Anudeep

ఇప్పుడు ఉన్న చాలా మంది నటులు, లేదా సినిమా రంగంలో ఉన్నవారు సినిమాల్లోకి రాకముందే పరిచయం ఉండి, స్నేహితులుగా ఉన్న వాళ్లు ఉంటారు. కొంత మంది అనుకొని సినిమాల్లోకి వస్తే, కొంత మంది మాత్రం అనుకోకుండానే సినిమాల్లోకి వస్తారు. సూపర్ స్టార్ నటశేఖర కృష్ణ గారు బుధవారం నాడు అశేష అభిమానుల అశ్రు నయనాల మధ్య భువి నుండి దివికి వెళ్ళిపోయిన సంగతి తెలిసిందే.

అయితే కృష్ణ గారు ఇప్పుడు లేకపోయినా అతని జ్ఞాపకాలు ఫోటోల, చిత్రాల రూపంలో కళ్ల ముందు మెదులాడుతూనే వుంటాయి. అలాంటిదే ఒక ఫోటో ప్రస్తుతం నెట్టింట వైరల్ అవుతోంది. 1958-60 మధ్యఏలూరు లోని డాక్టర్ సి ఆర్ రెడ్డి కాలేజీ సూపర్ స్టార్ కృష్ణ గారు, మరో స్టార్ నటుడు మురళి మోహన్ గారు కలిసి చదువుకున్నారు.

వాళ్ళిద్దరూ చదివిన ఆ బ్యాచ్ ఫోటో ఒకటి వైరల్ గా తిరుగుతోంది. అందులో రెడ్ సర్కిల్ లో కృష్ణ గారు, బ్లూ సర్కిల్ లో మురళీ మోహన్ గారు ఉన్నారు. ఇండస్ట్రీ లోకి రాక ముందే కృష్ణతో మురళీ మోహన్‌కి పరిచయం ఉంది. ఈ విషయాన్ని మురళి మోహన్ చాలా సందర్భాల్లో చెప్పారు. “ఇంటర్మీడియట్ చదివేటప్పుడు సీఆర్ రెడ్డి కాలేజీలో మేమిద్దరం క్లాస్‌మెట్స్. ఇంకా చెప్పాలంటే బెంచ్‌‌మెట్స్‌ కూడా. క్లాస్‌ రూములో ఇద్దరం ఫస్ట్ బెంచ్‌లో కూర్చునే వాళ్లం. అప్పటి నుంచి మా స్నేహంతో పాటు సినిమాలపై ఇంట్రస్ట్‌ పెరిగింది.”

“సినిమా యాక్టర్ అయ్యి.. పడవ లాంటి పెద్ద కారు కొనుగోలు చేయాలని కృష్ణకి అప్పట్లోనే ఆశ ఉండేది. అక్కినేని నాగేశ్వర రావుని చూసిన తర్వాత యాక్టర్ అవ్వాలని కృష్ణ నిర్ణయించుకున్నారు. ఆ తర్వాత రెండేళ్లు శ్రమించి తేనె మనసులు సినిమాతో హీరోగా ఎంట్రీ ఇచ్చారు” అని మురళి మోహన్ గతం లో ఒక ఇంటర్వ్యూ లో చెప్పారు. సినిమా విడుదల అయిన తర్వాత దాన్ని జడ్జ్‌ చేయడంలో ఎవరైనా కృష్ణ తర్వాతే అని మురళీమోహన్‌ కొనియాడారు. మురళి మోహన్ తను స్థాపించిన జయభేరి ప్రొడక్షన్ లో కృష్ణ తో, మహేష్ బాబు తో సినిమాలు చేశారు.

పద్మాలయ స్టూడియో నుంచి జూబ్లీహిల్స్ మహాప్రస్థానం వరకు కృష్ణ అంతిమ యాత్ర సాగింది. ఆ అంతిమ యాత్రలో కాలి నడకన అభిమానులతో కలిసి పాదం కలిపిన మురళీ మోహన్.. మహాప్రస్థానంలో  పాడెని మోసి కృష్ణతో స్నేహ బంధాన్ని చాటుకున్నారు.

టి20 ప్రపంచకప్ 2022ను ముగించుకున్న టీమిండియా న్యూజిలాండ్ తో పరిమిత ఓవర్ల సిరీస్ లకు సిద్ధమైంది. ఇందులో భాగంగా నవంబర్ 18, 20, 22వ తేదీల్లో మూడు టి20ను ఆడనుంది. అనంతరం నవంబర్ 25, 27, 30వ తేదీల్లో మూడు వన్డేలను ఆడనుంది. టి20లకు కెప్టెన్ గా హార్దిక్ పాండ్యా వ్యవహరిస్తున్నాడు. ఇక వన్డేలకు శిఖర్ ధావన్ సారథిగా ఉండనున్నాడు.

అయితే టి20 ప్రపంచకప్ 2022 లో టీమిండియా పేలవ ప్రదర్శన చేసిన సంగతి తెలిసిందే. హాట్ ఫేవరెట్ గా టోర్నీలో ఎంటర్ అయిన భారత్ సెమీస్ తో సరిపెట్టుకుంది. సెమిస్ లో భారత బౌలర్లు చేతులెత్తేశారు. ఈ నేపథ్యం లో ఈ ఏడాది ఆరంభంలో జరిగిన ఐపీఎల్ లో అదరగొట్టిన హర్షల్ పటేల్.. డెత్ ఓవర్స్ స్పెషలిస్టుగా టీమిండియాలోకి వచ్చాడు. అయితే ఈ టోర్నీ లో హర్షల్ తో ఒక్క మ్యాచ్ కూడా ఆడించకపోవటం తో పై విమర్శలు వచ్చాయి.

టి20 వరల్డ్ కప్ లో భాగంగా బీసీసీఐ ఎలెక్టర్లు 15 మంది సభ్యులను ఎంపిక చేయగా, 13 మందికి తుది జట్టులో అవకాశం దక్కింది. కానీ చాహల్, హర్షల్ పటేల్ మాత్రం అటు వరల్డ్ కప్ లో భాగంగా ఒక్క మ్యాచ్లో కూడా తుది జట్టులో అవకాశం దక్కించుకోకపోవడం గమనార్హం. అయితే అశ్విన్ అటు ప్రతి మ్యాచ్ లో విఫలం అవుతున్నప్పటికీ చాహల్ను మాత్రం తుదిజట్టులోకి తీసుకునేందుకు సెలక్టర్లు పెద్దగా మొగ్గు చూపలేదు.

ఈ క్రమంలోనే ఇటీవల ఒక క్రీడా చానల్ తో మాట్లాడిన దినేష్ కార్తీక్ ఆసక్తికర వ్యాఖ్యలు చేశాడు. కోచ్ రాహుల్ ద్రావిడ్, కెప్టెన్ రోహిత్ శర్మ జట్టులో అద్భుతమైన వాతావరణాన్ని కల్పించారు అంటూ చెప్పుకొచ్చాడు. ఇక తుది జట్టులో స్థానం దక్కని వారిద్దరితో కూడా ఎప్పటికప్పుడు మాట్లాడుతూనే ఉండేవారు అంటూ చెప్పుకొచ్చాడు.

“చాహల్, హర్షల్ పటేల్ లు మాత్రమే ఈ టి20 ప్రపంచ కప్ లో ఒక్క మ్యాచ్ కూడా ఆడని భారత ఆటగాళ్లు. అయితే వారేమీ ఆగ్రహానికి గురికాలేదు. నిరుత్సాహపడలేదు. ఎందుకంటే టోర్నీ ప్రారంభానికి ముందే గడ్డు పరిస్థితుల్లో ఆడుతున్నాం అన్న విషయాన్ని కోచ్, కెప్టెన్ వారికి వివరించి చెప్పారు. ఇక చోటు దక్కని వారిలో నెగటివ్ ఆలోచనలకు తావులేకుండా చేశారు” అంటూ దినేష్ కార్తీక్ చెప్పుకొచ్చాడు.

సాధారణంగా సినిమా వాళ్ళంతా తమ ఆహారపు అలవాట్లు విషయంలో చాలా కాన్షస్ గా ఉంటారు. ఎక్కువ,తక్కువలు చూసుకుంటూ తమ బరువుని పెంచకుండా ఉండే ఆహారాలకే ప్రయారిటీ ఇస్తారు. అది మొదటి తరం నటుల నుంచి ఉంది. కాకపోతే కాస్త తక్కువ. అందుకే వాళ్లు సినిమాల నుంచి తప్పుకోగానే లావు అవటం వంటివి జరిగేవి. ఇప్పటిలా ప్రత్యేకమైన డైట్ లు, కోచ్ లు ఉండేవారు కాదు. కానీ కృష్ణ గారు అప్పటి నుంచి ఇప్పటి వరకు తన ఆహారపు అలవాట్లను అలాగే కొనసాగించేవారు. అందుకే ఆయన చాలా హెల్ది గా, ఫిట్ గా ఉండేవారు.

నిజం చెప్పాలంటే… కృష్ణ భోజన ప్రియులు కాదు. ఆయన అసలు అన్నం ఎక్కువ తినరు. కూరలు మాత్రం ఇష్టంగా తింటారు” అని విజయ నిర్మల పేర్కొన్నారు. కృష్ణ కథానాయకుడిగా పరిచయమైన ‘తేనె మనసులు’ విడుదలై 50 వసంతాలు పూర్తి చేసుకున్న సందర్భంగా కృష్ణ గురించి ఈ విషయాలు చెప్పుకొచ్చారు.

అలాగే ఆయనతో సుదీర్ఘ కాలం జర్నీ చేసిన రచయిత తోటపల్లి మధు, కృష్ణగారి ఫుడ్ హ్యాబెట్స్ విషయంలో ఇంట్రస్టింగ్ విషయాలు షేర్ చేసుకున్నారు. ” కృష్ణ గారు ఇంటి నుంచి వచ్చేటప్పుడు టిఫిన్ తిని వచ్చేవారు, సెట్ కి వచ్చాక పెరుగు ఆవడ తినేవారు. తర్వాత లంచ్ చేసిన తర్వాత ఒక సున్నుండ, సాయంత్రం వీట్ దోస తినేవారు. ఏమి తిన్న హెల్త్య్ గా, ఫిట్ గా ఉండేవారు.” అని రచయిత తోటపల్లి మధు వెల్లడించారు.

కృష్ణగారు ఎప్పుడు ఇంటి భోజనానికి ప్రాధాన్యత ఇచ్చేవారని ఆయన భార్య విజయ నిర్మల గతం లో తెలిపారు. అమెరికాలో ‘హరే కృష్ణ… హలో రాధా’, రాజస్థాన్ ఎడారిలో ‘కురుక్షేత్రం’ సినిమాలు షూటింగ్స్ జరిగినప్పుడు కృష్ణను తాను స్వయంగా వంట చేసి పెట్టానని విజయ నిర్మల తెలిపారు. గత పదేళ్ళుగా ఆయన ఉదయం పూట ఒకటి లేదా రెండు ఇడ్లీలు, రాగి జావ… మధ్యాహ్నం కొద్దిగా భోజనం… రాత్రి పూట సగం చపాతీ, పళ్ళ రసాలు తీసుకునే వారు అని ఆయన సన్నిహితులు వెల్లడించారు.

హీరోయిన్ సమంత తాను ‘మయోసైటిస్‌’ అనే వ్యాధితో బాధపడుతున్నట్లు ప్రకటించగానే అభిమానులు ఆశ్చర్యపోయారు. ఈ వ్యాధికి గత కొన్ని నెలలుగా చికిత్స తీసుకుంటున్నట్లు కూడా ఆమె స్పష్టం చేసింది. సమంత ‘మయోసైటిస్‌’ వ్యాధితో బాధపడుతున్నట్లు తెలియగానే ఆమె త్వరగా కోలుకోవాలని సెలెబ్రిటీలు, ఫ్యాన్స్‌ కోరుకుంటూ ట్వీట్స్ చేశారు.

ఆటో ఇమ్యూన్ కారణంగా శరీరంలో ఏర్పడే కొన్ని లక్షణాల కలయికను మయోసైటిస్ అని పిలుస్తుంటారు. యితే ఈ వ్యాధి రకరకాలుగా ఉంటుంది. అందులో సమంతకు వచ్చిన వ్యాధి ఏ రకమో ఆమె తెలుపలేదు. అయితే తాజాగా సమంత స్టేజి 3 మయోసిటిస్ తో బాధ పడుతున్నట్లు ఆమె సహా నటి వెల్లడించారు. దీంతో ఈ వార్త వైరల్ అవుతోంది.

ఈ వ్యాధిపై మరో నటి కీలక వ్యాఖ్యలు చేసింది. తాను కూడా అలాంటి వ్యాధితోనే బాధపడుతున్నట్లు పేర్కొంది. తాజాగా యశోదలో నటించిన నటి కల్పిక గణేష్ సమంత ఆరోగ్యంపై కీలక వ్యాఖ్యలు చేసింది. ‘యశోద’ సినిమాకి సంబంధించిన ఈ క్రమంలో ఏర్పాటు చేసిన సక్సెస్ మీట్‌లో మాట్లాడిన కల్పిక గణేష్ .. తాను కూడా సమంతలానే ఆ వ్యాధితో బాధపడుతున్నాననీ తెలిపింది. అయితే తనది ఫస్ట్ స్టేజ్ అనీ, సమంతది మూడో స్టేజ్ అనీ చెప్పుకొచ్చింది.

ఈ సమస్య గురించి సమంతతో మాట్లాడేందుకు ప్రయత్నిస్తున్నట్లు కల్పిక చెప్పింది. కల్పిక తాను ఎదుర్కొంటున్న సమస్య గురించి తరచూ సోషల్ మీడియాలో ఫొటోలు పోస్ట్ చేస్తుంటుంది. సమంత‌కి ఉన్న హెల్త్ ఇష్యూ కల్పిక కి కూడా గత 13 ఏళ్ల నుంచి ఉంది ఆమె తెలిపింది.

మరో వైపు ఇటీవల సమంత నటించిన ‘యశోద’ చిత్రం విడుదలైన విషయం తెలిసిందే. హ‌రి, హ‌రీష్ ద‌ర్శ‌కత్వంలో శివలెంక కృష్ణ ప్రసాద్ నిర్మించిన యశోద చిత్రం పాన్ ఇండియా మూవీగా ఐదు భాషల్లో రిలీజైంది. తొలి ఐదు రోజుల్లోనే ఓవరాల్‌గా రూ.21.45 కోట్లని కలెక్ట్ చేసిన ఈ మూవీ.. ఓవర్‌‌సీస్‌లో రూ.5.8 కోట్లు రాబట్టడం విశేషం. ఈ సినిమాని రూ.30 కోట్ల బడ్జెట్‌తో రూపొందించారు.

మలయాళీ కుట్టి నిత్యా మీనన్‌కు తెలుగు రాష్ట్రాల్లో చాలా మంది అభిమానులు ఉన్నారు. నాని హీరోగా నటించిన ‘అలా మొదలైంది’ సినిమాతో టాలీవుడ్‌కు పరిచయమయ్యారు నిత్య. అంతకుముందు మలయాళం, కన్నడ భాషల్లో సినిమాలు చేశారు. అయితే, తెలుగులో తొలి సినిమాతోనే మంచి గుర్తింపు వచ్చింది.

చైల్డ్ ఆర్టిస్టుగానే మంచి గుర్తింపు తెచ్చుకున్న ఈ బ్యూటీ.. అన్ని భాషాల చిత్రాల్లో నటిస్తూ దక్షిణాదిలోని సినీ ప్రియులను అలరిస్తూనే ఉంది. కేరీర్ పరంగా తనకు నచ్చిన సినిమాలు, ప్రాధాన్యత ఉన్న పాత్రలనే పోషిస్తూ వస్తోంది. బలమైన పాత్ర అయితేనే గ్రీన్ సిగ్నల్‌‌‌‌ ఇస్తుంది.

అయితే కొంత కాలం క్రితం ‘అలా మొదలైంది’ ప్రమోషన్స్ సమయం లో నిత్యా మీనన్ కు మీడియా ప్రతినిధి నుంచి ఒక ప్రశ్న ఎదురైంది. ‘మీకు ప్రభాస్ తెలుసా?’ అని. దానికి నిత్య.. ‘ఎవరు?’ అని తెలియనట్టుగా అడిగింది. దీంతో నిత్యా మీనన్‌కు ప్రభాస్ అంటే తెలియదట అని మీడియాలో వార్తలు వచ్చాయి. అప్పట్లో ఆమెపై చాలా నెగిటివ్ న్యూస్ స్ప్రెడ్ అయ్యింది.

ఈ వార్తలపై నిత్యా మీనన్ చాలా బాధపడిందట. ఈ విషయాన్ని కొన్ని నెలల క్రితం ‘ఓపెన్ హార్ట్ విత్ ఆర్కే’ కార్యక్రమంలో నిత్యా మీనన్ ప్రస్తావించారు. అసలు జరిగిందేంటో.. తనకు ప్రభాస్ ఎందుకు తెలీదో కూడా చెప్పారు. ఈ వ్యాఖ్యలు మళ్లీ ఇప్పుడు సోషల్ మీడియాలో వైరల్ అవుతున్నాయి.

‘‘నేను సినిమాలు పెద్దగా చూడను. కనీసం కన్నడ, మలయాళ సినిమాలు కూడా నేను చూడలేదు. తెలుగు అంటే మాకు ఒక కొత్త భాష. నాకు ఇక్కడ ఎవరూ తెలీదు. కాకపోతే చిరంజీవి, నాగార్జున, వెంకటేష్, అల్లు అర్జున్.. ఇలా ముగ్గురు నలుగురు తెలుసు. మలయాళం వినడం వల్ల తెలుసు. అంతకు మించి ఏ నటుడు గురించి నాకు తెలీదు. అప్పుడు ఏదో నన్ను అడుగుతున్నప్పుడు ‘ఎవరు? ఏంటి?’ అన్నాను. వాళ్లకు కూడా తెలుసు.. వాళ్లు అడిగింది నాకు తెలీదని. నా ఫేస్ చూస్తే తెలిసిపోతుంది. కానీ, కావాలని నాపై రాశారు కదా.. అది నన్ను చాలా బాధపెట్టింది’’ అని నిత్యా మీనన్ చెప్పుకొచ్చారు. ఇప్పుడు ఆ వీడియో ట్విట్టర్‌లో వైరల్ అవుతోంది.

ఎంతో ఆలోచించి కానీ నిత్యా ప్రాజెక్టులు ఎంచుకోదు. తెలుగుతో పాటు తమిళంలో వరుస సినిమాలు చేశారు. విజయ్, విక్రమ్, ధనుష్ లాంటి స్టార్ హీరోలతో కలిసి నటించారు. హీరోలతో సమానంగా ఫ్యాన్ ఫాలోయింగ్ ఉన్న హీరోయిన్లలో ఒకరిగా నిత్యా మీనన్ ఎదిగారు.

పుష్ప సినిమాతో పాన్ ఇండియ‌న్ లీగ్‌లో చేరిపోయాడు అల్లు అర్జున్‌. సుకుమార్ ద‌ర్శ‌క‌త్వంలో గ‌త ఏడాది డిసెంబ‌ర్ 17న విడుద‌లైన ఈ సినిమా వ‌ర‌ల్డ్ వైడ్‌గా 360 కోట్ల‌కుపైగా క‌లెక్ష‌న్స్ రాబ‌ట్టింది. క‌రోనా సెకండ్ వేవ్ త‌ర్వాత టాలీవుడ్‌లో ఫ‌స్ట్ బిగ్గెస్ట్‌ హిట్‌గా పుష్ప‌ నిలిచింది. తెలుగుతో పాటు హిందీ, మ‌ల‌యాళం, త‌మిళం, క‌న్న‌డ భాష‌ల్లో ఈ సినిమా నిర్మాత‌లు, ఎగ్జిబిట‌ర్ల‌కు భారీగా లాభాల‌ను మిగిల్చింది.

సుకుమార్ దర్శకత్వం లో గతం లో వచ్చిన సినిమాలన్నింటి లోకి ఈ సినిమా రికార్డు స్థాయి కలెక్షన్స్ ని నమోదు చేయడం జరిగింది. ఇక అల్లు అర్జున్ కెరీర్ లో కూడా ఇదే బిగ్గెస్ట్ మూవీ గా నిలిచింది. అల్లు అర్జున్ కి సాధారణం గానే కేరళలో భారీ ఫ్యాన్ ఫాలోయింగ్ ఉంది. అక్కడ 18 కోట్ల‌కుపైగా క‌లెక్ష‌న్స్ రాబ‌ట్టింది. గ‌త ఏడాది మ‌ల‌యాళంలో అత్య‌ధిక క‌లెక్ష‌న్స్ రాబ‌ట్టిన డ‌బ్బింగ్ సినిమాగా నిలిచింది. మ‌ల‌యాళంలో అల్లు అర్జున్ స్టార్‌డ‌మ్‌ను పుష్ప రెట్టింపు చేసింది.

అయితే పుష్ప రిలీజ్ అయ్యి సంవత్సరం అయిన సందర్భంగా మ‌రోసారి కేర‌ళ‌లో రీ రిలీజ్ కాబోతోంది. డిసెంబ‌ర్ 17ను రీ రిలీజ్ డేట్‌గా ఫిక్స్ చేసిన‌ట్లు స‌మాచారం. అధిక సంఖ్య‌లో స్క్రీన్స్ కూడా అందుబాటులో ఉండేలా ప్లాన్ చేస్తున్న‌ట్లు తెలిసింది. డిసెంబ‌ర్ 17ను రీ రిలీజ్ డేట్‌గా ఫిక్స్ చేసిన‌ట్లు స‌మాచారం. అధిక సంఖ్య‌లో స్క్రీన్స్ కూడా అందుబాటులో ఉండేలా ప్లాన్ చేస్తున్న‌ట్లు తెలిసింది.

ఇక ఈ సినిమాలో మొదటి భాగంలో అల్లు అర్జున్ ఎర్రచందనం స్మగ్లర్‌గా మాస్‌ లుక్‌‌లో కేక పెట్టించిన సంగతి తెలిసిందే. అయితే సీక్వెల్‌లో కూడా కొద్ది మార్పులతో అదే లుక్‌ను కొనసాగిస్తారట. ఈ సినిమా కోసం అల్లు అర్జున్ 125 కోట్ల వరకు రెమ్యూనరేషన్ తీసుకుంటున్నట్లు టాక్ నడుస్తోంది. ఈ సీక్వెల్‌కు సంబంధించిన స్పెష‌ల్ టీజ‌ర్‌ను డిసెంబ‌ర్ 17న రిలీజ్ చేయ‌నున్న‌ట్లు ప్ర‌చారం జ‌రుగుతోంది. ఈ సీక్వెల్‌లో ర‌ష్మిక మంద‌న్న హీరోయిన్‌గా న‌టిస్తోంది. ఫ‌హాద్ ఫాజిల్ విల‌న్‌గా క‌నిపించ‌బోతున్నాడు. పార్ట్ వ‌న్‌లో ఉన్న క్యారెక్ట‌ర్స్‌తో పాటు మ‌రికొన్ని కొత్త పాత్ర‌లు సీక్వెల్‌లో క‌నిపిస్తాయ‌ని స‌మాచారం.

రష్మిక మందన్న.. నేషనల్ క్రష్ గా పేరు సంపాదించినా ఈ ముద్దుగుమ్మ.. పుష్ప చిత్రం తో పాన్ ఇండియా రేంజ్ హీరోయిన్ అయిపోయింది. ఈ నేపథ్యం లో ఈమె వరుసగా భారీ ప్రాజెక్టుల్లో నటిస్తోంది. ప్రస్తుతం రష్మిక చేతిలో రెండు బాలీవుడ్ చిత్రాలు, తెలుగు, తమిళం లో మరో రెండు చిత్రాలు ఉన్నాయి.

పుష్ప సినిమా తర్వాత రెమ్యూనరేషన్‌ని కూడా భారీగా పెంచేసిన రష్మిక‌తో తమ ప్రొడెక్ట్స్‌ని ప్రచారం చేసుకోవడానికి కంపెనీలూ పోటీపడుతున్నాయి. దాంతో యాడ్స్ ద్వారా కూడా ఈ అమ్మడు భారీగా ఆర్జిస్తోంది. ప్పుడు రూ.కోట్లలో ఆర్జిస్తున్న రష్మికకి బాల్యంలో ఆర్థికంగా చాలా చేదు అనుభవాలు ఎదురయ్యాయట. ఇల్లు అద్దె కట్టలేని పరిస్థితుల్లో తమ కుటుంబం ఉండేదని ఆమె చెప్పుకొచ్చింది.

ఇటీవల ఒక ఇంటర్వ్యూ లో రష్మిక తన బాల్యానికి సంబంధించిన పలు ఆసక్తికర విషయాలను వెల్లడించింది. ” మా పేరెంట్స్ ఆర్థిక ఇబ్బందులు పడుతూ ఉండేవారు. నెలాఖరున ఇంటి అద్దె కట్టేందుకు కుదిరేది కాదు . దీంతో ఇంటి యజమానులు ఖాళీ చేయిస్తూ ఉండేవారు. ప్రతి రెండు నెలలకు కొత్త ఇల్లు వెతుక్కోవడం నిత్యకృత్యం అయ్యేది. నిలువ నీడ కోసం వీధుల్లో తిరిగిన సందర్భాలు కూడా ఉన్నాయి. పేరెంట్స్ నేను ఏది అడిగినా కాదనేవారు కాదు. అయినప్పటికీ నేను ఏమీ అడిగేదాన్ని కాదు. ఎందుకంటే కనీసం ఒక బొమ్మ అడిగినా అది కొనడానికి వాళ్ళ దగ్గర డబ్బులు ఉండేవి కావు.” అని రష్మిక చెప్పుకొచ్చింది.

కనీసం సొంత ఇల్లు లేని రష్మిక హీరోయిన్ అయ్యాక కోట్లు సంపాదిస్తున్నారు. ప్రస్తుతం రష్మిక రెమ్యునరేషన్ రూ. 3 కోట్లకు పైమాటే. ముంబైలో రష్మిక విలాసవంతమైన ఇంటిని కొనుగోలు చేసినట్లు సమాచారం. ఎవరి మద్దతు లేకుండా స్వయం కృషితో ఎదిగారు రష్మిక.