Anudeep

చాలా మంది హీరోయిన్లు డాక్టర్ కాబోయి యాక్టర్ అయ్యాం అంటుంటారు. కానీ, రాశి ఐఏఎస్ అవ్వాలనుకుని యాక్టర్ అయ్యింది. క్లాస్ లో రాశి ఖన్నా మొదటి నుంచి టాపర్ గానే ఉండేది. కానీ, ఆమె యాక్టర్ కావడం వెనుక కారణం ఓ వాజెలైన్ అని తెలుసా..? ఈ ఇంట్రస్టింగ్ స్టోరీ ఏంటో ఈ ఆర్టికల్ చదివి తెలుసుకోండి.

రాశి ఖన్నా ఢిల్లీ లో శ్రీ రామ్ కాలేజీ లో బిఎ (ఇంగ్లీష్) చదివారు. ఈ సమయం లో వారి కాలేజీ కి వాజెలైన్ కంపెనీ అడ్వేర్టైజ్మెంట్ ఇవ్వడానికి వచ్చారట. ఈ సందర్భం గా వారు కాలేజీ లో అమ్మాయిలకు ఒక ఆఫర్ ఇచ్చారు. వాళ్ళకి నచ్చినట్లు ఎదో ఒక స్టైల్ లో ఫోటో తీసుకోమన్నారట. తీసుకున్న వారికి వాజెలైన్ గిఫ్ట్ గా ఇస్తారట. వాజెలైన్ ని గిఫ్ట్ గా తీసుకోవడం కోసం రాశిఖన్నా కూడా ఫొటో దిగిందట.

అయితే, ఆమె లైఫ్ కి అదే టర్నింగ్ పాయింట్ అయింది. రాశి ఖన్నా తీసుకున్న ఫోటో నచ్చడం తో ఫెమినా మ్యాగజైన్ వారు ఆమె ఫోటో ను కవర్ ఫోటో గా వేసుకున్నారు. వాజెలైన్ కంపెనీ వారు కూడా రాశి తోనే తమ ప్రోడక్ట్ కి ప్రమోషన్ చేయించుకున్నారట. అలా ఆమె లైమ్ లైట్ లోకి వచ్చింది. ఆమె ను చూసిన డైరెక్టర్ సుజిత్ సిర్కార్ తన “మద్రాస్ కేఫ్” సినిమా లో అవకాశం ఇచ్చారట. ఈ సినిమా లో రాశి యాక్టింగ్ స్కిల్స్ కూడా ప్రూవ్ అవ్వడం తో అవసరాల శ్రీనివాస్ “ఊహలు గుస గుసలాడే” సినిమాకు హీరోయిన్ గా ఎంపిక చేసుకున్నారట.

“ఊహలు గుస గుస లాడే” సినిమాకి గాను రాశి సీమా (SIIMA) బెస్ట్ డెబ్యూ యాక్ట్రెస్ అవార్డును కూడా గెలుచుకుంది. అలా తెలుగు వారికి బాగా దగ్గరయిన రాశి కి ఇండస్ట్రీ లో అవకాశాలు కూడా బాగానే వచ్చాయి. అలా పాపులర్ హీరోయిన్ అయిపొయింది రాశిఖన్నా.

watch video:

అదృష్టం అంటే రాశి దే..!

జయసుధ పేరు వినగానే ముందు గుర్తొచ్చేది మన ఇంట్లో అమ్మ లాగానో, పిన్ని లాగానో, లేదంటే అమ్మమ్మ లాగానో కనిపించే నిండైన రూపం. హీరోయిన్ గా కెరీర్ మొదలు పెట్టిన జయసుధ క్యారెక్టర్ ఆర్టిస్ట్ గా, తల్లి గా, నానమ్మ గా కూడా పాత్రలు పోషించి కుటుంబ ప్రేక్షకులకు ఎంతగానో దగ్గరయ్యారు.

ఆమెకు చాలా మంది అభిమానులే ఉన్నారు తప్ప హేటర్స్ ఎవరు లేని నటి గా ఆమె పేరు ప్రఖ్యాతలు గడించారు. అయితే చాల మందికి తెలియని విషయం ఏంటంటే జయసుధ గారికి సినిమాలంటే అస్సలు ఆసక్తి ఉండదట.

మూడేసి గంటల పాటు తలుపులు మూసిన గదిలో కూర్చుని ఎవరు సినిమాలు చూస్తారు అని అనుకుంటూ ఉంటారట. మొదటినుంచి ఆమె సినిమాలకు వ్యతిరేకంగానే ఉండేవారట. అయితే అనుకోకుండా ఆమెకు పండంటి కాపురం సినిమాలో అవకాశం వచ్చింది. ఆమె సినిమాల్లో రాణిస్తారని, పెద్ద స్టార్ అవుతారని ఆమె తల్లి తండ్రులకు ముందే ఓ జ్యోతిష్యుడు చెప్పారట. కానీ సినిమాలంటే ఆసక్తి లేని జయసుధ సినిమాల్లో ఎందుకు నటిస్తుంది అని నవ్వుకున్నారట.

కానీ, ఆ తరువాత అదే నిజమైంది. జయసుధకు తల్లితండ్రులు పెట్టిన పేరు సుజాత. అయితే, పండంటి కాపురం సినిమాలో నటించాక మరో రెండు అవకాశాలు వచ్చాయి. అప్పటికే ఆమెకు పేరు రావడంతో మరిన్ని అవకాశాలు వచ్చాయట. అయితే.. ఇండస్ట్రీ లో సుజాత పేరుతొ ఆల్రెడీ సెలెబ్రిటీ ఉండడంతో.. ఆమె తండ్రి రమేష్ జయసుధగా పేరు మార్పించారు. ఆ తర్వాత ఆమె వెనక్కి తిరిగి చూసుకోవాల్సిన అవసరం రాలేదు. జయసుధ తండ్రి రమేష్ కు స్వయానా చెల్లెలే విజయ నిర్మల గారు. అంటే.. విజయ నిర్మల గారు జయసుధకు మేనత్త అవుతారు. ఈ లెక్కన మహేష్ బాబు జయసుధకు బావ వరుస అవుతారన్నమాట.

ఒక సినిమా తెర వెనుక పనులన్నీ పూర్తి చేసుకుని థియేటర్ లో రావడం వెనుక చాలా పని ఉంటుంది. చాలా మంది వ్యక్తుల శ్రమ ఉంటుంది. అయితే.. ఒక సినిమా షూటింగ్ ప్రారంభించడానికి ముందుగానే ప్రీ ప్రొడక్షన్ పనులను చేసుకుంటారు. అంటే.. ఏ పని ఎవరు చేయాలో నిర్ణయించుకోవడం, ఏ పాత్రకు ఎవరిని తీసుకోవాలో ఎంపిక చేసుకోవడం, స్క్రీన్ టెస్ట్ వంటివి అన్నమాట.

ప్రతి సినిమాకు ఇది కామన్.. అలా మొదట అనుకున్న హీరోయిన్లను కాకుండా.. కొన్నిసార్లు మరో హీరోయిన్ ను ఎంచుకోవాల్సి వస్తుంది. దీనికి కారణం ఏదైనా కావచ్చు.. అలా.. ఈ 15 తెలుగు సినిమాలకి మొదట అనుకున్న హీరోయిన్లు ఎవరో చూద్దాం..

#1 గని:

వరుణ్ తేజ్ హీరో గా నటిస్తున్న ఈ చిత్రానికి తొలుత కియారా అద్వానీని అనుకున్నారు. కానీ, చివరికి సాయి మంజ్రేకర్ ను ఎంపిక చేసారు.

#2 చెలియా:

మణిరత్నం గారు డైరెక్ట్ చేసిన ఈ సినిమాకు తొలుత సాయి పల్లవిని తీసుకోవాలనుకున్నారు. కానీ, అదితి రావు హైదరి ని ఎంపిక చేసారు.

#3 రాజు గారి గది 3:

ఓంకార్ దర్శకత్వం వహించిన ఈ సినిమాకు తొలుత తమన్నా ని తీసుకోవాలనుకున్నారు. కానీ, అవికాగోర్ ని ఎంపిక చేసారు.

#4 నారప్ప:

వెంకటేష్ హీరో గా నటించిన సినిమాకు తొలుత అనుష్క ని తీసుకోవాలనుకున్నారు. కానీ, ప్రియమణి ని ఎంపిక చేసారు.

#5 రంగస్థలం:

ఈ సినిమా లో మొదట చరణ్ పక్కన అనుపమ ని తీసుకోవాలనుకున్నారు. కానీ, సమంత ని ఎంపిక చేసారు.

#6 జెర్సీ (హిందీ):

తెలుగు లో వచ్చిన జెర్సీ నే హిందీ లో రీమేక్ చేశారు. ఇందుకోసం మొదట రష్మికను అనుకున్నారు. కానీ, మృణాల్ ఠాకూర్ ను ఎంపిక చేసుకున్నారు.

#7 గీతగోవిందం:

ఈ సినిమా లో గీత పాత్ర కోసం మొదట రకుల్ ప్రీత్ సింగ్ ను అనుకున్నారు. కానీ, రష్మిక ను ఎంపిక చేసుకున్నారు.

#8 కొచ్చడియాన్:

ఈ సినిమా కోసం తొలుత అనుష్కను తీసుకోవాలనుకున్నారు. కానీ, దీపికా పదుకునే ను ఎంపిక చేసారు.

#9 రాక్షసుడు:

ఈ సినిమాలో మొదట రాశీఖన్నాను అనుకుని, లాస్ట్ కి అనుపమ ను ఫైనల్ చేసారు.

#10 మహానటి:

మహానటి సావిత్రి బయో పిక్ లో సావిత్రి పాత్ర కోసం మొదట నిత్యా మీనన్ ను అనుకున్నారు.. ఫైనల్ గా కీర్తి సురేష్ ఎంపిక అయింది.

#11 మాస్ట్రో :

ఈ సినిమా కోసం తొలుత పూజ హెగ్డే ను తీసుకోవాలనుకున్నారు. కానీ, నభా నటేష్ ను ఫైనల్ చేసారు.

#12 బిజినెస్ మాన్:

ఈ సినిమాలో మహేష్ సరసన మొదట శృతి హాసన్ ను తీసుకోవాలనుకున్నారట. కానీ, కాజల్ ను ఫిక్స్ చేసారు.

#13 అమర్ అక్బర్ ఆంటోనీ:

ఈ సినిమా లో మొదట అను ఇమ్మాన్యుయేల్ ను అనుకున్నారు. కానీ, ఇలియానా టాలీవుడ్ లోకి రీ ఎంట్రీ ఇచ్చారు.

#14 జెంటిల్మెన్:

జెంటిల్మెన్ సినిమాలో సురభి చేసిన పాత్ర కోసం మొదట నిత్యామీనన్ ను తీసుకోవాలని అనుకున్నారట.

#15 రెబల్:

ఈ సినిమా లో ప్రభాస్ పక్కన హీరోయిన్ గా మొదట అనుష్కను అనుకున్నారు. కానీ, తమన్నా ను ఫైనల్ చేసారు.

హీరోయిన్ ఎంగేజ్మెంట్ సీన్ తో సినిమా స్టార్ట్ అవుతుంది. హీరోయిన్ తండ్రి ఫ్రెండ్ కొడుకైన మన హీరో కూడా హీరోయిన్ ఇంటికి వస్తాడు. అక్కడ అవుట్ హౌస్ లో ఉంటూ కామెడీ చేస్తూ ఉంటాడు. ఇంతలో ఉద్యోగం వస్తుంది. ఇలా సాగుతుండగా అనుకోకుండా హీరోయిన్ తో ప్రేమలో పడతాడు. కానీ తండ్రికి ఇచ్చిన మాటకోసం ఆ అమ్మాయిని ప్రేమించాలా? వద్దా? అనే కన్ఫ్యూషన్ లో పడతాడు మన హీరో.

ఈపాటికే మీకు అర్ధం అయిపోయి ఉంటుంది ఇంతసేపు మాట్లాడింది ఏ సినిమా గురించని. వెంకటేష్, ఆర్తి అగర్వాల్ కాంబినేషన్ లో వచ్చిన ‘నువ్వు నాకు నచ్చావ్’ సినిమా ఎవర్ గ్రీన్ సినిమా అనే చెప్పాలి.

ఈ సినిమాని ఎన్ని సార్లు చూసినా ఏ మాత్రం బోర్ అనిపించదు. పైగా సినిమా మొత్తం మంచి కామెడీతో ఉంటుంది. విక్టరీ వెంకటేష్ యాక్షన్ తో పాటు కామెడీ కూడా చేసే కొద్ది మంది హీరోలలో ఒకరు. సరైన పాత్ర వచ్చిందంటే కామెడీ టైమింగ్ ని ఎవరు ఆపలేరు. వెంకటేష్ నటించిన సినిమాల్లో ఎన్నో సినిమాలు విజయవంతమయ్యాయి.

దేవి పుత్రుడు, ప్రేమతో రా.. వంటి సినిమాలు ప్లాప్ సినిమాలతో ఉన్న వెంకీ “నువ్వు నాకు నచ్చావ్” సినిమాతో ఫుల్ ఫామ్ లోకి వచ్చారు. అయితే.. అసలు ఈ సినిమాకి తొలుత వెంకటేష్ ను అనుకోలేదట. అప్పటి వరకు చైల్డ్ ఆర్టిస్ట్ గా నటించి ” నువ్వే కావాలి” సినిమాతో ఓవర్ నైట్ స్టార్ అయిపోయిన తరుణ్ ను ఈ సినిమా కోసం తొలుత సంప్రదించారట. అప్పట్లో ఈ సినిమా కొన్ని థియేటర్లలో సంవత్సరం పాటు ఆడి సంచలనం సృష్టించింది.

ఈ క్రమంలో నువ్వు నాకు నచ్చావ్ సినిమా కోసం కూడా దర్శకుడు విజయ్ భాస్కర్ తరుణ్ ను సంప్రదించారట. అయితే.. అప్పటికే ఇతర ప్రాజెక్ట్స్ తో బిజీగా ఉన్న తరుణ్ ఈ సినిమాను రిజెక్ట్ చేశారట. దీనితో ఆ ప్లేస్ లో వెంకటేష్ ను తీసుకున్నారు. ఈ సినిమా రిలీజ్ అయ్యి బ్లాక్ బస్టర్ అవ్వడంతో.. ఈ సినిమా చేయలేకపోయినందుకు తరుణ్ చాలా బాధపడ్డారట. ఒకప్పుడు స్టార్ హీరోగా వెలుగొందిన తరుణ్ ప్రస్తుతం సినిమాలకు దూరంగా ఉంటున్న సంగతి తెలిసిందే.