అందరినీ హ్యాపీ చెయ్యడానికి నేను బిర్యానీ కాదు!! విశ్వక్ సేన్ కామెంట్స్..!

సినీ ఇండస్ట్రీలో విశ్వక్ సేన్ అంటే యాటిట్యూడ్ హీరో అనే పేరుంది. దానికి తగ్గట్టే తన మాటలు కూడా ఉంటాయి. అయినా కూడా తనకి ఉన్న ఫ్యాన్ బేస్ చాలా ఎక్కువనే చెప్పాలి. అయితే విశ్వక్ తాజాగా తన ‘పేక మేడలు’ సినిమా టీజర్ లాంచ్ కు హాజరుకాగా… బేబీ డైరెక్టర్ ను ఉద్దేశిస్తూ కొన్ని కీలక వ్యాఖ్యలు చేశాడు.

ప్రస్తుతం విశ్వక్ మాటలు సంచలనాన్ని సృష్టిస్తున్నాయి. అయితే విశ్వక్ సేన్ కి యాటిట్యూడ్ ఎక్కువ అనే ప్రచారం ఉన్నప్పటికీ… డైరెక్షన్, యాక్టింగ్ ఏకకాలంలో చెయ్యగలిగే సత్తా ఉన్న హీరో అనే పేరు కూడా ఉంది.

దానికి “ఫలుక్ నామా దాస్” , “దాస్ కా ధమ్ కీ” సినిమాలే పెద్ద ఉదాహరణ. ఇక పక్కా హైదరాబాదీ పోరడు, తెలంగాణ బిడ్డ అయినందు వల్ల తన బాడీ లాంగ్వేజ్, మాట తీరుకి పెద్ద ఫ్యాన్ బెస్ ఏర్పడింది. అయితే తన సినిమాల ప్రమోషన్స్ లో భాగంగా చేసే కార్యక్రమాలతో విశ్వక్ పెద్ద పెద్ద కాంట్రవర్సీల్లో ఉంటాడు. అయినా అవేవీ పట్టించుకోకుండా తన పని తాను చేసుకుంటూ పోతాడు. ఇప్పుడు తాజాగా బేబీ మూవీ డైరెక్టర్ తో జరిగిన ఓ కాంట్రవర్సీలో ఇరుక్కున్నాడు.

అయితే నిజానికి బేబీ మూవీకి మొదట విశ్వక్ సేన్ ని హీరోగా అనుకున్నారని… కానీ విశ్వక్ తన యాటిట్యూడ్ తో అసలు కథ వినడానికి కూడా ఇష్టపడలేదని వార్తలు వచ్చిన సంగతి తెలిసిందే. దీనిపై విశ్వక్ సోషల్ మీడియా వేదికగా… ఒక వ్యక్తి నో అంటే నో. ఇది మగవాళ్ళకు కూడా వర్తిస్తుంది అంటూ ట్వీట్ చేశాడు. దీంతో విశ్వక్ బేబీ డైరెక్టర్ సాయి రాజేష్ కే ట్వీట్ చేశాడని నెటిజన్లు అభిప్రాయ పడ్డారు. ఈ మేరకు పేక మేడలు టీజర్ లాంచ్ లో కూడా విశ్వక్ దీనికి సంబంధించి మాట్లాడుతూ…

నేను పెద్ద హీరో కాకపోయినా నా వరకు నేను బిజీగానే ఉన్నాను. లైఫ్ లో ఏమ్ చెయ్యాలో చాలా క్లారిటీ ఉన్నప్పుడు వేరే వాళ్ళ టైం వేస్ట్ చెయ్యడానికి ఇష్టపడను. అలాంటప్పుడే కథలు వినను అని తిప్పించుకోకుండా డైరెక్ట్ గా నో చెప్పేస్తాను. దాన్ని తప్పుగా అర్థం చేసుకుంటే నేనేం చేయలేను. అందరికీ నచ్చేలా హ్యాపీగా ఉంచడానికి నేను బిర్యానీ కాదు కదా అంటూ మాట్లాడారు.

అయినా నేనేదో కావాలని పర్సనల్ గ చేసింది కాదు అంటూ వివరించారు. ఆ సినిమా హిట్ అయినందుకు కంగ్రాజ్యులేషన్స్…సినిమా బాగుంటే తలెత్తుకోడంలో తప్పు లేదు కానీ పక్కనోల్లను కించపరచొద్దు అంటూ చెప్పుకొచ్చారు. దీంతో విశ్వక్ చెప్పీ చెప్పకనే బేబీ డైరెక్టర్ సాయి రాజేష్ ని ఉద్దేశించి మాట్లాడారని తెలుస్తోంది.

ఇక ప్రస్తుతం విశ్వక్ సేన్ vs 11 లో నటిస్తుండగా… ఈ సినిమాకు కృష్ణ చైతన్య దర్శకత్వం వహిస్తున్నారు. అయితే ఆగస్ట్ 13న రిలీజ్ అయ్యే ఈ సినిమాని సితారా ఎంటర్టైన్మెంట్స్, ఫార్చున్ ఫోర్ సినిమాస్ బ్యానర్లపై… సంయుక్తంగా కలిసి నాగవంశీ, సాయి సౌజన్య నిర్మిస్తున్నారు.

ALSO READ : ఇక కోలీవుడ్ లో అంతా లోకల్ స్టార్స్….వైరల్ అవుతున్న ఫెఫ్సీ నిబంధనలు..!