Anudeep

దేశం పురోగమిస్తుంటే.. ఆకలి చావులు మాత్రం పెరుగుతూనే ఉన్నాయి. స్విగ్గిలు, జొమాటో లు వచ్చాక ఫుడ్ దగ్గరికొచ్చినా.. చాల మంది కడుపులకు దూరం గానే ఉంది. ఒకవైపు ఫుడ్ ను వేస్ట్ చేసే వాళ్ళ సంఖ్యతో పాటు.. తగిన ఫుడ్ దొరక్క ఆకలితో అలమటిస్తున్న వారి సంఖ్య కూడా పెరుగుతూనే ఉంది.

టెక్నాలజీ పరం గా ఎంత ముందుకెళ్తున్నా.. ఆకలి కడుపులు నింపడం మాత్రం సాధ్యం కావడం లేదు. ఇటీవల సోషల్ మీడియా లో ఓ స్టోరీ వైరల్ అవుతోంది. ఇది ఓ సెక్యూరిటీ గార్డ్ స్టోరీ. ఆ వ్యక్తి సెక్యూరిటీ గార్డ్ గా విధులు నిర్వర్తిస్తూ.. లంచ్ టైం లో తినడానికి సిద్ధం గా ఉన్నాడు. అతను ఏమి తింటున్నాడో తెలుసా.. అన్నం, నీరు, ఉల్లిపాయ తో పాటు రెండు, మూడు వెల్లుల్లిపాయలు అంతే.

అతను కలుపుకోవడానికి కనీసం పచ్చడి, మజ్జిగ కూడా లేవు. కానీ అతను కొన్నాళ్లనుంచి అలానే ఆహరం తీసుకుంటున్నాడట. అతను చేసేది సెక్యూరిటీ గార్డ్ ఉద్యోగం. తనకు వచ్చే జీతం లో ఎక్కువ శాతం ఇంట్లోని సభ్యులకే పంపిస్తాడు. మిగిలిన కొంచం మొత్తం లోనే తాను రోజు ఈ ఆహారాన్ని తీసుకుంటున్నాడట.

ఈ ఫోటో ను ఆపిల్‌ లిడ్‌ అనే ఫేస్ బుక్ యూజర్ పంచుకున్నారు. అతని గురించి చెప్తూ..” ఈ ఫొటోలోని వ్యక్తి నా ఫ్రెండ్. చాలా కష్టపడి పనిచేస్తాడు. తన సంపాదనలో ఎక్కువ మొత్తం ఇంటికి పంపిస్తూ.. కొంచమే తనకోసం ఉంచుకుంటాడని.. ఆ డబ్బుతోనే ఇలాంటి ఆహరం తీసుకుంటున్నాడని” తెలిపాడు. ఈ ఫోటో వైరల్ అవుతోంది. పలువురు నెటిజన్లు అతనిని చూసి అయ్యో పాపం అంటున్నారు. తొందరలోనే అతని కష్టం ఫలించి అతను ఉన్నత స్థాయికి చేరుకోవాలని కోరుకుందాం.

నాగరికత పెరుగుతున్నా మూఢనమ్మకాలు మాత్రం జనాలను పట్టి పీడిస్తూనే ఉన్నాయి. తనకేదో దోషం ఉందని నమ్మిన ఓ తల్లి కన్న బిడ్డనే చంపేసిన ఘటన సూర్యాపేట జిల్లా మోతె మండలం బుర్కచర్ల గ్రామం వద్ద చోటు చేసుకుంది. బుర్కచర్ల గ్రామం మేకలపాటి తండా కు చెందిన ఓ మహిళ ఆరు నెలల పసిబిడ్డను దారుణం గా గొంతు కోసి చంపేసింది. తన భార్య మూఢ నమ్మకాల వల్లే పసిపిల్ల ప్రాణం పోయిందంటూ రోదిస్తున్న ఆ తండ్రిని ఓదార్చడం ఎవరితరం కావడం లేదు.

సాక్షి కధనం ప్రకారం, మేకలపాటి తండాకు చెందిన కృష్ణ అనే వ్యక్తి కి భారతి అలియాస్ లాస్య( బుజ్జి) అనే అమ్మాయి తో మూడేళ్ళ క్రితం వివాహం జరిగింది. భారతి తల్లి తండ్రులు కూడా అదే తండా లో నివాసం ఉండేవారు. కృష్ణ వికలాంగుడు. డిగ్రీ వరకు చదువుకున్నాడు. భారతి కూడా డిగ్రీ తో పాటు బీఈడీ చేసింది. చదువుకున్న అమ్మాయే అయిన మూఢనమ్మకాలు పెంచుకుంది.

భారతి, కృష్ణ ల వివాహం అయినా ఏడెనిమిది నెలల తరువాత ఓ సాధువు వాళ్ళింటికి వచ్చాడు. ఆయన్ని చూసిన భారతి తనకు ఎప్పుడు చూసిన భయం భయం గా ఉంటోంది అని.. ఇది పోవాలంటే ఏమి చేయాలనీ, ఆమె ఆ సాధువు ని అడిగింది. అయితే, అందుకు ఆ సాధువు ఆమెకు నాగ సర్ప దోషం ఉందంటూ నమ్మబలికాడు. ఆ దోషం పోవాలంటే నాగపూజలు చేయాలనీ.. ఆమెకు పుట్టిన బాబునో/పాపనో బలి ఇవ్వాలని సూచించాడట.

ఆమె అప్పటినుంచి వారం లో రెండు మూడు రోజుల పాటు నాగపూజలు చేసేది. కాగా, ఆరునెలల క్రితమే ఆమె పండంటి ఆడబిడ్డకు (రీతూ) జన్మనిచ్చింది. పాప పుట్టిన తరువాత కూడా ఆమె పూజలు మానలేదు. ఆమె గతం లో కూడా రెండు మూడు సార్లు చిన్నారిని చంపడానికి ప్రయత్నించిందని ఆమె బంధువులు చెప్పడం గమనార్హం. భర్త కృష్ణ కూడా ఈ విషయాన్నీ గమనించి ఆమె తల్లితండ్రులకు తెలిపాడు. కుమార్తె మానసిక పరిస్థితి ఏమి బాగోలేదని, రీతూ ను తీసుకెళ్లాలని చెప్పాడు. కానీ, వారు పట్టించుకోలేదు.

గురువారం మధ్యాహ్న సమయం లో కృష్ణ సూర్యాపేట కు వెళ్లాల్సిన పని ఉండడం తో.. అత్తమామలకు విషయం చెప్పి బయలుదేరాడు. వారు పట్టించుకోలేదు. కృష్ణ లేని సమయం లో అదను చూసి.. భారతి ఈ ఘాతుకానికి ఒడిగట్టింది. హత్య చేయడానికి ముందు ఆమె నాగపూజలు చేసినట్లు తెలుస్తోంది. పూజలు చేసి, బిడ్డను పట్టుకుని గొంతు పై కోసి బలి ఇచ్చినట్లు తెలుస్తోంది. ఆ తరువాత “నా బిడ్డ రీతుని చంపేశా.. నాగసర్ప దోషమే కాదు ఏ దోషము నాకింక అడ్డు రాదు..” అనుకుంటూ తల్లితండ్రుల ఇంటికి పరుగుతీసింది.

తల్లితండ్రుల వద్దకు వెళ్ళిన భారతి… తనకు పుట్టిన పాప వలనే తనకు ప్రాణగండం ఉందని.. ఇకపై తనకు ఏ గండం ఉండదని ఏడుస్తూ చెప్పింది. ఆమె తల్లి తండ్రులు హతాశులై ఇంటికి వెళ్లి చూడగా.. అప్పటికే రీతూ మరణించింది. సూర్యాపేట నుంచి ఇంటికి వచ్చిన కృష్ణ మృతి చెందిన తన కూతురు ను చూసి గుండెలవిసేలా రోదించాడు. తన భార్య వలనే కూతురు చనిపోయిందని అతను ఏడుస్తుంటే స్థానికుల హృదయాలు బరువెక్కాయి. ఈ ఘటన స్థానికం గా విషాదం నింపింది.

ఇటీవల ఆత్మహత్యలు ఎక్కువ గా చోటు చేసుకుంటున్నాయి. ఒత్తిడి భరించలేక కొందరు, ఉద్యోగాల బాధలతో మరికొందరు ఆత్మహత్యలకు పాల్పడుతున్నారు. తాజాగా తన భార్య కు వైద్య చికిత్సలు చేయించలేకపోతున్నానన్న బాధ తో ఓ సాఫ్ట్ వేర్ ఉద్యోగి తన కుమార్తె తో కలిసి ఆత్మహత్య చేసుకోవడం స్థానికం గా కలకలం రేపుతోంది.

న్యూస్ 18 కథనం ప్రకారం… విజయవాడ సత్యనారాయణ పురం పోలీస్ స్టేషన్ పరిధి లో శ్రీనగర్ కాలనీ కి చెందిన రవి హైదరాబాద్ లోనే సాఫ్ట్ వేర్ ఉద్యోగం చేసేవాడు. అయితే, కరోనా నేపధ్యం లో అతని ఉద్యోగం పోవడం తో విజయవాడ కు వచ్చేసాడు. అతనికి కి భార్య భరణి, కుమార్తె గీతా సహస్ర ఉన్నారు. అతని భార్య భరణి కొంత కాలం గా మూత్రపిండాల వ్యాధి తో బాధపడుతున్నారు.

అయితే, ఆమె చికిత్స నిమిత్తం గవర్నర్ పేట లోని తన పుట్టింటిలోనే ఉంటున్నారు. ఈ క్రమం లో రవి కుమార్తె గీతా సహస్ర తో కలిసి సత్యనారాయణపురం లోనే ఉంటున్నాడు. గత శనివారం ఉదయం రవి బామ్మరిది మధుబాబు ఎన్ని సార్లు ఫోన్ చేసినా రవి ఫోన్ లిఫ్ట్ చేయలేదు. దీనితో, మధుబాబు కంగారు పడి సత్యనారాయణ పురం లోని రవి ఇంటికి వచ్చి చూసాడు.

ఉరికి వేలాడుతూ రవి, మంచం పైన గీత సహస్ర నిర్జీవం గా పడి ఉండడం చూసి ఖంగుతిన్నాడు. వెంటనే పోలీసులకు సమాచారం ఇచ్చాడు. మరో వైపు ఆ మృతదేహాలు అనుమానాస్పదం గా ఉన్నాయి. ఆ బాలిక నోటి పై ప్లాస్టర్ ఉండడం.. రవి ముఖానికి కూడా నల్లటి వస్త్రం కప్పి ఉంది. కాళ్ళు, చేతులు కట్టివేసి ఉండడం తో పోలీసులు అనుమానం వ్యక్తం చేస్తున్నారు.

మరో వైపు గదిలో నాలుగు లేఖలు కూడా కనిపించాయి. తన కిడ్నీలు భరణి కి అమర్చాలని, ఇతర అవయవాలను అవసరం ఉన్నవారికి దానం చేయాలనీ అతను కోరాడు. మరో లేఖ లో ” నిన్న అందరు వచ్చినా నాతొ ఎవరు మాట్లాడలేదు.. సారీ బుజ్జి.. నువ్వు బెటర్ లైఫ్ కావాలనుకున్నావ్.. ఈ ఒంటరితనాన్ని కాదు. నా కిడ్నీలు నా భార్య భరణి కి ఇవ్వండి. ఇతర అవయవాలు కావాల్సిన వారికి ఇవ్వండి” అని రాసాడు.

మరో లేఖ లో “మామ్మ ఐ నీడ్ హెల్ప్” అని రాసాడు.. మరో పేపర్ పై లవ్ యు ఉమా పిన్ని, లవ్ యు అమ్మమ్మ, లవ్ యు బుజ్జి తల్లి, సారీ తల్లి” అని రాసి ఉంది. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

ఓ బ్యాంకు ఉద్యోగి ఎప్పటిలానే పొద్దునే ఆఫీస్ కు వెళ్ళాడు. అప్పటికే తలుపులు తాళం తీసి ఉండడం చూసి.. రోజులానే మేనేజర్ తమకంటే ముందే అక్కడకి వచ్చి తాళాలు ఓపెన్ చేసి ఉంటారని ఉహించాడు. రోజులానే మాములుగా లోపలకి వెళ్ళాడు. కానీ, లోపల చూసాక షాక్ అయ్యాడు.

image credits: newindianexpress

ఆ బ్యాంకు మేనేజర్ లోపల ఓ ఇనుప కొక్కానికి ఉరి వేసుకుని కనిపించే సరికి నిర్ఘాంత పోయాడు. వెంటనే ఆమెను కిందకు దించి.. ఆసుపత్రికి తీసుకెళ్లాడు. కానీ, అతని ప్రయత్నం వృధానే అయింది. ఆమె అప్పటికే మరణించింది. ఈ దుర్ఘటన కేరళ రాష్ట్రము లో చోటు చేసుకుంది. న్యూస్ 18 కథనం ప్రకారం కేరళలో కన్నూర్ వద్ద తొక్కిలంగడిలోని కెనరా బ్యాంకు బ్రాంచ్ కు కె ఎస్ స్వప్న అనే మహిళ మేనేజర్ గా పని చేస్తున్నారు. ఎంతో నిక్కచ్చి గా ఉండే మనిషి. విధుల నిర్వహణ లో కూడా ఆమె ఎంతో బాధ్యతాయుతం గా ఉంటారు.

image credits: iraysmedia

ఆమె పట్ల ఇతర బ్యాంకు సిబ్బంది కూడా ఎంతో గౌరవం గా, అభిమానం గా ఉంటారు. ఏడాది క్రితమే ఆమె భర్త మరణించడం తో.. ఆమె మానసికం గా చాలా కృంగిపోయింది. తిరిగి మామూలు మనిషి కాలేకపోయింది. ఉద్యోగం లో కూడా లాంగ్ లీవ్ తీసుకుంది. బంధువులు, సన్నిహితులు ఆమెను తిరిగి ప్రోత్సహించడం తో ఆమె తిరిగి ఉద్యోగం లో చేరింది.

అయినప్పటికీ భర్తను మరచిపోలేక అన్యమస్కం గా ఉండేది. ఇటీవల శుక్రవారం రోజులానే బ్యాంకు కు వచ్చి ఈ అఘాయిత్యానికి పాల్పడింది. తండ్రి మరణించి, తాజాగా తల్లి కూడా ఆత్మహత్య చేసుకోవడం తో వారి పిల్లలు అనాథలయ్యారు. ఈ ఘటనతో బ్యాంకు ఉద్యోగులు హతాశులయ్యారు. స్థానికం గా విషాదం నెలకొంది. స్వప్న ఆత్మహత్య చేసుకోవడం సిసి కెమెరాలలో కూడా స్పష్టం గా రికార్డు అవడం తో పోలీసులు కేసు నమోదు చేసుకుని దర్యాప్తు సాగిస్తున్నారు.