“గీతా గోవిందం” పాట గొడవతో పాటు… “విజయ్ దేవరకొండ” ఎదుర్కొన్న ఐదు వివాదాలు..!

విజయ్ దేవరకొండ టాలీవుడ్ లో ఒక సెన్సేషన్. యూత్ లో విజయ్ దేవరకొండకు ఉన్న క్రేజ్, ఫాలోయింగ్ మామూలుగా ఉండదు. అతని ఆటిట్యూడ్ కు చాలామంది ఫ్యాన్స్ అయ్యారు. హిట్, ప్లాప్ లతో సంబంధం లేకుండా అతని క్రేజ్ పెరుగుతూనే ఉంది.

లైగర్ మూవీతో డిజాస్టర్ అందుకున్న విజయ్ దేవరకొండ రీసెంట్ గా రిలీజ్ అయిన ఖుషి మూవీతో హిట్ అందుకున్నాడు. అయితే ఖుషి మూవీ హిట్ అయిన సంతోషంలో విజయ్ దేవరకొండ చేసిన ఒక ప్రకటన కాంట్రావర్సీకి దారి తీసింది. అయితే ఇది మొదటిసారి కాదు. ఇప్పటివరకు విజయ్ దేవరకొండ ఎదుర్కొన్న వివాదాలు ఏమిటో ఇప్పుడు చూద్దాం.. 1. అర్జున్ రెడ్డి:

చిన్న సినిమాగా విడుదల అయిన ‘అర్జున్ రెడ్డి’ ఎలాంటి సంచలనాలు సృష్టించిందో తెలిసిందే. సందీప్ రెడ్డి వంగా దర్శకత్వం వహించిన ఈ మూవీ ఊహించని విజయాన్ని అందుకుని, విజయ్ దేవరకొండను ఓవర్ నైట్ లో స్టార్ ను చేసింది.  తెలుగు సినిమాల్లో ప్రత్యేకమైన మూవీగా నిలిచింది. అయితే ఈ మూవీ  ప్రీ రిలీజ్ ఈవెంట్ లో విజయ్ దేవరకొండ ఉపయోగించిన ఒక పదం వివాదానికి దారి తీసింది. దాని పై యాంకర్ అనుసూయతో పాటు చాలామంది  సెలబ్రిటీలు కామెంట్స్ చేశారు.
2. గీతా గోవిందం:

ఈ చిత్రమలోని ఒక సాంగ్ లో ‘ఎఫ్’ అక్షరాన్ని హైలైట్ చేస్తూ దేవరకొండ పాట పాడాడు. ఈ పాటలోని లిరిక్స్‌ కూడా అభ్యంతరకరంగా ఉండడంతో వివాదానికి దారి తీసింది. లిరిక్స్ అందించిన శ్రీమణి  క్షమాపణలు చెప్తూ ప్రకటన కూడా రిలీజ్ చేశారు. 3. నటి పార్వతి కామెంట్స్: 

ఫిలిం కంపానియన్ నిర్వహించిన ఒక ఇంటర్వ్యూలో మలయాళ నటి పార్వతి, విజయ్ దేవరకొండ ముందే అర్జున్ రెడ్డి మూవీ పై నెగిటివ్ కామెంట్స్ చేసింది. దానికి విజయ్ దేవరకొండ స్పందిస్తూ ఆమె అభిప్రాయం ఆమెది అని చెప్పారు.3. నోటా:

ఈ మూవీ పై డైలాగ్ రైటర్ శశాంక్ వెన్నెలకంటి కేసు పెట్టారు. రాజకీయంగా కూడా ఈ మూవీ పై వివాదాలు ఏర్పడ్డాయి. విజయ్ దేవరకొండ స్పందిస్తూ తననే ఎందుకు కాంట్రవర్సీలు చుట్టుముడుతున్నాయో తెలియడంలేదని, నోటా మూవీ విషయంలో కాంగ్రెస్ నాయకులే గొడవ చేస్తున్నారని అన్నారు.

4. లైగర్: 

విజయ్ దేవరకొండ హీరోగా డైరెక్టర్ పూరి జగన్నాథ్ తెరకెక్కించిన లైగర్ సినిమా పాన్ ఇండియా మూవీగా రిలీజ్ అయ్యింది. ఈ మూవీ ప్రమోషన్ సమయంలో దేవరకొండ అయ్య తెల్వడు, తాత తెల్వడు అని అనడం వివాదానికి దారి తీసింది. అంతేకాకుండా 200 కోట్ల నుండి మొదలు పెడుతున్న అని అనడం కూడా కాంట్రవర్సీ అయ్యింది.
5. ఖుషి: 

విజయ్ దేవరకొండ, సమంత నటించిన లేటెస్ట్ మూవీ ఇటీవల రిలీజ్ అయ్యి హిట్ టాక్ తెచ్చుకుంది. వైజాగ్ స‌క్సెస్ టూర్‌లో పాల్గొన్న విజ‌య్ మాట్లాడుతూ ఖుషి మూవీకి తాను తీసుకున్న పారితోషికం నుండి కోటి రూపాయ‌ల్ని ఫ్యాన్స్ పంచ‌బోతున్న‌ట్లు  ప్ర‌క‌టించాడు. వంద కుటుంబాల‌కు లక్ష రూపాయల చొప్పున  డ‌బ్బును అంద‌జేయ‌బోతున్న‌ట్లు తెలిపాడు. ఈ ప్రకటన పై చాలా మంది దేవరకొండను ప్రశంసించగా, వరల్డ్‌ ఫేమస్‌ లవర్‌ మూవీని రిలీజ్ చేసిన  అభిషేక్‌ పిక్చర్స్‌ ఈ మూవీ వల్ల తాము నష్టపోయామని, తమకు కూడా అండగా ఉండాలంటూ ట్వీట్ చేయడం వివాదానికి దారి తీసింది.

Also Read: “జవాన్” మూవీతో పాటు… ఈ వారం రిలీజ్ కాబోతున్న 20 సినిమాలు..!