నాచురల్ స్టార్ నాని హీరోగా, కీర్తి సురేష్ హీరోయిన్‌గా నటిస్తున్న చిత్రం ‘దసరా’. శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి నిర్మిస్తున్న ఈ సినిమాతో శ్రీకాంత్ ఓదెల దర్శకుడిగా పరిచయం అవుతున్నాడు. సముద్రఖని, సాయికుమార్‌, జరీనా వహాబ్‌ తదితరులు ఈ చిత్రంలో కీలక పాత్రలు పోషిస్తున్నారు. మార్చి 30న ప్రపంచవ్యాప్తంగా తెలుగు, తమిళం, కన్నడ, మలయాళ, హిందీ భాషల్లో ఈ మూవీ విడుదల కానుంది.
దసరా చిత్రం కోసం నాని తన లుక్స్ ని పూర్తిగా మార్చుకున్నాడు. కంప్లీట్ మాస్ హీరోగా మారిపోయాడు. అయితే ఈ మూవీ కోసం ఒక ఊరి సెట్ ని మేకర్స్ నిర్మించారని తెలుస్తోంది. ఈ సినిమా కథ పెద్దపల్లి జిల్లాలోని గోదావరిఖని (తెలంగాణ)లోని సింగరేణి బొగ్గు గనుల ప్రాంతంలోని ఒక గ్రామం నేపథ్యంలో సాగుతుంది. తన తొలి పాన్ ఇండియా చిత్రం అయినఈ మూవీ లో నాని తన గత చిత్రాలకు భిన్నంగా కనిపించనున్నాడు.
అయితే ఈ చిత్రం పూర్తిగా ఒక ప్రేమ కథ అని తెలుస్తోంది. ఇందులో నాని మురికి వాడల నుంచి వచ్చిన వ్యక్తిగా కనిపిస్తే, కీర్తి సురేష్ ధనికుల అమ్మాయిగా కనిపిస్తోందని సమాచారం. వారి ప్రేమ కథలో ఎదురయ్యే సంఘర్షణే ఈ చిత్రం అని ఇన్సైడ్ టాక్. సుకుమార్ ప్రేమ కథలు తెరకెక్కించడం లో దిట్ట అని మనకి తెల్సిందే. ఆయన శిష్యుడు శ్రీకాంత్ ఓదెల దీనికి దర్శకుడు కావడం తో ఈ చిత్రం పై భారీ అంచనాలున్నాయి. దానికి తగ్గట్టే దర్శకుడు ఈ చిత్రాన్ని తెరకెక్కించాడని తెలుస్తోంది.
శ్రీరామ నవమి పండగ సందర్భంగా ఈ చిత్రం విడుదల కానుంది. ఒక్కసారి హిట్ టాక్ తెచ్చుకుంటే వేసవి సెలవులు కూడా ఈ చిత్రానికి కలిసొచ్చే అవకాశం ఉంది. ఇప్పటికే ఈ చిత్రానికి సంబంధిన ప్రీ రిలీజ్ బిజినెస్ జరిగిపోయినట్టు సమాచారం. హీరో నాని కెరీర్‌లోనే అత్యంత భారీ బడ్జెట్ ప్రాజెక్ట్ ‘దసరా’. ఈ సినిమా రూ. 65 కోట్ల బడ్జెట్ తో నిర్మించారు. సినిమాకు పెట్టిన బడ్జెట్ కంటే థియేట్రికల్ బిజినెస్ ద్వారా ఎక్కువ డబ్బులే వచ్చినట్టు తెలుస్తోంది. నిర్మాత థియేట్రికల్ మరియు నాన్-థియేట్రికల్ బిజినెస్ నుంచి ఈ మొత్తాన్ని రికవరీ చేసి సుమారు రూ. 10 కోట్ల లాభాలను ఆర్జించారని సమాచారం.
