Anudeep

రామాయణం తెలియని భారతీయులు ఉండరు అనడం లో ఎలాంటి అతిశయోక్తి లేదేమో. రామాయణం తెలిసిన వారందరికీ రాముడే కాదు… రావణాసురుడి గురించి తెలిసి ఉంటుంది. రావణాసురుడి గురించి అందరికి తెలిసిన విషయం ఏంటంటే.. ఆయనకు పది తలలు ఉంటాయి అని. అసలు ఇది నిజమా.. కాదా..? ఇలా ఎందుకు చెప్పారు వంటి విషయాలను మనం ఇప్పుడు తెలుసుకుందాం.

నిజానికి.. ఇది చాలా కాంట్రవర్సీ అయ్యే విషయం. రావణాసురుడి తలల గురించి చాలా మందికి చాల సందేహాలు ఉన్నాయి. మరో వైపు.. ఈ విషయానికి క్లారిటీ ఇవ్వడానికి రకరకాల ఎక్స్ప్లనేషన్లు కూడా ఉన్నాయి. వీటిలో ప్రస్తుతం ప్రముఖం గా చెప్పుకోబడుతున్నవి రెండు. అవేంటో.. మనం ఇప్పుడు చూద్దాం. ఓ పురాణ కథ ప్రకారం రావణుడి గుణ గణాలను వివరించడం కోసమే.. రావణుడికి పది తలలు ఉన్నాయని చెప్పారు.

ఒక్కో గుణం ఒక్కో తలను సూచించే విధం గా చెప్పారని అంటుంటారు. ఇంతకీ ఆ గుణాలేమిటంటే కామం, క్రోధం, లోభం, మోహం, మదం, మాత్సర్యం, మానస, బుద్ధి, చిత్త, అహంకారం వంటి గుణాలు. వీటిని వర్ణించడానికి ఈ పదితలల గురించి ప్రస్తావన వచ్చిందని, రావణుడికి ఒక తల మాత్రమే ఉండేదని చెబుతారు. ఇందుకు సంబంధించి మరొక కథ కూడా ప్రచారం లో ఉంది.

రావణాసురుడు ఆ పరమ శివుని మహా భక్తుడన్న సంగతి మనందరికీ తెలుసు. ఆయన నిత్యం ఆ మహాశివుడిని గూర్చి పూజలు చేసేవారు. రావణుడు ఓ సారి ఘోర తపస్సు చేస్తూ.. పరమేశ్వరుడుకి తన తలను సమర్పిస్తాడు. వెంటనే మరొక తల వస్తుంది. ఆ తలను కూడా నరికేసుకుని శివుడికి సమర్పిస్తాడు. ఇలా పది సార్లు శివుడికి తన తలను సమర్పిస్తాడు. పదవసారి కూడా తన తలను సమర్పించాక శివుడు ప్రత్యక్షమవుతాడు. అన్ని తలలను తిరిగి రావణుడికి ఇచ్చేస్తాడట. అప్పటినుంచి రావణుడు పదితలల వాడయ్యాడట. అందుకే రావణుడిని దశాననుడు అని కూడా పిలుస్తూ ఉంటారు.

మన తెలుగు రాష్ట్రాలలో జాతరలు నిర్వహించే ఆనవాయితీ ఎక్కువగానే ఉంది. చాలా చోట్ల గ్రామదేవతలకు, అమ్మోరులకు జాతర నిర్వహిస్తూ ఉంటారు. అయితే, మీరెప్పుడైనా గమనించారా..? ఈ ఉత్సవాలలో కొందరు మహిళలకు పూనకాలు వస్తూ ఉంటాయి. వారిని కొంతమంది పట్టుకుని వేపాకులు విసురుతూ శాంతింప చేయడానికి ప్రయత్నిస్తూ ఉంటారు. అయితే ఇది నిజమేనా..? ఇలా ఎందుకు అవుతుందో తెలుసుకుందాం.

ఇటీవల ఫేస్ బుక్, వాట్సాప్ వంటి సోషల్ మీడియాలలో ఓ వీడియో వైరల్ అయింది. ఆ వీడియో లో ఒక మహిళా, ఒక పురుషుడు డాన్స్ పెర్ఫార్మన్స్ చేస్తున్నారు. ఆ మహిళా అమ్మవారి పాత్రను పోషిస్తుండగా.. పురుషుడేమో రాక్షసుడి పాత్రను పోషిస్తూ నృత్యం చేస్తూ ఉన్నారు.ఆ మహిళా బాగా ఇన్వాల్వ్ అయిపోయి డాన్స్ చేస్తూ… చివరలో త్రిసూలం తో సదరు వ్యక్తిని గట్టిగా పొడవబోయింది. స్టేజి పై పక్కన వీడియో తీస్తున్న వ్యక్తులు ఆమెను పట్టుకుని వెనక్కి లాగి శాంతింప చేసారు.

మనం ఏదైనా పని చేస్తున్నపుడు బాగా ఇన్వాల్వ్ అయ్యి చేసినప్పుడు బెస్ట్ రిజల్ట్స్ వస్తాయి అన్న సంగతి మనకి తెలిసిందే. మనం శ్రద్ధ పెడితే, సాధించలేనిది ఏది ఉండదు. అలాగే..సినిమాలు చూస్తున్నపుడు కూడా మనం బాగా ఇన్వాల్వ్ అయిపోతే సినిమాలో ఎమోషనల్ సీన్లకు మనకు కన్నీళ్లు వచ్చేస్తూ ఉంటాయి. నిజానికి మనకి బాధ లేకపోయినా మనకు కన్నీళ్లు వస్తాయి.

పై రెండు ఉదాహరణాలలోను మనం అర్ధం చేసుకోవాల్సింది ఏంటంటే.. ఏదైనా పని లో ఇన్వాల్వ్ అవడం వలన మనం ఊహించనిది జరుగుతూ ఉంటుంది. అలాగే.. దేవి ఉత్సవాల సమయం లో కూడా ఆ దేవిని నిరంతరం ఉపాసించే వారు అమ్మవారిని ధ్యానిస్తూ తాదాత్మ్యత చెందుతారు. ఈ క్రమం లోనే వారి శరీరం లో జనించే ఉష్ణం వలన పూనకాలు వస్తూ ఉంటాయి. అమ్మవారు వచ్చారని అందరు పూజలు చేసి వారిని శాంతింప చేస్తారు.