Ads
భార్యాభర్తల బంధం ఎంతో ప్రత్యేకమైనది. ఎన్నో సర్దుబాట్లతో, ప్రేమాభిమానాలతో కొనసాగే ఈ బంధం ఒక్కసారిగా తెగిపోతే ఆ బాధ వర్ణించలేనిది. ఆ ఎడబాటుకి కారణం మరణం అయితే అంతకంటే బాధాకరమైన విషయం మరొకటి ఉండదు. ప్రస్తుతం పలు చోట్ల భార్యలను హింసకు గురి చేసే వారే ఎక్కువ ఉన్నప్పటికీ.. తమ భార్యలని కంటికి రెప్పలా కాపాడుకునే వారు కూడా ఉన్నారు.
Video Advertisement
అయితే.. ఈ వ్యక్తి మాత్రం చనిపోయిన తన భార్య శవంతో ఏకంగా 21 ఏళ్ళు సహవాసం చేసారు. ఆమెను మర్చిపోలేకే ఆమె శవంతోనే కాలం గడిపాడు. చివరకు ఈ ఏడాది ఏప్రిల్ 30 వ తేదీన ఆమెకు తుది వీడ్కోలు తెలిపాడు.
సీత వియోగంలో ఉన్న శ్రీరాముడు కూడా తన భార్యని మర్చిపోలేక సీత దేవి బంగారు విగ్రహాన్ని తయారు చేయించి ఆ విగ్రహాన్ని తన భార్యగా భావిస్తూ అశ్వమేధ యాగాన్ని పూర్తి చేస్తాడు. భార్య చనిపోతే.. భార్య లాంటి మైనపు విగ్రహాలను చెక్కించి ఇంట్లో పెట్టుకునే వారు కూడా ఉన్నారు. కానీ, ఈ వ్యక్తి మాత్రం అందుకు పూర్తిగా విరుద్ధం. థాయిలాండ్ రాజధాని బ్యాంకాక్ లోని బ్యాంగ్ ఖేన్ జిల్లాకు చెందిన రిటైర్డ్ ఆర్మీ ఆఫీసర్ చార్న్ జన్వా చకల్ భార్య రెండు దశాబ్దాల క్రితమే అనారోగ్యంతో మరణించింది.
దీనితో కుంగిపోయిన చార్న్ తన భార్యని మరచిపోలేక ఆమె శవాన్ని ఒక శవపేటికలో ఉంచి ఇంట్లోనే ఓ పక్కన ఉంచి భద్రంగా ఉంచుకున్నాడు. ప్రస్తుతం చార్న్ వయసు 72 సంవత్సరాలు. ఇక భార్య శవాన్ని భద్రపరచడం కష్టం అని భావించిన చార్న్ ఇటీవలే ఆమెకు దహన సంస్కారాలు నిర్వహించాడు. ఆమె చితాభస్మాన్ని కలశంలో పెట్టుకుని ఇంటికి తీసుకెళ్లిపోయారు. ఈ దహన సంస్కారాల తాలూకు ఫోటోలను సోషల్ మీడియాలో షేర్ చేయడంతో అవి తెగ వైరల్ అవుతున్నాయి.
End of Article
