Harika Page 167
Author

Harika

Hi, This is Harika. I have been working as a web content writer in Telugu Adda from the past one year and am experienced in writing articles in cinema, sports, inspiring stories and flash news categories.

Politics

నా ఎత్తు ఎంతో తెలిసిందా..? అంటూ ప్రియాంక గాంధీకి కౌంటర్ వేసిన నాయకుడు…

by Harika
written by Harika

తాజాగా నిన్న నాలుగు రాష్ట్రాలకు సంబంధించిన అసెంబ్లీ ఎన్నికల ఫలితాలు విడుదలయ్యాయి. తెలంగాణలో కాంగ్రెస్ పార్టీ అధికారంలోకి వచ్చింది అయితే మిగతా మూడు రాష్ట్రాల్లో కూడా బిజెపి తన ఆధిపత్యాన్ని ప్రదర్శిస్తుంది. మధ్యప్రదేశ్ ఎన్నికల్లో బిజెపి 163 సీట్లు చేసుకుంది. ఇటు కాంగ్రెస్ పార్టీ 66 సీట్లతో సరిపెట్టుకుంది. బిజెపికి సంపూర్ణ మెజార్టీ లభించింది. రాజస్థాన్ లో కూడా దాదాపు ఇదే సీన్ రిపీట్ అయింది. బిజెపికి 115 సీట్లతో అధికారం లభించింది. కాంగ్రెస్ పార్టీ 69 సీట్లతో రెండో స్థానంలో నిలబడగా, బహుజన సమాజ్ పార్టీ రెండు సీట్లను కైవసం చేసుకుంది.

ఛత్తస్గఢ్ లో కూడా బిజెపి 54 సీట్లతో అధికారంలోకి రాక కాంగ్రెస్ పార్టీ 35 సీట్లు సాధించింది. ఈ మూడు రాష్ట్రాలను బిజెపి సంపూర్ణ మెజారిటీతో ఆధిపత్యం చూపించింది.దీంతో బిజెపి నాయకులు సంబరాలు చేసుకుంటున్నారు. అంతేకాకుండా గతంలో కాంగ్రెస్ దాని మిత్రపక్షాలు చేసిన విమర్శలను దీటుగా తిప్పికొడుతున్నారు.


కాంగ్రెస్ పార్టీ నుండి బిజెపిలోకి వెళ్లిన జ్యోతిరాదిత్యా సింధియాను ఉద్దేశించి గతంలో కాంగ్రెస్ పార్టీ నేత ప్రియాంక గాంధీ విమర్శలు చేశారు.ఆయన ప్రజల తీర్పును అపహస్యం చేశారని అహంకారం ఎక్కువని వ్యాఖ్యానించారు.అదే సమయంలో ఎత్తు గురించి కూడా ప్రస్తావించారు. బిజెపి నేతలంతా చాలా విచిత్రంగా ఉంటారు. ముందుగా మన సింధియా.ఉత్తర ప్రదేశ్ లో నేను ఆయనతో కలిసి పని చేశాను. ఆయన దగ్గరకు వెళ్లే కార్యకర్త ఎవరైనా సరే ఆయనను మహారాజ్ అని పిలవాలి, లేదంటే వారి సమస్యలు పరిష్కారం కావు. ఆయన కాంగ్రెస్ కు గ్వాలియర్,చంబా ప్రజలకు ద్రోహం చేశారు.

బిజెపితో చేతులు కలిపి కాంగ్రెస్ ప్రభుత్వాన్ని పడగొట్టారు అంటూ విమర్శించారు. అయితే దీనిపై తాజాగా సిందిగా కౌంటర్ ఇచ్చారు కొంతమంది నా ఎత్తు గురించి మాట్లాడారు. ఎంత ఎత్తులో ఉన్నామో గ్వాలియర్ మాల్వా ప్రజలు చూపించారని జాతీయ మీడియాకు ఇచ్చిన ఇంటర్వ్యూలో బదులిచ్చారు. అయితే ఈ ప్రాంతంలో సింధియా కుటుంబానికి పట్టు ఎక్కువగా ఉంది.సింధియా చేసిన కౌంటర్ వ్యాఖ్యలు పైన బిజెపి నాయకులు హర్షం వ్యక్తం చేస్తున్నారు.

Also Read:బర్రెలక్కకు ఎన్ని ఓట్లు పడ్డాయో తెలుసా..? ఓటమి తర్వాత ఆమె ఏం నిర్ణయం తీసుకున్నారంటే.?

Politics

TS ELECTIONS JANASENA: ఆ నియోజకవర్గంలో “జనసేన” కాకుండా… నేరుగా “బీజేపీ”నే చేసి ఉంటే గెలిచి ఉండేదా…?

by Harika
written by Harika

తెలంగాణ ఎన్నికల్లో అన్ని నియోజకవర్గాల కంటే కూడా కూకట్ పల్లి నియోజకవర్గం పైన ఫోకస్ ఎక్కువ ఉంటుంది. ఇక్కడ ఆంధ్రప్రదేశ్ కు చెందిన సెటిలర్స్ ఓట్లు ఎక్కువగా ఉంటాయి. 2018 ఎన్నికల్లో టిఆర్ఎస్ అభ్యర్థిగా పోటీ చేసిన మాధవరం కృష్ణారావు, దివంగత నందమూరి హరికృష్ణ కుమార్తె టిడిపి క్యాండిడేట్ నందమూరి సుహాసినిపైన గెలుపొందారు. అప్పుడు మాధవరం కృష్ణారావుకు 111612 ఓట్లు రాగా నందమూరి సుహాసినికి 70563 ఓట్లు పడ్డాయి. అప్పట్లో కాంగ్రెస్ తో పొత్తు పెట్టుకుని చంద్రబాబు నాయుడు కూకట్ పల్లి నియోజకవర్గాన్ని చాలా ప్రతిష్టాత్మకంగా తీసుకుని రాహుల్ గాంధీతో కూడా ప్రచారం చేయించారు. అయినా కూడా ఫలితం అనుకున్నట్లుగా రాలేదు.

కూకట్పల్లి లో మరోసారి విజయం సాధించారు బిఆర్ఎస్ అభ్యర్థి మాధవరం కృష్ణారావు. ఈసారి ఆయన మెజార్టీ మరింత పెరిగింది. సెటిలర్స్ ఎక్కువమంది బిఆర్ఎస్ కే ఓటు వేసినట్లున్నారు. ఏకంగా 70,387 ఓట్ల మెజారిటీతో కాంగ్రెస్ అభ్యర్థి బండి రమేష్ పై విజయం సాధించారు.

ఇక బిజెపి మద్దతుతో జనసేన పార్టీ నుంచి బరిలోకి దిగిన ప్రేమ్ కుమార్ కు 39,830 ఓట్లు పోల్ అయ్యాయి. ఈసారి తెలుగుదేశం పార్టీ ఏకంగా ఎన్నికల్లోనే లేకుండా పోయింది.అయితే ఇక్కడ జనసేన బిజెపి పొత్తులో జనసేనపోటీ చేసింది. కూకట్ పల్లిలో అయితే ఏకంగా బిజెపి అధ్యక్షుడు జేపీ నడ్డాతో సహా పవన్ కళ్యాణ్ ప్రచారానికి దిగినా కూడా ఫలితం లేకుండా పోయింది. మిగిలిన స్థానాలతో పోలిస్తే కూకట్ పల్లి లో జనసేన కాస్త మెరుగనే చెప్పాలి.

 

కూకట్ పల్లిలో సెటిలర్స్ అందరూ కూడా జనసేనకి మద్దతు తెలుపుతారని అందరూ అనుకున్నారు. అయితే అనుకున్నంతగా మద్దతు అయితే రాలేదు. ఈ నియోజకవర్గంలో బిఆర్ఎస్ అభ్యర్థి మాధవరం కృష్ణారావు విజయం సాధించారు. ఒకవేళ జనసేన కాకుండా డైరెక్ట్ బిజెపిని పోటీ చేసి ఉంటే ఎన్నికల ఫలితాలు మార్పు వచ్చేదేమో అంటూ పలువురు అభిప్రాయం వ్యక్తం చేస్తున్నారు. తెలంగాణలో కొన్ని నియోజకవర్గాల్లో బిజెపి కి మంచి మెజార్టీ లభించింది.

Also Read:ఆ 8 నియోజకవర్గాల్లో జనసేన పరిస్థితి ఏంటి? ఎన్ని ఓట్లు వచ్చాయంటే…?

Politics

భార్యను ఓడించిన భర్త…ఒకరు బీజేపీ నుండి పోటీ..మరొకరు కాంగ్రెస్ నుండి..ఎక్కడంటే.?

by Harika
written by Harika

తెలంగాణ ఎన్నికలలో భాజపా ఘోరమైన ఓటమిని చవిచూస్తే రాజస్థాన్ లో మాత్రం ఘన విజయాన్ని సొంతం చేసుకుంది. అయితే ఈ క్రమంలో రాజస్థాన్ రాజకీయ ఫలితాలలో కొన్ని ఆసక్తికర విషయాలు వెలుగు చూశాయి. కుటుంబ సభ్యుల మధ్య రాజకీయ పోరు ఒకరిని గెలిపిస్తే మరొకరిని ఇంటి ముఖం పట్టేలాగా చేసింది. అలాంటి బంధువులు ఈ ఎన్నికలలో ఎవరు గెలిచి అధికారాన్ని చేజిక్కించుకున్నారో, ఎవరు ఓటమిపాలై ఇంటి ముఖం పట్టారో చూద్దాం.

రాజస్థాన్ లోని ధోల్ పూర్ లో కాంగ్రెస్ కి చెందిన శోభారాణి కుష్వాహ కాంగ్రెస్ తరపున పోటీ చేయగా ఆమె సోదరుడు శివ చరణ్ కుష్వాహ భాజపా తరఫున పోటీ చేశారు. అయితే ఈ విజయంలో సోదరుడిపై ఘనవిజయాన్ని సాధించి అధికారపీఠం దక్కించుకుంది శోభారాణి. అలాగే జైపూర్ లోని ఫూలేరా అసెంబ్లీ స్థానం నుంచి కాంగ్రెస్ తరపున విద్యాధర చౌదరి పోటీ చేయగా భాజపా నుంచి ఆయన అల్లుడు శైలేష్ సింగ్ పోటీ చేశారు. ఈ పోటీలో అల్లుడు మీద మామగారు గెలిచి అధికారి పీఠం దక్కించుకోవడం విశేషం.

అలాగే రాజస్థాన్ లోని సీకార్ జిల్లాలో గల దంతారాంఘడ్ నుంచి కాంగ్రెస్ అభ్యర్థిగా వీరేంద్ర సింగ్ పోటీ చేయగా ఆయనకు ప్రత్యర్థిగా భాజపా నుంచి ఆయన భార్య రీటా సింగ్ పోటీ చేశారు. ఈ పోటీలో భర్త వీరేంద్ర సింగ్ విజయం దక్కించుకున్నారు.

అలాగే మార్వార్ ప్రాంతంలో కాంగ్రెస్ సీనియర్ నేత రిచ్ పాల్ మిర్థా కుమారులు ఇద్దరు కాంగ్రెస్ తరపున పోటీ చేయగా ఇద్దరూ ఓటమి పాలవటం గమనార్హం. అసెంబ్లీ ఎన్నికల్లో ఓటమి తరువాత సీఎం అశోక్ గెహ్లాట్ రాజీనామా చేశారు. రాష్ట్రంలో భాజపా ప్రభుత్వ ఏర్పాటుకు సన్నాహాలు ప్రారంభమయ్యాయి. రాజస్థాన్ లో 199 స్థానాల్లో అసెంబ్లీ ఎన్నికలు జరగగా అందులో 70 సీట్లు కాంగ్రెస్ కి, 14 సీట్లు స్వాతంత్ర అభ్యర్థులు దక్కించుకోగా 115 సీట్లు భాజపా సాధించి ఘనవిజయాన్ని సొంతం చేసుకోవటం విశేషం.

Politics

TS ELECTIONS RESULTS: కాంగ్రెస్ పార్టీ విజయం వెనకున్న ఇతను ఎవరో తెలుసా.? గురువుని మించిన శిష్యుడు.!

by Harika
written by Harika

తెలంగాణలో టిఆర్ఎస్ బిజెపి తరువాత స్థానంలో ఉన్న కాంగ్రెస్ పార్టీ కొద్ది నెలల్లోనే అద్భుతంగా పుంజుకొని ఇప్పుడు తెలంగాణ అధికార పీఠాన్ని దక్కించుకుంది. హ్యాట్రిక్ సాధించాలనుకున్న కేసీఆర్ ఆశలపై నీళ్లు జల్లి బీఆర్ఎస్ ని ఇంటికి పంపించింది.

అయితే ఒకప్పుడు మూడో స్థానంలో ఉన్న కాంగ్రెస్ ఇప్పుడు ఏకంగా తెలంగాణ అధికారాన్ని చేపట్టటం వెనుక ఉన్న కీలక వ్యక్తుల్లో సునీల్ కనుగోలు ఒకరు. సునీల్ కనుగోలు పీకే శిష్యుడిగా రాజకీయ రంగ ప్రవేశం చేసి ప్రస్తుతం గురువును మించిన శిష్యుడు అనిపించుకుంటున్నారు. కర్ణాటకలో కాంగ్రెస్ అధికార పీఠాన్ని చేజిక్కించుకోవడంలో కూడా సునీల్ కనుగోలు ప్రధాన పాత్ర వహించారు.

who is sunil kanugolu

అప్పట్లో కర్ణాటకలో కూడా సునీల్ కనుగోలు పేరు మారుమోగిపోయింది కర్ణాటకలో పే సీఎం అంటూ అధికార ప్రభుత్వం అవినీతిపై కాంగ్రెస్ ఒక రేంజ్ లో విరుచుకు పడింది అంటే దాని వెనుక ప్రధాన సూత్రధారి సునీల్ అని గ్రహించిన కాంగ్రెస్ అధిష్టానం అతనికి ఉన్నత పదవిని ఇచ్చి గౌరవించింది. అదే సునీల్ ను హైదరాబాద్ కి పంపించి ఇక్కడ వ్యవహారాలని చెక్కబెట్టే బాధ్యత ఇచ్చింది కాంగ్రెస్. అయితే ఈ విషయంలో సునీల్ సక్సెస్ అయ్యారని చెప్పవచ్చు.

who is sunil kanugolu

తనదైన ప్రణాళికలతో రాజకీయ నేర్పుతో కాంగ్రెస్ ని పోటీలోకి తీసుకువచ్చారు సునీల్. నిజానికి సునీల్ హైదరాబాద్ వచ్చేటప్పటికి కాంగ్రెస్ మూడవ స్థానంలో ఉండి డీలపడినట్లు ఉండేది. సునీల్ రంగ ప్రవేశం చేసిన తరువాత ప్రభుత్వాన్ని పగడ్బందీగా టార్గెట్ చేసి ప్రజల్లో టిఆర్ఎస్ పట్ల వ్యతిరేకతో ఏర్పడేలాగా చేశారు.

who is sunil kanugolu

ప్రభుత్వ వైఫల్యాలని బిజెపి బిఆర్ఎస్ ఒకటే అనే ప్రచారం చేయడంలోనూ.. మేడిగడ్డ కొంగటం వంటి విషయాలను ప్రజల దృష్టికి తీసుకువెళ్లి కేసీఆర్ ప్రభుత్వం పట్ల వ్యతిరేకతను తీసుకురావడంలో సునీల్ సక్సెస్ అయ్యారు. దీంతో ఇప్పుడు సునీల్ పేరు మారం రోగిపోతుంది సునీల్ గతంలో ప్రశాంత్ కిషోర్ దగ్గర పని చేశారు. తర్వాత స్వతంత్రంగా కర్ణాటక తెలంగాణ ఎన్నికలలో పనిచేసే రెండు చోట్ల విజయం సాధించారు. ఇప్పుడు గురువును మించిన శిష్యుడు అంటూ అందరి చేత కితాబులు అందుకుంటున్నారు

Filmy Adda

“యానిమల్” లాగే ఎక్కువ రన్ టైం ఉన్న 10 సినిమాలు ఇవే…4 గం. 15 ని|| ఉన్న సినిమా ఏదంటే.?

by Harika
written by Harika

సందీప్ రెడ్డి వంగా దర్శకత్వంలో. రణబీర్ కపూర్, రష్మీక కాంబోలో ఈరోజు విడుదలైన చిత్రం యానిమల్. బాక్సాఫీస్ వద్ద ఈ చిత్రం సింహగర్జన చేస్తున్న విషయం అందరికీ తెలిసిందే. స్ట్రైట్ తెలుగు మూవీ తో సమానంగా ఈ మూవీ ఆదరణ అందుకుంటుంది. ఈ నేపథ్యంలో ఈ చిత్రానికి సంబంధించిన ఒక ఆసక్తికరమైన విషయం సోషల్ మీడియాలో వైరల్ అయింది. ఈ మూవీ నిడివి ఏకంగా 3 గంటల 21 నిమిషాలు కావడం అందరిని ఆశ్చర్యపరుస్తుంది.

అంతసేపు ఉన్న సినిమా ఎక్కడ బోర్ కొట్టకుండా ఆద్యంతం ఆసక్తిగా సాగడం తో క్రెడిట్ అంతా డైరెక్టర్ కే ఇస్తున్నారు నెటిజన్స్. ఇంతకుముందు కూడా టాలీవుడ్ లో మూడు గంటలకు పైగా నిడివి ఉన్న ఎన్నో క్లాసిక్ చిత్రాలు ఉన్నాయి. వాటిలో కొన్ని ఈ మూవీ కంటే ఎక్కువ లెంతీగా ఉన్నాయి. మరి ఆ మూవీస్ ఏమిటో ఒక లుక్ వేద్దాం పదండి..

#1. దాన వీర శూర కర్ణ.. 1997లో విడుదలైన ఈ చిత్రం నిడివి 3 గంటల 53 నిమిషాలు.

#2. ఎల్‌వోసీ కార్గిల్.. 2003లో విడుదలైన ఈ కార్గిల్ వార్ బేస్డ్ చిత్రం నిడివి 4 గంటల 15 నిమిషాలు.

#3. మేరా నామ్ జోకర్..1970లో వచ్చిన ఈ మూవీ నిడివి 3 గంటల 44 నిమిషాలు.

#4. లగాన్.. వన్స్ అపాన్ ఎ టైమ్- స్వాతంత్రానికి ముందు జరిగిన సన్నివేశాల నేపథ్యంలో తెరకెక్కిన ఈ మూవీ నిడివి 3 గంటల 44 నిమిషాలు.

#5. నాడోడీ మన్నన్ – 1958 లో వచ్చిన ఈ తమిళ్ మూవీ నిడివి 3 గంటల 40 నిమిషాలు.

adipurush ban

#6. ఆదిపురుష్ – ప్రభాస్ రాముడు గా నటించిన ఈ చిత్రం నిడివి ఒక్క నిమిషం తక్కువ 3 గంటలు..అంటే 2.59 గంటలు అన్నమాట.

#7. ఆర్ఆర్ఆర్ – టాలీవుడ్ కీర్తి దేశ దేశాలకు చాటి చెప్పిన ఆర్ఆర్ఆర్ మూవీ నిడివి 3.02 గంటలు.

how many awards did RRR won..

#8. పుష్ప.. ద రైస్ – అల్లు అర్జున్ ను స్టైలిష్ స్టార్ నుంచి ఐకానిక్ స్టార్ గా చేసిన పుష్ప మూవీ నిడివి 2.59 గంటలు.

#9. అర్జున్ రెడ్డి.. – విజయ్ దేవరకొండను హీరో గా నిలబెట్టిన మూవీ అర్జున్ రెడ్డి..నిడివి కూడా 3.02 గంటలు.

#10. ప్రస్థానం – 2010లో వచ్చిన ఈ పొలిటికల్ డ్రామా..నిడివి 3.01 గంటలు.

Filmy Adda

సొంత “దుస్తుల బ్రాండ్” తో పాటు… “మహేష్ బాబు” కి ఉన్న ఈ 5 వ్యాపారాలు ఏంటో తెలుసా..?

by Harika
written by Harika

కాలంతో పాటుగా ట్రెండ్ మారుతూ వస్తోంది. సినీ ప్రముఖులు కూడా సినీరంగంలోనే కాక ఇతర రంగాల్లోను అడుగు పెడుతున్నారు. వివిద బిజినెస్ లలో పెట్టుబడులు పెడుతున్నారు. ఇక ఈ లిస్ట్ లో సూపర్ స్టార్ కృష్ణ వారసుడు మహేష్ బాబు తొలి వరుసలో ఉంటాడు.

సూపర్ స్టార్ మహేష్ బాబు ఎల్లప్పుడూ సరికొత్తగా ఆలోచిస్తూ ఇటు సినిమాల్లోనూ అటు వ్యాపారంలోను పక్కాగా ప్లాన్ చేసుకుంటూ వెళ్తున్నాడు. టాలీవుడ్ లోనే కాక వ్యాపార రంగాల్లోనూ తనదైన ముద్రను వేస్తూ ఓ బ్రాండ్‌ను సృష్టించుకున్నాడు. సూపర్ స్టార్ కృష్ణ వారసుడిగా ఎంట్రీ ఇచ్చినా, రాజకుమారుడిగా కెమెరా ముందుకి వచ్చి తన ప్రతిభతో ఒక్కొ మెట్టు ఎక్కి సూపర్‌స్టార్‌గా అభిమానులను ప్రేమను పొందుకుని, మహేష్ బాబు టాలీవుడ్ అగ్రనటుల్లో ఒకరిగా ఎదిగాడు.అక్కడితో ఆగకుండా వ్యాపార రంగంలో తనదైన ముద్ర వేయడం కోసం సతీమణి నమ్రత సహకారంతో వివిధ బిజినెస్ లను మొదలుపెట్టాడు. సూపర్ స్టార్ రియల్ బిజినెస్ మేన్ గా కూడా ప్రూవ్ చేసుకుంటున్నాడు. సినిమాల్లో సంపాదించిన డబ్బును బిజినెస్ లకు ఉపయోగిస్తూ, మిగతా వారికంటే వినూత్నంగా ముందుకెళ్తున్నాడు. ఇక మహేష్ వ్యాపారాలు ఏమిటో చూద్దాం..#1 జీఎంబీ ఎంటర్‌టైన్‌మెంట్స్..

మహేష్ బాబు జీఎంబీ ఎంటర్‌టైన్‌మెంట్స్ అనే పేరుతో ప్రొడక్షన్ హౌజ్ స్థాపించి, దీనిపై భారీ బడ్జెట్‌తో మూవీస్ తీస్తున్నాడు.#2 ఏఎంబీ సినిమాస్..

మహేష్ ఏషియన్ సంస్థతో కలిసి AMB సినిమాస్ పేరుతో హైదరాబాద్‌లో భారీ మల్టీప్లెక్స్ థియేటర్‌ను మొదలుపెట్టాడు. ఈ AMB సినిమాస్ ఇండియాలోనే అతిపెద్ద మల్టీప్లెక్స్‌లలో ఒకటిగా ఉంది.#3 ది హంబుల్ కో..

మహేష్ బాబు ‘ది హంబుల్ కో’పేరుతో గార్మెంట్ వ్యాపారంలోకి అడుగుపెట్టాడు. ప్రస్తుతంది హంబుల్ కో బ్రాండ్ బట్టలకు మంచి డిమాండ్ ఉంది.#4 AN రెస్టారెంట్..

మహేష్ బాబు తాజాగా రెస్టారెంట్ వ్యాపారంలోకి కూడా అడుగుపెట్టాడు. ఏషియన్ గ్రూప్స్ తో కలిసి AN రెస్టారెంట్ ను స్టార్ట్ చేస్తున్నాడు. ఇది డిసెంబర్ 8 నుండి అందుబాటులోకి వస్తుంది.ఈ రెస్టారెంట్ కు భార్య నమ్రతా పేరుని పెట్టాడు మహేష్. AN రెస్టారెంట్లో N అంటే నమ్రతా. ఇది బంజారా హిల్స్‌లో టీఆర్ఎస్ బిల్డింగ్ పక్కన ఉంది.

#5 ప్యాలెస్ హైట్స్

మహేష్ బాబు మినర్వా కాఫీ షాప్ తో కలిసి ప్యాలెస్ హైట్స్ అనే రెస్టారెంట్ కూడా మొదలు పెట్టబోతున్నాడు.

సూపర్ స్టార్ మహేష్ బాబు సినిమా, బిజినెస్ ద్వారానే కాక యాడ్స్ లో నటిస్తూ కూడా సంపాదిస్తున్నాడు. ఇటీవల సర్కారీ వారి పాట మూవీతో సూపర్ హిట్ అందుకుని, ప్రస్తుతం త్రివిక్రమ్ దర్శకత్వంలో సినిమా చేస్తున్నాడు. ఇది పూర్తయిన తరువాత రాజమౌళి సినిమా మొదలవుతుంది.

NewsPolitics

YS Sharmila Son Marriage: రాజారెడ్డి పెళ్లి డేట్ ఫిక్స్…ఎప్పుడంటే.? వైఎస్ షర్మిలకు కాబోయే కోడలు బ్యాక్గ్రౌండ్ ఇదే..!

by Harika
written by Harika

వైఎస్ఆర్టీపీ అధినేత్రి వైఎస్ షర్మిల ఇంట పెళ్లి బాజాలు మోగనున్నాయి. ఆమె కుమారుడు రాజారెడ్డి ప్రేమ వివాహం చేసుకోబోతున్నారు. మరి షర్మిల కాబోయే కోడలు ఎవరు? ఆమె. బ్యాక్ గ్రౌండ్ ఏంటి ఇప్పుడు తెలుసుకుందాం..!షర్మిల-అనిల్ దంపతుల కుమారుడు వైఎస్ రాజారెడ్డి పెళ్లి పీటలు ఎక్కబోతున్నారు. ఈ విషయాన్ని స్వయంగా ఆయనే ప్రకటించారు.

రాజారెడ్డి పెళ్లికి సంబంధించి ఏర్పాట్లు చురుగ్గా జరుగతున్నాయి. మరి వైఎస్ షర్మిల కాబోయే కోడలు ఎవరో తెలుసా? ఆమె పేరు ప్రియా అట్లూరి.కమ్మ సామాజిక వర్గానికి చెందిన ప్రియా అట్లూరి అమెరికాలో స్థిరపడ్డారు. ఆమెకి యూఎస్ సిటిజెన్‌షిప్ కూడా ఉంది.

వైఎస్ రాజారెడ్డి, ప్రియా అట్లూరి ప్రేమ వివాహం చేసుకుంటున్నారు. గత నాలుగేళ్లుగా వీరు ఇరువురు ప్రేమించుకుంటున్నారని సమాచారం. ఉన్నత చదువుల కోసం అమెరికాకు వెళ్లిన రాజారెడ్డి అక్కడ ప్రియా అట్లూరికి పరిచయం అయ్యారు. తక్కువ కాలంలోనే స్నేహితులుగా మారి తర్వాత  ప్రేమించుకున్నారు.రాజారెడ్డి-ప్రియా అట్లూరి ప్రేమపెళ్లికి.. ఇటు షర్మిల-అనిల్ దంపతులు..అటు ప్రియా అట్లూరి కుటుంబ సభ్యులు ఎటువంటి అభ్యంతరం తెలపలేదు.వచ్చే ఏడాది మేలో వివాహం జరిపించేంచాలని ఇరు కుటుంబాలు భావిస్తున్నారు. ప్రియా అట్లూరిది కమ్మ సామాజిక వర్గం కావడంతో.. వీరిది కులంతార వివాహం అవుతుంది.

 

ys-sharmila-fires-on-cm-kcr

షర్మిలది కూడా కులాంతర వివాహమన్న విషయం తెలిసిందే.రాజారెడ్డి అమెరికాలోని డ‌ల్లాస్ యూనివ‌ర్సిటిలో బ్యాచిల‌ర్ అండ్ బిజినెస్ అడ్మినిస్ట్రేష‌న్ కోర్సును పూర్తి చేశారు. యూనివ‌ర్సిటీ నుంచి ఇప్పటికే పట్టా అందుకున్నారు. ఆ కార్యక్రమానికి వైఎస్ షర్మిల కూడా వెళ్ళిన విషయం తెలిసిందే.ఈ పెళ్లి విషయం ఇంటర్నెట్ లో హాట్ టాపిక్ గా మారింది. ఇద్దరు ఉన్నత కుటుంబాల వ్యక్తులు కావడంతో జనం ఫోకస్ వీరిపై పడింది. తెలంగాణలో ఇటీవల జరిగిన ఎన్నికల్లో షర్మిల పోటీ నుంచి తప్పుకుని కాంగ్రెస్ పార్టీకి మద్దతు తెలిపిన సంగతి తెలిసిందే. కెసిఆర్ ను ఒడించడమే లక్ష్యం అని బహిరంగంగా ప్రకటించారు. అందుకోసమే పోటీ నుంచి తప్పుకున్నట్లుగా తెలియజేశారు.

అందరికీ నూతన సంవత్సర శుభాకాంక్షలు. ఈ 2024 నూతన సంవత్సరంలో నా కుమారుడు YS రాజారెడ్డికి,ప్రియమైన అట్లూరి ప్రియాతో జనవరి నెల 18న నిశ్చితార్థం వేడుక , ఫిబ్రవరి 17న 2024 వివాహ వేడుక జరగనున్న సంగతి మీతో పంచుకోవడం ఆనందంగా ఉంది. రేపు మేము కుటుంబ సమేతంగా కాబోయే వధూవరులతో కలిసి ఇడుపులపాయలోని వైఎస్ఆర్ ఘాట్‌ని సందర్శించి తొలి ఆహ్వాన పత్రిక ఘాట్ వద్ద ఉంచి,నాన్న ఆశీస్సులు తీసుకోవడం జరుగుతుంది అని చెప్పడానికి సంతోషంగా ఉంది.

Also Read:20 ఏళ్ల తర్వాత రవితేజ సినిమాకి సీక్వెల్… కానీ ట్విస్ట్ ఏంటంటే…?

Filmy Adda

Upcoming Telugu Movies: ఈ వారం విడుదలయ్యే.. ఓటీటీ / థియేటర్ సినిమాలు ఇవే.!

by Harika
written by Harika

యానిమల్ సినిమాతో పాటు అధర్వ, కాలింగ్ సహస్ర వంటి సినిమాలతో డిసెంబర్ నెల ప్రారంభమైంది. అయితే యానిమల్ బంపర్ హిట్ తో డిసెంబర్ ప్రారంభమైంది. ఇప్పుడు ఈవారం రాబోతున్న సినిమాలు ఏమిటో చూద్దాం. ముందుగా నాని హీరోగా వస్తున్న సినిమా హాయ్ నాన్న. మృనాల్ ఠాకూర్ హీరోయిన్ కాగా బేబీ కియారా, శృతిహాసన్ లు కీలక పాత్రలు పోషించారు.

ఈ సినిమా ద్వారా సౌర్యువ్ దర్శకుడిగా పరిచయం అవుతున్నాడు. నానికి ఇది తొలి పాన్ ఇండియా సినిమా. ఈ సినిమా డిసెంబర్ 7 తారీఖున వెండితెర మీద విడుదల కానుంది. అలాగే వీరు, శ్రీహర్ష, ఖుషి చౌహన్ తారాగణంతో చండిక అనే హర్రర్ సస్పెన్స్ సినిమా కూడా డిసెంబర్ 8న వెండితెర మీద విడుదలవుతుంది. ఈ సినిమా కి తోట కృష్ణ దర్శకుడు కాగా కేవీ పాపారావు నిర్మాత. అలాగే జూనియర్ ఆర్టిస్ట్ క్యారెక్టర్ తో ఎక్స్ట్రా ఆర్డినరీ మ్యాన్ గా మన ముందుకి వస్తున్నాడు నితిన్.

ఈ సినిమా దర్శకుడు వక్కంతం వంశీ కాగా ఈ సినిమాలో హీరోయిన్ శ్రీ లీల. మొదటిసారిగా హీరో రాజశేఖర్ క్యారెక్టర్ ఆర్టిస్ట్ గా చేస్తున్న సినిమా ఇది. ఈ సినిమా కూడా డిసెంబర్ 8వ తేదీన ప్రేక్షకుల ముందుకి వస్తుంది. ఇక ఓటీటీ విషయానికి వస్తే డిస్నీ ప్లస్ హాట్ స్టార్ లో వధువు వెబ్ సిరీస్ డిసెంబర్ 8వ తారీఖున రిలీజ్ అవుతుంది. అమెజాన్ ప్రైమ్ లో మస్తీ మే రహ్నే కా డిసెంబర్ 8న రిలీజ్ అవుతుంది. అలాగే నెట్ఫ్లిక్స్ లో జిగర్ తండా డబుల్ ఎక్స్ డిసెంబర్ 8వ తారీఖున రిలీజ్ అవుతుంది.

అదే డిసెంబర్ 8వ తారీఖున లీవ్ ది వరల్డ్ బిహైండ్, ధక్ ధక్ రిలీజ్ అవుతున్నాయి. అలాగే జి ఫైవ్ లో కడక్ సింగ్ డిసెంబర్ 8వ తారీఖున,సోనీ లివ్ లో చమక్ వెబ్ సిరీస్ డిసెంబర్ 7న విడుదలకు సిద్ధంగా ఉన్నాయి. అలాగే ఆహా లో మా ఊరి పొలిమేర 2 డిసెంబర్ 8వ తారీఖున అందుబాటులోకి రానుంది. అలాగే స్టార్ కిడ్స్ అందరూ కలిసి నటించిన ది ఆర్చీస్ మూవీ నెట్ఫ్లిక్స్ లో డిసెంబర్ 7న విడుదలకు సిద్ధంగా ఉంది.

Politics

TELANGANA CONGRESS CABINET: కాంగ్రెస్ ప్రభుత్వం… కాబినెట్ లో మంత్రులు అయ్యే అవకాశం ఉన్నది వీరికే..? సీఎం ఎవరు.?

by Harika
written by Harika

హ్యాట్రిక్ సాధించాలనే కేసీఆర్ కలని వమ్ము చేస్తూ తెలంగాణలో కాంగ్రెస్ ఘనవిజయం సాధించింది. బీఆర్ఎస్ పై ప్రజలలో వ్యతిరేకతని తీసుకురావడం లో కాంగ్రెస్ సక్సెస్ అయ్యి అధికార పీఠాన్ని సొంతం చేసుకుంది. ఈనెల 9వ తారీఖున కాంగ్రెస్ కొత్త ప్రభుత్వాన్ని ఏర్పాటు చేయబోతుంది. అందుకుగాను తెలంగాణలో కొత్తగా ఎన్నికైన ఎమ్మెల్యేలను సోమవారం సమావేశపరచాలని కాంగ్రెస్ నిర్ణయం తీసుకుంది. ఈ సమావేశంలోనే కాబోయే సీఎం ఎవరు అన్నది హై కమాండ్ నిర్ణయం తీసుకుంటుంది.

అలాగే మంత్రివర్గ కూర్పు పై కూడా ఇదే సమావేశంలో ఒక అంచనాకి రాబోతున్నట్లుగా సమాచారం.అయితే కీలకమైన హోమ్ మంత్రి స్పీకర్ పదవులు విషయంలో ఇప్పటికే అధిష్టానం ఒక నిర్ణయానికి వచ్చినట్లు తెలుస్తుంది. సీఎం,సీఎల్పీ లను కూడా హై కమాండే నిర్ణయిస్తుంది. అయితే సీఎం ఎంపిక విధానం కర్ణాటక తరహా లోనే ఉండబోతున్నట్లుగా సమాచారం. ప్రస్తుతం రేవంత్ రెడ్డి,  భట్టి విక్రమార్క ఈ ఇద్దరిలో ఎవరో ఒకరు సీఎం అయ్యే ఛాన్సులు కనిపిస్తున్నాయి. ఇద్దరిలో ఒకరికి సీఎం, మరొకరికి డిప్యూటీ సీఎం పదవి ఇస్తారు అని చర్చ నడుస్తుంది.

కాబినెట్ లో స్థానం దక్కే అవకాశం ఉన్న కాండిడేట్స్ వీరే:

అదిలాబాద్ జిల్లా :

  • వివేక్ వెంకట్ స్వామీ (చెన్నూర్)
  • ప్రేమ్ సాగర్ రావు (మంచిర్యాల)
  • వెడ్మ బోజ్జు ( ఖానాపూర్)

రంగారెడ్డి :

  • మల్ రెడ్డి రంగారెడ్డి ( ఇబ్రహీంపట్నం )
  • గడ్డం ప్రసాద్ (వికారాబాద్)
  • రామ్ మోహన్ రెడ్డి (పరిగి)

మహబూబ్ నగర్ :

  • జూపల్లి కృష్ణ రావు (కొల్లాపూర్)
  • వంశీ కృష్ణ (అచ్చంపేట)
  • వీర్లపల్లి శంకర్ (షాద్ నగర్ )

ఖమ్మం:

  • భట్టి విక్రమార్క (మధిర)
  • తుమ్మల నాగేశ్వర రావు (ఖమ్మం)
  • పొంగులేటి శ్రీనివాస్ రెడ్డి ( పాలేరు)
  • కునమనేని సాంబశివ రావు (కొత్తగూడెం)

వరంగల్:

  • సీతక్క (ములుగు)
  • కొండ సురేఖ (వరంగల్ ఈస్ట్)

నల్గొండ:

  • ఉత్తమ్ లేదా పద్మావతి
  • కోమటిరెడ్డి వెంకట్ రెడ్డి (నల్గొండ)

మెదక్ :

  • దామోదర్ రాజనర్సింహ (అందోల్ )

నిజామాబాద్ :

  • సుదర్శన్ రెడ్డి ( బోధన్)
  • షబ్బీర్ అలీ (ఎమ్మెల్సీ ఇచ్చి మంత్రి)

కరీంనగర్ :

  • పొన్నం ప్రభాకర్ (హుస్నాబాద్)
  • శ్రీధర్ బాబు (మంథని)
  • అది శ్రీనివాస్ (వేములవాడ)
Filmy Adda

“నేను మిమ్మల్ని ఏం చేసానని ఇలా ట్రోల్ చేస్తున్నారు?”…సురేఖ వాణి కూతురు ఎమోషనల్ పోస్ట్ వెనక కారణం ఏంటి.?

by Harika
written by Harika

తెలంగాణ ఎన్నికల ఫలితాల్లో బిఆర్ఎస్ పార్టీ ఓటమి చెందింది.  ఎలక్షన్ కు ముందు బిఆర్ఎస్ పార్టీ క్యాంపైనింగ్ లో సోషల్ మీడియా ఇన్ఫ్లుయెన్సర్లు చాలామంది పనిచేశారు. గులాబీల జాతర అన్న సాంగ్ రీల్స్ చేస్తూ షేర్ చేశారు.

అలా రీల్స్ షేర్ చేసిన వారి జాబితాలో నటి సురేఖ వాణి కూతురు సుప్రీతా కూడా ఉన్నారు. అయితే ఇప్పుడు ఆమెను ఎలక్షన్ రిజల్ట్ వచ్చిన తర్వాత నెటిజెన్లు బాగా ట్రోల్ చేస్తున్నారు.అసలు ఏం జరిగిందంటే…!

నటి సురేఖ వాణి గురించి పరిచయం అక్కర్లేదు. తెలుగులో క్యారెక్టర్ ఆర్టిస్ట్ గా చాలా సినిమాల్లో నటించింది. అయితే ఆమె సోషల్ మీడియాలో తాజాగా బాగా ఫేమస్ అయ్యింది. ఆమె కూతురు సుప్రీతతో కలిసి చేసే డాన్స్ వీడియోలు బాగా వైరల్ అవుతుంది. వీరిద్దరికీ సోషల్ మీడియాలో మంచి ఫాలోయింగ్ ఉంది. అయితే సోషల్ మీడియాలో ఇన్ఫ్లుయెన్సర్ గా ఉన్న సుప్రీత బిఆర్ఎస్ పార్టీకి మద్దతుగా గులాబీల జాతర అన్న సాంగ్ రీల్స్ చేసి విడుదల చేసింది.

Watch Video:

నిన్న ఎలక్షన్ రిజల్ట్ రాగానే కాంగ్రెస్ పార్టీ విజయం సాధించింది అని తెలుసుకోగానే ఇంస్టాగ్రామ్ లో తన పోస్టులు డిలీట్ చేసింది. గతంలో తన తల్లితో కలిసి రేవంత్ రెడ్డితో దిగిన ఫోటోని పోస్ట్ పెట్టింది.అయితే ఆ ట్రోలింగ్ పైన సుప్రీత స్పందించారు.

 

మిమ్మల్ని ఏం చేశానని ఒక రాజకీయ పరిస్థితిని ఉద్దేశించి నన్ను ట్రోల్ చేస్తున్నారు, అనవసరంగా ట్రోలింగ్ చేస్తే మా మెంటల్ హెల్త్ ఎంతలా ఎఫెక్ట్ అవుతుందో మీకు తెలుసా? అంటూ ఎమోషనల్ గా పోస్ట్ పెట్టారు. నేను బిఆర్ఎస్ కి సపోర్ట్ చేసిన మాట వాస్తవమే కానీ నేను రేవంత్ రెడ్డితో దిగిన ఫోటో పెట్టిన పోస్ట్ ఆయనను కంగ్రాట్యులేట్ చేస్తూ పెట్టినది అంటూ వివరణ ఇచ్చారు. అనవసరంగా ట్రోలింగ్ చేసి మమ్మల్ని ఇబ్బంది పెట్టొద్దు అంటూ వేడుకున్నారు.

Also Read:మంచి మనసు చాటుకున్న లారెన్స్… అమ్మ పేరు మీద కళ్యాణమండపం…!

Newer Posts
Older Posts