Ads
బుల్లితెర యాక్టర్స్ చాలామంది వారి సొంత పేర్లతో కన్నా ఆయా సీరియళ్లలో వారి పాత్రల పేరుతోనే ఎక్కువగా గుర్తుంటారు. అలాంటి వారిలో రాగిణి ఒకరు.. పేరు తెలియకపోయినా ముఖం చూడగానే ఇట్టే గుర్తు పట్టేస్తారు.ఒకటా రెండా సుమారు 35ఏళ్లుగా ఇండస్ట్రీలో ఉండి తనకంటూ గుర్తింపు తెచ్చుకున్న నటి .సుమారు 550 సీరియళ్లు,190 సినిమాల్లో నటించిన రాగిణి ఇటీవల ఒక యూట్యూబ్ ఛానెల్ కి ఇచ్చిన ఇంటర్వ్యూలో తన పర్సనల్ లైఫ్ గురించి, ఇండస్ట్రీలో కాస్టింగ్ కౌచ్ గురించి ఆసక్తికర విషయాలు వెల్లడించారు.
Video Advertisement
ఎప్పుడో దూరదర్శన్ కాలం నుండి ఇండస్ట్రీలో ఉన్న రాగిణి ఎక్కువగా కామెడి పాత్రలు పోషించి ప్రేక్షకులను కడుపుబ్బా నవ్వించారు. కాని ఆ నవ్వుల వెనుక ఎంత విషాదం ఉందో ఇటీవలే చాలామందికి తెలిసింది. అమృతం సీరియళ్లో ప్రధాన పాత్రలు అన్ని మారినప్పటికి అంజి, శాంతగా గుండు హనుమంతరావు, రాగిని పాత్రలు మాత్రం మారలేదు.అంటే ఆ పాత్రల్లో వారు ఒదిగిపోయిన తీరు, ప్రేక్షకులు వారిని ఎంతగా ఆదరించారనేది అర్దమవుతోంది.
పదమూడు మంది సంతానంలో రాగిణి 12 సంతానం . అక్కలందరూ ఎవరి జీవితాల్లో వారు స్థిరపడ్డాక రాగిణి వంతు వచ్చేసరికి తండ్రి పక్షవాతంతో మంచాన పడ్డాడు. దాంతో కనీసం స్కూల్ ముఖం కూడా చూడలేకపోయారట. కుటుంబ పోషణ కూడా రాగిణిపైనే పడడంతో, ఎనిమిదేళ్ల వయసు నుండే డబ్బులకు డ్యాన్స్ చేసేవారట.నెల అంతా కష్టపడితే మూడువేల రూపాయలు వస్తే, వాటిలో ఇంటి అద్దెకి 750పోను, తండ్రి మందుల ఖర్చుకి వెయ్యి రూపాయలు పోగా మిగిలిన డబ్బుతో కుటుంబపోషణ, తన ఖర్చులు చూసుకునేవారట. రాగిణి అక్క క్రిష్ణవేణి, పెద్దక్క కూతురు రజిత ఇద్దరూ కూడా ఇండస్ట్రీలో ఉన్నారు . క్రిష్ణవేణి ప్రోద్బలంతోనే ఇండస్ట్రీలో అడుగుపెట్టారు రాగిణి .
చాలామందికి రాగిణికి పెళ్లి కాలేదు అనే తెలుసు, కాని తనకు పెళ్లయింది, ఒక బాబు కూడా ఉన్నాడు అని చెప్పుకొచ్చారు రాగిణి. తన కొడుకు పేరు కిరణ్ అని, జర్మనీలో సాప్ట్వేర్ ఉద్యోగం చేస్తున్నాడని అన్నారు.తన వైవాహిక బంధం గురించి తనన మాటల్లోనే “ పన్నెండేళ్లప్పుడు మా పెద్దక్క తీస్కెళ్లి పెళ్లి చేసింది. ఏడాదిపాటు బానే ఉంది, ఆ ఏడాదిలోనే బాబు పుట్టాడు. కాని అతడికి డబ్బు పిచ్చి, రోజు మందుకావాలి, ఇంటికొచ్చే సరికి ఉన్నాలేకపోయినా వండిపెట్టాలి. ఇండస్ట్రీలో ఉన్న ఆడవాళ్లంటే అతడికి చిన్నచూపు, ఏదైనా చేసి సంపాదించమని అనేవాడు, అవన్నీ భరించలేక నీ దారి నీది, నా దారి నాది అని దండం పెట్టేసాను” అని చెప్పుకొచ్చారు.
ఇండస్ట్రీలోని కాస్టింగ్ కౌచ్ పై ఆసక్తికర వ్యాఖ్యలు చేశారు రాగిణి..ఇండస్ట్రీలో మహిళల పట్ల చిన్నచూపు ఉంది, ఇబ్బందులు పెడతారు అనేది వాస్తవమే , కాని నేను ఇప్పటివరకు ఎలాంటి ఇబ్బంది ఎదుర్కోలేదు. రెండు చేతులు జోడించి సార్, నమస్కారం అని మాట్లాడితే వాళ్లు కూడా సంస్కారంతోనే మాట్లాడతారు. అలా కాకుండా వాళ్ల మీద పడిపోతూ, భుజాలుభుజాలు రాస్తూ సార్ అని సాగదీస్తే, ఖాళీగా ఉన్నావా? వస్తావా అనే అడుగుతారు..కాబట్టి ఏదైనా మన బిహేవియర్ పైన ఆధారపడి ఉంటుంది అని వాఖ్యలు చేశారు రాగిణి.
End of Article
