Viral

ఈ మధ్య ప్రతి అకేషన్ కి ఫోటో షూట్ అనేది సాధారణమైపోయింది. పెళ్ళికి ముందు ఒక ఫోటో షూట్ పెళ్లి అయిన తర్వాత ఒక ఫోటో షూట్. తల్లి కాబోయే ముందు ఒక ఫోటో షూట్. తల్లి అయిన తర్వాత ఒక ఫోటో షూట్. అవి మళ్లీ సాధారణంగా ఫోటో దిగినట్లు కాకుండా ఫోటోగ్రాఫర్స్ వాటిని ఒక కాన్సెప్ట్ తో డిజైన్ చేస్తారు.

ఇటీవల టెక్సాస్ కి చెందిన బేథానీ కరులక్ అనే ఒక మహిళ ప్రీ బేబీ ఫోటో షూట్ (అంటే పిల్లలు పుట్టే ముందు చేయించుకునే ఫోటో షూట్) చేయించుకున్నారు. ఆవిడ ఫోటో షూట్ చేయించుకున్న కాన్సెప్ట్ కొత్తగానే కాదు వింతగా కూడా ఉంది.

పొట్ట మీద దాదాపు పదివేల తేనెటీగల తో ఫోటోలు తీసుకున్నారు బేథానీ. సోషల్ మీడియా లో బేథానీ పోస్ట్ చేసిన ఈ ఫోటోలను చూసి నెటిజన్లు ఆశ్చర్యపోతున్నారు. కొంతమందేమో ఎందుకు ఇలాంటి సాహసాలు చేయడం సీతాకోక చిలుకల తో నో ఫోటోలు తీయించుకోవచ్చు కదా? అని అంటున్నారు. మరి కొంతమందేమో ఆమె ధైర్యానికి ప్రశంసిస్తున్నారు.

బేథానీ దీనిపై స్పందిస్తూ ” దయచేసి మీరు ఎవ్వరు ఇలాంటివి నిపుణుల సహాయం లేకుండా ప్రయత్నించకండి. నేను డాక్టర్ల అనుమతి తీసుకొనే ఈ ఫోటో షూట్ చేయించుకున్నాను. మొదట రాణి తేనెటీగ ను నా పొట్ట పై ఉంచారు. తర్వాత మిగిలిన తేనెటీగలు రాణి తేనెటీగ చుట్టూ గూడు కట్టుకున్నాయి.ఈ ప్రెగ్నెన్సీ ఫోటోషూట్ మీ అందరికీ మామూలుగా అనిపిస్తుండొచ్చు. కానీ కాదు.

ఏడాది క్రితం నాకు మిస్ క్యారేజ్ అయింది. తర్వాత సర్జరీ అయింది. దాంతో నేను డిప్రెషన్ లోకి వెళ్ళిపోయాను. నా శారీరక ఆరోగ్యం, మానసిక ఆరోగ్యం రెండు క్షీణించాయి. కొన్ని నెలల తరువాత మళ్లీ నేను ప్రెగ్నెంట్ అని తెలిసింది.

నెలలు గడిచే కొద్దీ నాలో భయం పెరుగుతూ వచ్చింది. మళ్లీ అప్పుడు అయినట్టు అవ్వకూడదు అనుకున్నాను.నా బిడ్డ పుట్టిన తర్వాత ఈ ఫోటో చూసి తన తల్లి ఎంత ధైర్యవంతురాలో తెలుసుకోవాలని ఇలా చేశాను. కానీ ఇదంతా డాక్టర్ల సలహా తోనే చేసాము” అని అన్నారు. బేథానీ ఒక మానసిక నిపుణురాలు ఇంకా మోటివేషనల్ కోచ్. అడ్వెంచర్ అనేది బేథానీ కి కొత్తేం కాదు. బేథానీ మొదటి నుండి కూడా ఇలాంటి సాహసాలు ఎన్నో చేశారు.

కరోనా కారణంగా ప్రస్తుతం దేశమంతా కార్యకలాపాలు నిలిచిపోయాయి.దానితో చిన్న పెద్ద తేడా లేకుండా అందరూ ఇళ్లకు పరిమితమయ్యారు.రాష్ట్ర ప్రభుత్వాలు విద్యాసంస్థలు ఇలాంటి సమయంలో తల్లిదండ్రులు పై ఎలాంటి భారాలను మోపకుండా ఉండడం కోసం ఇప్పటికే   పరీక్షలను  ఆన్ లైన్ క్లాస్ లను రద్దు చేసింది.దానితో  కుర్రకారంత పగలు రాత్రి తేడా లేకుండా ఫోన్లోని గేమ్స్ మీద పడిపోయారు.పాపులర్ గేమ్ పబ్ జీ మాయలో పడి ఒక టీనేజ్ యువకుడు తండ్రి బ్యాంక్ ఖాతా నుండి 16 లక్షల ఖర్చు చేసిన ఉదంతం ఈ మధ్య బయటపడింది.

ఆ ఉదంతం మర్చిపోకముందే మళ్లీ పంజాబ్ రాష్ట్రంలోనే ఇలాంటి మరో ఘటన చోటు చేసుకుంది. మొహాలీకి చెందిన 15 ఏళ్ళ కుర్రాడు ఈ సంవత్సరం జనవరి నుండి పబ్ జీ గేమ్ ఆడుతున్నాడు.ఈ గేమ్ లో ఇన్ యాప్ పర్చేస్ కోసం తన తాతయ్య పెన్షన్ ఖాతాను లింక్ చేసి అందులో నుండి దాదాపు 2 లక్షల రూపాయల కొనుగోలు చేశాడు.తాజాగా పెన్షన్ ఖాతాను కుటుంబ సభ్యులు చూసిన సందర్భంలో ఈ ఉదంతం బయటపడింది. పిల్లవాడి బాబాయి పోలీసులకు మెయిల్ ద్వారా కంప్లైంట్ ను పంపారు.అందులో ప్రత్యేకంగా తమ పిల్లవాడు గేమ్ ఆడడం కోసం కొత్త సిమ్ ను కొనుగోలు చేసిన విషయాన్ని పేర్కొన్నారు.

ఈ వరస సంఘటనలు చూస్తున్న తల్లిదండ్రులు విద్యాసంస్థలు తమ జేబులకు వేస్తున్న చిల్లు కంటే తమ పిల్లలు గేమ్ ల కోసం వేస్తున్న చిల్లులు ఎక్కువని బాధపడుతున్నారట.త్వరలో వీరంతా ప్రభుత్వాన్ని తమ పిల్లల కోసం ఆన్ లైన్ క్లాస్ లు నిర్వహించాలని కోరినా ఆశ్చర్యపడనక్కర్లేదు.

లాక్ డౌన్ లో జనాలు ఎక్కువగా మిస్సయిన ఫుడ్ పానీ పూరి. పేరు తలుచుకుంటేనే మనలో సగం మందికి నోరూరుతుంది. కొంతమంది యూట్యూబ్ పుణ్యమా అని ఇంట్లో ట్రై చేశారు. కానీ ఏదేమైనా ఆ బండి దగ్గర నుంచొని పానీపూరి అతను మన చేతిలో ఉన్న ప్లేట్ లో ఒక్కొక్క పానీ పూరి పెడుతూ ఉంటే మనం దాంట్లో అదే ప్లేట్ లో ఉన్న ఉల్లిపాయలు ఆ పానీ పూరి లో వేసుకొని తింటూ ఉంటే అబ్బా! అదొక ఎమోషన్.

అలాంటి పానీపూరి బండి ని గత నాలుగు నెలలుగా ఎక్కడా పెట్టు పెట్టనివ్వలేదు. ఇప్పుడు జొమాటో,  స్విగ్గి ఓపెన్ అయినా కానీ అందులో పానీపూరి లేదు. ఒక్క ముక్కలో చెప్పాలంటే మన దేశ ప్రజలందరూ కరువు లో ఉన్నారు. అవును పానీ పూరి కరువు లో ఉన్నారు.ఒకవేళ కొన్నాళ్ల తర్వాత పరిస్థితి అంతా మామూలుగా అయ్యి పానీపూరి బండి పెట్టడానికి అనుమతి ఇస్తే ప్రతి పానీపూరి బండి పెట్టుకునేవాడు దేశంలో ఉన్న అత్యధిక సంపన్నుల లిస్టులో కచ్చితంగా ఉంటారు. మీరు సినిమాల్లో చూసే ఉంటారు కొడుకు తప్పిపోయి 20 ఏళ్ల తర్వాత తల్లిదండ్రుల్ని కలిస్తే వాళ్ల రియాక్షన్ ఎలా ఉంటుంది అనేది. ఇప్పుడు లాక్ డౌన్ ఎత్తేసిన తర్వాత పానీపూరి బండి ని చూస్తే మన రియాక్షన్ కూడా దాదాపు అలానే ఉంటుంది. ఆనందభాష్పాలు అన్నమాట.

ఇలా పానీపూరి ఆకలితో అలమటించి పోతున్న ప్రజలని ఆదుకోవడానికి ఒక ఆపద్బాంధవుడు పానీపూరి మెషిన్ ని కనిపెట్టాడు. అవును ఇది కల కాదు మీరు విన్నది నిజమే. పానీపూరి మిషన్ వచ్చింది. గుజరాత్ కి చెందిన వ్యక్తి దీన్ని కనిపెట్టాడు. పానీపూరి మెషిన్ డెమో చేస్తూ ఆ వ్యక్తి తీసిన వీడియో సోషల్ మీడియాలో ఇప్పుడు వైరల్ అయింది.చూడటానికి కొంచెం ఏటీఎం మెషిన్ లాగానే ఉంటుంది. మనకి ఎన్ని రూపాయల పానీపూరి కావాలో ముందు ఆ నంబర్ ప్రెస్ చేయాలి. తర్వాత ఏటీఎం కార్డు పెట్టినట్టే ముందు ప్రెస్ చేసిన అన్ని రూపాయల నోటు పెట్టాలి. క్యాష్ వచ్చే కౌంటర్ లాగా ఉన్న డబ్బా లో ఒక బెల్ట్ ఉంటుంది ఆ బెల్ట్ మీద పానీ పూరి పట్టే షేప్ లో రంధ్రాలు ఉంటాయి. వాటిలో ఒక్కొక్క పానీపూరి బయటికి వస్తుంది. ఆ బెల్ట్ కదులుతూ ఉంటుంది కాబట్టి పానీపూరి బయటికి వచ్చిన వెంటనే మనం దాన్ని తీసేసుకోవాలి.

Now this is real Indian ingenuity!

A Pani Poori vending machine.

Call it by any name Gol Gappe, Puchka, Batasa – we love it! pic.twitter.com/wC288b9uUD

— Hardi Singh (@HardiSpeaks) July 2, 2020

ఇదే ఆ మెషిన్. బాగుంది కదా? కానీ కొన్ని సదుపాయాలు లేకపోవడం వల్ల కాస్త అసంతృప్తిగా ఉంది.

#1 ఓకే గూగుల్ అని ఏదైనా ప్రశ్న అడగంగానే గూగుల్ ఆ ప్రశ్నకి సమాధానం ఇస్తుంది. అదేవిధంగా ఆ మెషిన్ ముందు నించొని “భయ్యా థోడా ప్యాజ్ డాలో” అనంగానే ఉల్లిపాయలు పడడం,

#2 ఇంకా “భయ్యా థోడా పాని డాలో” అనగానే పానీపూరి నీళ్లు రావడం

#3 అదే కాకుండా స్పెషల్ పానీపూరి  రావడం

#4 అదే కాకుండా మీఠా పూరి కూడా వస్తే ఇంకా బాగుంటుంది.

సరే ఎలాగో మన తెలుగు రాష్ట్రాల్లో ఇంకా ఈ మిషన్ రాలేదు కాబట్టి పైన చెప్పినవి అన్నీ ఆడ్ చేసి అప్డేటెడ్ పానీపూరి మిషన్ విడుదల చేయమని అడుగుదాం. ఈ విషయాన్ని సోషల్ మీడియా అనే ఆయుధం ద్వారా రెండు రాష్ట్రాల ప్రభుత్వాల వరకు తీసుకెళ్దాం.

కానీ ఏదేమైనా ఇలా ఫుడ్ ని తయారుచేసే మిషిన్ కనిపెట్టడం అంటే చిన్న విషయం కాదు. ఒకవేళ ప్రభుత్వం దీన్ని గుర్తించి ఆ మెషిన్ వేరే రాష్ట్రాల్లో కూడా విడుదల చేస్తే పానీ పూరి మళ్లీ అందుబాటులోకి వస్తుంది. కానీ అంతకంటే ఎక్కువగా ఎన్నో నెలలు కష్టపడి ఈ మెషిన్ తయారు చేసిన ఆ వ్యక్తికి తన ఆవిష్కరణ ను అందరికీ చూపించడానికి ఒక వేదిక దొరుకుతుంది.మనం పడే కష్టానికి తగిన గుర్తింపు లభించాలి అనే ఆకలి ముందు పానీ పూరి ఆకలి చిన్నదే. ఈ మెషిన్ గనుక వెలుగులోకి వస్తే ఆ వ్యక్తి కష్టానికి తగిన ప్రతిఫలం, గుర్తింపు లభిస్తుంది.