Mohana Priya

మన ఇండస్ట్రీకి చెందిన హీరోయిన్లు కొంత మంది సినిమా రంగానికి చెందిన వారిని పెళ్లి చేసుకుంటే, కొంత మంది మాత్రం సినిమా రంగానికి అస్సలు సంబంధం లేని వారిని పెళ్లి చేసుకున్నారు.

వారిలో కొంత మంది వ్యాపారవేత్తలను పెళ్లి చేసుకున్నారు. అలా వ్యాపారవేత్తలను పెళ్లి చేసుకున్న హీరోయిన్లు ఎవరో ఇప్పుడు చూద్దాం.

#1 శిల్పా శెట్టి – రాజ్ కుంద్రా

నటి శిల్పా శెట్టి వ్యాపారవేత్త అయిన రాజ్ కుంద్రా ని వివాహం చేసుకున్నారు. వారికి ఒక బాబు, ఒక పాప ఉన్నారు.

#2 సోనమ్ కపూర్ – ఆనంద్ అహుజా

బాలీవుడ్ నటి సోనమ్ కపూర్ కూడా ఆనంద్ అహుజా అనే ఒక వ్యాపార వేత్తను పెళ్లి చేసుకున్నారు.

#3 ఈషా డియోల్ – భరత్ తక్తాని

ఈషా డియోల్ కూడా వజ్రాల వ్యాపారి అయిన భరత్ తక్తాని ని పెళ్లి చేసుకున్నారు.

#4 టీనా మునిం – అనిల్ అంబానీ

నటి టీనా మునిం కూడా రిలయన్స్ చైర్మన్ అయిన అనిల్ అంబానీ ని పెళ్లి చేసుకున్నారు.

#5 ఇషా కొప్పికర్ – టిమ్మీ నారంగ్

బాలీవుడ్ సినిమాలతో పాటు తెలుగులో కూడా చంద్రలేఖ అలాగే కేశవ సినిమాల్లో నటించిన ఇషా కొప్పికర్ కూడా ముంబైలో ఎన్నో హోటల్స్ అధిపతి అయిన టిమ్మీ నారంగ్ ని ప్రేమించి పెళ్లి చేసుకున్నారు.

#6 అసిన్ – రాహుల్ శర్మ

ఎన్నో తెలుగు, తమిళ సినిమాల్లో నటించిన అసిన్ కూడా మైక్రోమాక్స్ సంస్థ సీఈవో అయిన రాహుల్ శర్మ ని ప్రేమించి పెళ్లి చేసుకున్నారు.

#7 రీమా సేన్ – శివ్ కరణ్ సింగ్

చిత్రం, మనసంతా నువ్వే తో పాటు ఇంకా ఎన్నో సినిమాల్లో నటించిన రీమా సేన్ కూడా రెస్టారెంట్స్ ఓనర్ అయిన శివ్ కరణ్ సింగ్ ని పెళ్లి చేసుకున్నారు.

#8 అయేషా టకియా – ఫర్హాన్ అజ్మీ

సూపర్ సినిమాతో తెలుగు ఇండస్ట్రీలో అడుగుపెట్టిన ఆయేషా టకియా కూడా హోటల్ రంగానికి చెందిన, అలాగే పొలిటీషియన్ అబూ అజ్మీ కొడుకు అయిన ఫర్హాన్ అజ్మీ ని పెళ్లి చేసుకున్నారు.

#9 కాజల్ అగర్వాల్ – గౌతమ్ కిచ్లు

స్టార్ హీరోయిన్ కాజల్ అగర్వాల్ కూడా 2020లో గౌతమ్ కిచ్లు ని వివాహం చేసుకున్నారు. గౌతమ్ కూడా ఒక వ్యాపారవేత్త. డిసెర్న్ లివింగ్ పేరుతో ఒక ఇంటీరియర్ డెకర్ సంస్థని నడుపుతున్నారు.

#10 హన్సిక మోత్వాని

హన్సిక కూడా సోషల్ మీడియా వేదికగా తాను వ్యాపారవేత్త అయిన సోహైల్ కతురియాని పెళ్లి చేసుకుంటున్నట్టు తెలిపారు.

#11 జూహీ చావ్లా – జై మెహతా

బాలీవుడ్ స్టార్ హీరోయిన్ జూహీ చావ్లా కూడా ఇంగ్లాండ్ కి చెందిన వ్యాపారవేత్త జై మెహతా ని పెళ్లి చేసుకున్నారు. వీరిద్దరూ కోల్కతా నైట్ రైడర్స్ జట్టులో షారుక్ ఖాన్ తో పాటు కో ఓనర్స్ గా ఉన్నారు.

తన నటనతో తెలుగు సినీ పరిశ్రమపై చెరగని ముద్ర వేసిన బోర్న్ యాక్ట్రెస్ రమ్య కృష్ణ గురించి తెలియని వాళ్ళు ఉండరు. భలే మిత్రులు సినిమా ద్వారా 1985 లో తెలుగు తెరకు పరిచయమయ్యారు రమ్య కృష్ణ.

తన కెరియర్ తొలి దశలో ఐరన్ లెగ్ లేడీగా ముద్ర పడినా…కష్టపడి తన నటన తో విమర్శకుల ప్రశంసలు అందుకుంది ఈ స్టార్ హీరోయిన్. స్టార్ డైరెక్టర్ రాఘవేంద్ర రావు గారి ” అల్లుడుగారు” సినిమాతో అప్పటి వరకు ఫెయిల్యూర్ బాటలో పయనిస్తున్న ఆమె కెరీర్ కు ఒక బూస్ట్ దొరికింది.

ఈ సినిమాతో తన నటన నిరూపించుకొని తన స్థానాన్ని సుస్థిరం చేసుకున్న రమ్య కృష్ణ తర్వాత కూడా చాలా వరకు రాఘవేంద్ర రావు గారి సినిమాలలో నటించారు. కుటుంబ ,ప్రేమ నేపథ్య చిత్రలలోనే కాకుండా దేవతా పాత్రల్లో అందరినీ అలరించారు. విల్లన్ గా, నెగటివ్ రోల్ ని కుడా రమ్య కృష్ణలాగా ఎవరు చేయలేరు. కానీ ఆమె కెరీర్ లో జరిగిన ఒక విచిత్రం గురించి చాలా మంది గమనించి ఉండరు…అది ఏమిటో తెలుసా….ఆమె ఒకే నటుడికి కూతురు,చెల్లి మరియు భార్య పాత్రలు పోషించడం. అవునండి నిజమే….ఆ నటుడు మరి ఎవరో కాదు…మంచి పవర్ ఫుల్ సపోర్ట్ పాత్రల తో పాటు మంచి విలన్ పాత్రలు కూడా పోషించిన నాజర్.

వరల్డ్ రికార్డ్ నెలకొల్పిన బాహుబలిలో శివగామి పాత్ర లో రమ్య కృష్ణ నటించగా నాజర్ బిజ్జల దేవుడుగా ఆమె భర్త పాత్ర పోషించారు. రజనీకాంత్ నరసింహలో రమ్య కృష్ణ నాజర్ చెల్లిగా నటించి విలన్ గా అందరినీ అలరించారు.
వంత రాజవతాన్ వరువేన్ అనే తమిళ సినిమాలో ఆమె నాజర్ కూతురి పాత్ర లో నటించారు. ఇది అత్తారింటికి దారేది కి తమిళ్ రీమేక్ కాగా తెలుగు లో నదియా పాత్రను తమిళంలో రమ్యకృష్ణ పోషించారు.

సాధారణం గా సినిమావాళ్ళకి అన్ని రకాల సౌకర్యాలు ఉంటాయి కాబట్టి చాలా ఆరోగ్యంగా ఉంటారు అని అనుకుంటాం. కానీ వాళ్ళు కూడా మనుషులే అని వాళ్లకి కూడా ఎన్నో సమస్యలు ఉంటాయన్న విషయాన్ని మర్చిపోతాం. మన సెలబ్రిటీలు ఎంతోమంది ఎన్నో రకాల ఆరోగ్య సమస్యలను ఎదుర్కొన్నారు.

వాటిల్లో కొన్ని ఆరోగ్య సమస్యల పేర్లు మనం విని కూడా ఉండము. అంత అరుదుగా వచ్చే ఆరోగ్య సమస్యలు అవి. ఆరోగ్యపరమైన ఇబ్బందులు ఎదుర్కొన్న సెలబ్రిటీలలో కొంతమంది వీరే.

#1 అమితాబ్ బచ్చన్ – మయాస్థేనియా గ్రేవీస్

బాలీవుడ్ సూపర్ స్టార్ అమితాబ్ బచ్చన్ మయాస్థేనియా గ్రేవీస్ అనే వ్యాధి తో పోరాడారు. ఈ వ్యాధి వల్ల ఎముకలు బలహీనంగా అయిపోయి చూడడానికి, నడవడానికి, మాట్లాడడానికి కూడా ఇబ్బంది పడతారు.

#2 ఇలియానా -బాడీ డిస్మోర్ఫిక్ డిసార్డర్

ఇలియానా బాడీ డిస్మోర్ఫిక్ డిసార్డర్ అని వ్యాధితో చాలాకాలం బాధపడ్డారు. ఈ వ్యాధి వల్ల తమపై తమ కి నమ్మకం పోయి, ఏమి సాధించలేము ఏమో అనే భయంతో, చూడడానికి ఎలా ఉంటాము అని ఇన్ సెక్యూరిటీ వంటివి వస్తాయట. ఒక్కొక్కసారి ఆత్మహత్య ఆలోచనలు కూడా వస్తాయట.

#3 పరిణీతి చోప్రా – డిప్రెషన్

పరిణితి చోప్రా కూడా తన వ్యక్తిగత సమస్యల వల్ల చాలా కాలం డిప్రెషన్ తో బాధ పడ్డారు అని ఒక ఇంటర్వ్యూలో చెప్పారు.

#4 రజినీకాంత్ – బ్రోన్చైటిస్

శ్వాస పరమైన ఇబ్బందుల వల్ల ఊపిరితిత్తులు ఎఫెక్ట్ అయ్యే ఈ వ్యాధితో తమిళ్ సూపర్ స్టార్ రజినీకాంత్ కొంతకాలం బాధపడ్డారు.

#5 నయనతార – చర్మ సమస్యలు

నయనతార మేకప్ వాడడం వల్ల వచ్చే చర్మ సంబంధిత సమస్యలు ఎదుర్కున్నారు.

#6 సోనమ్ కపూర్ – డయాబెటిస్

ఫ్యాషన్ ఐకాన్ సోనమ్ కపూర్ కి 17 ఏళ్ల వయసున్నప్పుడు డయాబెటిస్ ఉన్నట్టు తెలిసింది. అంతేకాకుండా  సినిమాల్లోకి రాకముందు సోనమ్ కి ఇన్ఫీరియారిటీ కాంప్లెక్స్ ఉండేది.

#7 సమంత – చర్మ సంబంధిత సమస్యలు

2013లో సమంత చర్మానికి సంబంధించిన అలర్జీ తో బాధపడ్డారు. కొంత కాలానికి కోలుకున్నారు. అంతేకాకుండా సమంతకి డయాబెటిస్ కూడా ఉంది అని వార్తలు వచ్చాయి. సమంత తాను మైయోసైటిస్ తో బాధపడుతున్నట్టు సోషల్ మీడియా ద్వారా చెప్పారు.

# 8 దీపికా పదుకోన్ – డిప్రెషన్

అసలు డిప్రెషన్ గురించి సెలబ్రిటీలలో ఎక్కువగా మాట్లాడిన వ్యక్తి దీపిక. మామూలుగా స్టార్స్ తమ సమస్యలను బయట చెప్పుకోవడానికి ఇష్టపడరు. వాళ్ళు బలహీనులు అని జనాలు అనుకుంటారేమో అన్న భయం ఉంటుంది. అలాంటి సమయంలో దీపిక తనకి మానసిక బలం చాలా తక్కువ అని, జీవితంలో ఏదో కోల్పోయినట్టు ఉండేది అని చెప్పింది.

#9 సోనాలి బింద్రే – మెటాస్టాటిక్ క్యాన్సర్

శరీరంలో ఒక భాగం నుండి మరో భాగానికి పాకే ఈ మెటాస్టాటిక్ క్యాన్సర్ తో పోరాడి గెలిచారు సోనాలి బింద్రే.

#10 అనుష్క శర్మ – ఆంగ్జైటీ 

అనుష్క శర్మ చాలాకాలం ఆంగ్జైటీ తో బాధపడ్డారని సోషల్ మీడియాలో తెలిపారు. అంతే కాకుండా దీని గురించి ప్రజలలో ఇంకా అవగాహన తీసుకురావాలని ప్రయత్నిస్తున్నానని చెప్పారు.

#11 వరుణ్ ధావన్ – డిప్రెషన్

బద్లాపూర్ సినిమా సమయంలో క్యారెక్టర్ కోసం ఎక్కువ ఇన్వాల్వ్ అవడంతో (మెథడ్ యాక్టింగ్)  డిప్రెషన్ లోకి వెళ్ళాడు వరుణ్ ధావన్. తర్వాత డాక్టర్ల సహాయంతో కోలుకున్నాడు.

#12 సల్మాన్ ఖాన్ – ట్రైజెమినల్ న్యూరాల్జియా 

ముఖం నుండి మెదడు కి కనెక్ట్ అయిన ఒక నరం ఎఫెక్ట్ అయ్యి నములుతున్నప్పుడు, మాట్లాడుతున్నప్పుడు, బ్రష్ చేసుకుంటున్నప్పుడు ముఖం అంతా నొప్పిగా అనిపించే ఈ వ్యాధితో సల్మాన్ ఖాన్ బాధపడ్డారు.

#13 మనీషా కొయిరాలా – క్యాన్సర్

2012లో క్యాన్సర్ తో పోరాడి గెలిచారు మనీషా కొయిరాలా.

#14 షారుక్ ఖాన్ – డిప్రెషన్

2010లో ఒక ఇంటర్వ్యూలో ఒక గాయం కారణంగా తను బాధతో డిప్రెషన్ లోకి వెళ్లి పోయాను అని, సర్జరీ తర్వాత తన గాయం నుండి కుటుంబం సహాయంతో డిప్రెషన్ నుండి కోలుకున్నాను చెప్పారు.

#15 కమల్ హాసన్ – టైప్ వన్ డయాబెటిస్

శరీరంలో గ్లూకోస్ మోతాదు తగ్గి ఇమ్యూన్ సిస్టం సరిగా ఉండకపోవడం, ఎక్కువ ఆకలి వేయడం, ఏదీ స్పష్టంగా కనిపించకపోవడం ఈ డయాబెటిస్ యొక్క లక్షణాలు. కమల్ హాసన్ టైప్ 1 డయాబెటిస్ తో బాధపడుతున్నారు. ఈ టైప్ 1 డయాబెటిస్ పూర్తిగా తగ్గడం అనేది ఉండదు. గ్లూకోజ్ మోతాదు తగ్గిన ప్రతి సారి ఇన్సులిన్ సహాయంతో మళ్లీ మామూలు స్థితికి వస్తారు.

source: wirally

కాలం ఎప్పుడు ఎలా మారుతుందో తెలీదు. నిన్నటి వరకు మనతో ఉన్న వ్యక్తి భవిష్యత్తులో మనతోనే ఉంటారో లేదో చెప్పలేం. సినిమా సెలబ్రిటీలు మనకి వ్యక్తిగతంగా పరిచయం ఉండరు.

అయినా సరే వాళ్లు ఈ ప్రపంచాన్ని విడిచి వెళ్ళిపోయినప్పుడు ఎవరో మన సొంత వాళ్ళు మనకి దూరం అయినట్టు అనిపిస్తుంది.

ఎంతో మంది సినీ తారలు ఆరోగ్యం బాగా లేకపోవడం వలన, లేదా చెడు అలవాట్ల వలన, లేదా ప్రమాదాల వల్ల ఈ లోకాన్ని విడిచి వెళ్లిపోయారు. వాళ్ళలో కొంతమంది యుక్తవయసులోనే తుది శ్వాస విడిచారు. అలా చిన్న వయసులో చనిపోయిన నటులలో కొంతమంది వీళ్లు.

#1 సావిత్రి (1936 – 1981) – 45 సంవత్సరాలు

కొన్ని అలవాట్ల కారణంగా సావిత్రి గారికి ఆరోగ్యం దెబ్బతింది. అనారోగ్యంతో ఆస్పత్రిలో చేరిన సావిత్రి గారు కోమాలోకి వెళ్లిపోయారు. కోమాలో ఏడాదిపాటు ఉన్న సావిత్రి గారు ఒకరోజు ఈ లోకాన్ని విడిచి పెట్టి వెళ్ళిపోయారు.

#2 కునాల్ (1977–2008) – 30 సంవత్సరాలు

కునాల్ ప్రేమికుల రోజు సినిమాతో అందరికీ చేరువయ్యారు. తర్వాత కొన్ని సినిమాలు చేశారు. కానీ అవి ఆశించిన ఫలితాన్ని ఇవ్వలేదు. ఆర్థిక ఇబ్బందులు, వ్యక్తిగత జీవితంలో కూడా కొన్ని సమస్యలు రావడంతో చనిపోయారు.

#3 భార్గవి (1983–2008) – 25 సంవత్సరాలు

అష్టా చెమ్మా సినిమాలో నానికి చెల్లెలిగా నటించారు భార్గవి. వాళ్ల ప్రేమను ఇంట్లో ఒప్పుకోలేదు అని భార్గవి తన బాయ్ ఫ్రెండ్ తో చనిపోదామని అనుకున్నారు. అలా చనిపోయారు భార్గవి.

#4 విజయ్ సాయి – 38 సంవత్సరాలు

అమ్మాయిలు అబ్బాయిలు, ఇంకా ఎన్నో సినిమాల్లో నటించిన విజయ్ సాయి, సమస్యల కారణంగా ఒకరోజు తన ఇంట్లో చనిపోయారు.

#5 యశో సాగర్

ఉల్లాసంగా ఉత్సాహంగా సినిమాతో ఇండస్ట్రీ లోకి అడుగుపెట్టిన యశో సాగర్, 2012 లో తదుపరి సినిమా షూటింగ్ కి వెళ్తుండగా కారు ప్రమాదంలో మరణించారు.

#6 సౌందర్య (1972–2004) – 31 సంవత్సరాలు

సావిత్రి తర్వాత అంత సహజంగా నటించగలరు అనే పేరు తెచ్చుకున్న నటి సౌందర్య. ఎన్నికల అప్పుడు ఒక రాజకీయ పార్టీకి తన వంతు మద్దతుగా ప్రచారం చేయడానికి వెళ్ళిన సౌందర్య హెలికాప్టర్ ప్రమాదంలో మరణించారు. సౌందర్యతో పాటు వెళ్ళిన తన అన్న కూడా చివరి శ్వాస విడిచారు.

#7 ప్రత్యూష (1981–2002) – 20 సంవత్సరాలు

శ్రీ రాములయ్య, స్నేహం అంటే ఇదేరా, కలుసుకోవాలని సినిమాల్లో నటించిన ప్రత్యూష వ్యక్తిగత సమస్యల కారణంగా చనిపోయారు. కానీ ప్రత్యూష తల్లి మాత్రం తన కూతురు చనిపోలేదు ఎవరో కారణం ఉన్నారు అని అంటున్నారు. ఇందులో ఏది నిజం అనేది ఇప్పటికీ ఎవరికీ తెలీదు.

#8 ఉదయ్ కిరణ్ (1980–2014) – 33 సంవత్సరాలు

ఎటువంటి బ్యాక్ గ్రౌండ్ లేకుండా ఇండస్ట్రీలో అడుగు పెట్టి తర్వాత కష్టపడి స్టార్ గా ఎదిగిన వారిలో ఉదయ్ కిరణ్ ఒకరు. ఆర్థిక ఇబ్బందుల కారణంగా డిప్రెషన్లోకి వెళ్లిన ఉదయ్ కిరణ్ ఒకరోజు ఇంట్లో ఎవరూ లేనప్పుడు చనిపోయారు.

#9 జియాఖాన్

నిశ్శబ్ద్, గజినీ (హిందీ), హౌస్ ఫుల్ సినిమాల్లో నటించారు జియాఖాన్. ప్రేమించిన వ్యక్తి తో గొడవల కారణంగా మనస్తాపానికి గురైన జియాఖాన్ చనిపోయారు.

#10 సుశాంత్ సింగ్ రాజ్ పుత్ – 34 సంవత్సరాలు

కొద్దికాలంగా డిప్రెషన్ తో బాధపడుతున్న సుశాంత్, జూన్ 14 2020 న తన నివాసంలో చనిపోయారు.

#11 దివ్యభారతి (1974–1993) – 19 సంవత్సరాలు

చిన్న వయసులోనే ఇండస్ట్రీలో అడుగు పెట్టిన దివ్యభారతి కొద్ది కాలంలోనే ఎంతో మంచి నటిగా పేరు తెచ్చుకుంది. ఒకరోజు పై అంతస్తులో ఉన్న తన నివాసంలో బాల్కనీ లో ఉన్నప్పుడు ప్రమాదవశాత్తు కాలుజారి కిందపడి చనిపోయారు. అప్పటికి దివ్యభారతి వయసు 19 సంవత్సరాలు.

#12 సిల్క్ స్మిత (1960–1996) – 35 సంవత్సరాలు

అప్పట్లో స్పెషల్ సాంగ్స్ అంటే అందులో కచ్చితంగా సిల్క్ స్మిత ఉండేవారు. ఎన్నో పాటలు లో హీరోలకు దీటుగా డాన్స్ చేసే వారు సిల్క్ స్మిత. అలాగే కొన్ని సినిమాల్లో కూడా ముఖ్య పాత్రలు పోషించారు. మేకప్ ఆర్టిస్ట్ గా తన కెరీర్ మొదలుపెట్టి తర్వాత ఇండస్ట్రీలో ఎప్పటికీ గుర్తుండిపోయే అంత పేరు సంపాదించారు. వ్యక్తిగత సమస్యల కారణంగాచనిపోయారు. కానీ ఆమె చనిపోవడానికి ఎన్నో రకాల కారణాలు వినిపించాయి. అసలు ఆమె చనిపోవడానికి గల కారణం ఏంటో ఇప్పటికీ మిస్టరీగానే ఉండిపోయింది.

#13 పునీత్ రాజ్‌కుమార్ (1975-2021) – 46 సంవత్సరాలు

కన్నడ స్టార్ నటుడు పునీత్ రాజ్‌కుమార్ గుండెపోటు కారణంగా మరణించారు. జిమ్ లో వ్యాయామం చేస్తున్నప్పుడు పునీత్ ఒక్కసారిగా కిందపడిపోయారు. ఆస్పత్రికి వెళ్లే సరికి పునీత్ పరిస్థితి చాలా విషమంగా ఉంది అని డాక్టర్లు చెప్పారు. చికిత్స అందించిన కొంతసేపటి తర్వాత పునీత్ తుది శ్వాస విడిచారు.

#14 ఆర్తి అగర్వాల్ (1984–2015) – 31 సంవత్సరాలు

ఎన్నో సంవత్సరాల పాటు ఇండస్ట్రీలో టాప్ హీరోయిన్ల జాబితాలో ఉన్నారు ఆర్తీఅగర్వాల్. మధ్యలో పెళ్లి చేసుకుని సినిమాలకు దూరంగా ఉన్నారు. తర్వాత కొంతకాలానికి సెకండ్ ఇన్నింగ్స్ కూడా మొదలు పెట్టారు. లైపోసెక్షన్ ఆపరేషన్ జరిగినప్పుడు అనారోగ్య సమస్యల కారణంగా మరణించారు.

వీళ్లే కాకుండా సుత్తి వీరభద్ర రావు, రాజబాబు, ఫటాఫట్ జయలక్ష్మి, శ్రీహరి, రఘువరన్,ఇష్టం సినిమాలో హీరోగా నటించిన చరణ్ ఇంకా ఎంతోమంది చిన్న వయస్సులో ఉన్నప్పుడే చనిపోయారు. అందులో కొంతమంది చనిపోవడానికి గల కారణాలు అందరికీ తెలిస్తే, మరి కొంతమంది చనిపోవడానికి గల కారణాలు మాత్రం మిస్టరీగా మిగిలిపోయాయి.

మంచు విష్ణు హీరోగా నటించిన జిన్నా సినిమా ఇటీవల విడుదల అయ్యింది. గత సంవత్సరం మోసగాళ్లు సినిమాతో ప్రేక్షకుల ముందుకు వచ్చారు మంచు విష్ణు. ఆ సినిమా ఒక డిఫరెంట్ సబ్జెక్ట్ తో రూపొందింది. ఇప్పుడు ఈ సినిమా కూడా అలాగే డిఫరెంట్ గా ఉంది. చాలా రోజుల తర్వాత విష్ణు ఒక కామెడీ సినిమాలో నటించారు. అలాగే ఇందులో కొన్ని హారర్ అంశాలు కూడా ఉన్నాయి. కథ పెద్ద కొత్తగా ఏమీ లేకపోయినా కూడా ప్రేక్షకులకి డిఫరెంట్ గా చూపించడానికి ప్రయత్నించారు.

ఇంక పర్ఫార్మెన్స్ విషయానికి వస్తే నటీ నటులు అందరూ కూడా తమ పాత్రల పరిధి మేరకు చేశారు. మంచు విష్ణు ఈ సినిమాలో చిత్తూరు యాస మాట్లాడారు. మంచు విష్ణు కూడా తన పాత్రకి తగ్గట్టుగా నటించారు. సంగీతం కూడా సినిమా కి తగ్గట్టుగా ఉంది. అయితే సినిమాలో కొన్ని ప్లస్ పాయింట్స్ ఉన్నా కూడా కొన్ని విషయాలపై కామెంట్స్ వస్తున్నాయి. సినిమా నెగిటివ్ టాక్ కి కారణం అయిన ఆ విషయాలు ఏవో ఇప్పుడు చూద్దాం.

#1 సినిమాలో ఎంచుకున్న పాయింట్ బాగుంది. హారర్ కామెడీగా ఈ సినిమాని రూపొందించారు. కామెడీ అక్కడక్కడ బాగుందిలే కానీ, హారర్ మాత్రం పెద్దగా వర్కౌట్ అవ్వలేదు అని చెప్పాలి. సన్నీ లియోన్ తో హారర్ సీన్స్ తెరపై చూపించే ప్రయత్నం చేశారు. కానీ అవి ప్రేక్షకులకి అంత ఆసక్తిగా అనిపించలేదు.

#2 సినిమాలో నటీనటులు మన నేటివిటీకి ఎంత తగ్గట్టు ఉంటే సినిమా కూడా అంత బాగా ప్రేక్షకులకు కనెక్ట్ అవుతుంది. ఇందులో సన్నీ లియోన్ నటన పరంగా బాగానే ఉన్నా కూడా డబ్బింగ్ విషయంలో మాత్రం కొంచెం జాగ్రత్త వహించి ఉంటే బాగుండేది అనిపిస్తుంది. ఆమె తెరపై చెప్పే డైలాగ్స్ ఒకటి ఉంటే, మనకి వచ్చే వాయిస్ ఒకటి ఉంటుంది. దాంతో రెండు సింక్ అయినట్టు అనిపించవు.

#3 సినిమాలో ఫస్ట్ హాఫ్ లో మొదట్లో వచ్చే పిల్లల పార్ట్ బాగుంది. కానీ దాన్ని ఇంకొంచెం డెవలప్ చేసి ఉంటే బాగుండేది అని అనిపిస్తుంది. అలాగే సెకండ్ హాఫ్ లో కూడా చాలా వరకు సీన్స్ ఏదో హడావిడిలో వెళ్లిపోయినట్లు అనిపిస్తాయి.

#4 సినిమాలో పాత్రలు రూపొందించిన విధానం కూడా ఇంకా కొంచెం జాగ్రత్త తీసుకుంటే బాగుండేది అని కామెంట్స్ చేస్తున్నారు. ఎందుకంటే హీరో పాత్ర మొదట్లో సన్నీలియోన్ కి చెందిన ఆస్తి తీసుకుందామని అనుకుంటాడు. కానీ తర్వాత డబ్బు కోసం అన్యాయమైన పనులు చేయను అని చెప్తాడు. దాంతో, “అదేంటి ముందు హీరో అలా అనుకున్నాడు కదా? మళ్లీ ఇలా అనడం ఏంటి?” అంటూ కామెంట్స్ వచ్చాయి. అందుకే పాత్రలు రూపొందించిన విధానం కూడా ఇంకా కొంచెం బాగుంటే సినిమా ఫలితం వేరేలా ఉండేదేమో అని అన్నారు.

#5 సినిమాలో కొన్ని సీన్స్ కూడా లాజిక్ కి సంబంధం లేకుండా ఉన్నాయి. కొన్ని ఫైటింగ్ సీన్స్ అయితే అసలు నిజ జీవితంలో అలాంటి జరుగుతాయా అని ఆశ్చర్యం కలిగించేలా ఉన్నాయి. సాధారణంగా సినిమా అన్న తర్వాత కమర్షియల్ అంశాలు ఉంటాయి. దాంతో ఫైటింగ్స్ కూడా కాస్త భారీగానే ఉంటాయి. కానీ ఇందులో మాత్రం ఇంకా కొంచెం ఎక్కువగా ఉన్నట్టు అనిపిస్తుంది.

ఈ విషయాలపై ప్రేక్షకులు కామెంట్స్ చేస్తున్నారు. వీటిలో కొంచెం జాగ్రత్త వహించి ఉంటే బాగుండేది అని అంటున్నారు. దాంతో సినిమాకి టాక్ మిక్స్డ్ గా వస్తోంది. ప్రస్తుతం అయితే ఈ సినిమా థియేటర్లలో నడుస్తోంది.