Ads
హీరో నాని వరుస సినిమాలతో ఈ ఏడాది ప్రేక్షకుల ముందుకు రానున్నారు. ఇప్పటికే శ్యామ్ సింగ రాయ్ సినిమా తో ప్రేక్షకుల ముందుకి నాని వచ్చిన సంగతి తెలిసిందే. ఈ సినిమాలో హీరోయిన్ గా కృతి శెట్టి నటించారు. టాలెంటెడ్ డైరెక్టర్ రాహుల్ సాంకృత్యాయన్ దర్శకత్వంలో ఈ చిత్రం వచ్చింది.
Video Advertisement
నాని కెరీర్ లో అత్యధిక బడ్జెట్ తో రూపొందించిన సినిమా ఇది. నిహారిక ఎంటర్టైన్మెంట్స్ బ్యానర్ ప్రొడక్షన్ నెంబర్ వన్ గా ఈ చిత్రాన్ని వెంకట్ బోయనపల్లి నిర్మించారు. సినిమా విడుదల అయిన మొదటి రోజు నుండి ఈ సినిమాకి మంచి రెస్పాన్స్ వచ్చింది.
తెలుగు లో మాత్రమే కాకుండా తమిళ, కన్నడ, హిందీ, మలయాళ భాషలలో కూడా ఈ చిత్రం విడుదల అయ్యింది. ఇటీవల ఈ సినిమా ఓటిటిలో కూడా విడుదల అయ్యి ప్రేక్షకుల మన్ననను పొందుతోంది. అయితే.. థియేటర్ లో విడుదల అయిన వెర్షన్ లో లేని సీన్స్ కూడా ఓటిటిలో కనిపిస్తున్నాయి.
తాజాగా ఈ సినిమానుంచి ఓ డిలీటెడ్ సీన్ వైరల్ అవుతోంది. ఈ సీన్ ను చిత్ర యూనిట్ శనివారం విడుదల చేసింది. ఈ సీన్ లో శ్యామ్ సింగ రాయ్ వేశ్యల గురించి తాను రాసిన ఓ లేఖని చదివి వినిపిస్తూ ఉంటాడు. ఇదంతా విన్నాక, వారిలో ఓ వేశ్య ఇంత తెలిసిన వ్యక్తివి నువ్వు.. మరి నన్ను పెళ్లి చేసుకుంటావా..?” అని అడుగుతుంది.
దానికి, నాని “కచ్చితంగా చేసుకుంటాను. నిన్ను ప్రేమించిన రోజున..” అని సమాధానం చెబుతాడు. ఈ సీన్ నిజంగా చాలా బాగుంది. కానీ.. ఈ సీన్ ని సినిమా నుంచి ఎందుకు తీసేసారు అన్న సంగతి తెలియదు. నిహారిక ఎంటర్టైన్మెంట్ బ్యానర్పై విడుదల అయిన ఈ సినిమాపై విమర్శకుల ప్రశంసలు సైతం లభిస్తున్నాయి. ప్రస్తుతం ఈ సినిమా నెట్ ఫ్లిక్స్ లో విజయవంతంగా స్ట్రీమింగ్ అవుతోంది.
Watch Video:
End of Article