ఈ బుడ్డోడు మాములోడు కాదు… టీచర్ భుజాల మీద చేతులేసి ముద్దులిచ్చి సారీ చెప్పాడు.!

మామూలుగా స్కూల్లో తప్పు చేస్తే ఏం చేస్తారు….. తిట్టడం మహా అయితే ఏదో ఒక పనిష్మెంట్ ఇవ్వడం జరుగుతుంది. కానీ ఓ చిన్నారి తను చేసిన తప్పు తిరిగి చేయను అని టీచర్ ని బతిమిలాడుతూ ఆమెకు ముద్దులిచ్చి మరి క్షమాపణలు చెప్పిన వీడియో ఇప్పుడు నెట్ లో బాగా వైరల్ గా మారింది.

ఆ పిల్లాడి అమాయకత్వం టీచర్ బుంగమూతి ట్విట్టర్‌లో ట్రెండ్ అవుతోంది. ప్రస్తుతం సోషల్ మీడియాలో వైరల్ అవుతున్న ఈ వీడియో పై నెటిజన్లు ప్రశంసల వర్షం కురిపిస్తున్నారు. అంతేకాకుండా ఇలాంటి టీచర్ మేము చదువుకునేటప్పుడు ఉంటే బాగుండు అని కామెంట్స్ కూడా పెడుతున్నారు. ఈ వీడియోలో ఆ పిల్లాడు తన టీచర్ను ప్రసన్నం చేసుకోవడానికి చేసిన ఫీట్లు అందరికీ కనువిందు కలిగిస్తూ ఆకట్టుకుంటున్నాయి.

మామూలుగానే చిన్నపిల్లలు మాట్లాడేది ముద్దు ముద్దుగా ఉంటుంది. అమాయకంగా ఉండే వారి ముఖం చూసి తప్పుచేసినా అందరూ వాళ్ళను కోప్పడకుండా ప్రేమతో దగ్గరకు తీసుకుంటారు. మరి అలాంటిది ఓ బుడ్డోడు తాను చేసిన తప్పును క్షమించమంటూ టీచర్‌కి ముద్దులిస్తూ మళ్లీ ఇలా చేయనంటూ ప్రామిస్ చేయడం చూసి అందరు ఫిదా అయ్యారు. ఈ వీడియో ప్రస్తుతం సోషల్ మీడియా లో బాగా ట్రెండింగ్ లో ఉంది. ఈ వీడియోకి ఇప్పటి వరకు పద్నాలుగు లక్షలకుపైగా వ్యూస్, వేలాది లైకులు వచ్చాయి అంటే ఆలోచించండి ఈ వీడియో ప్రస్తుతం ఎంత పాపులర్ అయ్యిందో.

ఈ వీడియో బిహార్‌ చాప్రా జిల్లాలోని ఓ స్కూల్‌లో జరిగిన సంఘటన. ట్విట్టర్ లో పోస్ట్ ఆయిన ఈ వీడియో పై నెటిజన్లు ఆసక్తికరమైన కామెంట్స్ చేస్తున్నారు.తిరిగి తప్పు చేయనంటూ టీచర్ దగ్గరకు వచ్చి ఆ చిన్నారి దీనంగా బతిమిలాడడం, ఆ టీచర్ బుంగమూతి పెట్టడం, మళ్ళీ కొద్ది సేపటి తర్వాత టీచర్‌ను హత్తుకొని ఆ పిల్లాడు ముద్దు పెట్టడం. దానికి ఆ టీచర్ పక్కాగా అంటే అవును మేడం పక్కా.. మళ్లీ ఈసారి అలా చేయను అని ముద్దు ముద్దుగా ఆ బుడతడు బుదులివ్వడం ఈ వీడియో సారాంశం.

గురు శిష్యుల మధ్య ఉండే తల్లి బిడ్డల అనుబంధాన్ని ఈ వీడియో లో చూసి అందరూ ఆనందిస్తున్నారు. పిల్లలు అమాయకులు, వారివి లేత హృదయాలు…..వాటిని మంచిగా మలచ వలసిన భాధ్యత టీచర్స్ పైన ఎంత ఉందో ఈ వీడియో ద్వారా అర్థం చేసుకోవచ్చు.

watch video :

ऐसा स्कूल मेरे बचपन में क्यों नहीं था 😏😌 pic.twitter.com/uz07dvlehb

— छपरा जिला 🇮🇳 (@ChapraZila) September 12, 2022