Anudeep

కన్నడ సినిమా ఇండస్ట్రీలో పెద్దగా అంచనాలు లేకుండా ప్రేక్షకుల ముందుకు వచ్చిన కాంతార సినిమా బాక్సాఫీస్ వద్ద సరికొత్త రికార్డులను క్రియేట్ చేసింది. కేజీయఫ్ మేకర్స్ నిర్మించిన ఈ సినిమా కేవలం కన్నడ లోనే కాకుండా మిగతా భాషల్లో కూడా ఊహించిన విధంగా కలెక్షన్స్ అందుకోవడం ఆశ్చర్యం కలిగించింది. కన్నడలో కేజీయఫ్ తర్వాత ఎక్కువ కలెక్షన్లు సాధించిన చిత్రం గా కాంతార నిలిచింది.

ఈ సినిమాను డైరెక్ట్ చేసిన రిషబ్ శెట్టికి మంచి గుర్తింపు లభించింది. అలాగే కాంతార సినిమాలో అతనే హీరోగా నటించిన విషయం తెలిసిందే. ఈ సినిమా ఆధ్యాత్మికంగా… ఓ నమ్మకాలతో కూడిన కథతో తీశారు. ఇందులో ప్రజల నమ్మకాలు ఎలా ఉంటాయి… జనం తాము నమ్మకున్న దైవాన్ని ఎంత భక్తిశ్రద్ధలతో ఆరాధిస్తారు అనే విషయాలు చూపించారు. సినిమా క్లైమాక్స్ చివరి పది నిమిషాల్లో రిషబ్ నటించిన విధానం అందరికి గూస్బంప్స్ తెప్పించేలా తెరకెక్కించారు. అయితే తాజాగా ఈ చిత్ర క్లైమాక్స్ గురించి రిషబ్ ఆసక్తికర విషయాలను వెల్లడించారు.

సినిమాలో అడవి లోని ప్రజలు పంజుర్లి దేవతను నమ్మినట్టు గానే, తానూ పంజుర్లి దేవతని నమ్ముతానని రిషబ్ శెట్టి వెల్లడించారు. ప్రతి రోజూ ఆ దేవతను పూజించిన తర్వాతే తాను కాంతార సినిమా సీన్లను షూట్ చేసేవాడినని ఆయన పేర్కొన్నారు. అంతే కాకుండా తమ ప్రాంతం లో దేవత ఆవహించిన వ్యక్తులను తానూ కళ్లారా చూశానని, తన అనుభవాల ద్వారా కాంతార క్లైమాక్స్ ఎలా ఉండాలో రాసి పెట్టుకున్నా అని ఆయన తెలిపారు.

“మనసులోనే కాంతార క్లైమాక్స్ లో తియ్యాల్సిన సీన్ల విజువల్స్ సిద్ధం చేసుకొని తెరకెక్కించాను. నా మనసులోని ఆలోచనలను డీఓపి కి మాత్రమే చెప్పాను. అందుకే క్లైమాక్స్ లో ఏం జరుగుతుందో ప్రేక్షకుల లాగే.. మా చిత్ర బృందానికి కూడా తెలియదు. అలాగే సినిమాలో ఒక పాత్రలాగా హైలైట్ అయిన ‘ఓ’ అనే శబ్దం కూడా నేను అరిచినదే. డబ్బింగ్ సమయం లోనూ దాన్ని మార్చలేదు. మళ్ళీ ట్రై చేసినా సరిగ్గా రాలేదు. దీంతో అన్ని భాషల్లోనూ నా వాయిస్ ఏ ఉంటుంది.” అని రిషబ్ వెల్లడించారు.

మోహన్‌ బాబు మరియు రజినీకాంత్ లు నటించిన పెద రాయుడు సినిమాను తెలుగు ప్రేక్షకులు అంత సులభంగా మర్చిపోలేరు. ఆ చిత్రం అంతగా ప్రేక్షకులను ఆకట్టుకుంది. అందులో కామెడీ ట్రాక్ లో నటించిన పాకీజా ఇప్పటికి కూడా ఎంతో మందికి గుర్తు. ఆ పాత్రతో ఆమెకు ఎందరో అభిమానులయ్యారు. తమిళంలో పదుల కొద్దీ సినిమాల్లో నటించిన పాకీజా ఈ మధ్య కాలంలో అనారోగ్య సమస్యల కారణంగా సినిమాలకు పూర్తిగా దూరంగా ఉంది. ప్రస్తుతం ఒక మారు మూల ప్రాంతంలో ఈమె జీవనంను సాగిస్తున్నారు.

చాలా మంది నటీ నటులు ఇప్పుడు సినిమాలు లేక చాలా ఇబ్బందులు పడుతూ ఉన్నారు. కొంతమంది ఆర్థిక పరిస్థితి బాలేక రోడ్డుమీద పడిన ఘటనలు చాలా ఉన్నాయి. ఇప్పటికే పలువురు మీడియా ముందుకు వచ్చి తమ దీన స్థితి గురించి ఆవేదన వ్యక్తం చేసిన ఘటనలు ఉన్నాయి. అలాగే అలనాటి నటి పాకీజా కూడా అలాంటి పరిస్థితుల్లోనే ఉన్నారు. ఆమె అసలు పేరు పాకీజా వాసుకి. అప్పట్లో పాకీజా డేట్స్ కూడా దొరికేవి కావట.. సినిమాలతో, వరుస షూటింగ్ లతో అంత బిజీగా గడిపేవారు ఆమె. తెలుగు సినిమాల్లో పాకీజాగా పేరు తెచ్కుకుంది లేడీ సీనియర్ కమెడియన్.

మోహన్ బాబు నటించిన అసెంబ్లీ రౌడీ సినిమాతో పాకీజాకు మంచి గుర్తింపు వచ్చింది. ఆ తర్వాత పలు సినిమాల్లో నటించి మెప్పించింది. 150 కి పైగా చిత్రాల్లో నటించిన ఆమె సొంత ఇల్లు కూడా సంపాదించుకోలేకపోయారు. తాజాగా ఓ ఇంటర్వ్యూలో మాట్లాడుతూ.. తన ఆర్ధిక పరిస్థితి బాలేదని.. సాయం చేయమని చాలా మంది సినిమా వాళ్ళను అడిగానని.. కానీ ఎవ్వరు కనికరించడం లేదు అని ఆవేదన వ్యక్తం చేశారు పాకీజా.

సాయం కోసం తమిళ్ నడిగర్ సంఘంతో పాటు అందరు హీరోలనూ సంప్రదించాను కానీ ఎవరు సాయం చేయలేదు అని పాకీజా ఆవేదన వ్యక్తం చేసారు. తమిళనాడు సీఎం కుమారుడు ఉదయనిధి స్టాలిన్ ను కూడా కలిసి తన పరిస్థితి వివరించిన కూడా ఎవ్వరు సాయం చేయడం లేదని అన్నారు. పెళ్లి చేసుకోకుండా ఉన్న పాకీజా ప్రస్తుతం ఉండేందుకు ఇల్లు లేక ఒక హాస్టల్ లో ఉంటున్నారు. అవకాశాలు ఇస్తే తెలుగు సినిమాల్లో నటించడానికి సిద్ధం గా ఉన్నట్లు ఆమె తెలిపారు.

ఇటీవల నందమూరి తారకరత్న మరణం యావత్ తెలుగు సినీ ప్రపంచాన్ని విషాదంలోకి నెట్టింది. సినిమాల్లో హీరోగా, విలన్ గా అలరించి.. రాజకీయాల్లోకి అడుగుపెడదామనుకుని ఊహించని విధంగా ఆయన గుండెపోటుతో మరణించడం కుటుంబీకులు, అభిమానులు ఇంకా జీర్ణించుకోలేకపోతున్నారు. హాస్పిటల్ చేరిన ఆయన 23 రోజులు మృత్యువుతో పోరాడి తుది శ్వాస విడిచారు. అయితే సినిమాల్లో అంతగా రాణించలేకపోవడం తో తారక రత్న వాటి నుంచి విరామం తీసుకొని పలు వ్యాపారాలు చేసారు.

అయితే తాజాగా ఆయన మరణించడం తో ఆయన ఆస్తుల గురించి అందరు ఆరా తీస్తున్నారు. ఆయనకు సంబంధించిన హోటల్ ను గతంలో కూల్చివేశారనే విషయం ప్రస్తుతం బయటకు వచ్చింది. నందమూరి తారకరత్నకు హైదరాబాద్ బంజారాహిల్స్ రోడ్ నెంబర్ 12లో కబరా డ్రైవ్ ఇన్ పేరుతో ఒక రెస్టారెంట్ ఉండేది. ఆ రెస్టారెంట్ ను 2019లో జీహెచ్ఎంసీ అధికారులు కూల్చేందుకు సిద్ధమయ్యారు. అప్పట్లో ఈ వివాదం అందరి దృష్టిని ఆకర్షించింది.

రెస్టారెంట్ సిబ్బంది అడ్డుకున్నప్పటికీ కొంత భాగం కూల్చేశారట. ఈ విషయం తెలుసుకున్న తారకరత్న వెళ్లి సమస్య ఏంటని ప్రశ్నించారు. నిబంధనలకు విరుద్ధంగా.. రెసిడెన్షియల్ ఏరియాలో కమర్షియల్ బిజినెస్ నిర్వహిస్తున్నట్లు స్థానికులు ఫిర్యాదు చేసినట్లు అధికారులు తెలిపారట. అంతేకాకుండా రెస్టారెంట్ లో లిక్కర్ కూడా సప్లయ్ చేస్తూ.. న్యూసెన్స్ క్రియేట్ చేస్తున్నారని కొందరు కంప్లయింట్ చేసినట్లు జీహెచ్ఎంసీ అధికారులు వెల్లడించారని సమాచారం.

దీంతో తారకరత్న అధికారులతో మాట్లాడి అక్కడి ఫర్నిచర్, మెటీరియల్ ను షిఫ్ట్ చేసేందుకు కాస్త సమయం తీసుకున్నారట. తర్వాత ఆ రెస్టారెంట్ ను వేరొక చోటుకు మార్చారు. అయితే ముందుగా చెప్పకుండా రెస్టారెంట్ కూల్చివేతకు పూనుకోవడం పై అప్పట్లో జిహెచ్ఎంసి పై ఎన్నో విమర్శలు వచ్చాయి. మరో వైపు తారకరత్న వివాహ విషయం లో కుటుంబ సభ్యులతో విబేధాలు ఉండటం తో ఆయన సొంతం గా బిజినెస్ చేసేందుకు ప్రయత్నాలు చేసారు. ఇక ఇటీవల రాజకీయాల్లోకి వచ్చి చురుగ్గా మారారు. ఈ లోపే ఊహించని అనర్థం జరిగి తన కుటుంబానికి కన్నీటిని మిగిల్చారు.

హై యాక్షన్ సీన్స్, ఎంగేజింగ్ స్టోరీ టెల్లింగ్‌తో ఇప్పటి వరకు ఏ ఇతర భారతీయ చిత్రం సాధించనంత గుర్తింపును ఆర్ఆర్ఆర్ ప్రపంచవ్యాప్తంగా పొందింది. మెగా పవర్ స్టార్ రామ్ చరణ్, జూనియర్ ఎన్టీఆర్ ప్రధాన పాత్రల్లో తెరకెక్కిన ఈ యాక్షన్-అడ్వెంచర్‌ దాదాపు రూ. 1200 కోట్లకు పైగా కలెక్ట్ చేసిన విషయం తెలిసిందే. ఈ చిత్రం ఇండియాతో పాటు అమెరికా, చైనా, జపాన్ వంటి దేశాల్లో ఆర్ఆర్ఆర్ చిత్రం అమితంగా ప్రేక్షకాదరణ పొందింది.

అయితే హాలీవుడ్ వాళ్ళకి ఈ చిత్రం లో ఏం నచ్చి ఇన్ని అభినందనలు కురిపిస్తున్నారు..?? అని కోరా లో ఒక యూజర్ ప్రశ్నించారు. దీనికి బదులుగా చాల మంది సమాధానాలు ఇచ్చారు. అందులో ఒక యూజర్ ఇలా స్పందించారు. ఆర్ఆర్ఆర్ అనేది ఒక హిస్టారికల్ ఫిక్షన్. క్వింటన్ టోరెంటినో తీసిన ఇం గ్లోరియస్ బాస్టర్డ్స్ సినిమా, తెలుగులో వచ్చిన మాయ బజార్ చిత్రం కూడా ఇటువంటిదే. చరిత్రలో మనకి తెలిసిన వ్యక్తులను సంఘటనను వాడుకొని మనకి నచ్చినట్టుగా ఒక కథని చెప్పడం హిస్టారికల్ ఫిక్షన్ అంటారు. ఆర్ఆర్ఆర్ కూడా అటువంటి చిత్రమే. అలా తీసిన ఈ చిత్రం హాలీవుడ్ వాళ్ళకి కూడా నచ్చి ఉంటుంది. అందుకే ఈ చిత్రానికి ఎన్నో అవార్డులు వచ్చాయి అని కోరా లో ఒక యూజర్ సమాధానం చెప్పారు.

అలాగే హాలీవుడ్ ప్రఖ్యాత దర్శకుడు జేమ్స్ కెమరూన్ కూడా ఈ చిత్రంపై ప్రశంసలు కురిపించారు. “ఆర్ఆర్ఆర్ అద్భుతమైన చిత్రం. నేను మొదటిసారి ఒక్కడినే కూర్చుని చూసినపుడు ఆశ్చర్యపోయాను. సినిమా రూపొందించిన విధానం, వీఎఫ్ఎక్స్ ఉపయోగించిన తీరే కాకుండా కథ చెప్పడంలోనూ షేక్ స్పియర్ నవల మాదిరి క్లాసిజం ఉంది. చాలా సవాల్‌తో కూడుకున్న రామ్ పాత్రను మలిచిన విధానం బాగుంది. ఇది భారీ గొప్ప విజయం అని నేను భావిస్తున్నాను” అని కామెరూన్ తెలిపారు.

టైటానిక్, అవతార్, అవతార్ 2 వంటి చిత్రాలతో ప్రేక్షకులను మెప్పించిన హాలీవుడ్ ఫిల్మ్ మేకర్ జేమ్స్ కామెరూన్ ఇటీవల గోల్డెన్ గ్లోబ్ అవార్డు వేడుకలలో రాజమౌళిని కలుసుకున్నారు. జక్కన్న టేకింగ్.. ఆయన మేధావి కథనం.. పాత్రలను నడిపించే భావోద్వాగాలపై ప్రశంసలు కురిపించారు. ప్రస్తుతం ఆర్ఆర్ఆర్ చిత్రంలోని నాటు నాటు సాంగ్ అత్యంత ప్రతిష్టాత్మకమైన ఆస్కార్ అవార్డు కోసం పోటీ పడుతున్న సంగతి తెలిసిందే. అలాగే ఈ చిత్రం చారిత్రాత్మక చిత్రం 28వ క్రిటిక్స్ ఛాయిస్ అవార్డ్స్‌లో ‘ఉత్తమ విదేశీ భాషా చిత్రం’, ‘ఉత్తమ పాట’ అవార్డ్స్ కూడా గెలుచుకుంది.

హరిహర వీరమల్లు.. పవన్‌ కల్యాణ్‌– క్రిష్‌ జాగర్లమూడి కాంబోలో రాబోతున్న పిరియడ్ యాక్షన్‌ అడ్వెంచర్‌ ఫిల్మ్‌. ఇలాంటి ఒక పాత్రలో పవన్‌ ఇప్పటివరకు నటించకపోవడంతో ఈ సినిమాకి మరింత క్రేజ్‌ పెరిగింది. ఈ సినిమా ఎప్పుడెప్పుడు రిలీజ్ అవుతుందా అని ఎదురుచూస్తున్నారు. పైగా పవన్‌ కల్యాణ్‌ నుంచి వస్తున్న తొలి పాన్‌ ఇండియా సినిమా కూడా కావడంతో ఫ్యాన్స్‌ లో అంచనాలు మరింత రెట్టింపయ్యాయి.

క్రిష్‌ రచించి.. తెరకెక్కిస్తున్న ఈ సినిమా వచ్చే వేసవికి విడుదల అవుతుందని చెబుతున్నారు. ఇప్పటికే ఈ సినిమా 40 శాతం షూటింగ్‌ పూర్తి చేసుకుంది. కానీ, కొన్ని రోజులుగా షూట్‌ కి బ్రేక్‌ పడటంతో సినిమా అనుకున్న సమయానికి రాదేమో అని అభిమానుల్లో టెన్షన్‌ స్టార్ట్‌ అయ్యింది. కానీ, అలాంటి అవకాశమే లేదని చిత్ర బృందం క్లారిటీ ఇస్తోంది.

ఇప్పటికే తర్వాతి షెడ్యూల్‌కు సంబంధించిన ప్రీ షెడ్యూల్‌ వర్క్‌ షాప్‌ కూడా నిర్వహించారు. అక్టోబరు 15 తర్వాత తర్వాతి షెడ్యూల్‌ ప్రారంభిస్తామని అతి త్వరలో సినిమా చిత్రీకరణ పూర్తవుతుందని చెప్పుకొచ్చారు. అయితే ఇప్పుడు ప్రీ షెడ్యూల్‌ వర్క్‌ షాప్‌లో పవన్‌ లుక్‌ నెట్టింట తెగ వైరల్ అవుతోంది. రెడ్‌ టీషర్ట్‌, జీన్స్‌, షూస్‌ వేసుకుని అక్కడ అటూ ఇటూ తిరుగుతూ స్టోరీ డిస్కషన్‌ చేస్తున్న పవన్‌ ని చూసి అభిమానులు మైమరచిపోతున్నారు.

ఆ ఫోటోలలో పవన్ కళ్యాణ్ రెడ్ కలర్ టీ షర్ట్ జీన్స్ ప్యాంట్ వేసుకొని న్యూ లుక్ లో కనిపించారు. ఇటీవల పవన్ కళ్యాణ్ వినోదయ సిత్తం సినిమా రీమేక్ లో నటిస్తున్నట్టు అధికారికంగా ప్రకటించారు. ఇందులో పవన్ కళ్యాణ్ కొత్త లుక్ లో కనిపించారు. అలాగే చేతికి వేసుకున్న వాచ్ గురించి ప్రస్తుతం అసలు మీడియాలో చర్చలు నడుస్తున్నాయి.

పవన్‌ కల్యాణ్‌ పెట్టుకున్న వాచ్‌ ఇటలీ సంస్థ అయిన పనేరాయ్‌ కంపెనీకి చెందింది. పనేరాయ్‌ లోని సబ్‌ మెర్సిబుల్‌ కార్బోటెక్‌ 47ఎంఎం అనే మోడల్‌ వాచ్‌ అనమాట. దాని ధర అక్షరాలా రూ.14,37,000 అన్నమాట. అంతకుముందు హరిహర వీరమల్లు మేకింగ్ వీడియోలో కూడా పవన్ కళ్యాణ్ ఇదే వాచ్ పెట్టుకొని కనిపించారు.

అయితే వాచ్‌ ధర విషయంలో ఎలాంటి కన్ఫూజన్‌ లేకపోయినా కూడా.. పవన్‌ వేసుకున్న షూస్‌ విషయంలో మాత్రం పెద్దఎత్తున ట్రోలింగ్‌ నడుస్తోంది. పవన్‌ వేసుకున్న షూస్‌ ధర విషయంలో సోషల్ మీడియాలో తప్పుడు ప్రచారం జరుగుతోంది. నిజానికి ఆ షూస్‌ ధర దాదాపు రూ.9,600 ఉంటాయి. అవి కోపెన్‌ హాగెన్‌ అనే కంపెనీకి చెందినవి. ఆన్‌ లైన్‌ లో వాటి ధర 119,94 యూరోస్‌ అని చూపిస్తోంది. అంటే మన కరెన్సీ దాదాపు రూ.9,600 అవుతుంది.

టాలీవుడ్ లో మన పక్కింటి కుర్రాడి పాత్రల్లో కనిపించే అతి తక్కువ మంది హీరోల్లో మొదటి స్ధానంలో ఉంటాడు నాచురల్ స్టార్ నాని. ఎప్పటికప్పుడు వైవిధ్యమైన పాత్రల్లో ప్రేక్షకుల్ని మెప్పించడానికి తన ప్రయత్నం చేస్తుంటాడు.ఈ ప్రయత్నాల్లో మెజారిటీ సినిమాలు విజయవంతం అయినప్పటికీ, కొన్ని అపజయాలు కూడా నాని ని పలకరించాయి.

ఇటీవల వివేక్ ఆత్రేయ దర్శకత్వం లో వచ్చిన అంటే సుందరానికి’ అనే మరో కొత్త కధ తో హిట్ కొట్టాడు. ఇక తర్వాత రానున్న చిత్రం దసరా తో మరో హిట్ కొట్టాలని నాని ట్రై చేస్తున్నాడు. అయితే నాని కెరీర్ లో బెస్ట్ పెరఫార్మెన్సు ఇచ్చిన చిత్రాలేవో ఇప్పుడు చూద్దాం..

#1 జెర్సీ

గౌతమ్ తిన్ననూరి తెరకెక్కించిన జెర్సీ చిత్రం లో నాని ఒక క్రికెటర్ గా కనిపించారు. ఈ చిత్రానికి రెండు జాతీయ అవార్డులు వచ్చాయి.

#2 ఈగ

రాజమౌళి తెరకెక్కించిన ఈ చిత్రం లో నాని తక్కువ సేపే కనిపించినా.. అద్భుతంగా నటించారు.

#3 అలా మొదలైంది

లేడీ డైరెక్టర్ నందిని రెడ్డి తెరకెక్కించిన అలా మొదలైంది చిత్రం తో నాని సాలిడ్ హిట్ అందుకున్నారు.

#4 శ్యామ్ సింగ రాయ్

నాని, కృతి శెట్టి, సాయి పల్లవి ప్రధాన పాత్రల్లో వచ్చిన పీరియాడిక్ మూవీ శ్యామ్ సింగ రాయ్ తో నాని తన నటనని మరో మెట్టు ఎక్కించాడు.

#5 గ్యాంగ్ లీడర్

ఒక అన్యాయానికి బలైపోయిన అయిదుగురు ఆడవాళ్ళకి అండగా నిలిచే పార్థ సారథి పాత్రలో నాని జీవించేసాడు.

#6 ఎవడే సుబ్రహ్మణ్యం

ఈ చిత్రం లో తన కెరీర్ పై ఫోకస్ పెట్టి మానవ సంబంధాల్ని వదిలేసే వ్యక్తి పాత్రలో నాని నటించారు.

#7 అంటే సుందరానికి..

తన ప్రేమకి గెలిపించుకునేందుకు అనేక ఇబ్బందుల్ని ఎదుర్కొనే సుందరం పాత్రలో నాని నటించి మెప్పించారు.

#8 నిన్ను కోరి

ట్రయాంగిల్ లవ్ స్టోరీగా తెరకెక్కిన ఈ సినిమాతో శివ నిర్వాణ దర్శకుడిగా పరిచయం అయ్యారు. ప్రేమ, పెళ్లి మధ్య సంఘర్షణ తో వచ్చిన ఈ చిత్రం సూపర్ హిట్ గా నిలిచింది.

#9 కృష్ణ గాడి వీర ప్రేమగాథ

ఈ చిత్రం లో తన ప్రేమని బయటకి చెప్పుకోలేని పిరికి వాడి పాత్రలో నాని నటించి మెప్పించారు.

#10 భీమిలి కబడ్డీ జట్టు

దర్శకుడు తాతినేని ప్రసాద్ దర్శకత్వం వహించిన ఈ చిత్రం లో నాని తనలోని నటుడిని మరోసారి ప్రూవ్ చేసుకున్నాడు.

#11 జెంటిల్ మాన్

దర్శకుడు మోహన కృష్ణ ఇంద్రగంటి తెరకెక్కించిన ఈ చిత్రం లో నాని నెగటివ్ షేడ్స్ ఉన్న పాత్రలో నటించి మెప్పించారు.

#12 అష్టాచెమ్మా

దర్శకుడు మోహన కృష్ణ ఇంద్రగంటి తెరకెక్కించిన అష్టాచెమ్మా చిత్రం తో నాని హీరోగా ఎంట్రీ ఇచ్చి అందరి దృష్టిని ఆకర్షించారు.