Anudeep

బాలీవుడ్ స్టార్ హీరో షాహిద్ కపూర్ గురించి పెద్దగా పరిచయం అవసరం లేదు. 2003 లో వచ్చిన ఇష్క్ విష్క్ చిత్రం తో హీరో గా ఎంట్రీ ఇచ్చాడు షాహిద్. మొదట్లో రొమాంటిక్ పాత్రలు పోషించడంలో గుర్తింపు పొందిన షాహిద్ ఆ తర్వాత యాక్షన్ చిత్రాలు మరియు థ్రిల్లర్‌లలో పాత్రలు పోషించాడు మరియు మూడు ఫిల్మ్‌ఫేర్ అవార్డులతో సహా అనేక అవార్డులను అందుకున్నాడు. అయితే హీరోగా ఎంట్రీ ఇవ్వక ముందు షాహిద్ తన తండ్రి పంకజ్ కపూర్ దగ్గర అసిస్టెంట్ డైరెక్టర్ గ కూడా పని చేసాడు.

అయితే ప్రస్తుతం బాలీవుడ్ లో స్టార్ హీరోగా గుర్తింపు పొందిన షాహిద్ కి ఇదేం అంత ఈజీ గా రాలేదు. షాహిద్ తెరంగ్రేటం ముందుగా యాడ్స్ తో స్టార్ట్ అయింది. కాంప్లాన్ యాడ్ లో అయేషా టాకియా తో చైల్డ్ ఆర్టిస్ట్ గా నటించాడు. షారుఖ్ ఖాన్, కాజోల్, రాణి ముఖర్జీ తో కలిసి చేసిన కూల్ డ్రింక్ యాడ్ తో షాహిద్ కి గుర్తింపు వచ్చింది. ఆ తర్వాత ఐశ్వర్య రాయ్ నటించిన ‘తాళ్’, కరిష్మా కపూర్ నటించిన ‘దిల్ తో పాగల్ హై’ చిత్రాల్లోని సాంగ్స్ లో బ్యాక్ గ్రౌండ్ డాన్సర్ గా పని చేసాడు. కొన్ని ప్రైవేట్ మ్యూజిక్ ఆల్బమ్స్ లో కూడా షాహిద్ కనిపించాడు. చివరికి ‘ఇష్క్ విష్క్’ చిత్రం తో హీరో గా ఎంట్రీ ఇచ్చాడు షాహిద్.

అలాగే తాను పని చేసిన అందరి హీరోయిన్స్ తో షాహిద్ డేటింగ్ లో ఉన్నాడంటూ పలు రూమర్లు వచ్చేవి. ఇక 2015 లో షాహిద్ మీరా కపూర్ ని వివాహం చేసుకున్నాడు. వీరిద్దరిది పెద్దలు కుదిర్చిన వివాహం. వీరికి మిషా, జైన్ ఇద్దరు పిల్లలు ఉన్నారు. షాహిద్ తల్లిదండ్రులు ఇద్దరు సినీ రంగానికే చెందిన వారు అయినా.. కెరీర్ లో నిలదొక్కుకోవడానికి షాహిద్ చాలా కష్టపడ్డాడు. 2006లో అమృతా రావుతో కలసి నటించిన వివాహ్ సినిమా హిట్ అయింది. ఆ తర్వాత 2013 లో వచ్చిన ఆర్.. రాజ్ కుమార్ సినిమా చిత్రం తో సూపర్ హిట్ కొట్టారు.

ఇక ప్రస్తుతానికి వస్తే మూడేళ్ల క్రితం ప‌ద్మావ‌త్ వంటి భారీ విజ‌యం సాధించిన మూవీలో షాహిద్ నటించిన‌ప్ప‌టికీ.. ఆ స‌క్సెస్ ర‌ణ్‌వీర్ సింగ్, దీపికా ఖాతాలోకి ప‌డింది. దీంతో షాహిద్ క‌న్ను తెలుగు చిత్రాల‌పై ప‌డింది. తెలుగులో సూపర్ హిట్ అయినా అర్జున్ రెడ్డి చిత్రాన్ని అదే దర్శకుని తో ‘కబీర్ సింగ్’ గా తీసి సూపర్ హిట్ కొట్టాడు షారుఖ్. ఆ తర్వాత కూడా నాని జెర్సీ చిత్రాన్ని రీమేక్ చేయగా అది అక్కడి ప్రేక్షకులను అంతగా ఆకట్టుకోలేదు. ఇక తాజాగా షాహిద్ ‘రాజ్ & డీకే’ దర్శకత్వం లో వచ్చిన వెబ్ సిరీస్ ఫ‌ర్జీ లో నటించారు. అమెజాన్ ప్రైమ్ లో స్ట్రీమ్ అవుతున్న ఈ సిరీస్ లో విజయ్ సేతుపతి, రాశి ఖన్నా కీలక పాత్రలు పోషించారు.

చిత్ర పరిశ్రమలో ఎప్పటినుంచో నెపోటిజం (బంధుప్రీతి) విషయంపై చర్చలు జరుగుతున్నాయి. అటు బాలీవుడ్‌లోనే కాదు టాలీవుడ్‌లోనూ ఆ ఇష్యూ ఉంది. కానీ బాలీవుడ్‌ సెలబ్రిటీలు ఈ అంశంపై స్పందించినంతగా టాలీవుడ్ వాళ్లు రియాక్ట్ అవ్వరు. అయితే ఈ నెపోటిజం ప్రతి రంగం లోను ఉంది. ఎవరైనా ఏదైనా రంగం లో సక్సెస్ అయితే వారి వారసులు కూడా ఆ రంగం లోకి ఎంట్రీ ఇస్తారు. అయితే ఇలా వచ్చిన ప్రతి ఒక్కరు ఆ రంగాల్లో సక్సెస్ కాలేరు. తమ టాలెంట్ తోనే తమని తాము ఎస్టాబ్లిష్ చేసుకుంటారు.

అయితే ముఖ్యంగా సినిమాల్లో తమ వారసులు ఎదగాలని కొత్తగా వచ్చిన వారిని తొక్కేస్తారు అన్న వాదన కూడా కూడా అలాంటి సమయాల్లోనే నెపోటిజం అన్న మాటని వాడుతూ ఉంటారు. ఇది ఎక్కువగా సినీ రంగం లోనే మనం చూస్తూ ఉంటాం. సెలబ్రిటీల పిల్లలకే సినిమా అవకాశాలు ఇస్తుంటారని, వాళ్లకు మాత్రమే దర్శకనిర్మాతల నుంచి ఎంకరేజ్మెంట్ దొరుకుతుందనేది ఎప్పటికీ హాట్ ఇష్యూనే. అయితే తాజాగా నెపోటిజం పై ఒక నెటిజెన్ పెట్టిన ఫన్నీ పోస్ట్ వైరల్ గా మారింది.

అసలు సినీ ఇండస్ట్రీ లో నెపోటిజం లేకపోతే ఎలా ఉంటుంది. మన స్టార్ హీరోలు అప్పుడు ఏం చేస్తూ ఉండేవారు అని ఆ పోస్ట్ లో ఉంది. ” అసలు ఇండస్ట్రీ లో నెపోటిజం లేకపోతే మహేష్ బాబు అమెరికా వెళ్ళిపోయి అక్కడ జాబ్ చేసుకుంటూ.. ప్రీమియర్ షోస్ చూసుకుంటూ ట్విట్టర్ లో రివ్యూ లు ఇస్తూ ఉండేవాడు.. పవన్ కళ్యాణ్ ఎలాగోలా ఇంటర్ కంప్లీట్ చేసి కానిస్టేబుల్ జాబ్ కొట్టేవారు.. ప్రభాస్ అయితే రాజు గారి రుచులు అని రెస్టారెంట్ పెట్టుకొనేవాడు.. అల్లు అర్జున్ ఒక డాన్స్ స్కూల్ పెట్టుకొని ఢీ షో కి డాన్సర్స్ ని ఇస్తూ ఉండేవాడు.. రామ్ చరణ్, ఎన్టీఆర్ ఎదో ఒక మల్టీ నేషనల్ కంపెనీ లో జాబ్ చేస్తూ ఉండేవారు..” అని ఆ పోస్ట్ లో రాసుకొచ్చారు.

నెపోటిజం అన్నది సీరియస్ ఇష్యూ నే అయినా.. ఓ నెటిజన్ ప్రస్తుతం పోస్ట్ చేసిన ఈ ఫన్నీ పోస్ట్ వైరల్ గా మారింది. మన స్టార్ హీరోలని ఇలా ఊహించుకోలేకపోతున్నాం అంటూ ఫన్నీ కామెంట్స్ చేస్తున్నారు నెటిజన్లు.

టాలీవుడ్ లో విజయాల శాతం చాలా తక్కువ. ప్ర‌తి ఏడాది 150 నుంచి 200 వ‌ర‌కు సినిమాలు రిలీజైనా అందులో స‌క్సెస్‌లు సంఖ్య 20 నుంచి 30 మ‌ధ్య‌లోనే ఉంటుంది. వ‌రుస‌గా విజ‌యాలు ద‌క్క‌డం అరుద‌నే చెప్పుకోవాలి. కానీ 2023లో అప్పుడే రెండు నెలలు ముగిసిపోయాయి. అయితే జనవరి నెలలో అత్యంత కీలకమైన సంక్రాంతి సీజన్‌లో రెండు డైరెక్ట్ చిత్రాలు.. రెండు డబ్బింగ్ చిత్రాలు బాక్సాఫీస్ దగ్గర లక్ పరీక్షించుకున్నాయి. అందులో బాలయ్య .. వీరిసింహారెడ్డితో పలకరిస్తే.. చిరంజీవి.. వాల్తేరు వీరయ్యతో దుమ్ము దులిపాడు. అలాగే ఫిబ్రవరి లో కూడా మూడు చిత్రాలు సూపర్ హిట్స్ గా నిలిచాయి. ఇప్పుడు కలెక్షన్స్ పరంగా ఏ చిత్రాలు దుమ్ము దులిపాయో వాటి వివరాలు ఇప్పుడు చూద్దాం..

#1 వాల్తేరు వీరయ్య

జనవరి 13న విడుదలైన మెగాస్టార్ చిరంజీవి ‘వాల్తేరు వీరయ్య’ సినిమా తొలి రోజు నుంచి దుమ్ము దులుపుతూ సంక్రాంతి సీజన్‌లో అత్యధిక వసూళ్లను సాధించిన చిత్రంగా నిలిచి బ్లాక్ బస్టర్‌గా నిలిచింది. రూ. 89 కోట్ల బ్రేక్ ఈవెన్ టార్గెట్‌తో బరిలో దిగిన ఈ చిత్రం .. ఇప్పటి వరకు రూ. 134.37కోట్లు రాబట్టింది. ఓవరాల్‌గా రూ. 46 కోట్ల వరకు లాభాలను ఆర్జించింది. బాబీ కొల్లి తెరకెక్కించిన ఈ చిత్రం లో శృతి హాసన్ హీరోయిన్ గా నటించింది.

#2 వీర సింహ రెడ్డి

బాలకృష్ణ హీరోగా గోపీచంద్ మలినేని దర్శకత్వంలో తెరకెక్కిన ‘వీరసింహారెడ్డి’కి తెలుగు రాష్ట్రాల్లో రికార్డ్ బ్రేక్ కలెక్షన్స్ సాధించింది. రూ. 73 కోట్ల ప్రీ రిలీజ్ బిజినెస్ చేసిన ఈ చిత్రం రూ. 74 కోట్ల బ్రేక్ ఈవెన్ టార్గెట్‌తో బాక్సాఫీస్ బరిలో దిగింది. మొత్తంగా ఈ సినిమా రూ. 80 కోట్ల షేర్ తో హిట్ స్టేటస్ అందుకుంది.

#3 వారసుడు

వంశి పైడిపల్లి దర్శకత్వం లో విజయ్ హీరో గా తెరకెక్కిన ఈ చిత్రాన్ని తెలుగులోకి డబ్బింగ్ చేసారు. తెలుగులో రూ. 15 కోట్ల బ్రేక్ ఈవెన్ టార్గెట్‌తో బరిలో దిగి రూ. 15.01 కోట్లు రాబట్టి హిట్ స్టేటస్ అందుకుంది.

#4 రైటర్ పద్మ భూషణ్

సుహాస్ హీరో గా తెరకెక్కిన రైట‌ర్ ప‌ద్మ‌భూష‌ణ్ చ‌క్క‌టి వ‌సూళ్ల‌ను రాబ‌డుతోంది. కాన్సెప్ట్ ఓరియెంటెడ్ క‌థాంశంతో రూపొందిన ఈ సినిమా తొలి వారంలో ప‌ది కోట్ల‌కుపైగా క‌లెక్ష‌న్స్ రాబ‌ట్టి నిర్మాత‌ల‌కు లాభాల్ని మిగిల్చింది.

#5 సార్

తమిళ సూపర్ స్టార్ ధనుష్ నటించిన తొలి తెలుగు డైరెక్ట్ మూవీ సార్. వెంకీ అట్లూరి డైరెక్షన్ లో వచ్చిన ఈ సినిమా సూపర్ హిట్ స్టేటస్ ని దక్కించుకుంది. ఈ సినిమా కేవలం 3 రోజుల్లోనే బ్రేక్ ఈవెన్ సాధించి సత్తా చాటింది.

#6 వినరో భాగ్యము విష్ణు కథ

యంగ్ హ్యాపెనింగ్ హీరో కిర‌ణ్ అబ్బ‌వ‌రం హీరోగా ప్రతిష్టాత్మక నిర్మాణ సంస్థ జీఏ2 పిక్చ‌ర్స్ బ్యాన‌ర్ పై వచ్చిన సినిమా ‘వినరో భాగ్యము విష్ణు కథ’. ఈ చిత్రం ప్రపంచ వ్యాప్తంగా రూ. 4 కోట్లు ప్రీ రిలీజ్ బిజినెస్ చేసింది. రూ. 4.50 కోట్ల బ్రేక్ ఈవెన్ టార్గెట్‌తో బరిలో దిగిన ఈ సినిమా బ్రేక్ ఈవెన్ పూర్తి చేసుకొని రూ. 23 లక్షల ఫ్రాఫిట్‌తో హిట్ స్టేటస్ అందుకుంది.

దిల్ రాజు నిర్మాణ సారథ్యం లో అనిల్ రావిపూడి చేసిన చిత్రం F2 . ఈ చిత్రం లో వెంకటేష్, వరుణ్ తేజ్ హీరోలుగా నటించారు. ఈ కామెడీ ఎంటర్టైనర్‌ 2019 సంక్రాంతి కి విడుదలై మంచి విజయాన్ని సొంతం చేసుకుంది. అవుట్ అండ్ అవుట్ కామెడీ‌తో ఫ్యామిలీ ఎంటర్‌టైనర్‌ లో వెంకటేష్ సరసన మిల్కీ బ్యూటీ తమన్నా జోడీ కట్టగా.. వరుణ్‌కి జోడీగా మెహ్రీన్ నటించారు.

ఈ చిత్రం లో ఫస్టాఫ్ మొత్తం ఫుల్ ఫన్‌తో దర్శకుడు అనిల్ రావిపూడి ఫుల్ ఎంటర్‌టైన్ చేయగా.. సెకండాఫ్‌లో ఫన్‌కి ఫస్ట్రేషన్ జోడించి కడుపు చెక్కలయ్యేలా చేసారు. అయితే ఈ సెకండ్ హాఫ్ లో ప్రకాష్ రాజ్ దొరస్వామి నాయుడు అనే పాత్రలో కనిపిస్తారు. ఆయన అన్నయ్యగా నటుడు పృద్వి నటించారు. అయితే పృద్వి పాత్రకి అనారోగ్య సమస్యలు ఉండటం తో షాకింగ్ విషయాలను కూడా చాలా కూల్ గా చెప్తూ ఫన్ జెనెరేట్ చేసారు ప్రకాష్ రాజ్. ఈ సినిమాతో వింటేజ్ వెంకీ కనిపించాడని ఆయన ఫాన్స్ ఖుషి అయ్యారు.

అయితే ఈ సీన్లను చూస్తుంటే గతం లో దర్శకుడు మోహన్ గాంధీ తీసిన ఒక చిత్రం లో బ్రహ్మనందం నటించిన సీన్లు గుర్తొస్తున్నాయంటూ పలువురు నెటిజన్లు కామెంట్లు చేస్తున్నారు. ఆ చిత్రం లోని సీన్లు, F2 లోని సీన్లు కలిపి కంపేర్ చేస్తున్న వీడియో ఒకటి ప్రస్తుతం వైరల్ గా మారింది. దీనిపై నెటిజన్లు ఫన్నీ గా కామెంట్లు చేస్తున్నారు.

watch video:

https://www.instagram.com/reel/ClGy3L0JGGc/?utm_source=ig_web_copy_link

పెళ్లి అన‌గానే ఎంత హడావుడి, బంధు మిత్రులు సందడి, పెద్ద ఎత్తున భోజ‌నాలు, పట్టుచీరలు, ఆభరణాల ధగధగలు.. అబ్బో ల‌క్షల్లో ఖ‌ర్చు. జీవితంలో ఒక్కసారి మాత్రమే వచ్చే కాబట్టి చాలామంది తమ పెళ్లి వేడుక ప్రత్యేకంగా ఉండాలనుకుంటారు.

మధ్యతరగతి వారే ఇలా అనుకుంటే నిత్యం లైమ్ లైట్ లో ఉండే సినీతారల పెళ్లి ఏ రేంజ్ లో జరుగుతుందో చెప్పక్కర్లేదు. సెలబ్రెటీల పెళ్లి అంటే.. అబ్బో.. హడావుడి అంతా.. ఇంతా.. కాదు. వారు తమ పెళ్లి బట్టలకే ఎంతో ఖర్చు చేస్తారు. ఫేమస్ డిజైనర్లతో వారి పెళ్లి బట్టలను ప్రత్యేకంగా డిజైన్ చేయించుకుంటారు.

ఇప్పుడు ఆ లిస్ట్ లో ఎవరెవరు ఉన్నారో చూద్దాం..

#1 సోనమ్ కపూర్

బాలీవుడ్ సీనియర్ హీరో అనిల్ కపూర్ కుమార్తె సోనమ్ కపూర్, బిసినెస్ మాన్ ఆనంద్ అహుజా ని వివాహం చేసుకున్నారు. తన వివాహానికి సోనమ్ కపూర్ ధరించిన లెహంగా విలువ 90 లక్షలు.

#2 ఐశ్వర్య రాయ్

స్టార్ హీరోయిన్ ఐశ్వర్య రాయ్, బాలీవుడ్ బిగ్ బి అమితాబ్ కుమారుడు అభిషేక్ బచ్చన్ ని 2007 లో వివాహం చేసుకున్నారు. ఇందులో ఐశ్వర్య ధరించిన చీర ఖరీదు 75 లక్షలు.

#3 శిల్పా శెట్టి

హీరోయిన్ శిల్పా శెట్టి, బిజినెస్ మన్ రాజ్ కుంద్రా ని 2009 లో వివాహం చేసుకున్నారు. తన వివాహానికి శిల్ప శెట్టి ధరించిన చీర విలువ 50 లక్షలు.

#4 అలియా భట్

బాలీవుడ్ స్టార్ కపుల్ అలియా- రణబీర్ కపూర్ వివాహం గతేడాది జరిగింది. అందులో ఆమె 50 లక్షల విలువైన చీర ధరించింది.

#5 అనుష్క శర్మ

క్రికెటర్ విరాట్ కోహ్లీ, నటి అనుష్క శర్మ 2017 లో ఇటలీ లో డెస్టినేషన్ వెడ్డింగ్ చేసుకున్నారు. ఇందులో అనుష్క ధరించిన లెహంగా ఇప్పటికీ హాట్ ఫేవరేట్. అయితే దాని విలువ 30 లక్షల రూపాయలు.

#6 ప్రియాంక చోప్రా

అమెరికన్ సింగర్ నిక్ జోనాస్ ని బాలీవుడ్ నటి ప్రియాంక చోప్రా 2018 లో వివాహం చేసుకున్నారు. అయితే ఈ వేడుక లో ప్రియాంక సబ్యసాచి లెహంగా ధరించారు. దాని విలువ 18 లక్షలు.

#7 కత్రినా కైఫ్

కత్రినా – విక్కీ పెళ్ళిలో కత్రినా ధరించిన లెహంగా విలువ 17 లక్షల రూపాయలు.

#8 దీపికా పదుకొనె

బాలీవుడ్ స్టార్ హీరోయిన్ దీపికా, హీరో రణవీర్ పెళ్ళిలో ఆమె ధరించిన లెహంగా విలువ 13 లక్షలు.

#9 కియారా అద్వానీ

బాలీవుడ్ నటులు కియారా- సిద్దార్థ్ మల్హోత్రా తాజాగా పెళ్లి చేసుకున్నారు. పెళ్ళిలో కియారా మనీష్ మల్హోత్రా లెహంగా ని ధరించారు. దాని విలువ 12 లక్షల రూపాయలు.

#10 జెనీలియా

జెనీలియా – రితేష్ దేశముఖ్ పెళ్ళిలో జెనిలియా ధరించిన నీతా లుల్లా డిజైన్ చేసారు. దాని విలువ 17 లక్షల రూపాయలు.

#11 కరీనా కపూర్

సైఫ్ – కరీనా 2012 లో వివాహం చేసుకున్నారు. ఈ వేడుకలో కరీనా మనీష్ మల్హోత్రా డిజైన్ చేసిన లెహంగా ధరించారు. దాని ధర 50 లక్షలు.

#12 హన్సిక

హీరోయిన్ హన్సిక, బిసినెస్ మాన్ సోహైల్ కతూరియా ని వివాహం చేసుకున్నారు. అయితే ఆ వేడుకల్లో భాగం గా హన్సిక తన సంగీత్ కి ఫాల్గుణి షేన్ పీకాక్ డిజైన్ చేసిన పింక్ లెహంగా ధరించారు. దాని విలువ 11 లక్షలు.

#13 కాజల్

బిజినెస్ మాన్ గౌతమ్ కిచ్లు ని హీరోయిన్ కాజల్ వివాహం చేసుకున్నారు. పెళ్ళికి ఆమె ధరించిన లెహంగా విలువ 5 లక్షలు అని సమాచారం.

#14 జ్యోతిక

క్యూట్ కపుల్ సూర్య, జ్యోతిక వివాహ సమయం లో జ్యోతిక ధరించిన చీర విలువ 3 లక్షల రూపాయలు.

#15 నయనతార

దర్శకుడు విగ్నేష్ శివన్ ని పెళ్లి చేసుకుంది హీరోయిన్ నయనతార. పెళ్లి లో ఆమె ధరించిన రెడ్ కలర్ చీరని ముంబై లో ప్రత్యేకంగా డిజైన్ చేయించుకుంది నయన్. దాని విలువ 25 లక్షలు అని సమాచారం.

తెలుగు తెరపై తెలుగు నటీమణులు కనిపించడం తక్కువైపోయింది. ఎక్కువగా ముంబై భామలు తెలుగు లో టాప్‌ హీరోయిన్లుగా దూసుకుపోతున్నారు. అలాగే తమిళ్, కన్నడ, మలయాళ అతివలు కూడా తెలుగు తెరను ఏలుతున్నారు. కానీ ఇప్పుడు ఇప్పుడు విదేశీ భామలు మన తెరపై వెలుగుతున్నారు. ఎక్కడో పుట్టి, ఇంకెక్కడో పెరిగిన పరదేశీయులు తెలుగు సినిమాల్లో అవకాశాలు చేజిక్కించుకుంటున్నారు. అభిమానులను అలరిస్తున్నారు.

బ్లాక్ అండ్ వైట్ రోజుల్లో కొన్ని సార్లు అలా తెరపై మెరిసే వారు విదేశీ వనితలు. తర్వాత సింగీతం శ్రీనివాస రావు తెరకెక్కించిన ‘ అమెరికా అమ్మాయి’ చిత్రం లో ఫ్రెంచ్ డాన్సర్ అనిక్ చయమొటి ప్రధాన పాత్రలో నటించారు. తర్వాత రాఘవేంద్ర రావు తెరకెక్కించిన ‘ పరదేశి’ చిత్రం లో మొనేట్ క్విక్ నాయికగా నటించింది. ఇలా కొన్నేళ్లుగా విదేశీ వనితలు తెలుగు తెరపై తమదైన ముద్ర వేస్తున్నారు. ఇప్పుడు వారెవరో చూద్దాం..

#1 కత్రినా కైఫ్

‘మల్లీశ్వరి’ చిత్రం తో తెలుగు వారికీ పరిచయం అయిన కత్రినా బ్రిటిష్ దేశస్తురాలు. ప్రస్తుతం ఆమె బాలీవుడ్ లో స్టార్ హీరోయిన్ గా మారింది.

#2 సన్నీలియోన్

పంజాబీ కుటుంబానికి చెందిన సన్నీ లియోన్ కెనెడా లో పుట్టి పెరిగింది. ఈమె తెలుగులో మంచు మనోజ్ సరసన ‘కరెంట్ తీగ’, మంచు విష్ణు సరసన ‘జిన్నా’ చిత్రాల్లో నటించింది.

#3 అమీ జాక్సన్

‘ఎవడు’ చిత్రం తో టాలీవుడ్ కి పరిచయం అయిన అమీ జాక్సన్ బ్రిటిష్ దేశస్థురాలు. ఈమె అక్కడ నటి, మోడల్. తర్వాత ఆమె పలు భారతీయ చిత్రాల్లో నటించింది.

#4 సవికా ఛాయవేజ్

సుమంత్ హీరోగా చంద్ర సిద్దార్థ తెరకెక్కించిన ‘ఏమో గుర్రం ఎగరావచ్చు’ చిత్రం లో థాయ్ నటి సవికా హీరోయిన్ గా నటించింది.

#5 క్రిస్టినా అఖీవా

ఆది సాయికుమార్ హీరో గా నటించిన గాలిపటం చిత్రం లో ఆస్ట్రేలియా నటి, మోడల్ క్రిస్టినా అఖీవా నటించింది.

#6 ఒలీవియా మోరిస్

రాజమౌళి తెరకెక్కించిన ఆర్ ఆర్ ఆర్ చిత్రం తో ఒలీవియా తెలుగు తెరకు పరిచయం అయ్యింది. ఈమె లండన్ కు చెందిన నాటక కళాకారిణి.

#7 మరియా రాబోష్ప్క

జాతిరత్నాలు డైరెక్టర్ అనుదీప్ తెరకెక్కించిన ‘ప్రిన్స్’ చిత్రం లో తమిళ్ హీరో శివ కార్తికేయన్ సరసన మరియా రాబోష్ప్క నటించింది.

#8 నర్గిస్ ఫక్రి

గత కొంత కాలం గా బాలీవుడ్ చిత్రాల్లో నటిస్తున్న అమెరికన్ భామ నర్గిస్ ఫక్రి ‘ హరి హర వీర మల్లు’ చిత్రం తో టాలీవుడ్ లో అడుగు పెట్టబోతోంది. క్రిష్ దర్శకత్వం లో వస్తున్నా ఈ చిత్రం లో పవన్ కు జంట ఈమె నటిస్తోంది.

#9 జెన్నిఫర్ పిచినెతో

విలక్షణ నటుడు సత్యదేవ్ నటించనున్న రాసుపరి చిత్రం లో బ్రెజిల్ కి చెందిన జెన్నిఫర్ పిచినెతో నటిస్తోంది. ఇటీవల అక్షయ్ కుమార్ నటించిన ‘ రామ సేతు’ చిత్రం లో కూడా నటించింది ఈమె. ఈ చిత్రం లో సత్యదేవ్ కీలకపాత్రలో నటించాడు.

#10 షెర్లీ షెటియా

నాగ శౌర్య హీరోగా వచ్చిన ‘కృష్ణ వ్రింద విహారి’ చిత్రం ద్వారా న్యూజిలాండ్ నటి, గాయని షెర్లీ షెటియా టాలీవుడ్ లో అడుగు పెట్టింది.