Ads
కొత్త ఏడాది 2023 తొలివారం బాక్సాఫీసు నిశ్శబ్దంగా కనిపించింది. 2023 లో తొలి విజయం అందుకొనే అవకాశం సంక్రాంతి సినిమాలకి దక్కింది. ఆ తర్వాత వచ్చిన చిత్రాలన్నీ బాక్స్ ఆఫీస్ వద్ద కనకవర్షం కురిపించాయి. విడుదలైన అన్ని చిత్రాలు సూపర్ హిట్స్ కావడం తో అందరి హీరోల అభిమానులు, బయ్యర్స్ సంతోషంగా ఉన్నారు. ఈ ఏడాది ముందుగా నందమూరి బాలకృష్ణ హీరో గా నటించిన ‘వీర సింహా రెడ్డి’ సినిమా వచ్చింది. భారీ అంచనాల నడుమ విడుదలైన ఈ సినిమాకి సెన్సేషనల్ ఓపెనింగ్స్ దక్కాయి.
Video Advertisement
ఈ చిత్రం తర్వాతి రోజే మెగా స్టార్ చిరంజీవి నటించిన ‘వాల్తేరు వీరయ్య’ చిత్రం విడుదలైంది. ఈ చిత్రం లో చిరు వింటేజ్ లుక్, మేనరిజమ్స్, కామెడీ వర్కవుట్ అయ్యాయి. సెకండ్ ఇన్నింగ్స్ లో చిరుకు సరైన హిట్ దక్కలేదు. దీంతో ఈ చిత్రం పై ఫాన్స్ భారీ అంచనాలు పెట్టుకున్నారు. ఈ సినిమాకి ఇప్పటి వరకు 135 కోట్ల రూపాయిల షేర్ వసూళ్లు సంపాదించింది. చిరు సెకండ్ ఇన్నింగ్స్ కి బూస్ట్ ని ఇచ్చింది ఈ చిత్రం.
గత కొన్నేళ్లుగా షారుఖ్ ఖాన్ ట్రాక్ రికార్డు ఏమంత బాగాలేదు. ఒకపుడు కింగ్‌ ఖాన్‌గా బాలీవుడ్ బాక్సాఫీస్‌ను తన కనుసైగలతో శాసించిన ఈయన ఇపుడు హీరోగా ఉనికి కోసం పోరాడుతున్నాడు. ఆ తర్వాత వచ్చిన సినిమాలు ప్లాప్ లుగా నిలిచాయి. ఆయనకి సాలిడ్ కం బ్యాక్ ఇచ్చింది ఈ పఠాన్ మూవీ. కేవలం షారుఖ్ కే కాదు మొత్తం బాలీవుడ్ కి కూడా ఈ చిత్రం ఊపిరిపోసింది. గత కొన్నాళ్లుగా సరైన హిట్ లేక ఇబ్బంది పడుతోంది బాలీవుడ్. పఠాన్ చిత్రం హిట్ కావడం తో బాలీవుడ్ కి ఆశలు చిగురించాయి. కేవలం ఆరు రోజుల్లోనే 600 కోట్ల రూపాయలకు దగ్గరగా వచ్చిన ఈ సినిమా ఫుల్ రన్ లో వెయ్యి కోట్ల రూపాయిలు అందుకుంటుందని అంచనా.
ఇదేవిధంగా తమిళ్ ఇండస్ట్రీ లో కూడా సూపర్ స్టార్లు అజిత్, విజయ్ ప్రేక్షకుల ముందుకి వచ్చారు. అజిత్ ‘తునీవు’ చిత్రం 182 కోట్ల రూపాయిల గ్రాస్ , మరియు విజయ్ ‘వారిసు’ సినిమా 290 కోట్ల రూపాయిల గ్రాస్ వసూళ్లను రాబట్టి సూపర్ హిట్స్ గా నిలిచాయి. దీంతో వారి అభిమానులు సంబరాలు చేసుకుంటున్నారు. ఇలా ప్రతి ఇండస్ట్రీ నుంచి సూపర్ స్టార్లు ఏడాది ఆరంభం లోనే హిట్స్ కొట్టి ఈ ఏడాదికి మంచి ఆరంభాన్ని ఇచ్చాయి.
End of Article
