కన్నడ సినిమా కాంతారకు ప్రేక్షకులు ఫిదా అవుతున్నారు. కన్నడ యంగ్ స్టార్ హీరో రిషబ్ శెట్టి నటించడమే కాకుండా దర్శకత్వం వహించిన కాంతార చిత్రం సెప్టెంబర్ 30న రిలీజ్ అయ్యి బాక్సాఫీస్ వద్ద ప్రభంజనం సృష్టిస్తుంది. సామాన్యుడి నుంచి సెలబ్రటీల వరకు ఈ సినిమాని చూసిన వాళ్ళు కాంతార పై ప్రశంసల జల్లు కురిపిస్తూ సోషల్ మీడియాలో పోస్టులు పెడుతుండడంతో ఈ మూవీ క్రేజ్ రోజు రోజుకీ పెరుతుంది.
ఇక వసూళ్ళ పరంగా చూసుకుంటే కాంతార ఇప్పటి వరకు వరల్డ్ వైడ్గా 90 కోట్లు వసూళ్ళు రాబట్టిందని ట్రేడ్ వర్గాలు తెలిపాయి. ఇదే ఊపులో ఈ వారం చివరికల్లా కాంతార మూవీ 100 కోట్ల క్లబ్లో చేరడం ఖాయమని సినీ పండితులు అంచనా వేస్తున్నారు. ఒక్క కన్నడ రాష్ట్రంలోనే ఈ సినిమా దాదాపు 70 కోట్ల రూపాయలకు పైగా వసూలు చేసిందంటే, ఆ సినిమా రేంజ్ ఏంటో తెలుస్తుంది.
విడుదలైన అన్ని చోట్లా ఈ చిత్రం కలెక్షన్ల వర్షంకురిపిస్తోంది. ఇప్పటికే తెలుగులో పదిహేను కోట్ల గ్రాస్ వరకు చేరుకుంది. హిందీలో ఆల్రెడీ పది కోట్ల షేర్ రాబట్టేసింది. ఇలా అన్ని చోట్లా కాంతారా చిత్రం దూసుకుపోతోంది.
ఈ నేపథ్యంలోనే కాంతార మరో ఘనతనూ సొంతం చేసుకుంది. ఇండియన్ సినిమా రేటింగ్స్ విషయంలో ఐఎండీబీ (ఇంటర్నెట్ మూవీ డేటాబేస్)ది ప్రత్యేక స్థానం. ఏ సినిమాకి అయినా ఐఎండీబీలో పర్ఫెక్ట్ రేటింగ్ ఉంటుంది.
ఇప్పటి వకు కేజీఎఫ్2 మూవీ ఐఎండీబీ రేటింగ్స్లో టాప్లో ఉంది. ఐఎండీబీలో కేజీఎఫ్2 రేటింగ్ ఏ ఇప్పటివరకు అత్యధికం గా 8.4గా రికార్డు ఉంది. అయితే ఇప్పుడు కేజీఎఫ్2 రికార్డును కాంతార బ్రేక్ చేసి ఫస్ట్ ప్లేస్లోకి వెళ్ళింది. ఈ క్రమంలో ఐఎండీబీలో కాంతార 9.4 రేటింగ్ దక్కించుకున్న ఘనతను సాధించింది.
ఎస్.ఎస్.రాజమౌళి బ్లాక్ బస్టర్ మూవీ ఆర్ ఆర్ ఆర్ కు ఐఎండీబీలో 8.0 రేటింగ్ ఉంది. అలా ఈ చిత్రాలన్నింటిని కాంతారా వెనక్కి నెట్టేసింది. మున్ముందు ఈ సినిమా కలెక్షన్లలో కూడా వెనక్కి నెట్టేసేలా కనిపిస్తోంది.
