Ads
జిమెయిల్ అనేది నిస్సందేహంగా అక్కడ అత్యంత ప్రజాదరణ పొందిన మెయిలింగ్ సర్వీస్. ప్రతి ఒక్కరు జిమెయిల్ ఐడిని కలిగి ఉంటారు. ఆఫీస్ లలో, ఇతర సంస్థలలో కస్టమర్లను కమ్యూనికేట్ చేయడంలో జిమెయిల్ కీలక పాత్ర పోషిస్తోంది. గత సంవత్సరం నాటికి 1.8 బిలియన్ల కంటే ఎక్కువ మంది ప్రజలు జిమెయిల్ ను వాడుతున్నారంటే అది అతిశయోక్తి కాదు.
Video Advertisement
దాదాపు 75 శాతం మంది వ్యక్తులు తమ మొబైల్ పరికరాల్లో తమ జిమెయిల్ తెరుస్తున్నారు. దీన్ని దృష్టిలో ఉంచుకుని, గూగుల్ ఇప్పుడు జిమెయిల్ ని ఆఫ్‌లైన్‌లో తీసుకువచ్చింది. యూజర్లకు మరింత సౌలభ్యం తీసుకురావడం కోసమే జిమెయిల్ ఆఫ్ లైన్ సేవలను ప్రారంభించింది.
మౌంటైన్ వ్యూ, కాలిఫోర్నియాకు చెందిన టెక్ దిగ్గజం ప్రకారం, వినియోగదారులు ఇప్పుడు ఇంటర్నెట్‌కు కనెక్ట్ కానప్పటికీ వారి జిమెయిల్ లో వచ్చిన మెయిల్స్ ను చదవచ్చు. ఇంకా రెప్లైలను కూడా పంపవచ్చు. ఇంటర్నెట్ లేని ప్రదేశాలలో, ముఖ్యంగా మారుమూల ప్రాంతాలలో ఈ ఫీచర్ బాగా ఉపయోగపడే అవకాశాలు ఉన్నాయి. ఇది ఆక్టివేట్ చేసుకోవాలంటే మీ mail.google.comకి వెళ్లండి. జిమెయిల్ ను ఆఫ్ లైన్ లో వినియోగించాలంటే అది గూగుల్ క్రోమ్ లోనే సాధ్యం అవుతుంది.
మీ ఇన్‌బాక్స్‌లోకి వచ్చిన తర్వాత, సెట్టింగ్‌లు లేదా కాగ్‌వీల్ బటన్‌ను క్లిక్ చేయండి. “ఆల్ సెట్టింగ్స్” ను క్లిక్ చేయండి. ఈ పేజీ ఓపెన్ అయ్యాక, “ఆఫ్ లైన్” ట్యాబును క్లిక్ చేయండి. ఇది క్లిక్ చేసాక మీకు కొత్త సెట్టింగ్స్ కనిపిస్తాయి. మీరు మీ Gmailతో ఎన్ని రోజుల ఇమెయిల్‌లను సింక్ చేసుకోవాలనుకుంటున్నారో సెలెక్ట్ చేసుకోవచ్చు. తరువాత మీ కంప్యూటర్ లో ఉన్న స్పేస్ ను చూపిస్తుంది. ఒకవేళ ఆఫ్ లైన్ డేటా ఉండి ఉంటె.. ఆ డాటాను తీసేయండి. తర్వాత, మీరు “మార్పులను సేవ్ చేయి”ని క్లిక్ చేయవచ్చు. అప్పటి నుంచి మీరు ఆఫ్ లైన్ జిమెయిల్ ను వాడుకోవచ్చు.
End of Article
