“జిన్నా” సినిమాకు కలెక్షన్ ఎంత..? రావాల్సింది ఎంత..?

మంచు విష్ణు హీరోగా వచ్చిన సినిమా జిన్నా. ఈ సినిమాలో పాయల్ రాజ్‌పుత్, సన్నీ లియోన్ హీరోయిన్లుగా నటించారు. వీరు మాత్రమే కాకుండా ఈ సినిమాలో ఎంతో మంది ప్రముఖ నటులు ముఖ్య పాత్రలు పోషిస్తున్నారు. ఈ సినిమాకి సూర్య దర్శకత్వం వహించారు.

మంచు విష్ణు ఈ సినిమాకి నిర్మాతగా వ్యవహరించారు. అనూప్ రూబెన్స్ ఈ సినిమాకి సంగీత దర్శకత్వం ఇచ్చారు. ఈ సినిమా విడుదల అయ్యింది. మంచి టాక్ ఈ సినిమాకు వచ్చింది.

ఈ సినిమాలో ఒక పాటని మంచు విష్ణు కూతుర్లు అరియానా-వివియానా పాడారు అన్న విషయం తెలిసిందే. ఆ పాటలో వారు కనిపిస్తారు కూడా. ఈ సినిమాలో మంచు విష్ణు గెటప్ చాలా డిఫరెంట్ గా ఉంది. సన్నీ లియోన్ అంతకు ముందు మంచు మనోజ్ హీరోగా నటించిన కరెంట్ తీగ సినిమాలో కూడా ఒక ముఖ్య పాత్రలో నటించారు. మళ్లీ చాలా సంవత్సరాల తర్వాత తెలుగులో ఇప్పుడు నటిస్తున్నారు. ఈ సినిమా తెలుగులో మాత్రమే కాకుండా తమిళ్, కన్నడ, మలయాళం, హిందీ భాషల్లో కూడా విడుదల అయ్యింది.

ఇక ఈ సినిమా ఎన్ని కోట్లను రాబట్టింది అనేది చూస్తే.. జిన్నా చిత్రానికి రూ.4.35 కోట్ల థియేట్రికల్ బిజినెస్ జరిగింది. అయితే బ్రేక్ ఈవెన్ అవ్వాలంటే రూ.4.6 కోట్ల షేర్ రావాలట. ఇది నిజంగా అంత ఈజీ అయితే కాదు. ఎందుకంటే ఈ సినిమాకు పోటీగా ‘ప్రిన్స్’ ‘ఓరి దేవుడా’ ‘సర్దార్’ వంటి మూవీస్ వున్నాయి. పైగా కాంతారా సినిమా మంచి టాక్ ని తెచ్చుకుంటోంది. అయితే ఇలాంటి సమయంలో రూ.4.6 కోట్ల షేర్ రావడం కష్టమే. మరి ఏం అవుతుందో చూడాలి.