Anudeep

ధనుష్, అమలాపాల్ జంట గా నటించిన సినిమా విఐపి. ఈ సినిమా తెలుగు లో “రఘువరన్ బిటెక్” పేరుతొ డబ్ అయిన సంగతి తెలిసిందే. ఈ సినిమా కు వేళ్రాజ్ దర్శకత్వం వహించారు. బి టెక్ చదివిన రఘువరన్ ఉద్యోగం దొరక్క నాలుగేళ్లు ఖాళీ గా ఉంటాడు. తనకు సరైన అవకాశం వచ్చాక సొంతం గానే కంపెనీ నడిపే స్థాయికి చేరుకొని సత్తా చాటుతాడు.

ఆ తరువాత వచ్చే పరిస్థితుల్ని హీరో ఎలా ఎదుర్కొన్నాడో చూపే సినిమా విఐపి. ఈ సినిమా హిట్ అవ్వడం తో విఐపి 2 పేరిట సీక్వెల్ ను కూడా రిలీజ్ చేసారు. అయితే సీక్వెల్ కంటే ఫస్ట్ పార్ట్ ప్రేక్షకులని బాగా ఆకట్టుకుంది అనడంలో ఎలాంటి సందేహం లేదు.

ఫస్ట్ పార్ట్ తెలుగు లోకి డబ్ అయినప్పుడు.. తెలుగునాట కూడా చాలా రెస్పాన్స్ వచ్చింది. ఇప్పటికీ ఈ సినిమా టివిలో ప్లే అవుతూ ఉంటె.. కచ్చితంగా చూసి ఎంటర్టైన్ అయ్యేవాళ్ళు చాలా మందే ఉంటారు. అయితే.. అంతగా సినిమా ప్రేక్షకులను ఎంటర్టైన్ చేసిన ఈ సినిమాలో కూడా ఓ పొరపాటు చోటు చేసుకుంది. అయితే.. అదేంటో ఇప్పుడు చూద్దాం. ఈ సినిమాలో ఓ చోట కమెడియన్ వివేక్ హీరోతో మాట్లాడుతూ పక్కనే ఉన్న మరో ఎంప్లాయ్ ఫోన్ నుంచి తన భార్య నెంబర్ కి ఫోన్ చేస్తాడు.

అయితే ఆ ఎంప్లాయ్ ఫోన్ లో GF అని ఉండడంతో వివేక్ షాక్ అయ్యి.. నా భార్య నెంబర్ నీ ఫోన్ GF అని సేవ్ చేసి ఉందేంటి అని అడుగుతాడు. అయితే.. ఆ ఎంప్లాయ్ మాత్రం GF అంటే గోల్డెన్ ఫ్లవర్ అని.. వివేక్ భార్య పేరు స్వర్ణ పుష్ప కాబట్టి అలా పెట్టుకున్నానని చెప్తాడు. అయితే.. వివేక్ ఫోన్ చేస్తాడు.. కానీ స్క్రీన్ పై ఇన్కమింగ్ కాల్ వస్తున్నట్లు కనిపిస్తుంది. ఫోన్ చేస్తుంటే.. కాల్ వెళ్తున్నట్లు రావాలి కానీ.. ఇలా ఇన్కమింగ్ కాల్ వస్తున్నట్లు ఎలా కనిపిస్తుంది? అని నెటిజన్స్ కామెంట్స్ చేస్తున్నారు. ఇంత చిన్న లాజిక్ ఎలా మిస్ అయ్యారు అంటూ నవ్వుకుంటున్నారు.

ఖైదీ, మాస్టర్ వంటి సినిమాలతో తెలుగు ఇండస్ట్రీలో కూడా పేరు సంపాదించుకున్న దర్శకుడు లోకేష్ కనకరాజ్. లోకేష్ కనకరాజ్ కమల్ హాసన్ లాంటి స్టార్ హీరోతో సినిమా చేస్తున్నారు అనగానే ఆసక్తి మొదలైంది. సాధారణంగా కమల్ హాసన్ సినిమా అంటే తెలుగులో కూడా విడుదల అవుతుంది. కానీ ఈ సినిమా మాత్రం కేవలం తెలుగు, తమిళ భాషల్లో మాత్రమే కాకుండా పాన్ ఇండియన్ సినిమాగా విడుదల అయ్యింది.

అయితే.. ఈ సినిమాలో విజయ్ సేతుపతి కూడా కీలక పాత్రని పోషించిన సంగతి తెలిసిందే. ఫహాద్ ఫాజిల్ కూడా ఫస్ట్ హాఫ్ లో ఎక్కువ కనిపిస్తారు. చివరలో సూర్య అప్పీయరెన్సు కూడా ప్రేక్షకులను ఆకట్టుకునే విధంగా ఉంది.

ఇది ఇలా ఉంటె.. సినిమాలలో సహజంగా ఓ పాత్ర కోసం ఓ వ్యక్తిని అనుకుని.. చివరకు అతనికి కుదరకపోవడంతో ఆ ప్లేస్ లో మరో స్టార్ ను తీసుకోవడం జరుగుతూనే ఉంటుంది. అలానే విక్రమ్ సినిమాలో కూడా చోటు చేసుకుంది. విక్రమ్ సినిమాలో విజయ్ సేతుపతి పాత్ర కోసం తొలుత మరో హీరోని సంప్రదించారు. అయితే అనుకోని కారణాల వలన ఆ పాత్ర విజయ్ సేతుపతికి దక్కింది. ఆ పాత్రతో విజయ్ సేతుపతికి ఎంత మంచి నేమ్ వచ్చిందో మనం చూస్తూనే ఉన్నాం.

తొలుత విజయ్ సేతుపతి పాత్ర కోసం యాక్టర్, డాన్స్ డైరెక్టర్ అయిన ప్రభుదేవాను సంప్రదించారట. ప్రతినాయకుడి పాత్రకు నటించాల్సిందిగా ప్రభుదేవాను కోరారట. తరువాత రాఘవ లారెన్స్ ను కూడా సంప్రదించారట. అయితే.. ఏమి జరిగిందో తెలియదు కానీ.. వారికి బదులుగా ఆ పాత్ర కోసం విజయ్ సేతుపతిని సంప్రదించి ఆయననే ఫిక్స్ చేశారట.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి. అందుకే తమిళ హీరోలు కూడా మనకి పరిచయం అయ్యే ఉంటారు.

ఈ జూన్ 3వ తేదీన కమల్ హాసన్ నటించిన విక్రమ్ చిత్రం ప్రేక్షకుల ముందుకు వచ్చింది. చిత్రం ఊర మాస్ అంటూ ప్రేక్షకుల నుంచి అదిరిపోయే రెస్పాన్స్ వినిపిస్తుంది. మంచి కలెక్షన్లు రాబడుతు బ్లాక్ బస్టర్ దిశగా దూసుకుపోతుంది.

మన కథానాయకుడు కమల్ హాసన్ నటన గురించి వేరే చెప్పనక్కర్లేదు. ఆయన సహజమైన నటనతో అందర్నీ మంత్రముగ్ధుల్ని చేస్తారు. అయితే.. ఈ సినిమాలో దర్శకుడు లోకేష్ కనకరాజ్ మల్టివర్స్ కాన్సెప్ట్ ను చూపించారు. ఖైదీ సినిమాలో ఓ పాత్రని విక్రమ్ సినిమాలోకి తీసుకొచ్చారు. అయితే.. ఈ అర్జున్ దాస్ పాత్ర ఖైదీ సినిమాలో చనిపోయినట్లు చూపించారు. తిరిగి ఈ పాత్ర “విక్రమ్” సినిమాలో కనిపించడంతో ప్రేక్షకుల్లో కొత్త డౌట్ లు వచ్చాయి.

అయితే.. ఇటీవల ‘ఆస్క్ డైరెక్టర్ లోకేష్’ పేరిట దర్శకుడు లోకేష్ అభిమానులతో చిట్ చాట్ పెట్టుకున్నారు. ఈ చిట్ చాట్ లో అభిమానులు అడిగిన ప్రశ్నలకు ఆయన ఓపికగా సమాధానం ఇచ్చారు. చనిపోయిన అర్జున్ దాస్ పాత్ర తిరిగి ఎలా బతికి వచ్చింది అని ఓ నెటిజెన్ ప్రశ్నించగా.. దానికి లోకేష్ “అర్జున్ దాస్” పాత్ర చనిపోలేదని, నెపోలియన్ వలన గడ్డం మాత్రమే గాయపడిందని.. అందుకే విక్రమ్ సినిమాలో అర్జున్ దాస్ పాత్రకి స్టిచ్ మార్క్ కనిపిస్తుందని చెప్పుకొచ్చారు. అయితే.. అర్జున్ దాస్ పాత్ర బతికే ఉందన్న విషయం ఖైదీ పార్ట్ 2 లో తెలుస్తుంది అని దర్శకుడు లోకేష్ చెప్పుకొచ్చారు.

గత కొంత కాలం నుండి నాని ఎన్నో రకాల పాత్రలని చేస్తున్నారు. దాంతో నాని కామెడీ పాత్ర చేసి చాలా సంవత్సరాలు అయ్యింది. ఈ సినిమాలో నాని మళ్లీ కామెడీ ఎక్కువగా ఉన్న పాత్ర చేస్తున్నారు అని మనకు ముందే అర్థమయ్యింది. నానిని ఇలా చూడాలి అని ప్రేక్షకులు చాలా రోజుల నుండి ఎదురు చూస్తున్నారు. సినిమా టీజర్, ట్రైలర్ లో చూపించినట్టుగానే ఒక సింపుల్ స్టోరీ లైన్ మీద నడుస్తుంది. కానీ దర్శకుడు వివేక్ ఆత్రేయ ఆ సింపుల్ స్టోరీని కూడా ప్రేక్షకులకు కనెక్ట్ అయ్యే విధంగా చూపించారు.

ఫస్ట్ హాఫ్ మొత్తం కూడా పాత్రలని ప్రేక్షకులకి పరిచయం చేయడంలోనే అయిపోతుంది. అసలు కథ ఉండేది మాత్రం సెకండ్ హాఫ్ లోనే. నాని నటన చాలా నాచురల్ గా అనిపిస్తుంది.

అలాగే నానికి, నాని తండ్రి పాత్ర పోషించిన నరేష్ కి మధ్య వచ్చే సీన్స్ కూడా హైలైట్ గా అనిపిస్తాయి. ఇక నజ్రియా సంగతి చెప్పాల్సిన అవసరమే లేదు. తొలి తెలుగు సినిమా అయినప్పటికీ ఆమె ప్రేక్షకులకు బాగా కనెక్ట్ అయిపోతారు. ఒక మంచి కామెడీ సినిమా చూడాలి అనుకునే వారికి ఈ సినిమా నచ్చేస్తుంది. అయితే.. ఫుల్ స్పీడ్ లో సాగిపోయే సినిమాను ఎక్స్పెక్ట్ చేసి వెళ్తే మాత్రం కొంత నిరాశ పడాల్సి వస్తుంది. సినిమా చాలా బాగున్నప్పటికీ.. కొన్ని చోట నెగటివ్ టాక్ వినిపిస్తోంది. దానికి కారణమేంటో ఇప్పుడు చూద్దాం.

డైరెక్టర్ వివేక్ ఆత్రేయ ఈ సినిమా కోసం ఓ సింపుల్ స్టోరీ లైన్ ను రాసుకున్నారు. కానీ దానికోసం పర్ఫెక్ట్ స్క్రీన్ ప్లే రాసుకోవడం విషయంలో తడబడ్డారని అనిపిస్తుంది. కొన్ని ఎమోషనల్ సన్నివేశాలు ప్రేక్షకులను పూర్తిగా ఆకట్టుకునే విధంగా ఉండవు. ఇక్కడే ప్రేక్షకులకు బోర్ కొట్టేస్తూ ఉంటుంది. ఇక మూడవ విషయం ఏంటంటే.. సినిమా నిడివి. ఈ సినిమా నిడివిని కొంతమేరకు తగ్గిస్తే సినిమా ఇంకా పర్ఫెక్ట్ గా అనిపించేదేమో. ఇవి చిన్న చిన్న మైనస్ లే. ఈ సినిమా ప్లస్ పాయింట్స్ తో పోలిస్తే వీటిని పెద్దగా పట్టించుకోవాల్సిన అవసరమే లేదు. ఓ మంచి కామెడీ ఎంటర్టైన్మెంట్ చూడాలనుకునే వారు, నాని స్టయిల్ ఫన్ ని ఎంజాయ్ చేయాలనుకునేవారికి ఈ సినిమా ఓ మంచి ఛాయిస్ అవుతుంది.