటీపడ్డాయి.కొన్ని పరిస్థితుల వల్ల ఆర్‌సీబీ ధోనీని దక్కించుకోలేకపోయిందని అప్పటి వేలంపాటదారుడు రిచర్డ్ మాడ్లీ తాజగా ఇచ్చిన ఇంటర్వ్యూలో వెల్లడించాడు. ‘ఆ సమయానికి ఆర్‌సీబీ తమ ఫ్రాంచైజీ పేరును ఫిక్స్ చేసుకోలేదు. అందువల్ల బెంగళూరు పేరిట వేలంలో పాల్గొంది.  బిడ్డింగ్ రూల్స్ కారణంగా ధోనీని సొంతం చేసుకునే విషయంలో ఆ జట్టు వెన్నక్కి తగ్గాల్సి వచ్చింది’ అని మాడ్లీ పేర్కొన్నాడు.
రూల్ ప్రకారం, జట్టు ఐకాన్ ప్లేయర్ కన్నా ఎక్కువ ఫీజు వేరే ప్లేయర్ కి ఉండకూడదు. ఆ జట్టు రాహుల్ ద్రవిడ్‌ను అప్పటికే  టీమ్ ఐకానిక్ ప్లేయర్‌గా సెలెక్ట్ చేసుకుంది. అందువల్ల అత్యధిక ధర పలికిన ధోనీని జట్టులోకి తీసుకోలేకపోయింది. ముంబై ఇండియన్స్ సైతం ఈ కారణం వల్లే ధోనీని దక్కించుకోలేకపోయింది. ఆ జట్టు అప్పటికే  సచిన్ టెండూల్కర్‌ను ఐకానిక్ ప్లేయర్‌గా తీసుకుంది.

Also Read: దరిద్రం అంటే RCB దే అనుకుంటా.? టీం నుండి తీసేయగానే ఆ ప్లేయర్ సెంచరీ.! ఎవరంటే.?

విజయ్ హజారే ట్రోఫీ 2023లో భాగంగా డిసెంబర్ 11వ తేదీన హర్యానాతో మ్యాచ్ జరిగింది. ఇందులో మొదటి క్వార్టర్ ఫైనల్ లో బెంగాల్ ఆటగాడు, అలాగే రాయల్ ఛాలెంజర్స్ బెంగళూరు జట్టు మాజీ ప్లేయర్ అయిన షాబాజ్ అహ్మద్ సూపర్ సెంచరీ (118 బంతుల్లో 100 పరుగులు) చేశారు.

బెంగాల్ జట్టులో రెండవ అత్యధిక స్కోర్, అభిషేక్ చేసిన 24 పరుగులు మాత్రమే కావడం గమనార్హం. దీన్ని బట్టి షాబాజ్ అహ్మద్ ఎలా ఆడారు అనేది చెప్పవచ్చు. మిగిలిన ప్లేయర్స్ అందరూ పెవిలియన్ వైపు వెళ్ళిపోతున్నా కూడా షాబాజ్ అహ్మద్ మాత్రం ఒంటరి పోరాటం చేసి తన జట్టుకి స్కోర్ అందించడంలో సహాయం చేశారు.

దాంతో మొదట బ్యాటింగ్ చేసిన బెంగాల్ జట్టు నిర్ణీత 50 ఓవర్లలో 225 పరుగులు చేసి ఆల్ అవుట్ అయ్యింది. దాంతో ఈ మ్యాచ్ లో రాణించడంతో షాబాజ్ అహ్మద్ మీద బెంగాల్ అభిమానులు అందరూ కూడా ప్రశంసలు కురిపిస్తున్నారు. అయితే మరొకవైపు రాయల్ ఛాలెంజర్స్ జట్టుని కూడా విపరీతంగా ట్రోల్ చేస్తున్నారు. ఐపీఎల్ తదుపరి సీజన్ వస్తుంది అన్న సంగతి తెలిసిందే. అయితే ఇతని స్థానంలో సన్ రైజర్స్ హైదరాబాద్ జట్టు ప్లేయర్ అయిన మయాంక్ దాగర్ ని రాయల్ ఛాలెంజర్స్ బెంగళూరు తమ జట్టులోకి తీసుకుంది. మయాంక్ కూడా ఆల్ రౌండరే.

నిజానికి షాబాజ్ అహ్మద్ రిటైన్ చేసుకోదగ్గ ప్లేయర్. అయినా కూడా మయాంక కోసం ఇతన్ని వదిలేశారు. గత సీజన్ లో మయాంక్ మూడు మ్యాచ్ లలో కేవలం ఒక వికెట్ తీశారు. అయితే షాబాజ్ అహ్మద్ కూడా గత సీజన్ లో పేలవమైన ప్రదర్శన ఇచ్చారు. 5 ఇన్నింగ్స్ లో ఒక వికెట్ మాత్రమే తీయగా, 6 ఇన్నింగ్స్ లో 42 పరుగులు చేశారు. మయాంక్ కోసం హైదరాబాద్ జట్టు 1.8 కోట్లు ఖర్చు చేసింది. మరొక పక్క బెంగళూరు జట్టు షాబాజ్ అహ్మద్ కోసం 2.4 కోట్లు వెచ్చించింది. దాంతో ఇప్పుడు, “ఇంత మంచి ఆటగాడిని ఎలా వదిలేసారు?” అంటూ రాయల్ ఛాలెంజర్స్ బెంగళూరు జట్టు మీద కామెంట్స్ చేస్తున్నారు.

ALSO READ : క్రికెట్ లో ఇక నుండి కొత్త రూల్… టి20 లో అమలు చేయనున్న ఐసిసి

అంతర్జాతీయ క్రికెట్ కౌన్సిల్ ఎప్పటికప్పుడు క్రికెట్ లో కొత్త నిబంధనలు తీసుకొస్తు పరిమిత ఓవర్ల క్రికెట్ కి ఉన్న ఆదరణను కాపాడేందుకు ప్రయత్నిస్తూ ఉంటుంది. ఇప్పుడు మరో కొత్త రూల్ ను టి20 లో ప్రవేశపెట్టనుంది.డిసెంబర్‌ 12 నుంచి పొట్టి ఫార్మాట్‌లో కొత్త రూల్‌ను అమల్లోకి తేనుంది.

విండీస్‌-ఇంగ్లండ్‌ జట్ల మధ్య రేపటి నుంచి ప్రారంభమయ్యే 5 మ్యాచ్‌ల టీ20 సిరీస్‌ లో ఐసీసీ స్టాప్‌ క్లాక్‌ అనే నిబంధనను ఆచరణలోకి పెట్టనుంది.ఈ నిబంధన వచ్చే ఏడాది ఏప్రిల్‌ వరకు ప్రయోగాత్మకంగా అమల్లో ఉంటుందని ఐసీసీ ఒక ప్రకటనలో తెలియజేసింది. స్టాప్‌ క్లాక్‌ రూల్‌ మెన్స్ వన్డే, టీ20 ఫార్మాట్లలో అమల్లో ఉంటుంది.

ఓవర్ కి ఓవర్ కి మధ్య సమయం వృధా అవ్వకుండా ఐసీసీ ఈ స్టాప్ క్లాక్ రూల్ ను తీసుకువచ్చింది. బౌలింగ్ వేసే జుట్టు ఒక ఓవర్ పూర్తయిన తర్వాత మళ్లీ 60 సెకండ్లు లోపు తర్వాత ఓవర్ మొదలుపెట్టాలి. రెండుసార్లు ఈ 60 సెకండ్లకు గడువు దాటితే మూడోసారి బ్యాటింగ్ చేసే టీం కి 5 పరుగులను యాడ్ చేస్తారు. దీనివల్ల ఈ t20 ఫార్మేట్ లో మరింత వేగం పెరుగుతుందని ఐసీసీ భావిస్తుంది.ఫీల్డ్‌ అంపైర్లు స్టాప్‌ క్లాక్‌తో ఈ సమయాన్ని నిర్ధారిస్తారు. నవంబర్‌ 21న అహ్మదాబాద్‌లో జరిగిన బోర్డు సమావేశంలో స్టాప్‌ క్లాక్‌ నిబంధన అమలుపై ఐసీసీ నిర్ణయం తీసుకుంది.

ఐపీఎల్ 2024 కి అంత సిద్ధం చేస్తున్నారు. ఇప్పటికే టీం లన్ని కూడా రిలీజ్ చేసిన ప్లేయర్లు, తమతో అంటిపెట్టుకున్న ప్లేయర్ల జాబితాలను ప్రకటించాయి. ఇంకా కొన్ని టీం అయితే క్యాష్ ట్రేడింగ్ ద్వారా ప్లేయర్లను తెచ్చుకోవడానికి ప్రయత్నిస్తున్నాయి. దుబాయ్ లో జరిగే మినీ వేలంలో వరల్డ్ కప్ లో ప్రతిభ చాటిన ప్లేయర్లను కొనేందుకు ప్రతి టీం దాదాపు ప్రయత్నిస్తుంది. అయితే తాజాగా యూరోపియన్ టీ10 లీగ్‌లో ఓ బ్యాట్స్ మెన్ తన అద్భుతమైన బ్యాటింగ్ తో అందరిని ఆశ్చర్యపరిచాడు.కేవలం 43 బాల్స్‌లో దాదాపు డబుల్ సెంచరీ చేసినంత పని చేశాడు.

కాటలున్యా జాగ్వార్ టీం తరపున ఆడుతున్న హంజా సలీమ్ దార్ ప్రతి బాల్‌ను బౌండరీ దాటించడమే లక్ష్యంగా పెట్టుకున్నాడు. 43 బాల్స్‌లో 193 పరుగులు చేసి ప్రపంచ రికార్డును తన ఖాతాలో వేసుకుని అందరినీ ఆశ్చర్యపరిచాడు. టీ10 మ్యాచ్‌ లలో ఇప్పటికీ ఇదే అత్యధిక స్కోరు.టీ20ల్లో కూడా ఈ స్థాయిలో వ్యక్తిగత స్కోరు నమోదు కాలేదు. ఇప్పటివరకు టీ10 క్రికెట్‌లో అత్యధిక స్కోరుగా ఉన్న 163 పరుగుల రికార్డును హంజా సలీమ్ దార్ బ్రేక్ చేశాడు.

కాగా డిసెంబర్ 5న జరిగిన మ్యాచ్ లో సోహల్ హాస్పటల్టెట్ జట్టుపై అతడు స్కోరు చేసిన 193 పరుగుల్లో 22 సిక్సర్లు, 14 ఫోర్లు ఉన్నాయి. 43 బాల్స్‌లో 36 బాల్స్‌ను బౌండరీలకు తరలించడం విశేషం.బౌలింగ్‌లోనూ హంజా సలీమ్ దార్ మూడు వికెట్లు పడగొట్టాడు. రెండు ఓవర్లు బౌలింగ్ చేసి 15 పరుగులు ఇచ్చాడు. ఇప్పుడు ఈ రికార్డు సృష్టించిన ప్లేయర్ పైన ఐపీఎల్ టీమ్ లు దృష్టి సారిస్తాయేమో చూడాలి. ఎందుకంటే పొట్టి ఫార్మేట్ లలో ఇలా దూకుడుగా ఆడే ప్లేయర్లే కావాలి కాబట్టి.

ఇండియాలో క్రికెట్ కి, సినిమాలకి ఉన్న క్రేజ్ మరే ఇతర రంగాలకి ఉండదు. దాదాపు క్రికెట్ ని సినిమాలని ఇష్టపడని వారు ఎవరు ఉండరు. క్రికెట్ కి సినిమాకు మంచి అనుబంధం కూడా ఉంటుంది. ఎంతోమంది క్రికెటర్లు సినిమా హీరోయిన్ లతో లవ్ ఎఫైర్లు నడిపించిన సందర్భాలు ఉన్నాయి. చాలామంది సినిమా హీరోయిన్ లు క్రికెటర్ల మోజులో పడి జీవితాలను నాశనం చేసుకున్న సందర్భాలు కూడా ఉన్నాయి. అయితే ఒక నటి టీమిండియా స్టార్ క్రికెటర్ తో ఎనిమిదేళ్లు ప్రేమాయణం నడిపి తర్వాత బ్రేకప్ కావడంతో ఇప్పుడు తన కొడుకుతో ఒంటరిగా జీవిస్తుంది.

మనం మాట్లాడుకుంటున్న నటి హిందీ… సౌత్ సినిమాల్లో పనిచేసిన బాలీవుడ్ హీరోయిన్. చాలా మంది ప్రముఖ నటీనటులతో కలిసి పనిచేశారు. 39 ఏళ్ల నటి టీమ్ ఇండియా ఫాస్ట్ బౌలర్‌తో రొమాన్స్ చేసింది. వారు 8 సంవత్సరాలు కలిసి జీవించారు. కానీ ఆ తర్వాత వీరి ప్రేమకథ అనూహ్యంగా ముగిసింది.ఆమె పేరు ఇషా శర్వాణి. ఈ బాలీవుడ్ నటికి మొదట మంచి గుర్తింపు లభించింది. అయితే ఆ తర్వాత ఆశించినంతగా విజయాలు అందుకోలేకపోయింది.దర్వాజా బ్యాండ్ రఖో, యు మీ ఔర్ హమ్, లక్కీ బై ఛాన్స్, ఖరీబ్ ఖరీబ్ సింగిల్ చిత్రాల్లో ఇషా నటించింది. ఇది కాకుండా కొన్ని తమిళ, మలయాళ సినిమాలు కూడా చేసింది.

ఇక ఇషా శర్వాణి సినిమాల కంటే ఎక్కవ వ్యక్తిగత జీవితమే వార్తల్లో నిలిచింది.ఇషా ఇండియన్ స్టార్ క్రికెటర్ జహీర్ ఖాన్‌తో రిలేషన్‌షిప్‌లో ఉండేది. దాదాపు పదహారేళ్ల క్రితం జహీర్, ఇషా ఓ ఈవెంట్‌లో కలుసుకున్నారు. ఆ రోజు నుంచి ఇద్దరూ మంచి స్నేహితులయ్యారు. అనంతరం వీరి మధ్య ప్రేమ చిగురించింది

2012లో ఇషా శర్వాణి ఒక ఇంటర్వ్యూలో జహీర్ ఖాన్‌తో విడిపోవడం గురించి చెప్పింది. విడిపోవడానికి కారణం ఏమిటో నేను మీకు చెప్తాను. కానీ ఇప్పటికీ జహీర్‌ను తన బెస్ట్ ఫ్రెండ్‌గానే పరిగణిస్తున్నట్లు తెలిపింది. ఇషా శర్వాణితో విడిపోయిన తర్వాత, జహీర్ ఖాన్ స్నేహితుడి పార్టీలో మరో నటి సాగరిక ఘట్గేని కలిశాడు. ఇద్దరూ ఒకరినొకరు ఇష్టపడ్డారు. స్నేహం ప్రేమగా మారి పెళ్లి చేసుకున్నారు.ఇషా ప్రస్తుతం తన కొడుకుతో కలిసి ఆస్ట్రేలియాలోని పెర్త్‌లో ఒంటరిగా ఉంటోంది.

ఒక పక్క ఐపీఎల్ సందడి ఉండగానే మరో పక్క…WPL సందడి కూడ మొదలయింది. మహిళల ప్రీమియర్ లీగ్ సీజన్-2 వేలం ప్రక్రియ తాజాగా ముగిసింది. ఈ వేలంలో ఆస్ట్రేలియాకు చెందిన అనాబెల్ సదర్లాండ్, కశ్వీ గౌతమ్ అత్యధిక ధర దక్కించుకున్నారు.

#1. అన్నాబెల్‌ను ఢిల్లీ క్యాపిటల్స్ ఫ్రాంచైజీ రూ. 2 కోట్లకు కొనుగోలు చేసారు

#2. అన్‌క్యాప్డ్ కాష్వీ గౌతమ్‌ను రూ.2 కోట్లకు గుజరాత్ జెయింట్స్ కొనుగోలు చేసింది.

#3. వృందా దినేష్‌ ను రూ.1.30 కోట్లకు యూపీ వారియర్స్‌ సొంతం చేసుకుంది.

#4. ముంబై ఇండియన్స్‌ రూ.1.20 కోట్లకు షబ్నమ్ ఇస్మాయిల్‌ను కొనుగోలు చేసింది

#5. లిచిఫోల్డ్‌ను కోటి రూపాయలకు గుజరాత్ జెయింట్స్‌ కొనుగోలు చేసింది.

ఈ వేలంలో మొత్తం 165 మంది ఆటగాళ్లు పాల్గొనగా మొత్తం 30 మంది ఆటగాళ్లకు అవకాశం లభించింది. వేలం ప్రక్రియ ముగిసిన తర్వాత ప్రతి జట్టులోని ఆటగాళ్ల జాబితా టీమ్స్ ప్రకటించాయి.

ఢిల్లీ క్యాపిటల్స్ (DC):

అలిస్ కాప్సే, అరుంధతి రెడ్డి, జెమీమా రోడ్రిగ్జ్, జెస్ జోనాస్సెన్, లారా హారిస్, మరిజానే కప్, మెగ్ లానింగ్, మిన్ను మణి, పూనమ్ యాదవ్, రాధా యాదవ్, షఫాలీ వర్మ, శిఖా పాండే, స్నేహ దీప్తి , తానియా, టిటాస్ సాధు, అన్నాబెల్ సదర్లాండ్, అపర్ణ మోండల్, , అశ్వని కుమారి.

గుజరాత్ జెయింట్స్ (GG) :

ఆష్లీ గార్డనర్ , బెత్ మూనీ, దయాళన్ హేమలత, హర్లీన్ డియోల్, లారా వోల్వార్డ్, షబ్నమ్ షకీల్, స్నేహ రాణా, తనూజా కన్వర్, ఫోబ్ లిచ్‌ఫీల్డ్*, మేఘనా సింగ్, త్రిష పూజిత, కశ్వీ గౌతమ్, ప్రియా మిశ్రా, లారెన్ చీటిల్, క్యాథరిన్ బ్రైస్,మన్నత్ కశ్యప్, తరంనుమ్ పఠాన్, వేద కృష్ణమూర్తి.

ముంబై ఇండియన్స్ (MI):
అమంజోత్ కౌర్, అమేలియా కెర్, క్లో ట్రయాన్, హర్మన్‌ప్రీత్ కౌర్, హేలీ మాథ్యూస్, హుమైరా కాజీ, ఇసాబెల్లె వాంగ్, జింటిమణి కలిత, నటాలీ స్కివర్, పూజా వస్త్రాకర్, ప్రియాంక బాలా, సైకా ఇషాక్, యస్తిక భాటియా , షబ్నిమ్ ఇస్మాయిల్, S సజ్నా, అమన్‌దీప్ కౌర్, ఫాతిమా జాఫర్, కీర్తనా బాలకృష్ణన్.

రాయల్ ఛాలెంజర్స్ బెంగళూరు (RCB):
ఆశా శోబన, దిశా కసత్, ఎల్లిస్ పెర్రీ, హీథర్ నైట్, ఇంద్రాణి రాయ్, కనికా అహుజా, రేణుకా సింగ్, రిచా ఘోష్, రాంకా పాటిల్, స్మృతి మంధాన, సోఫీ డివైన్, జార్జియా వేర్‌హమ్, ఏక్తా బిష్త్ , కేట్ క్రాస్, శుభా సతీష్, సిమ్రాన్ బహదూర్, సబ్బినేని మేఘన, సోఫీ మోలినెక్స్.

UP వారియర్స్ (UPW):
అలిస్సా హీలీ, అంజలి సర్వాణి, దీప్తి శర్మ, గ్రేస్ హారిస్, కిరణ్ నవగిరే, లారెన్ బెల్, లక్ష్మీ యాదవ్, పార్షవి చోప్రా, రాజేశ్వరి గైక్వాడ్, S. యశశ్రీ, శ్వేతా సెహ్రావత్, సోఫీ ఎక్లెస్టోన్, తహ్లియా, డానీ వాట్, బృందా దినేష్, పూనమ్ ఖేమ్నార్, సైమా ఠాకోర్, గౌహర్ సుల్తానా.

ప్రస్తుతం క్రికెటర్లందరూ ఫిట్ నెస్ కి అధిక ప్రాధాన్యం చేస్తున్నారు. గ్రౌండ్ లో గాయాల బారిన పడకుండా ఉండాలంటే ఫిట్ నెస్ కీలకమని ప్రతి ఆటగాడు తెలుసుకుంటున్నాడు. అందుకోసం గంటల తరబడి కసరత్తులు చేస్తున్నారు. తమని తాము ఫిట్ గా ఉంచుకునేందుకు నిరంతరం శ్రమిస్తున్నారు. ఫిట్ నెస్ టాపిక్ వస్తే అందరికంటే ముందు గుర్తొచ్చేది భారత స్టార్ బ్యాట్స్ మెన్ విరాట్ కోహ్లీ. విరాట్ కోహ్లీ నిత్యం జిమ్ లో కసరత్తులు చేస్తూ ఉంటాడు. క్రికెట్ మ్యాచ్ లు ఉన్నా లేకపోయినా కూడా తన దినచర్యలో ఎక్సర్సైజ్ అనేది ఉంటుంది.

అయితే కొందరి క్రికెటర్లకు అద్భుతమైన టాలెంట్ ఉన్నా కూడా తమను తాము ఫిట్ గా ఉంచుకోవడంలో విఫలం అవుతూ ఉంటారు. మంచి టాలెంట్ ఉన్న‌ప్ప‌టికీ వారు ఫిట్‌నెస్ ను ఏ మాత్రం ప‌ట్టించుకోరు. ఈ జాబితాలోకే వ‌స్తాడు అఫ్గానిస్తాన్ వికెట్ కీప‌ర్ బ్యాట‌ర్ మ‌హ్మ‌ద్ షాజాద్‌.

చూడ‌డానికి కొంచెం లావుగా ఉన్న‌ప్ప‌టికీ అద్భుమైన టాలెంట్ ఈ ఆటగాడి సొంతం. 35 ఏళ్ల ఈ క్రికెట‌ర్ భారీ షాట్ల‌ను అవ‌లీల కొట్టేస్తాడు. అఫ్గానిస్థాన్ క్రికెట‌ర్ల‌లో ఇత‌డు చాలా కీల‌కం. అఫ్గానిస్థాన్ త‌రుపున ఇప్ప‌టి వ‌ర‌కు రెండు టెస్టులు, 84 వ‌న్డేలు, 73 టీ20 మ్యాచులు ఆడాడు. టెస్టుల్లో 69 ప‌రుగులు, వ‌న్డేల్లో ఆరు సెంచ‌రీలు, 14 హాఫ్ సెంచ‌రీల సాయంతో 2727 ప‌రుగులు, టీ20ల్లో ఓ సెంచ‌రీ, 12 అర్ధ‌శ‌త‌కాల‌తో 2048 ప‌రుగులు చేశాడు.

అయితే ఎంత బాగా ఆడుతున్న‌ప్ప‌టికీ అత‌డి బ‌రువు గురించి ఏప్పుడూ చ‌ర్చ జ‌రుగుతూనే ఉంటుంది. మ‌హ్మ‌ద్ షాజాద్ గురించి అఫ్గానిస్థాన్ మాజీ కెప్టెన్ అస్గర్ ఆఫ్ఘన్ భార‌త దిగ్గ‌జ ఆట‌గాడు ఎంఎస్ ధోనిల మ‌ధ్య‌ జ‌రిగిన ఓ స‌రదా సంభాష‌ణ ప్ర‌స్తుతం వైర‌ల్‌గా మారింది. షాజాద్ గ‌నుక 20 కిలోల బ‌రువు త‌గ్గితే అత‌డిని ఐపీఎల్‌లో ఆడిస్తాన‌ని ధోని చెప్పాడట.అయితే షాజాద్ మాత్రం మ‌రో ఐదు కిలోల బ‌రువు పెరిగాడంటూ అస్గర్ ఆఫ్ఘన్ చెప్పాడు. ఓ ఆంగ్ల మీడియాకు ఇచ్చిన ఇంట‌ర్వ్యూలో తాజాగా అత‌డు ఈ విష‌యాన్ని వెల్ల‌డించాడు.