“వైష్ణవి చైతన్య” రెండవ సినిమా ఆ హీరోతోనా..? ఎవరంటే..?

ప్రస్తుతం సినీ ఇండస్ట్రీలో కంటెంట్ కరెక్ట్ గా ఉంటే చాలు చిన్న సినిమా అయినా భారీగా విజయాన్ని అందుకుంటుంది. ఇదే క్రమంలో ఎలాంటి సందడి లేకుండా వచ్చి భారీ విజయాన్ని నమోదు చేసుకున్న చిత్రం బేబీ.

ఓ ట్రయాంగిల్ లవ్ స్టోరీ గా సాగుతూ ప్రస్తుతం యువత అనుభవిస్తున్నటువంటి మానసిక ఒత్తిడిని ఎంతో అద్భుతంగా తెరకెక్కించిన ఈ చిత్రం బాక్స్ ఆఫీస్ రికార్డులు బద్దలు కొట్టింది.

ఈ సినిమాతో టాలీవుడ్ లో హీరోయిన్ గా ఎంట్రీ వచ్చింది యూట్యూబర్ గా బాగా ఫేమస్ అయిన వైష్ణవి చైతన్య. ఒకే ఒక్క సినిమాతో ఓవర్ నైట్ స్టార్ గా మారిన వైష్ణవి ఇప్పుడు తన రెండవ సినిమాకి కూడా సైన్ చేసినట్లు తెలుస్తోంది. పెట్టిన పెట్టుబడికి నాలుగు రెట్లు ప్రాఫిట్ తెచ్చిన బేబీ చిత్రంలో సక్సెస్ కు కథ ఎంత ముఖ్యమో వైష్ణవి పాత్ర కూడా అంతే ముఖ్యం.

అందుకే బేబీ సక్సెస్ హీరోలకి కూడా ఇవ్వనంత క్రేజ్ వైష్ణవికి తెచ్చి పెట్టింది. ఎంతో సహజంగా ఉన్న వైష్ణవి నటన ఆమె చేసింది నెగటివ్ పాత్ర అయినప్పటికీ హీరోయిన్ గా మంచి గుర్తింపును తెచ్చిందని చెప్పవచ్చు. ఒకరకంగా చెప్పాలి అంటే బేబీ మూవీ కి కర్త, కర్మ ,క్రియ అన్ని వైష్ణవి పాత్రే. అందుకే ఇప్పుడు బడా ప్రొడ్యూసర్స్ ఆమెతో సినిమా చేయడానికి సిద్ధమవుతున్నారు.

అల్లు శిరీష్ హీరోగా గీత ఆర్ట్స్ బ్యానర్ పై రూపొందించనున్న సరికొత్త చిత్రంలో హీరోయిన్ గా వైష్ణవి నటించబోతోంది అని ఇండస్ట్రీలో టాక్. బేబీ మూవీ లో వైష్ణవి అభినయానికి ముగ్ధుడైన అల్లు అరవింద్ స్వయంగా తాను తీయబోయే నెక్స్ట్ మూవీ లో హీరోయిన్ గా వైష్ణవి పేరును సజెస్ట్ చేసినట్లు తెలుస్తుంది. ఇప్పటికే అల్లు శిరీష్ తో తన రెండవ చిత్రానికి అగ్రిమెంట్ పై వైష్ణవి సంతకం కూడా చేసిందట. రెండవ చిత్రం కూడా సక్సెస్ అయితే ఇక టాలీవుడ్ లో ఈ బ్యూటీ ఫ్యూచర్ కి డోకా ఉండదు.

ALSO READ : బిగ్‌బాస్ తెలుగు-7 లో ఈ జబర్దస్త్ బ్యూటీ..! ఎవరంటే..?