Ads
బుల్లితెరపై పెద్ద స్టార్ క్రేజ్ సంపాదించుకున్న సీరియల్ కార్తీకదీపం గురించి ప్రత్యేకంగా చెప్పాల్సిన అవసరం లేదు. వంటలక్క, డాక్టర్ బాబు క్యారెక్టర్స్ అంటే తమ ఇంట్లోని సభ్యులుగా టీవీ ప్రేక్షకులు భావించే అంతగా చెరగని ముద్ర వేసుకుంది ఈ సీరియల్. కథ పరంగా రొటీన్ గా ఉన్నప్పటికీ రేటింగ్ లో మాత్రం ఇప్పటివరకు ఈ సీరియల్ కు సాటి మరి ఏదీ లేదు అంటే ఆశ్చర్యం కాదు.
Video Advertisement
అయితే డాక్టర్ బాబు, వంటలక్క యాక్సిడెంట్ తర్వాత ఈ సీరియల్ కి రేటింగ్ బాగా పడిపోయింది. అప్పటికి హిమ, సౌర్య పాత్రలు పెద్దవైనట్టు చూపించినా, వాళ్ల జీవితాల్లో కొంత డ్రామా క్రియేట్ చేసినా ప్రేక్షకులు ఆ సీరియల్ కి ఎక్కువగా కనెక్ట్ అవ్వలేకపోయారు.అసలు ఈ సీరియల్ కే మూల స్తంభాలైన వంటలక్క డాక్టర్ బాబు క్యారెక్టర్లు లేకపోవడంతో ఈ సీరియల్ డీలా పడిపోయింది.
ఈ క్రమంలో తిరిగి సీరియల్ రేటింగ్ పెంచడం కోసం డైరెక్టర్ దీపక్కను కార్తీక్ బాబును తిరిగి రంగ ప్రవేశం చేయించారు.
ఊహించని సమయంలో దీపక్క హాస్పిటల్ లో సడన్ గా పైకి లేచి డాక్టర్ బాబు అని పిలిచే ప్రోమో రిలీజ్ చేసి సీరియల్ హైప్ ను అమాంతం పెంచారు. తర్వాత మెల్లిగా డాక్టర్ బాబు, మోనిత క్యారెక్టర్లు కూడా ప్రత్యక్షమయ్యాయి. ఈ ట్విస్టులకే ఎక్సైట్ అవుతున్న కార్తీకదీపం అభిమానులు ఇప్పుడు కొత్తగా వైరల్ అవుతున్న విషయం విని అవాక్కవుతున్నారు. ఆ ట్విస్ట్ ఏంటి అనుకుంటున్నారా……దీపక్క , డాక్టర్ బాబు యాక్సిడెంట్ తర్వాత జరిగిందంతా ఓ కల అయ్యుండొచ్చు.
అదే ఈ సీరియల్ కి రాబోయే పెద్ద ట్విస్ట్ అని ప్రస్తుతం ప్రచారం జరుగుతుంది. ఇది విన్న కార్తీకదీపం అభిమానులు “అంటే ఇప్పటివరకు జరిగింది కలనా “అంటూ షాక్ అవుతున్నారు. అయితే తిరిగి మళ్ళీ పాత క్యారెక్టర్లు రంగ ప్రవేశం చేయడంతో మళ్లీ కథ మొదటికి వచ్చింది.ఇంక మళ్ళీ సీరియల్ అంతా మోనిత, దీపక్క ,డాక్టర్ల బాబు చుట్టూ తిరుగుతుంది అని కొందరు అభిప్రాయపడుతున్నారు. ఏదేమైనాప్పటికీ మళ్లీ ఆ పాత కథ సాగితే మాత్రం ఈసారి ఏ క్యారెక్టర్స్ ఎంటర్ అయిన రేటింగ్ పెరగడం కష్టమని విమర్శకులు అభిప్రాయం.
End of Article
