Mohana Priya

చాలా మంది ఆడవాళ్లకి తల్లి అవ్వడం అనేది ఒక అద్భుతమైన అనుభూతిని ఇస్తుంది. చాలామంది ఆడవాళ్ళు కూడా తమ జీవితంలో ఏదైనా గుర్తుండిపోయే క్షణాలు ఏవి అంటే వాటిలో తల్లి అవ్వడం అని ఖచ్చితంగా చెప్తారు. హీరోయిన్లు కూడా ఈ విషయంలో మినహాయింపు ఏమీ కాదు.

చాలా మంది హీరోయిన్లు కూడా పిల్లల్ని కన్నారు. కొంత మంది సహజంగా పిల్లల్ని కన్నారు. కానీ వీరిలో కొంత మంది హీరోయిన్లు మాత్రం సరోగసీ పద్ధతి ద్వారా పిల్లల్ని కన్నారు. అలా సరోగసీ ద్వారా పిల్లల్ని కన్న నటులు ఎవరో ఇప్పుడు చూద్దాం.

#1 లక్ష్మీ మంచు

లక్ష్మీ మంచు సరోగసీ పద్ధతి ద్వారా ఒక పాపకు జన్మనిచ్చారు.

#2 ప్రీతి జింటా

ప్రీతి జింటా కూడా సోషల్ మీడియా ద్వారా సరోగసీ ద్వారా వారికి పిల్లలు కలిగినట్టు ప్రకటించారు.

#3 అమీర్ ఖాన్

అమీర్ ఖాన్, కిరణ్ రావు దంపతులు కూడా సరోగసీ పద్ధతిని ఆశ్రయించారు.

#4 ప్రియాంక చోప్రా

ప్రియాంక చోప్రా కూడా సరోగసీ ద్వారా వారికి ఒక పాప పుట్టినట్టు చెప్పారు.

#5 షారుక్ ఖాన్

షారుక్ ఖాన్, గౌరీ దంపతులు కూడా వారి మూడవ సంతానం కోసం సరోగసీ పద్ధతిని ఆశ్రయించారు.

#6 శిల్పా శెట్టి

శిల్పా శెట్టి దంపతులు కూడా సరోగసీ ద్వారా వారికి ఒక పాప పుట్టినట్టు ప్రకటించారు.

#7 సన్నీ లియోన్

సన్నీలియోన్ దంపతులు కూడా సరోగసీ ద్వారా బిడ్డకు జన్మనిచ్చారు.

#8 ఏక్తాకపూర్

బాలీవుడ్ టాప్ ప్రొడ్యూసర్ ఏక్తా కపూర్ కూడా సరోగసీ పద్ధతిని ఆశ్రయించారు.

#9 కరణ్ జోహార్

బాలీవుడ్ డైరెక్టర్, ప్రొడ్యూసర్ కరణ్ జోహార్ కూడా సరోగసీ పద్ధతిని ఎంచుకున్నారు.

#10 నయనతార

నయనతార దంపతులు ఇవాళ కవల పిల్లలకి జన్మనిచ్చినట్టు ప్రకటించారు. వారు కూడా సరోగసీ ఈ పద్ధతి ద్వారా తల్లిదండ్రులు అయినట్టు సమాచారం.

#11 తుషార్ కపూర్

ప్రముఖ నటుడు తుషార్ కపూర్ అప్పుడు కూడా సరోగసి పద్ధతితో ఒక బాబుకి సింగిల్ పేరెంట్ గా ఉన్నారు.

వీరే కాకుండా ఇంకా చాలా మంది నటులు సరోగసీ పద్ధతి ద్వారా తల్లిదండ్రులు అయ్యారు.

కాలం ఎప్పుడు ఎలా మారుతుందో తెలీదు. నిన్నటి వరకు మనతో ఉన్న వ్యక్తి భవిష్యత్తు లో మనతోనే ఉంటారో లేదో చెప్పలేం. సినిమా సెలబ్రిటీలు మనకి వ్యక్తిగతంగా పరిచయం ఉండరు.

అయినా సరే వాళ్లు ఈ ప్రపంచాన్ని విడిచి వెళ్ళిపోయినప్పుడు ఎవరో మన సొంత వాళ్ళు మనకి దూరం అయినట్టు అనిపిస్తుంది.

ఎంతో మంది సినీ తారలు ఆరోగ్యం బాగా లేకపోవడం వలన, లేదా చెడు అలవాట్ల వలన లేదా ప్రమాదాల వల్ల ఈ లోకాన్ని విడిచి వెళ్లిపోయారు. వాళ్ళలో కొంతమంది యుక్తవయసులోనే తుది శ్వాస విడిచారు. అలా చిన్న వయసులో చనిపోయిన నటులలో కొంతమంది వీళ్లు.

#1 సావిత్రి (1936 – 1981) – 45 సంవత్సరాలు

కొన్ని అలవాట్ల కారణంగా సావిత్రి గారికి ఆరోగ్యం దెబ్బతింది. అనారోగ్యంతో ఆస్పత్రిలో చేరిన సావిత్రి గారు కోమాలోకి వెళ్లిపోయారు. కోమాలో ఏడాదిపాటు ఉన్న సావిత్రి గారు ఒకరోజు ఈ లోకాన్ని విడిచి పెట్టి వెళ్ళిపోయారు.

#2 కునాల్ (1977–2008) – 30 సంవత్సరాలు

కునాల్ ప్రేమికుల రోజు సినిమా తో అందరికీ చేరువయ్యారు. తర్వాత కొన్ని సినిమాలు చేశారు కానీ అవి ఆశించిన ఫలితాన్ని ఇవ్వలేదు. ఆర్థిక ఇబ్బందులు, వ్యక్తిగత జీవితంలో కూడా కొన్ని సమస్యలు రావడంతో ఆత్మహత్య చేసుకొని చనిపోయారు.

#3 భార్గవి (1983–2008) – 25 సంవత్సరాలు

అష్టా చెమ్మా సినిమాలో నానికి చెల్లెలిగా నటించారు భార్గవి. వాళ్ల ప్రేమను ఇంట్లో ఒప్పుకోలేదు అని భార్గవి తన బాయ్ ఫ్రెండ్ కలిసి ఆత్మహత్య చేసుకుని చనిపోదామని అనుకున్నారు. అలా ఆత్మహత్య చేసుకుని చనిపోయారు భార్గవి.

#4 విజయ్ సాయి – 38 సంవత్సరాలు

అమ్మాయిలు అబ్బాయిలు ఇంకా ఎన్నో సినిమాల్లో నటించిన విజయ్ సాయి సమస్యల కారణంగా ఒకరోజు తన ఇంట్లో ఆత్మహత్య చేసుకున్నారు.

#5 యశో సాగర్ – 

ఉల్లాసంగా ఉత్సాహంగా సినిమా తో ఇండస్ట్రీ లోకి అడుగుపెట్టిన యశోసాగర్, 2012 లో తదుపరి సినిమా షూటింగ్ కి వెళ్తుండగా కారు ప్రమాదంలో మరణించారు.

#6 సౌందర్య (1972–2004) – 31 సంవత్సరాలు

సావిత్రి తర్వాత అంత సహజంగా నటించగలరు అనే పేరు తెచ్చుకున్న నటి సౌందర్య. ఎన్నికల అప్పుడు ఒక రాజకీయ పార్టీకి తన వంతు మద్దతు గా ప్రచారం చేయడానికి వెళ్ళిన సౌందర్య హెలికాప్టర్ ప్రమాదంలో మరణించారు. సౌందర్య తో పాటు వెళ్ళిన తన అన్న కూడా చివరి శ్వాస విడిచారు.

#7 ప్రత్యూష (1981–2002) – 20 సంవత్సరాలు

శ్రీ రాములయ్య, స్నేహం అంటే ఇదేరా, కలుసుకోవాలని సినిమాల్లో నటించిన ప్రత్యూష వ్యక్తిగత సమస్యల కారణంగా ఆత్మహత్య చేసుకున్నారు. కానీ ప్రత్యూష తల్లి మాత్రం తన కూతురు ఆత్మహత్య కాదు హత్య అని అంటున్నారు. ఇందులో ఏది నిజం అనేది ఇప్పటికీ ఎవరికీ తెలీదు.

#8 ఉదయ్ కిరణ్ (1980–2014) – 33 సంవత్సరాలు

ఎటువంటి బ్యాక్ గ్రౌండ్ లేకుండా ఇండస్ట్రీలో అడుగు పెట్టి తర్వాత కష్టపడి స్టార్ గా ఎదిగిన వారిలో ఉదయ్ కిరణ్ ఒకరు. ఆర్థిక ఇబ్బందుల కారణంగా డిప్రెషన్లోకి వెళ్లిన ఉదయ్ కిరణ్ ఒకరోజు ఇంట్లో ఎవరూ లేనప్పుడు ఉరి వేసుకొని చనిపోయారు.

#9 జియాఖాన్

నిశ్శబ్ద్, గజినీ (హిందీ), హౌస్ ఫుల్ సినిమాల్లో నటించారు జియాఖాన్. ప్రేమించిన వ్యక్తి తో గొడవల కారణంగా మనస్తాపానికి గురైన జియాఖాన్ ఆత్మహత్య చేసుకున్నారు.

#10 సుశాంత్ సింగ్ రాజ్ పుత్ – 34 సంవత్సరాలు

కొద్దికాలంగా డిప్రెషన్ తో బాధపడుతున్న సుశాంత్, జూన్ 14 2020 న తన నివాసంలో ఉరివేసుకొని ఆత్మహత్య చేసుకున్నారు. సుశాంత్ ఆత్మహత్య వెనక ఎన్నో కారణాలు వినిపిస్తున్నాయి. కానీ పోలీసులు దర్యాప్తు చేస్తున్నారు కాబట్టి ఏది నిజమో తెలియడానికి సమయం పడుతుంది.

#11 దివ్యభారతి (1974–1993) – 19 సంవత్సరాలు

చిన్న వయసులోనే ఇండస్ట్రీలో అడుగు పెట్టిన దివ్యభారతి కొద్ది కాలంలోనే ఎంతో మంచి నటిగా పేరు తెచ్చుకుంది. ఒకరోజు పై అంతస్తులో ఉన్న తన నివాసంలో బాల్కనీ లో ఉన్నప్పుడు ప్రమాదవశాత్తు కాలుజారి కిందపడి చనిపోయారు. అప్పటికి దివ్యభారతి వయసు 19 సంవత్సరాలు.

#12 సిల్క్ స్మిత (1960–1996) – 35 సంవత్సరాలు

అప్పట్లో స్పెషల్ సాంగ్స్ అంటే అందులో కచ్చితంగా సిల్క్ స్మిత ఉండేవారు. ఎన్నో పాటలు లో హీరోలకు దీటుగా డాన్స్ చేసే వారు సిల్క్ స్మిత. అలాగే కొన్ని సినిమాల్లో కూడా ముఖ్య పాత్రలు పోషించారు. మేకప్ ఆర్టిస్ట్ గా తన కెరీర్ మొదలుపెట్టి తర్వాత ఇండస్ట్రీలో ఎప్పటికీ గుర్తుండిపోయే అంత పేరు సంపాదించారు. వ్యక్తిగత సమస్యల కారణంగా ఉరి వేసుకుని చనిపోయారు. కానీ ఆమె చనిపోవడానికి ఎన్నో రకాల కారణాలు వినిపించాయి. అసలు ఆమె ఆత్మహత్యకు గల కారణం ఏంటో ఇప్పటికీ మిస్టరీగానే ఉండిపోయింది.

#13 ఆర్తి అగర్వాల్ (1984–2015) – 31 సంవత్సరాలు

ఎన్నో సంవత్సరాల పాటు ఇండస్ట్రీలో టాప్ హీరోయిన్ల జాబితాలో ఉన్నారు ఆర్తీఅగర్వాల్. మధ్యలో పెళ్లి చేసుకుని సినిమాలకు దూరంగా ఉన్నారు. తర్వాత కొంతకాలానికి సెకండ్ ఇన్నింగ్స్ కూడా మొదలు పెట్టారు. లైపోసెక్షన్ ఆపరేషన్ జరిగినప్పుడు అనారోగ్య సమస్యల కారణంగా మరణించారు.

వీళ్లే కాకుండా సుత్తి వీరభద్ర రావు, రాజబాబు, ఫటాఫట్ జయలక్ష్మి, శ్రీహరి, రఘువరన్,ఇష్టం సినిమా లో హీరో గా నటించిన చరణ్ ఇంకా ఎంతోమంది చిన్న వయస్సులో ఉన్నప్పుడే చనిపోయారు. అందులో కొంతమంది చనిపోవడానికి గల కారణాలు అందరికీ తెలిస్తే మరి కొంతమంది చనిపోవడానికి గల కారణాలు మాత్రం మిస్టరీగా మిగిలిపోయాయి.

సాధారణంగా ఏ పరిశ్రమ అయినా సరే వారసత్వం అనేది చాలా సహజమైన విషయం. వారి కుటుంబంలో ఎవరైనా సరే ఒకచోట తమకంటూ ప్రత్యేక గుర్తింపు సంపాదించుకుంటే వారి గుర్తింపుని నిలబెట్టాలి అని వారి తర్వాత తరాల వాళ్ళు అదే ఇండస్ట్రీలో అడుగుపెట్టి కష్టపడి వారి కుటుంబ గుర్తింపును నిలబెట్టడం మాత్రమే కాకుండా వారికంటూ కూడా ఒక ప్రత్యేకమైన గుర్తింపు సంపాదించుకుంటారు.

కానీ సినిమా ఇండస్ట్రీ అనేది జనాలకి ఎక్కువగా ఆసక్తి ఉన్న విషయం కాబట్టి అందులో వారసత్వం గురించి పెద్ద ఎత్తున చర్చలు నడుస్తూ ఉంటాయి. అలా కృష్ణంరాజు గారి కుటుంబం నుండి ఎంట్రీ ఇచ్చి ఇప్పుడు పాన్ ఇండియన్ రేంజ్ స్టార్ అయిన నటుడు ప్రభాస్. మొదటి నుంచి కూడా ప్రభాస్ తన సినిమాల విషయంలో ఎంతో జాగ్రత్త పడేవారు.

ఒక సినిమాకి మరొక సినిమాకి సంబంధం లేకుండా చూసుకుంటూ, ప్రతి సినిమాకి తనని తాను మార్చుకుంటూ ఉండేవారు. మిర్చి వరకు ఒకలాగా ఉన్న ప్రభాస్, బాహుబలి కోసం చాలా కష్టపడి ఒక రాజు ఎలా అయితే ఉంటారో అలాగే ఉండేలా, అసలు బాహుబలి పాత్రలో ప్రభాస్ ని తప్ప మరొకరిని ఊహించుకోవడానికి వీలు లేకుండా ఉండే అంత బాగా నటించారు. అయితే కృష్ణంరాజు గారి కుటుంబం నుండి ప్రభాస్ మాత్రమే కాదు, తర్వాత మరొక హీరో కూడా వచ్చారు.

ఆ హీరో కూడా ప్రభాస్ అప్పటికే సినిమాల్లోకి ఎంట్రీ ఇచ్చి, ఇండస్ట్రీలో తనకంటూ ఒక గుర్తింపు సంపాదించుకున్న తర్వాతే అడుగు పెట్టారు. ఆ హీరో పేరు సిద్ధార్థ్ రాజ్‌కుమార్. సిద్ధార్థ్ ప్రభాస్ కి కజిన్ అవుతారు. అంటే ప్రభాస్ తల్లి చెల్లెలి కొడుకు. కెరటం అనే సినిమాతో సిద్ధార్థ్ ఇండస్ట్రీలోకి అడుగు పెట్టారు. ఈ సినిమాలో రకుల్ ప్రీత్ సింగ్ హీరోయిన్ గా నటించారు.

ఒకరకంగా చెప్పాలి అంటే ఇది రకుల్ ప్రీత్ సింగ్ మొదటి సినిమా. సినిమా పెద్దగా గుర్తింపు సంపాదించుకోలేదు. ఈ సినిమా తర్వాత సిద్ధార్థ్ యువన్, ఆ ఐదుగురు అనే సినిమాల్లో నటించారు. అవి కూడా ఆశించిన స్థాయిలో గుర్తింపు సంపాదించలేదు. ప్రస్తుతం సిద్ధార్థ ఎక్కడ ఉన్నారు? ఏం చేస్తున్నారు అనే సంగతి ఎవరికీ తెలియదు.