ఈ కింద ఫోటోని గమనించారా..? హ్యాపీగా కనిపిస్తున్న ఫ్యామిలీ లో ఒక వ్యక్తి తలకి మాత్రం బోను లాంటిది కనిపిస్తుంది కదా. ఆ బోనుకి తాళం కూడా వేసి వుంది. ఇదంతా సదరు వ్యక్తి భార్యే చేస్తుందట. తన భర్త తలకి బోను పెట్టేసి దానికి తాళం వేసి, ఆ తాళం కూడా తన దగ్గరే ఉంచుకుంటుందట. రోజంతా ఆ భర్త ఇలానే బోనుకు తాళం వేయించుకుని ఉంటాడట.
అయితే దీనికి ఆ భర్త కూడా సపోర్ట్ చేస్తారట. ఆశ్చర్యం గా ఉంది కదా. ఇక అసలు విషయం ఏంటో తెలుసుకోండి. సదరు వ్యక్తి పేరు ఇబ్రహీం. టర్కీకి చెందిన ఇబ్రహీం కు ఎక్కువగా సిగరెట్లు తాగే అలవాటు ఉందట.
ఒకటి రెండు కాదు.. ఏకంగా రెండు డబ్బాల సిగరెట్లను ఒక్క రోజులో తాగేస్తాడట ఇబ్రహీం. అయితే.. ఈ అలవాటుని మార్చుకోవాలని ఇబ్రహీం చాలానే ప్రయత్నిస్తున్నాడట. 16 సంవత్సరాల వయసులోనే ఇబ్రహీం సిగరెట్లు తాగడం అలవాటు చేసుకున్నాడట. అప్పటి నుంచి ఎంత మానాలని ట్రై చేస్తున్నా మానలేకపోతున్నాడు. అతని తండ్రికి కూడా సిగరెట్లు తాగే అలవాటు ఉంది.
ఆ కారణంగా అతని తండ్రి లంగ్ కాన్సర్ తో మరణించాడట. దీనితో ఇబ్రహీం తన ఫ్యామిలీ క్షేమం కోసం సిగరెట్లకు దూరంగా ఉండాలని నిర్ణయించుకున్నాడట. అయితే.. సిగరెట్లని మాత్రం మానేయలేకపోయేవాడట. దీనితో తలకి బోను బిగించుకుని దానికి తాళం వేసి.. ఆ తాళాన్ని తన భార్యకే ఇచ్చేస్తాడట. తన ఫ్యామిలీ కోసం ఇలాంటి త్యాగాలు చేయక తప్పదని ఇబ్రహీం చెబుతున్నాడు.
