Harika

సంక్రాంతికి చిన్న సినిమాగా వచ్చి పెద్ద హిట్ కొట్టిన హనుమాన్ చిత్ర హీరో తేజ సజ్జా రవితేజ తో కలిసి ఇంటర్వ్యూలో పాల్గొన్నారు. ఈ సందర్భంగా తేజ రవితేజతో పలు ఆసక్తికరమైన విషయాలు పంచుకున్నాడు. హనుమాన్ సినిమాలో కోతికి రవితేజ డబ్బింగ్ చెప్పిన సంగతి తెలిసిందే.

అయితే ఇంటర్వ్యూలో భాగంగా తేజ రవితేజ పైన ఒక ఆసక్తికర కామెంట్ చేశాడు రవితేజ వాళ్ళ యంగ్ హీరోలు అందరూ ఇబ్బందులు పడుతున్నామని అన్నాడు. ఇంతకీ విషయం ఏంటంటే రవితేజ నటించిన ప్రతి సినిమాలోని ఇద్దరు హీరోయిన్ లో ఉంటున్నారు. ఖిలాడి, టైగర్ నాగేశ్వరరావు, ఇప్పుడు వస్తున్న ఈగల్ ఇలా ప్రతి సినిమాలో రవితేజ ఇద్దరి హీరోయిన్లను పెట్టుకుంటున్నాడు.

దీనివల్ల తమ సినిమాలో హీరోయిన్లు కొరత వస్తుందని తేజ అంటున్నాడు. సంవత్సరానికి 12 నుంచి 13 హీరోయిన్లను అడిషన్ చేస్తున్నారని… ఏ హీరోయిన్ ను అడిగినా సరే రవితేజ సినిమాలో చేస్తున్నామని, ఇప్పుడప్పుడే డేట్లు లేవని చెప్పేస్తున్నారని… దానివల్ల మా సినిమాకు హీరోయిన్ దొరకడం లేదని ఫన్నీగా కామెంట్ చేశాడు.

రణబీర్ కపూర్ తాజా చిత్రం యానిమల్ సూపర్ డూపర్ హిట్ అయింది. రణబీర్ కెరీర్ లోనే వన్ ఆఫ్ ద డిఫరెంట్ మూవీగా యానిమల్ నిలిచింది. ఈ సినిమాలో వైలెన్స్ ఎక్కువగా ఉందని బయట చెబుతున్న కూడా ఆడియన్స్ అవి పట్టించుకోకుండా సినిమాకి చూపెడుతున్నారు. చాలామంది సినీ విమర్శికులు సినీ జనం సైతం యానిమల్ సినిమాని పొగుడుతూ కామెంట్లు చేస్తున్నారు.

అయితే ఈ సినిమాలో హీరోయిన్ రష్మిక కన్నా కూడా జోయపాత్రుడు నటించిన త్రిప్తి దిమ్నీకి ఎక్కువ పేరు వచ్చింది. రణబీర్ కపూర్ తో కలిసి నటించిన పది నిమిషాలు అయినా కూడా తన నటనకి ఆడియన్స్ అందరూ ముద్దులు అయిపోయారు. రణబీర్ తో కలిసి రొమాంటిక్ సన్నివేశాల్లో త్రిప్తి రెచ్చిపోయింది. ఈ సినిమా రిలీజ్ అయిన తర్వాత సోషల్ మీడియాలో త్రిప్తికి ఫాలోయింగ్ విపరీతంగా పెరిగిపోయింది. తెలుగులో వరుస పెట్టి ఆఫర్లు కూడా క్యూ కట్టాయి.

అయితే ఈ యానిమల్ సినిమా పైన త్రిప్తి స్పందిస్తూ … ‘‘మా ఇండస్ట్రీ జర్నీ ఎప్పుడూ సాఫీగా సాగిపోదు. ఎత్తుపల్లాలు ఉంటాయి. అన్నింట్లో నుంచి పాఠాలు నేర్చుకోవాలి. యానిమల్ సినిమాతో మంచి ఆదరణ లభించింది. మూవీ బ్లాక్‌బస్టర్ అవుతుందని ముందే తెలుసు. కానీ, నా క్యారెక్టర్ ఇంత ఫేమస్ అవుతుందని ఊహించలేదు. ప్రేక్షకులు నన్ను ఎంతో ఆదరించారు. వాళ్లందరికీ నేను కృతజ్ఞురాలిని. రోజూ నిద్రపోయే ముందు యానిమల్ మూవీ టీమ్‌ను గుర్తుచేసుకొని థాంక్స్ చెబుతున్నా. జోయ పాత్రలో నటించడం అదృష్టంగా భావిస్తున్నా” అని అన్నారు.

మెగాస్టార్ చిరంజీవికి కేంద్ర ప్రభుత్వం పద్మ విభూషణ్ అవార్డును ప్రకటించిన సంగతి తెలిసిందే. భారత ప్రభుత్వం అందించే రెండవ ప్రతిష్టాత్మక అవార్డు ఇది. ఏదైనా రంగంలో అసాధారణమైన సేవలు చేసిన వ్యక్తులకు ఈ అవార్డును ప్రధానం చేస్తారు. మెగాస్టార్ చిరంజీవితో పాటు ఉపరాష్ట్రపతి వెంకయ్య నాయుడుకి కూడా ఈ అవార్డును ప్రకటించారు. ఇద్దరు తెలుగు వాళ్ళకి ఈ అవార్డు రావడంతో రెండు తెలుగు రాష్ట్రాల్లోనూ ఆనందం నెలకొంది.

చిరంజీవి కైతే నిన్న ఉదయం నుంచి అభిమానుల శుభాకాంక్షలు వెల్లువెత్తింది. సినీ ప్రముఖులు రాజకీయ ప్రముఖులు అందరు చిరంజీవిని స్వయంగా వెళ్లి కలిసి శుభాకాంక్షలు తెలియజేశారు. ఒక తెలుగువాడిగా చిరంజీవికి ఈ అవార్డు రావడం గర్వ కారణమని పలువురు అభిప్రాయం వ్యక్తం చేశారు.

‘పద్మవిభూషణ్’ దక్కిన తర్వాత చిరంజీవి ఇలా స్పందించారు.. ‘‘నా తల్లి కడుపున పుట్టకపోయినా మీ సొంత మనిషిలా.. మీ అన్నయ్యలా, మీ బిడ్డలా భావించే కోట్లాదిమంది ప్రజల ఆశీస్సులు, సినీ కుటుంబం అండదండల వల్లే నేను ఈరోజు ఈ స్థితిలో ఉన్నాను.. నాపై చూపిస్తున్న ప్రేమ, ఆప్యాయతలకు ఏమిచ్చినా రుణం తీర్చుకోలేను.. ప్రతిష్టాత్మకమైన అవార్డు ‘పద్మవిభూషణ్’కు తనను ఎంపిక చేసిన భారత ప్రభుత్వానికి, ప్రధాని నరేంద్ర మోడీకి కృతజ్ఞతలు.’’అని తన ఆనందాన్ని పంచుకున్నారు. ఆ వీడియో చూసేయండి.

Jai Chiranjeeva #PadmaVibhushanChiranjeevipic.twitter.com/CsApl7uXL5

— Megastar Chiranjeevi (@ChiruFanClub) January 25, 2024

మీనాక్షి చౌదరి ఇచ్చట వాహనాలు నిలపరాదు అనే మూవీ తోటి తెలుగులోకి ఎంట్రీ ఇచ్చింది. మూవీ సరిగ్గా ఆడకపోయినా కూడా అమ్మడికి మంచి గుర్తింపు తీసుకువచ్చింది. తర్వాత రవితేజ సరసన ఖిలాడి మూవీలో నటించింది.ఈ మూవీ ఫ్లాప్ అయినా కూడా మీనాక్షి అందాలకు అభిమానులు ముగ్ధులు అయ్యారు. తర్వాత అడివి శేష్ తోన్నటించిన హిట్ 2 సినిమా మంచి విజయాన్ని అందుకుంది. అయితే మీనాక్షికి తెలుగులో వరుస పెట్టి ఆఫర్లు రావడం మొదలైంది.

సూపర్ స్టార్ మహేష్ బాబు హీరోగా త్రివిక్రమ్ దర్శకత్వంలో తెరకెక్కిన చిత్రం గుంటూరు కారం. ఈ మూవీ మొదలైన దగ్గర నుండి షూటింగ్ చాలా సార్లు వాయిదా పడడం, మూవీ నుండి హీరోయిన్ తప్పుకోవడం వంటివి జరిగిన తరువాత శరవేగంగా షూటింగ్ పూర్తి చేసుకుని, సంక్రాంతికి రిలీజ్ అయ్యింది. ఈ సినిమాలో మీనాక్షి సెకండ్ హీరోయిన్ గా నటించారు.

అయితే రీసెంట్ గా విడుదలైన గుంటూరు కారంలో త్రివిక్రమ్ మార్క్ కనిపించట్లేదు అని సినిమా చూసిన ప్రతి ఒక్కరూ అంటున్నారు. ఈ గుంటూరు కారం సినిమాలోనే తీసుకుంటే రాజీ అనే మరదలు క్యారెక్టర్ లో మీనాక్షి చౌదరిని తీసుకున్నారు. కానీ తిప్పి కొడితే మూడు సీన్లు కూడా తనతో తీయించలేదు. అసలు సినిమాలో మీనాక్షి ఎందుకు ఉందో కూడా తెలీదు. కేవలం మహేష్ బాబు కి భుజం పట్టడం, ఆమ్లెట్లు వేయడానికి తప్ప ఆ క్యారెక్టర్ కి ఏ ఉపయోగమూ లేదు.

ఇది ఇలా ఉండగా… గూంటూరు కారం సినిమాకు సంబంధించి పలు ఆసక్తికర విషయాలను పంచుకున్నారు మీనాక్షి చౌదరి. “సూపర్‌స్టార్ మహేశ్‌బాబుతో నటించే అవకాశం వచ్చిందని తెలియగానే నా ఆనందానికి అవధులు లేకుండా పోయాయి. మొదటిరోజు మొదటి షాట్ కూడా ఆయనతోనే.. నేను చాలా టెన్షన్ పడ్డాను. నా భయాన్ని గమనించి.. టెన్షన్ పడొద్దనీ, కావాలంటే ఇంకొంత టైమ్ తీసుకోమని మహేశ్ ధైర్యం చెప్పారు. అయితే తన కోసం తాను కొన్ని నియమాలు పెట్టుకున్నానని, అందులో ముఖ్యమైంది తన ‘కంఫర్ట్’ అని చెప్పుకొచ్చింది. భాష ఏదైనా కానీ మంచి సినిమాలు చేయాలని నా కోరిక.. అందుకోసమే ఆచితూచి సినిమాలు ఎంచుకుంటున్నా.. డబ్బు కంటే ముఖ్యంగా నేను చేసే పనికి ప్రశంసలతో పాటు గౌరవం దక్కాలని కోరుకుంటున్నా. స్క్రిప్ట్ ఏమాత్రం అసౌకర్యంగా అనిపించినా కానీ ముందే చెప్పేస్తానని, ఈకారణంగా నేను పెద్ద పెద్ద ప్రాజెక్టులను కూడా వదిలేసుకున్నాని తెలిపింది. తెరపై ముద్దులకు సంబంధించి కూడా కొన్ని నియమాలు పాటిస్తానని, స్క్రిప్ట్ డిమాండ్‌ను బట్టి అసభ్యకరంగా లేకుంటే వాటిని చేయడానికి నేనూ సిద్ధమే” అని చెప్పుకొచ్చారు మీనాక్షి.

మెగాస్టార్ చిరంజీవికి తాజాగా పద్మ విభూషణ్ అవార్డు వచ్చిన సంగతి తెలిసిందే. ఈ సందర్భంగా ఆయన తెలుగు సినిమా ఇండస్ట్రీ ప్రముఖులందరూ శుభాకాంక్షలు తెలియజేశారు. ప్రస్తుతం చిరంజీవి 156వ సినిమా విశ్వంభరలో నటిస్తున్న సంగతి తెలిసిందే. ఈ సినిమాకు బింబిసారా సినిమాను డైరెక్టర్ చేసిన వశిష్ట దర్శకత్వం వహిస్తున్నాడు. యు వి క్రియేషన్స్ బ్యానర్ పైన ఈ సినిమాని అత్యంత ప్రతిష్ట ఆత్మకంగా నిర్మిస్తున్నారు.

ఎక్కువ శాతం విఎఫ్ఎక్స్ కోసం 300 కోట్ల బడ్జెట్ ను కేటాయించారని సినీ వర్గాల్లో వినిపిస్తుంది. ఇప్పటికే ఈ సినిమా ఒక షెడ్యూల్ పూర్తి చేసుకుంది. అయితే తాజా షెడ్యూల్ ఫిబ్రవరి నుంచి ప్రారంభమవుతుంది ఈ షెడ్యూల్లో మెగాస్టార్ చిరంజీవి జాయిన్ అవుతారు. ఈ సినిమా కోసం భారీ ఎత్తున సెట్లు కూడా నిర్మించారని అంటున్నారు. అయితే ఇప్పుడు ఈ సినిమా ఓవర్సీస్ రైట్స్ షాకింగ్ రేట్ కి అమ్మడం ఇండస్ట్రీ వర్గాలు చెబుతున్నాయి. విశ్వంభర సినిమాను ప్రముఖ ఓవర్సీస్ డిస్ట్రిబ్యూషన్ సంస్థ సరిగమ సినిమాస్ 18 కోట్లకు కొనుగోలు చేసిందని అంటున్నారు.

ఇది మామూలు సినిమాలు తో పోలిస్తే అత్యధిక ఎమౌంట్. ఆస్కార్ విన్నింగ్  మ్యూజిక్ డైరెక్టర్ కీరవాణి సంగీతం అందిస్తుండగా ఇప్పటికే మ్యూజిక్ సిట్టింగ్స్ ప్రారంభమయ్యాయి.త్వరలో విశ్వంభర మూవీలో నటించే నటీనటుల వివరాలతో పాటు ఇతర కీలక నటుల వివరాలు తెలిసే అవకాశం ఉంటుంది. ఈ సినిమా కోసం చిరంజీవికి భారీ రెమ్యూనరేషన్ కూడా ముట్ట చెబుతున్నారట. ఈ సినిమాలో చిరంజీవి సరసన త్రిష నటిస్తుందని వార్తలు వినిపిస్తున్నాయి. 2025 సంక్రాంతి కానుకగా ఈ సినిమాను విడుదల చేయనున్నారు.