Ads
నిఖిల్ హీరోగా నటించిన ఎక్కడికి పోతావు చిన్నవాడా సినిమాతో తెలుగు ఇండస్ట్రీలో గుర్తింపు సంపాదించుకున్న నటి నందిత శ్వేత. తమిళ సినిమాలతో కెరీర్ మొదలు పెట్టిన నందిత శ్వేత, తర్వాత తెలుగు సినిమాలతో కూడా బిజీ అయిపోయారు.
Video Advertisement
వరుస పెట్టి సినిమాలు చేస్తూనే ఉన్నారు. తెలుగు, తమిళ్ మాత్రమే కాకుండా, కన్నడ, మలయాళం భాషల్లో కూడా నందిత శ్వేత సినిమాలు చేస్తున్నారు. అయితే, నందిత శ్వేత గత సంవత్సరం నటించిన ఒక సినిమా ఇప్పుడు ఓటీటీలో స్ట్రీమ్ అవుతోంది.
ఈ సినిమా పేరు రా రా పెనిమిటి. గత ఏడాది ఏప్రిల్ 28వ తేదీన థియేటర్లలో రిలీజ్ అయిన ఈ సినిమాకి సత్య వెంకట్ దర్శకత్వం వహించారు. మణిశర్మ సంగీత దర్శకత్వం వహించారు. ఈ సినిమా స్పెషాలిటీ ఏంటి అంటే, సినిమా మొత్తం ఒకటే పాత్రతో రూపొందించారు. రిలీజ్ అయినప్పటి నుండి ఈ సినిమాని ఓటీటీలోకి రిలీజ్ చేయాలి అని ఎన్నో ప్రయత్నాలు చేసినా కూడా కొన్ని కారణాల వల్ల ఇది వాయిదా పడుతూ వచ్చింది. ఇప్పుడు ఈ సినిమా హంగామా ప్లే లో స్ట్రీమ్ అవుతోంది. అంతే కాకుండా ఈ సినిమా అమెజాన్ ప్రైమ్ లో కూడా ఉంది. కానీ ఇది భారతదేశంలో అందుబాటులో లేదు.
ఇంక ఈ సినిమా స్టోరీ విషయానికి వస్తే, టైటిల్ కి తగ్గట్టే భర్త కోసం ఎదురు చూస్తున్న ఒక భార్య. చివరికి అతను వచ్చాడా? లేదా? అనే విషయం మీద ఈ సినిమా నడుస్తుంది. సినిమా మొత్తం నందిత శ్వేత పాత్ర మాత్రమే కనిపిస్తారు కాబట్టి ఆమె చాలా బాగా నటించారు. ఒకటే పాత్ర అయినా కూడా సినిమా మొత్తం ఎక్కడా బోర్ కొట్టకుండా రాసుకున్నారు. స్క్రీన్ ప్లే బాగుంది. నందిత శ్వేత డిఫరెంట్ కాన్సెప్ట్ ఉన్న సినిమాలను ఎంచుకుంటూ, డిఫరెంట్ గా ఉన్న పాత్రల్లో నటిస్తూ ఉన్నారు. ఇప్పుడు ఈ సినిమా కూడా అలాంటి ఒక డిఫరెంట్ కాన్సెప్ట్ ఉన్న సినిమాగా, ఒక మంచి పాత్ర ఉన్న సినిమాగా నిలుస్తుంది.
End of Article
