Ads
బాలనటిగా ఇండస్ట్రీలోకి అడుగుపెట్టిన శ్రీదేవి స్టార్ హీరోయిన్ గా మంచి గుర్తింపు సంపాదించుకున్నారు. కేవలం తెలుగు చిత్రాల్లో మాత్రమే కాకుండా తమిళ, హిందీ భాషల్లో కూడా ఎన్నో చిత్రాల్లో నటించి ప్రేక్షకులకి దగ్గరయ్యారు శ్రీదేవి.
Video Advertisement
చిరంజీవితో పాటు తెలుగు చిత్రాల్లో నటించి తిరుగులేని క్రేజ్ పొందారు శ్రీదేవి. పైగా శ్రీదేవి తో సినిమా తీయాలని దర్శక నిర్మాతలు కూడా ఎదురుచూసేవారు. కానీ ఓ నిర్మాత మాత్రం శ్రీదేవిని షూటింగ్ టైం లోనే చెడామడా తిట్టేశారట.
ప్రస్తుత కాలంలో కిస్సింగ్ సీన్లు, రొమాంటిక్ సీన్లు లేకుండా సినిమాలు రావడం లేదనే చెప్పాలి. గతంలో కూడా ఇలాంటివి ఉండేవి. హీరోయిన్లు ఒప్పుకుంటే.. రొమాంటిక్ సన్నివేశాలు పెట్టడానికే ట్రై చేసేవారు. కానీ నిర్మాత కాట్రగడ్డ మురారి మాత్రం తన సినిమాల్లో ఒక్క బూతు సన్నివేశం కూడా లేకుండా చూసుకునేవారట. దర్శకుడు అవ్వాలని వచ్చిన మురారి కొంతకాలం అసిస్టెంట్ డైరెక్టర్ గా పేరు తెచ్చుకున్నారు. ఆ తరువాత నిర్మాతగా మంచి పేరు ప్రఖ్యాతలు సంపాదించుకున్నారు.
అప్పట్లో మురారి నిర్మాణం వహించిన సినిమా అంటే కచ్చితంగా అది ఫ్యామిలీ ఎంటర్టైనర్ అయ్యుంటుంది అని నమ్మేవారు. అయితే.. రాఘవేంద్ర రావు దర్శకత్వం వహిస్తున్న ఓ సినిమాలో కృష్ణం రాజు, శ్రీదేవి హీరోహీరోయిన్లుగా నటిస్తున్నారట. ఆ సినిమాకి మురారి నిర్మాణ బాధ్యతలు చేపట్టారు. అయితే, ఈ సినిమాలో ఓ సన్నివేశం ఉంది. శ్రీదేవి పైట కొంగుని తొలగించి కృష్ణం రాజుని హగ్ చేసుకుని ముద్దు పెట్టాల్సి ఉంటుంది. ఆ సీన్ షూటింగ్ జరుగుతున్న టైంలోనే వచ్చిన మురారి.. ఆ సీన్ ని చూసి నా సినిమాలో ఇలా చేస్తావా అంటూ శ్రీదేవిని తిట్టేశారట. డైరెక్టర్ చెప్పినట్లే చేశాను అని చెప్పడంతో.. ఇంకెక్కడైనా చేసుకో.. నా సినిమాలో కాదు అని మందలించారట.
End of Article
