Ads
వరుస సినిమాలు చేస్తూ బిజీగా ఉన్న హీరోల్లో ప్రభాస్ ముందు వరసలో ఉంటారు. ఇటీవల సలార్ మూవీతో ప్రేక్షకుల ముందుకి వచ్చిన ప్రభాస్, ఇప్పుడు కల్కి 2898 ఏడి, మారుతి దర్శకత్వంలో వస్తున్న రాజా డీలక్స్ సినిమా షూటింగ్ పనిలో బిజీగా ఉన్నారు.
Video Advertisement
ఇది కాకుండా సందీప్ రెడ్డి వంగా దర్శకత్వంలో స్పిరిట్ సినిమాలో కూడా నటిస్తారు. ఈ సినిమాలో ప్రభాస్ పోలీస్ పాత్రలో నటిస్తారు అని సమాచారం. ఇవి మాత్రమే కాకుండా సలార్ సినిమాకి సెకండ్ పార్ట్ కూడా ఉంది.
ప్రభాస్ హీరోగా నటిస్తున్న రాజా డీలక్స్ సినిమా పోస్టర్ ఇటీవల విడుదల చేశారు. ఇందులో సినిమాకి సంబంధించిన టెక్నీషియన్ వివరాలను తెలిపారు. కానీ ఈ సినిమాకి సంబంధించి ఇంకా పూర్తి వివరాలు రావాల్సి ఉంది. ఈ సినిమాలో ప్రభాస్ తండ్రి కొడుకుల పాత్రలో నటిస్తారు అని సమాచారం. ఇప్పటికే షూటింగ్ కి సంబంధించిన కొన్ని పిక్చర్స్ బయటికి వచ్చాయి. ప్రభాస్ లుక్ కూడా చాలా కొత్తగా ఉంది. మారుతి అంటే కామెడీ సినిమాలకి పెట్టింది పేరు. అలాంటి మారుతి ప్రభాస్ ని ఎలా చూపిస్తారు అనే విషయం మీద ఆసక్తి నెలకొంది.
అయితే, ఈ సినిమా కోసం ప్రభాస్ ఒక కొత్త నిర్ణయం తీసుకున్నారు. అదేంటి అంటే, ఈ సినిమా కోసం ప్రభాస్ తన పారితోషకాన్ని వద్దు అన్నారు. కానీ సినిమా విడుదల అయ్యాక, బడ్జెట్ కూడా కట్ చేశాక, మిగిలిన ఆదాయంలో వాటా తీసుకుంటారట. అందుకే సినిమాకి ముందు రెమ్యూనరేషన్ వద్దు అన్నారు. ఇలా చాలా మంది హీరోలు చేస్తూ ఉంటారు. ముఖ్యంగా బాలీవుడ్ సినిమాల్లో ఇలా ఎక్కువగా జరుగుతూ ఉంటాయి. ఇదే పద్ధతిని ఇప్పుడు మన టాలీవుడ్ వాళ్లు కూడా ఫాలో అవుతున్నారు. ప్రస్తుతం ప్రభాస్ రాజా డీలక్స్ సినిమా షూటింగ్ పనిలో బిజీగా ఉన్నారు.
End of Article
