ఇదేం ట్విస్ట్..? ఈసారి సైలెంట్ గా హిట్ కొట్టేలాగ ఉన్నారుగా..?

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు.

బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు. అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు.

బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇక ఇదిలా ఉంటే సలార్ సినిమా షూటింగ్‌లో బిజీగా ఉన్నారు ప్రభాస్. అలానే మారుతీ దర్శకత్వం లో ఓ సినిమాకు కూడా సైన్ చేశారు ప్రభాస్. ఎప్పటి నుండో యాక్షన్ డ్రామా లోనే ఉంటున్న ప్రభాస్ ఇప్పుడు ఎంటర్టైన్మెంట్ సినిమాలను చేయడానికి సిద్ధమయ్యారట. ఈ సినిమా టైటిల్ వచ్చేసి ‘రాజా డీలక్స్’.

దెయ్యం పాత్రను ఈ సినిమాలో ప్రభాస్ చేస్తున్నట్లు తెలుస్తోంది. అంటే ఈ సినిమా చంద్రముఖి, కాంచన రేంజ్లో ఉండొచ్చని టాక్ నడుస్తోంది. ఇప్పటివరకు ఇలాంటి పాత్ర ప్రభాస్ అయితే చేయలేదు మరి ఈ పాత్ర ప్రభాస్ ఎలా చేస్తారు అనేది ఫ్యాన్స్ కి ఆసక్తికరంగా మారింది. అయితే మాములుగా ప్రభాస్ సినిమా అంటే అప్డేట్స్ ఇస్తుంటారు. కానీ రాజా డీలక్స్ సినిమా షూటింగ్ ని సైలెంట్ గా మొదలు పెట్టేసారు కానీ ఏ అప్డేట్ ని ఇంకా ఇవ్వలేదు. సాధారణంగా ఏ సినిమాకైనా అప్డేట్ ని ఇస్తుంటారు. మరి సైలెంట్ గా షూట్ చేసేసి ఏదైనా సడెన్ గా అప్డేట్ ఇస్తారేమో చూడాలి.